Uppādavāra

Yassa cakkhundriyaṁ uppajjati tassa sotindriyaṁ uppajjatīti?

Sacakkhukānaṁ asotakānaṁ upapajjantānaṁ tesaṁ cakkhundriyaṁ uppajjati, no ca tesaṁ sotindriyaṁ uppajjati. Sacakkhukānaṁ sasotakānaṁ upapajjantānaṁ tesaṁ cakkhundriyañca uppajjati sotindriyañca uppajjati.

Yassa vā pana sotindriyaṁ uppajjati tassa cakkhundriyaṁ uppajjatīti?

Sasotakānaṁ acakkhukānaṁ upapajjantānaṁ tesaṁ sotindriyaṁ uppajjati, no ca tesaṁ cakkhundriyaṁ uppajjati. Sasotakānaṁ sacakkhukānaṁ upapajjantānaṁ tesaṁ sotindriyañca uppajjati cakkhundriyañca uppajjati.

Yassa cakkhundriyaṁ uppajjati tassa ghānindriyaṁ uppajjatīti?

Sacakkhukānaṁ aghānakānaṁ upapajjantānaṁ tesaṁ cakkhundriyaṁ uppajjati, no ca tesaṁ ghānindriyaṁ uppajjati. Sacakkhukānaṁ saghānakānaṁ upapajjantānaṁ tesaṁ cakkhundriyañca uppajjati ghānindriyañca uppajjati.

Yassa vā pana ghānindriyaṁ uppajjati tassa cakkhundriyaṁ uppajjatīti?

Saghānakānaṁ acakkhukānaṁ upapajjantānaṁ tesaṁ ghānindriyaṁ uppajjati, no ca tesaṁ cakkhundriyaṁ uppajjati. Saghānakānaṁ sacakkhukānaṁ upapajjantānaṁ tesaṁ ghānindriyañca uppajjati cakkhundriyañca uppajjati.

Yassa cakkhundriyaṁ uppajjati tassa itthindriyaṁ uppajjatīti?

Sacakkhukānaṁ na itthīnaṁ upapajjantānaṁ tesaṁ cakkhundriyaṁ uppajjati, no ca tesaṁ itthindriyaṁ uppajjati. Sacakkhukānaṁ itthīnaṁ upapajjantīnaṁ tāsaṁ cakkhundriyañca uppajjati itthindriyañca uppajjati.

Yassa vā pana itthindriyaṁ uppajjati tassa cakkhundriyaṁ uppajjatīti?

Itthīnaṁ acakkhukānaṁ upapajjantīnaṁ tāsaṁ itthindriyaṁ uppajjati, no ca tāsaṁ cakkhundriyaṁ uppajjati. Itthīnaṁ sacakkhukānaṁ upapajjantīnaṁ tāsaṁ itthindriyañca uppajjati cakkhundriyañca uppajjati.

Yassa cakkhundriyaṁ uppajjati tassa purisindriyaṁ uppajjatīti?

Sacakkhukānaṁ na purisānaṁ upapajjantānaṁ tesaṁ cakkhundriyaṁ uppajjati, no ca tesaṁ purisindriyaṁ uppajjati. Sacakkhukānaṁ purisānaṁ upapajjantānaṁ tesaṁ cakkhundriyañca uppajjati purisindriyañca uppajjati.

Yassa vā pana purisindriyaṁ uppajjati tassa cakkhundriyaṁ uppajjatīti?

Purisānaṁ acakkhukānaṁ upapajjantānaṁ tesaṁ purisindriyaṁ uppajjati, no ca tesaṁ cakkhundriyaṁ uppajjati. Purisānaṁ sacakkhukānaṁ upapajjantānaṁ tesaṁ purisindriyañca uppajjati cakkhundriyañca uppajjati.

Yassa cakkhundriyaṁ uppajjati tassa jīvitindriyaṁ uppajjatīti? Āmantā.

Yassa vā pana jīvitindriyaṁ uppajjati tassa cakkhundriyaṁ uppajjatīti?

