AN 1.21–30
Akammaniyavagga
Chưa có bản dịch tiếng Việt cho bài này. Bản dịch tiếng Anh của Tỳ-khưu Sujato được đặt cạnh để đối chiếu.
21
21
“Nāhaṁ, bhikkhave, aññaṁ ekadhammampi samanupassāmi yaṁ evaṁ abhāvitaṁ akammaniyaṁ hoti yathayidaṁ, bhikkhave, cittaṁ. Cittaṁ, bhikkhave, abhāvitaṁ akammaniyaṁ hotī”ti. Paṭhamaṁ.
“Mendicants, I do not see a single thing that is so unworkable as this mind that is not developed. An undeveloped mind is unworkable.”
22
22
“Nāhaṁ, bhikkhave, aññaṁ ekadhammampi samanupassāmi yaṁ evaṁ bhāvitaṁ kammaniyaṁ hoti yathayidaṁ, bhikkhave, cittaṁ. Cittaṁ, bhikkhave, bhāvitaṁ kammaniyaṁ hotī”ti. Dutiyaṁ.
“Mendicants, I do not see a single thing that is so workable as this mind that is developed A developed mind is workable.”
23
23
“Nāhaṁ, bhikkhave, aññaṁ ekadhammampi samanupassāmi yaṁ evaṁ abhāvitaṁ mahato anatthāya saṁvattati yathayidaṁ, bhikkhave, cittaṁ. Cittaṁ, bhikkhave, abhāvitaṁ mahato anatthāya saṁvattatī”ti. Tatiyaṁ.
“Mendicants, I do not see a single thing that is so very harmful as this mind that is not developed. An undeveloped mind is very harmful.”
24
24
“Nāhaṁ, bhikkhave, aññaṁ ekadhammampi samanupassāmi yaṁ evaṁ bhāvitaṁ mahato atthāya saṁvattati yathayidaṁ, bhikkhave, cittaṁ. Cittaṁ, bhikkhave, bhāvitaṁ mahato atthāya saṁvattatī”ti. Catutthaṁ.
“Mendicants, I do not see a single thing that is so very beneficial as this mind that is developed. A developed mind is very beneficial.”
25
25
“Nāhaṁ, bhikkhave, aññaṁ ekadhammampi samanupassāmi yaṁ evaṁ abhāvitaṁ apātubhūtaṁ mahato anatthāya saṁvattati yathayidaṁ, bhikkhave, cittaṁ. Cittaṁ, bhikkhave, abhāvitaṁ apātubhūtaṁ mahato anatthāya saṁvattatī”ti. Pañcamaṁ.
“Mendicants, I do not see a single thing that is so very harmful as this mind that is not developed or manifested. An undeveloped and unmanifested mind is very harmful.”
26
26
“Nāhaṁ, bhikkhave, aññaṁ ekadhammampi samanupassāmi yaṁ evaṁ bhāvitaṁ pātubhūtaṁ mahato atthāya saṁvattati yathayidaṁ, bhikkhave, cittaṁ. Cittaṁ, bhikkhave, bhāvitaṁ pātubhūtaṁ mahato atthāya saṁvattatī”ti. Chaṭṭhaṁ.
“Mendicants, I do not see a single thing that is so very beneficial as this mind that is developed and manifested. A developed and manifested mind is very beneficial.”
27
27
“Nāhaṁ, bhikkhave, aññaṁ ekadhammampi samanupassāmi yaṁ evaṁ abhāvitaṁ abahulīkataṁ mahato anatthāya saṁvattati yathayidaṁ, bhikkhave, cittaṁ. Cittaṁ, bhikkhave, abhāvitaṁ abahulīkataṁ mahato anatthāya saṁvattatī”ti. Sattamaṁ.
“Mendicants, I do not see a single thing that is so very harmful as this mind that is not developed and cultivated. An undeveloped and uncultivated mind is very harmful.”
28
28
“Nāhaṁ, bhikkhave, aññaṁ ekadhammampi samanupassāmi yaṁ evaṁ bhāvitaṁ bahulīkataṁ mahato atthāya saṁvattati yathayidaṁ, bhikkhave, cittaṁ. Cittaṁ, bhikkhave, bhāvitaṁ bahulīkataṁ mahato atthāya saṁvattatī”ti. Aṭṭhamaṁ.
“Mendicants, I do not see a single thing that is so very beneficial as this mind that is developed and cultivated. A developed and cultivated mind is very beneficial.”
29
29
“Nāhaṁ, bhikkhave, aññaṁ ekadhammampi samanupassāmi yaṁ evaṁ abhāvitaṁ abahulīkataṁ dukkhādhivahaṁ hoti yathayidaṁ, bhikkhave, cittaṁ. Cittaṁ, bhikkhave, abhāvitaṁ abahulīkataṁ dukkhādhivahaṁ hotī”ti. Navamaṁ.
“Mendicants, I do not see a single thing that brings such suffering as this mind that is not developed and cultivated. An undeveloped and uncultivated mind brings suffering.”
30
30
“Nāhaṁ, bhikkhave, aññaṁ ekadhammampi samanupassāmi yaṁ evaṁ bhāvitaṁ bahulīkataṁ sukhādhivahaṁ hoti yathayidaṁ, bhikkhave, cittaṁ. Cittaṁ, bhikkhave, bhāvitaṁ bahulīkataṁ sukhādhivahaṁ hotī”ti. Dasamaṁ. Akammaniyavaggo tatiyo.
“Mendicants, I do not see a single thing that brings such happiness as this mind that is developed and cultivated. A developed and cultivated mind brings happiness.”