Thag 5.2
Subhūtattheragāthā
Chưa có bản dịch tiếng Việt cho bài này.
Theragāthā 5.2PañcakanipātaPaṭhamavaggaSubhūtattheragāthā
1
“Ayoge yuñjamattānaṁ, puriso kiccamicchako; Carañce nādhigaccheyya, ‘taṁ me dubbhagalakkhaṇaṁ’.
2
Abbūḷhaṁ aghagataṁ vijitaṁ, Ekañce ossajeyya kalīva siyā; Sabbānipi ce ossajeyya andhova siyā, Samavisamassa adassanato.
3
Yañhi kayirā tañhi vade, yaṁ na kayirā na taṁ vade; Akarontaṁ bhāsamānaṁ, parijānanti paṇḍitā.
4
Yathāpi ruciraṁ pupphaṁ, vaṇṇavantaṁ agandhakaṁ; Evaṁ subhāsitā vācā, aphalā hoti akubbato.
5
Yathāpi ruciraṁ pupphaṁ, Vaṇṇavantaṁ sugandhakaṁ; Evaṁ subhāsitā vācā, Saphalā hoti kubbato”ti. … Subhūto thero ….