Acakkhukānaṁ upapajjantānaṁ tesaṁ jīvitindriyaṁ uppajjati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ jīvitindriyañca uppajjati cakkhundriyañca uppajjati.

Yassa cakkhundriyaṁ uppajjati tassa somanassindriyaṁ uppajjatīti?

Sacakkhukānaṁ vinā somanassena upapajjantānaṁ tesaṁ cakkhundriyaṁ uppajjati, no ca tesaṁ somanassindriyaṁ uppajjati. Sacakkhukānaṁ somanassena upapajjantānaṁ tesaṁ cakkhundriyañca uppajjati somanassindriyañca uppajjati.

Yassa vā pana somanassindriyaṁ uppajjati tassa cakkhundriyaṁ uppajjatīti? Āmantā.

Yassa cakkhundriyaṁ uppajjati tassa upekkhindriyaṁ uppajjatīti?

Sacakkhukānaṁ vinā upekkhāya upapajjantānaṁ tesaṁ cakkhundriyaṁ uppajjati, no ca tesaṁ upekkhindriyaṁ uppajjati. Sacakkhukānaṁ upekkhāya upapajjantānaṁ tesaṁ cakkhundriyañca uppajjati upekkhindriyañca uppajjati.

Yassa vā pana upekkhindriyaṁ uppajjati tassa cakkhundriyaṁ uppajjatīti?

Upekkhāya acakkhukānaṁ upapajjantānaṁ tesaṁ upekkhindriyaṁ uppajjati, no ca tesaṁ cakkhundriyaṁ uppajjati. Upekkhāya sacakkhukānaṁ upapajjantānaṁ tesaṁ upekkhindriyañca uppajjati cakkhundriyañca uppajjati.

Yassa cakkhundriyaṁ uppajjati tassa saddhindriyaṁ uppajjatīti?

Sacakkhukānaṁ ahetukānaṁ upapajjantānaṁ tesaṁ cakkhundriyaṁ uppajjati, no ca tesaṁ saddhindriyaṁ uppajjati. Sacakkhukānaṁ sahetukānaṁ upapajjantānaṁ tesaṁ cakkhundriyañca uppajjati saddhindriyañca uppajjati.

Yassa vā pana saddhindriyaṁ uppajjati tassa cakkhundriyaṁ uppajjatīti?

Sahetukānaṁ acakkhukānaṁ upapajjantānaṁ tesaṁ saddhindriyaṁ uppajjati, no ca tesaṁ cakkhundriyaṁ uppajjati. Sahetukānaṁ sacakkhukānaṁ upapajjantānaṁ tesaṁ saddhindriyañca uppajjati cakkhundriyañca uppajjati.

Yassa cakkhundriyaṁ uppajjati tassa paññindriyaṁ uppajjatīti?

Sacakkhukānaṁ ñāṇavippayuttānaṁ upapajjantānaṁ tesaṁ cakkhundriyaṁ uppajjati, no ca tesaṁ paññindriyaṁ uppajjati. Sacakkhukānaṁ ñāṇasampayuttānaṁ upapajjantānaṁ tesaṁ cakkhundriyañca uppajjati paññindriyañca uppajjati.

Yassa vā pana paññindriyaṁ uppajjati tassa cakkhundriyaṁ uppajjatīti?

Ñāṇasampayuttānaṁ acakkhukānaṁ upapajjantānaṁ tesaṁ paññindriyaṁ uppajjati, no ca tesaṁ cakkhundriyaṁ uppajjati. Ñāṇasampayuttānaṁ sacakkhukānaṁ upapajjantānaṁ tesaṁ paññindriyañca uppajjati cakkhundriyañca uppajjati.

Yassa cakkhundriyaṁ uppajjati tassa manindriyaṁ uppajjatīti? Āmantā.

Yassa vā pana manindriyaṁ uppajjati tassa cakkhundriyaṁ uppajjatīti?

