AN 3.122
Moneyyasutta
Chưa có bản dịch tiếng Việt cho bài này. Bản dịch tiếng Anh của Tỳ-khưu Sujato được đặt cạnh để đối chiếu.
“Tīṇimāni, bhikkhave, moneyyāni. Katamāni tīṇi? Kāyamoneyyaṁ, vacīmoneyyaṁ, manomoneyyaṁ. Katamañca, bhikkhave, kāyamoneyyaṁ? Idha, bhikkhave, bhikkhu pāṇātipātā paṭivirato hoti, adinnādānā paṭivirato hoti, abrahmacariyā paṭivirato hoti. Idaṁ vuccati, bhikkhave, kāyamoneyyaṁ.
“Mendicants, there are these three kinds of sagacity. What three? Sagacity of body, speech, and mind. And what is sagacity of body? It’s when a mendicant doesn’t kill living creatures, steal, or have sex. This is called ‘sagacity of body’.
Katamañca, bhikkhave, vacīmoneyyaṁ? Idha, bhikkhave, bhikkhu musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti. Idaṁ vuccati, bhikkhave, vacīmoneyyaṁ.
And what is sagacity of speech? It’s when a mendicant doesn’t use speech that’s false, backbiting, harsh, or nonsensical. This is called ‘sagacity of speech’.
Katamañca, bhikkhave, manomoneyyaṁ? Idha, bhikkhave, bhikkhu āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati. Idaṁ vuccati, bhikkhave, manomoneyyaṁ. Imāni kho, bhikkhave, tīṇi moneyyānīti.
And what is sagacity of mind? It’s when a mendicant realizes the undefiled freedom of heart and freedom by wisdom. And they live having realized it with their own insight in this very life due to the ending of defilements. This is called ‘sagacity of mind’. These are the three kinds of sagacity.
Kāyamuniṁ vacīmuniṁ, cetomuniṁ anāsavaṁ; Muniṁ moneyyasampannaṁ, āhu sabbappahāyinan”ti. Dasamaṁ. Āpāyikavaggo dutiyo.
A sage in body, a sage in speech, a sage undefiled in heart; a sage, blessed with sagacity, has given up everything, they say.”