Patthana 16.9
Kusalattika, Sappaṭighaduka
Chưa có bản dịch tiếng Việt cho bài này.
PaṭṭhānapakaraṇaDhammānulomapaccanīya (3), Tikadukapaṭṭhānapāḷi (4)16.9. Kusalattika, Sappaṭighaduka
1
Abyākataṁ sappaṭighaṁ dhammaṁ paṭicca nakusalo nasappaṭigho dhammo uppajjati hetupaccayā. Abyākataṁ sappaṭighaṁ dhammaṁ paṭicca naakusalo nasappaṭigho dhammo uppajjati hetupaccayā. Abyākataṁ sappaṭighaṁ dhammaṁ paṭicca nakusalo nasappaṭigho ca naakusalo nasappaṭigho ca dhammā uppajjanti hetupaccayā. Hetuyā tīṇi …pe… avigate tīṇi.
2
Kusalaṁ appaṭighena tīṇi. Akusalaṁ appaṭighena tīṇi. Abyākataṁ appaṭighena tīṇi. Kusalaṁ appaṭighañca abyākataṁ appaṭighañca tīṇi. Akusalaṁ appaṭighañca abyākataṁ appaṭighañca tīṇi. Hetuyā pannarasa …pe… aññamaññe tīṇi …pe… vipāke tīṇi …pe… avigate pannarasa.