Sacittakānaṁ acakkhukānaṁ upapajjantānaṁ tesaṁ manindriyaṁ uppajjati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ manindriyañca uppajjati cakkhundriyañca uppajjati. (Cakkhundriyamūlakaṁ.)

Yassa ghānindriyaṁ uppajjati tassa itthindriyaṁ uppajjatīti?

Saghānakānaṁ na itthīnaṁ upapajjantānaṁ tesaṁ ghānindriyaṁ uppajjati, no ca tesaṁ itthindriyaṁ uppajjati. Saghānakānaṁ itthīnaṁ upapajjantīnaṁ tāsaṁ ghānindriyañca uppajjati itthindriyañca uppajjati.

Yassa vā pana itthindriyaṁ uppajjati tassa ghānindriyaṁ uppajjatīti?

Itthīnaṁ aghānakānaṁ upapajjantīnaṁ tāsaṁ itthindriyaṁ uppajjati, no ca tāsaṁ ghānindriyaṁ uppajjati. Itthīnaṁ saghānakānaṁ upapajjantīnaṁ tāsaṁ itthindriyañca uppajjati ghānindriyañca uppajjati.

Yassa ghānindriyaṁ uppajjati tassa purisindriyaṁ uppajjatīti?

Saghānakānaṁ na purisānaṁ upapajjantānaṁ tesaṁ ghānindriyaṁ uppajjati, no ca tesaṁ purisindriyaṁ uppajjati. Saghānakānaṁ purisānaṁ upapajjantānaṁ tesaṁ ghānindriyañca uppajjati purisindriyañca uppajjati.

Yassa vā pana purisindriyaṁ uppajjati tassa ghānindriyaṁ uppajjatīti?

Purisānaṁ aghānakānaṁ upapajjantānaṁ tesaṁ purisindriyaṁ uppajjati, no ca tesaṁ ghānindriyaṁ uppajjati. Purisānaṁ saghānakānaṁ upapajjantānaṁ tesaṁ purisindriyañca uppajjati ghānindriyañca uppajjati.

Yassa ghānindriyaṁ uppajjati tassa jīvitindriyaṁ uppajjatīti? Āmantā.

Yassa vā pana jīvitindriyaṁ uppajjati tassa ghānindriyaṁ uppajjatīti?

Aghānakānaṁ upapajjantānaṁ tesaṁ jīvitindriyaṁ uppajjati, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ jīvitindriyañca uppajjati ghānindriyañca uppajjati.

Yassa ghānindriyaṁ uppajjati tassa somanassindriyaṁ uppajjatīti?

Saghānakānaṁ vinā somanassena upapajjantānaṁ tesaṁ ghānindriyaṁ uppajjati, no ca tesaṁ somanassindriyaṁ uppajjati. Saghānakānaṁ somanassena upapajjantānaṁ tesaṁ ghānindriyañca uppajjati somanassindriyañca uppajjati.

Yassa vā pana somanassindriyaṁ uppajjati tassa ghānindriyaṁ uppajjatīti?

Somanassena aghānakānaṁ upapajjantānaṁ tesaṁ somanassindriyaṁ uppajjati, no ca tesaṁ ghānindriyaṁ uppajjati. Somanassena saghānakānaṁ upapajjantānaṁ tesaṁ somanassindriyañca uppajjati ghānindriyañca uppajjati.

Yassa ghānindriyaṁ uppajjati tassa upekkhindriyaṁ uppajjatīti?

Saghānakānaṁ vinā upekkhāya upapajjantānaṁ tesaṁ ghānindriyaṁ uppajjati, no ca tesaṁ upekkhindriyaṁ uppajjati. Saghānakānaṁ upekkhāya upapajjantānaṁ tesaṁ ghānindriyañca uppajjati upekkhindriyañca uppajjati.

Yassa vā pana upekkhindriyaṁ uppajjati tassa ghānindriyaṁ uppajjatīti?

