Ja 260
Dūtajātaka
Chưa có bản dịch tiếng Việt cho bài này.
JātakaTikanipātaSaṅkappavagga10. Dūtajātaka
1
“Yassatthā dūramāyanti, amittamapi yācituṁ; Tassūdarassahaṁ dūto, mā me kujjha rathesabha”.
2
“Yassa divā ca ratto ca, vasamāyanti māṇavā; Tassūdarassahaṁ dūto, mā me kujjha rathesabha.
3
Dadāmi te brāhmaṇa rohiṇīnaṁ, Gavaṁ sahassaṁ saha puṅgavena; Dūto hi dūtassa kathaṁ na dajjaṁ, Mayampi tasseva bhavāma dūtā”ti.
4
Dūtajātakaṁ dasamaṁ. Saṅkappavaggo paṭhamo.
5
Tassuddānaṁ
6
Usukāravaro tilamuṭṭhi maṇi, Hayarāja vihaṅgama āsiviso; Janasandha kahāpaṇavassa puna, Tiriṭaṁ puna dūtavarena dasāti.