Tha Ap 373
Bodhivandakattheraapadāna
Chưa có bản dịch tiếng Việt cho bài này.
TherāpadānaBodhivandanavaggaBodhivandakattheraapadāna
1
“Pāṭaliṁ haritaṁ disvā, pādapaṁ dharaṇīruhaṁ; Ekaṁsaṁ añjaliṁ katvā, avandiṁ pāṭaliṁ ahaṁ.
2
Añjaliṁ paggahetvāna, garuṁ katvāna mānasaṁ; Antosuddhaṁ bahisuddhaṁ, suvimuttamanāsavaṁ.
3
Vipassiṁ lokamahitaṁ, karuṇāñāṇasāgaraṁ; Sammukhā viya sambuddhaṁ, avandiṁ pāṭaliṁ ahaṁ.
4
Ekanavutito kappe, yaṁ bodhimabhivandahaṁ; Duggatiṁ nābhijānāmi, vandanāya idaṁ phalaṁ.
5
Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.
6
Itthaṁ sudaṁ āyasmā bodhivandako thero imā gāthāyo abhāsitthāti.
7
Bodhivandakattherassāpadānaṁ paṭhamaṁ.