Upekkhāya aghānakānaṁ upapajjantānaṁ tesaṁ upekkhindriyaṁ uppajjati, no ca tesaṁ ghānindriyaṁ uppajjati. Upekkhāya saghānakānaṁ upapajjantānaṁ tesaṁ upekkhindriyañca uppajjati ghānindriyañca uppajjati.

Yassa ghānindriyaṁ uppajjati tassa saddhindriyaṁ uppajjatīti?

Saghānakānaṁ ahetukānaṁ upapajjantānaṁ tesaṁ ghānindriyaṁ uppajjati, no ca tesaṁ saddhindriyaṁ uppajjati. Saghānakānaṁ sahetukānaṁ upapajjantānaṁ tesaṁ ghānindriyañca uppajjati saddhindriyañca uppajjati.

Yassa vā pana saddhindriyaṁ uppajjati tassa ghānindriyaṁ uppajjatīti?

Sahetukānaṁ aghānakānaṁ upapajjantānaṁ tesaṁ saddhindriyaṁ uppajjati, no ca tesaṁ ghānindriyaṁ uppajjati. Sahetukānaṁ saghānakānaṁ upapajjantānaṁ tesaṁ saddhindriyañca uppajjati ghānindriyañca uppajjati.

Yassa ghānindriyaṁ uppajjati tassa paññindriyaṁ uppajjatīti?

Saghānakānaṁ ñāṇavippayuttānaṁ upapajjantānaṁ tesaṁ ghānindriyaṁ uppajjati, no ca tesaṁ paññindriyaṁ uppajjati. Saghānakānaṁ ñāṇasampayuttānaṁ upapajjantānaṁ tesaṁ ghānindriyañca uppajjati paññindriyañca uppajjati.

Yassa vā pana paññindriyaṁ uppajjati tassa ghānindriyaṁ uppajjatīti?

Ñāṇasampayuttānaṁ aghānakānaṁ upapajjantānaṁ tesaṁ paññindriyaṁ uppajjati, no ca tesaṁ ghānindriyaṁ uppajjati. Ñāṇasampayuttānaṁ saghānakānaṁ upapajjantānaṁ tesaṁ paññindriyañca uppajjati ghānindriyañca uppajjati.

Yassa ghānindriyaṁ uppajjati tassa manindriyaṁ uppajjatīti? Āmantā.

Yassa vā pana manindriyaṁ uppajjati tassa ghānindriyaṁ uppajjatīti?

Sacittakānaṁ aghānakānaṁ upapajjantānaṁ tesaṁ manindriyaṁ uppajjati, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ manindriyañca uppajjati ghānindriyañca uppajjati. (Ghānindriyamūlakaṁ.)

Yassa itthindriyaṁ uppajjati tassa purisindriyaṁ uppajjatīti? No.

Yassa vā pana purisindriyaṁ uppajjati tassa itthindriyaṁ uppajjatīti? No.

Yassa itthindriyaṁ uppajjati tassa jīvitindriyaṁ uppajjatīti? Āmantā.

Yassa vā pana jīvitindriyaṁ uppajjati tassa itthindriyaṁ uppajjatīti?

Na itthīnaṁ upapajjantānaṁ tesaṁ jīvitindriyaṁ uppajjati, no ca tesaṁ itthindriyaṁ uppajjati. Itthīnaṁ upapajjantīnaṁ tāsaṁ jīvitindriyañca uppajjati itthindriyañca uppajjati.

Yassa itthindriyaṁ uppajjati tassa somanassindriyaṁ uppajjatīti?

Itthīnaṁ vinā somanassena upapajjantīnaṁ tāsaṁ itthindriyaṁ uppajjati, no ca tāsaṁ somanassindriyaṁ uppajjati. Itthīnaṁ somanassena upapajjantīnaṁ tāsaṁ itthindriyañca uppajjati somanassindriyañca uppajjati.

Yassa vā pana somanassindriyaṁ uppajjati tassa itthindriyaṁ uppajjatīti?

