Ariyapaccorohaṇīsutta

“Ariyaṁ vo, bhikkhave, paccorohaṇiṁ desessāmi. Taṁ suṇātha, sādhukaṁ manasi karotha, bhāsissāmī”ti. “Evaṁ, bhante”ti kho te bhikkhū bhagavato paccassosuṁ. Bhagavā etadavoca:

“Mendicants, I will teach you the noble descent. Listen and apply your mind well, I will speak.” “Yes, sir,” they replied. The Buddha said this:

“Katamā ca, bhikkhave, ariyā paccorohaṇī? Idha, bhikkhave, ariyasāvako iti paṭisañcikkhati: ‘pāṇātipātassa kho pāpako vipāko— diṭṭhe ceva dhamme abhisamparāyañcā’ti. So iti paṭisaṅkhāya pāṇātipātaṁ pajahati; pāṇātipātā paccorohati.

“And what, mendicants, is the noble descent? It’s when a noble disciple reflects: ‘Killing living creatures has a bad result in the present life and in lives to come.’ Reflecting like this, they give up killing living creatures, they descend from killing living creatures.

… ‘Adinnādānassa kho pāpako vipāko— diṭṭhe ceva dhamme abhisamparāyañcā’ti. So iti paṭisaṅkhāya adinnādānaṁ pajahati; adinnādānā paccorohati.

… ‘Stealing has a bad result in the present life and in lives to come.’ Reflecting like this, they give up stealing, they descend from stealing.

… ‘Kāmesumicchācārassa kho pāpako vipāko …pe… kāmesumicchācārā paccorohati.

… ‘Sexual misconduct has a bad result …’ … they descend from sexual misconduct.

… ‘Musāvādassa kho pāpako vipāko …pe… musāvādā paccorohati.

… ‘Lying has a bad result …’ … they descend from lying.

… ‘Pisuṇāya vācāya kho pāpako vipāko …pe… pisuṇāya vācāya paccorohati.

… ‘Backbiting has a bad result …’ … they descend from backbiting.

… ‘Pharusāya vācāya kho pāpako vipāko …pe… pharusāya vācāya paccorohati.

… ‘Harsh speech has a bad result …’ … they descend from harsh speech.

… ‘Samphappalāpassa kho pāpako vipāko …pe… samphappalāpā paccorohati.

… ‘Talking nonsense has a bad result …’ … they descend from talking nonsense.

… ‘Abhijjhāya kho pāpako vipāko …pe… abhijjhāya paccorohati.

… ‘Covetousness has a bad result …’ … they descend from covetousness.

… ‘Byāpādassa kho pāpako vipāko …pe… byāpādā paccorohati.

… ‘Ill will has a bad result …’ … they descend from ill will.

… ‘Micchādiṭṭhiyā kho pāpako vipāko diṭṭhe ceva dhamme abhisamparāyañcā’ti. So iti paṭisaṅkhāya micchādiṭṭhiṁ pajahati; micchādiṭṭhiyā paccorohati. Ayaṁ vuccati, bhikkhave, ariyā paccorohaṇī”ti. Dutiyaṁ.

… ‘Wrong view has a bad result both in the present life and in lives to come.’ Reflecting like this, they give up wrong view, they descend from wrong view. This is called the noble descent.”