Sagāthakasutta

Sāvatthiyaṁ viharati. “Dāruṇo, bhikkhave, lābhasakkārasiloko …pe… adhigamāya. Idhāhaṁ, bhikkhave, ekaccaṁ puggalaṁ passāmi sakkārena abhibhūtaṁ pariyādiṇṇacittaṁ, kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapannaṁ. Idha panāhaṁ, bhikkhave, ekaccaṁ puggalaṁ passāmi asakkārena abhibhūtaṁ pariyādiṇṇacittaṁ, kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapannaṁ. Idha panāhaṁ, bhikkhave, ekaccaṁ puggalaṁ passāmi sakkārena ca asakkārena ca tadubhayena abhibhūtaṁ pariyādiṇṇacittaṁ, kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapannaṁ. Evaṁ dāruṇo kho, bhikkhave, lābhasakkārasiloko …pe… evañhi vo, bhikkhave, sikkhitabban”ti.

At Sāvatthī. “Possessions, honor, and popularity are grim … Take a case where I see a certain individual whose mind is overcome and overwhelmed by honor. When their body broke up, after death, they were reborn in a place of loss, a bad place, the underworld, hell. Take another case where I see a certain individual whose mind is overcome and overwhelmed by lack of honor. When their body broke up, after death, they were reborn in a place of loss, a bad place, the underworld, hell. And take another case where I see a certain individual whose mind is overcome and overwhelmed by both honor and lack of honor. When their body broke up, after death, they were reborn in a place of loss, a bad place, the underworld, hell. So grim are possessions, honor, and popularity. …”

Idamavoca bhagavā. Idaṁ vatvāna sugato athāparaṁ etadavoca satthā:

That is what the Buddha said. Then the Holy One, the Teacher, went on to say:

“Yassa sakkariyamānassa, asakkārena cūbhayaṁ; Samādhi na vikampati, appamāṇavihārino.

“Whether they’re honored or not honored, or both, their immersion doesn’t waver as they abide in the immeasurables.

Taṁ jhāyinaṁ sātatikaṁ, sukhumaṁ diṭṭhivipassakaṁ; Upādānakkhayārāmaṁ, āhu sappuriso itī”ti. Dasamaṁ. Paṭhamo vaggo.

They persistently meditate with subtle view and discernment. Rejoicing in the ending of grasping, they’re said to be a true person.”

Dāruṇo baḷisaṁ kummaṁ, dīghalomi ca mīḷhakaṁ; Asani diddhaṁ siṅgālaṁ, verambhena sagāthakanti.