Somanassena na itthīnaṁ upapajjantānaṁ tesaṁ somanassindriyaṁ uppajjati, no ca tesaṁ itthindriyaṁ uppajjati. Somanassena itthīnaṁ upapajjantīnaṁ tāsaṁ somanassindriyañca uppajjati itthindriyañca uppajjati.

Yassa itthindriyaṁ uppajjati tassa upekkhindriyaṁ uppajjatīti?

Itthīnaṁ vinā upekkhāya upapajjantīnaṁ tāsaṁ itthindriyaṁ uppajjati, no ca tāsaṁ upekkhindriyaṁ uppajjati. Itthīnaṁ upekkhāya upapajjantīnaṁ tāsaṁ itthindriyañca uppajjati upekkhindriyañca uppajjati.

Yassa vā pana upekkhindriyaṁ uppajjati tassa itthindriyaṁ uppajjatīti?

Upekkhāya na itthīnaṁ upapajjantānaṁ tesaṁ upekkhindriyaṁ uppajjati, no ca tesaṁ itthindriyaṁ uppajjati. Upekkhāya itthīnaṁ upapajjantīnaṁ tāsaṁ upekkhindriyañca uppajjati itthindriyañca uppajjati.

Yassa itthindriyaṁ uppajjati tassa saddhindriyaṁ uppajjatīti?

Itthīnaṁ ahetukānaṁ upapajjantīnaṁ tāsaṁ itthindriyaṁ uppajjati, no ca tāsaṁ saddhindriyaṁ uppajjati. Itthīnaṁ sahetukānaṁ upapajjantīnaṁ tāsaṁ itthindriyañca uppajjati saddhindriyañca uppajjati.

Yassa vā pana saddhindriyaṁ uppajjati tassa itthindriyaṁ uppajjatīti?

Sahetukānaṁ na itthīnaṁ upapajjantānaṁ tesaṁ saddhindriyaṁ uppajjati, no ca tesaṁ itthindriyaṁ uppajjati. Sahetukānaṁ itthīnaṁ upapajjantīnaṁ tāsaṁ saddhindriyañca uppajjati itthindriyañca uppajjati.

Yassa itthindriyaṁ uppajjati tassa paññindriyaṁ uppajjatīti?

Itthīnaṁ ñāṇavippayuttānaṁ upapajjantīnaṁ tāsaṁ itthindriyaṁ uppajjati, no ca tāsaṁ paññindriyaṁ uppajjati. Itthīnaṁ ñāṇasampayuttānaṁ upapajjantīnaṁ tāsaṁ itthindriyañca uppajjati paññindriyañca uppajjati.

Yassa vā pana paññindriyaṁ uppajjati tassa itthindriyaṁ uppajjatīti?

Ñāṇasampayuttānaṁ na itthīnaṁ upapajjantānaṁ tesaṁ paññindriyaṁ uppajjati, no ca tesaṁ itthindriyaṁ uppajjati. Ñāṇasampayuttānaṁ itthīnaṁ upapajjantīnaṁ tāsaṁ paññindriyañca uppajjati itthindriyañca uppajjati.

Yassa itthindriyaṁ uppajjati tassa manindriyaṁ uppajjatīti? Āmantā.

Yassa vā pana manindriyaṁ uppajjati tassa itthindriyaṁ uppajjatīti?

Sacittakānaṁ na itthīnaṁ upapajjantānaṁ tesaṁ manindriyaṁ uppajjati, no ca tesaṁ itthindriyaṁ uppajjati. Itthīnaṁ upapajjantīnaṁ tāsaṁ manindriyañca uppajjati itthindriyañca uppajjati. (Itthindriyamūlakaṁ.)

Yassa purisindriyaṁ uppajjati tassa jīvitindriyaṁ uppajjatīti? Āmantā.

Yassa vā pana jīvitindriyaṁ uppajjati tassa purisindriyaṁ uppajjatīti?

