Thag 5.5
Vaḍḍhattheragāthā
Chưa có bản dịch tiếng Việt cho bài này.
Theragāthā 5.5PañcakanipātaPaṭhamavaggaVaḍḍhattheragāthā
1
“Sādhū hi kira me mātā, Patodaṁ upadaṁsayi; Yassāhaṁ vacanaṁ sutvā, Anusiṭṭho janettiyā; Āraddhavīriyo pahitatto, Patto sambodhimuttamaṁ.
2
Arahā dakkhiṇeyyomhi, tevijjo amataddaso; Jetvā namucino senaṁ, viharāmi anāsavo.
3
Ajjhattañca bahiddhā ca, ye me vijjiṁsu āsavā; Sabbe asesā ucchinnā, na ca uppajjare puna.
4
Visāradā kho bhaginī, etamatthaṁ abhāsayi; ‘Apihā nūna mayipi, vanatho te na vijjati’.
5
Pariyantakataṁ dukkhaṁ, antimoyaṁ samussayo; Jātimaraṇasaṁsāro, natthi dāni punabbhavo”ti. … Vaḍḍho thero ….