Tha Ap 231
Sukatāveḷiyattheraapadāna
Chưa có bản dịch tiếng Việt cho bài này.
TherāpadānaĀlambaṇadāyakavagga9 Sukatāveḷiyattheraapadāna
1
“Asito nāma nāmena, mālākāro ahaṁ tadā; Āveḷaṁ paggahetvāna, rañño dātuṁ vajāmahaṁ.
2
Asampattomhi rājānaṁ, addasaṁ sikhināyakaṁ; Haṭṭho haṭṭhena cittena, buddhassa abhiropayiṁ.
3
Ekattiṁse ito kappe, yaṁ pupphamabhipūjayiṁ; Duggatiṁ nābhijānāmi, buddhapūjāyidaṁ phalaṁ.
4
Pañcavīse ito kappe, rājāhosiṁ mahabbalo; Vebhāro nāma nāmena, cakkavattī mahabbalo.
5
Paṭisambhidā catasso, …pe… kataṁ buddhassa sāsanaṁ”.
6
Itthaṁ sudaṁ āyasmā sukatāveḷiyo thero imā gāthāyo abhāsitthāti.
7
Sukatāveḷiyattherassāpadānaṁ navamaṁ.