Sacchikaraṇīyasutta

“Cattārome, bhikkhave, sacchikaraṇīyā dhammā. Katame cattāro? Atthi, bhikkhave, dhammā kāyena sacchikaraṇīyā; atthi, bhikkhave, dhammā satiyā sacchikaraṇīyā; atthi, bhikkhave, dhammā cakkhunā sacchikaraṇīyā; atthi, bhikkhave, dhammā paññāya sacchikaraṇīyā. Katame ca, bhikkhave, dhammā kāyena sacchikaraṇīyā? Aṭṭha vimokkhā, bhikkhave, kāyena sacchikaraṇīyā.

“Mendicants, these four things should be realized. What four? There are things to be realized with direct meditative experience. There are things to be realized with recollection. There are things to be realized with vision. There are things to be realized with wisdom. What things are to be realized with direct meditative experience? The eight liberations.

Katame ca, bhikkhave, dhammā satiyā sacchikaraṇīyā? Pubbenivāso, bhikkhave, satiyā sacchikaraṇīyo.

What things are to be realized with recollection? Past lives.

Katame ca, bhikkhave, dhammā cakkhunā sacchikaraṇīyā? Sattānaṁ cutūpapāto, bhikkhave, cakkhunā sacchikaraṇīyo.

What things are to be realized with vision? The passing away and rebirth of sentient beings.

Katame ca, bhikkhave, dhammā paññāya sacchikaraṇīyā? Āsavānaṁ khayo, bhikkhave, paññāya sacchikaraṇīyo. Ime kho, bhikkhave, cattāro sacchikaraṇīyā dhammā”ti. Navamaṁ.

What things are to be realized with wisdom? The ending of defilements. These are the four things to be realized.”