Patthana 16.58
Sanidassanattika, Āsavaduka
Chưa có bản dịch tiếng Việt cho bài này.
Anidassanaappaṭighaṁ āsavaṁ dhammaṁ paṭicca naanidassanaappaṭigho noāsavo dhammo uppajjati hetupaccayā. Anidassanaappaṭighaṁ āsavaṁ dhammaṁ paṭicca nasanidassanasappaṭigho noāsavo dhammo uppajjati hetupaccayā …pe… anidassanaappaṭighaṁ āsavaṁ dhammaṁ paṭicca nasanidassanasappaṭigho noāsavo ca naanidassanasappaṭigho noāsavo ca dhammā uppajjanti hetupaccayā. (Saṅkhittaṁ.) Hetuyā cha, ārammaṇe tīṇi …pe… avigate cha.
Anidassanaappaṭighaṁ noāsavaṁ dhammaṁ paṭicca nasanidassanasappaṭigho nanoāsavo dhammo uppajjati hetupaccayā. Anidassanaappaṭighaṁ noāsavaṁ dhammaṁ paṭicca naanidassanasappaṭigho nanoāsavo dhammo uppajjati hetupaccayā. Anidassanaappaṭighaṁ noāsavaṁ dhammaṁ paṭicca nasanidassanasappaṭigho nanoāsavo ca naanidassanasappaṭigho nanoāsavo ca dhammā uppajjanti hetupaccayā. (Saṅkhittaṁ.) Hetuyā tīṇi …pe… avigate tīṇi.