Tha Ap 519
Kuṭajapupphiyattheraapadāna
Chưa có bản dịch tiếng Việt cho bài này.
TherāpadānaPhaladāyakavaggaKuṭajapupphiyattheraapadāna
1
“Himavantassāvidūre, vasalo nāma pabbato; Buddho sudassano nāma, vasate pabbatantare.
2
Pupphaṁ hemavantaṁ gayha, vehāsaṁ agamāsahaṁ; Tatthaddasāsiṁ sambuddhaṁ, oghatiṇṇamanāsavaṁ.
3
Pupphaṁ kuṭajamādāya, sire katvāna añjaliṁ; Buddhassa abhiropesiṁ, sayambhussa mahesino.
4
Ekatiṁse ito kappe, yaṁ pupphamabhipūjayiṁ; Duggatiṁ nābhijānāmi, buddhapūjāyidaṁ phalaṁ.
5
Kilesā jhāpitā mayhaṁ, …pe… viharāmi anāsavo.
6
Svāgataṁ vata me āsi, …pe… kataṁ buddhassa sāsanaṁ.
7
Paṭisambhidā catasso, …pe… kataṁ buddhassa sāsanaṁ”.
8
Itthaṁ sudaṁ āyasmā kuṭajapupphiyo thero imā gāthāyo abhāsitthāti.
9
Kuṭajapupphiyattherassāpadānaṁ sattamaṁ.