Patthana 23.37
Ajjhattattika, Kusalattika
Chưa có bản dịch tiếng Việt cho bài này.
PaṭṭhānapakaraṇaDhammapaccanīyānuloma (4), Tikatikapaṭṭhānapāḷi (5)23.37. Ajjhattattika, Kusalattika
1
Naajjhattaṁ nakusalaṁ dhammaṁ paccayā bahiddhā kusalo dhammo uppajjati hetupaccayā. Nabahiddhā nakusalaṁ dhammaṁ paccayā ajjhatto kusalo dhammo uppajjati hetupaccayā. (Saṅkhittaṁ.) Hetuyā dve …pe… avigate dve.
2
Naajjhattaṁ naakusalaṁ dhammaṁ paccayā bahiddhā akusalo dhammo uppajjati hetupaccayā. Nabahiddhā naakusalaṁ dhammaṁ paccayā ajjhatto akusalo dhammo uppajjati hetupaccayā. (Saṅkhittaṁ.) Hetuyā dve …pe… avigate dve.
3
Naajjhattaṁ naabyākataṁ dhammaṁ paṭicca bahiddhā abyākato dhammo uppajjati hetupaccayā. Nabahiddhā naabyākataṁ dhammaṁ paṭicca ajjhatto abyākato dhammo uppajjati hetupaccayā. (Saṅkhittaṁ.) Hetuyā dve, adhipatiyā dve …pe… avigate dve.