Na purisānaṁ upapajjantānaṁ tesaṁ jīvitindriyaṁ uppajjati, no ca tesaṁ purisindriyaṁ uppajjati. Purisānaṁ upapajjantānaṁ tesaṁ jīvitindriyañca uppajjati purisindriyañca uppajjati.

Yassa purisindriyaṁ uppajjati tassa somanassindriyaṁ uppajjatīti?

Purisānaṁ vinā somanassena upapajjantānaṁ tesaṁ purisindriyaṁ uppajjati, no ca tesaṁ somanassindriyaṁ uppajjati. Purisānaṁ somanassena upapajjantānaṁ tesaṁ purisindriyañca uppajjati somanassindriyañca uppajjati.

Yassa vā pana somanassindriyaṁ uppajjati tassa purisindriyaṁ uppajjatīti?

Somanassena na purisānaṁ upapajjantānaṁ tesaṁ somanassindriyaṁ uppajjati, no ca tesaṁ purisindriyaṁ uppajjati. Somanassena purisānaṁ upapajjantānaṁ tesaṁ somanassindriyañca uppajjati purisindriyañca uppajjati.

Yassa purisindriyaṁ uppajjati tassa upekkhindriyaṁ uppajjatīti?

Purisānaṁ vinā upekkhāya upapajjantānaṁ tesaṁ purisindriyaṁ uppajjati, no ca tesaṁ upekkhindriyaṁ uppajjati. Purisānaṁ upekkhāya upapajjantānaṁ tesaṁ purisindriyañca uppajjati upekkhindriyañca uppajjati.

Yassa vā pana upekkhindriyaṁ uppajjati tassa purisindriyaṁ uppajjatīti?

Upekkhāya na purisānaṁ upapajjantānaṁ tesaṁ upekkhindriyaṁ uppajjati, no ca tesaṁ purisindriyaṁ uppajjati. Upekkhāya purisānaṁ upapajjantānaṁ tesaṁ upekkhindriyañca uppajjati purisindriyañca uppajjati.

Yassa purisindriyaṁ uppajjati tassa saddhindriyaṁ uppajjatīti?

Purisānaṁ ahetukānaṁ upapajjantānaṁ tesaṁ purisindriyaṁ uppajjati, no ca tesaṁ saddhindriyaṁ uppajjati. Purisānaṁ sahetukānaṁ upapajjantānaṁ tesaṁ purisindriyañca uppajjati saddhindriyañca uppajjati.

Yassa vā pana saddhindriyaṁ uppajjati tassa purisindriyaṁ uppajjatīti?

Sahetukānaṁ na purisānaṁ upapajjantānaṁ tesaṁ saddhindriyaṁ uppajjati, no ca tesaṁ purisindriyaṁ uppajjati. Sahetukānaṁ purisānaṁ upapajjantānaṁ tesaṁ saddhindriyañca uppajjati purisindriyañca uppajjati.

Yassa purisindriyaṁ uppajjati tassa paññindriyaṁ uppajjatīti?

Purisānaṁ ñāṇavippayuttānaṁ upapajjantānaṁ tesaṁ purisindriyaṁ uppajjati, no ca tesaṁ paññindriyaṁ uppajjati. Purisānaṁ ñāṇasampayuttānaṁ upapajjantānaṁ tesaṁ purisindriyañca uppajjati paññindriyañca uppajjati.

Yassa vā pana paññindriyaṁ uppajjati tassa purisindriyaṁ uppajjatīti?

Ñāṇasampayuttānaṁ na purisānaṁ upapajjantānaṁ tesaṁ paññindriyaṁ uppajjati, no ca tesaṁ purisindriyaṁ uppajjati. Ñāṇasampayuttānaṁ purisānaṁ upapajjantānaṁ tesaṁ paññindriyañca uppajjati purisindriyañca uppajjati.

Yassa purisindriyaṁ uppajjati tassa manindriyaṁ uppajjatīti? Āmantā.

Yassa vā pana manindriyaṁ uppajjati tassa purisindriyaṁ uppajjatīti?

Sacittakānaṁ na purisānaṁ upapajjantānaṁ tesaṁ manindriyaṁ uppajjati, no ca tesaṁ purisindriyaṁ uppajjati. Purisānaṁ upapajjantānaṁ tesaṁ manindriyañca uppajjati purisindriyañca uppajjati. (Purisindriyamūlakaṁ.)

Yassa jīvitindriyaṁ uppajjati tassa somanassindriyaṁ uppajjatīti?

Vinā somanassena upapajjantānaṁ pavatte somanassavippayuttacittassa uppādakkhaṇe tesaṁ jīvitindriyaṁ uppajjati, no ca tesaṁ somanassindriyaṁ uppajjati. Somanassena upapajjantānaṁ pavatte somanassasampayuttacittassa uppādakkhaṇe tesaṁ jīvitindriyañca uppajjati somanassindriyañca uppajjati.

Yassa vā pana somanassindriyaṁ uppajjati tassa jīvitindriyaṁ uppajjatīti? Āmantā.

Yassa jīvitindriyaṁ uppajjati tassa upekkhindriyaṁ uppajjatīti?

Vinā upekkhāya upapajjantānaṁ pavatte upekkhāvippayuttacittassa uppādakkhaṇe tesaṁ jīvitindriyaṁ uppajjati, no ca tesaṁ upekkhindriyaṁ uppajjati. Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ jīvitindriyañca uppajjati upekkhindriyañca uppajjati.

Yassa vā pana upekkhindriyaṁ uppajjati tassa jīvitindriyaṁ uppajjatīti? Āmantā.

Yassa jīvitindriyaṁ uppajjati tassa saddhindriyaṁ uppajjatīti?

Ahetukānaṁ upapajjantānaṁ pavatte saddhāvippayuttacittassa uppādakkhaṇe tesaṁ jīvitindriyaṁ uppajjati, no ca tesaṁ saddhindriyaṁ uppajjati. Sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ jīvitindriyañca uppajjati saddhindriyañca uppajjati.

Yassa vā pana saddhindriyaṁ uppajjati tassa jīvitindriyaṁ uppajjatīti? Āmantā.

Yassa jīvitindriyaṁ uppajjati tassa paññindriyaṁ uppajjatīti?

Ñāṇavippayuttānaṁ upapajjantānaṁ pavatte ñāṇavippayuttacittassa uppādakkhaṇe tesaṁ jīvitindriyaṁ uppajjati, no ca tesaṁ paññindriyaṁ uppajjati. Ñāṇasampayuttānaṁ upapajjantānaṁ pavatte ñāṇasampayuttacittassa uppādakkhaṇe tesaṁ jīvitindriyañca uppajjati paññindriyañca uppajjati.

Yassa vā pana paññindriyaṁ uppajjati tassa jīvitindriyaṁ uppajjatīti? Āmantā.

Yassa jīvitindriyaṁ uppajjati tassa manindriyaṁ uppajjatīti?

Acittakānaṁ upapajjantānaṁ tesaṁ jīvitindriyaṁ uppajjati, no ca tesaṁ manindriyaṁ uppajjati. Sacittakānaṁ upapajjantānaṁ pavatte cittassa uppādakkhaṇe tesaṁ jīvitindriyañca uppajjati manindriyañca uppajjati.

Yassa vā pana manindriyaṁ uppajjati tassa jīvitindriyaṁ uppajjatīti? Āmantā. (Jīvitindriyamūlakaṁ.)

Yassa somanassindriyaṁ uppajjati tassa upekkhindriyaṁ uppajjatīti? No.

Yassa vā pana upekkhindriyaṁ uppajjati tassa somanassindriyaṁ uppajjatīti? No.

Yassa somanassindriyaṁ uppajjati tassa saddhindriyaṁ uppajjatīti?

Pavatte somanassasampayuttasaddhāvippayuttacittassa uppādakkhaṇe tesaṁ somanassindriyaṁ uppajjati, no ca tesaṁ saddhindriyaṁ uppajjati. