Patthana 16.85
Sanidassanattika, Pītisahagataduka
Chưa có bản dịch tiếng Việt cho bài này.
PaṭṭhānapakaraṇaDhammānulomapaccanīya (3), Tikadukapaṭṭhānapāḷi (4)16.85. Sanidassanattika, Pītisahagataduka
1
Anidassanaappaṭighaṁ pītisahagataṁ dhammaṁ paṭicca naanidassanaappaṭigho napītisahagato dhammo uppajjati hetupaccayā. Anidassanaappaṭighaṁ pītisahagataṁ dhammaṁ paṭicca nasanidassanasappaṭigho napītisahagato dhammo uppajjati hetupaccayā …pe… anidassanaappaṭighaṁ pītisahagataṁ dhammaṁ paṭicca nasanidassanasappaṭigho napītisahagato ca naanidassanasappaṭigho napītisahagato ca dhammā uppajjanti hetupaccayā. (Saṅkhittaṁ.) Hetuyā cha, ārammaṇe tīṇi …pe… avigate cha.
2
Anidassanaappaṭighaṁ napītisahagataṁ dhammaṁ paṭicca nasanidassanasappaṭigho nanapītisahagato dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.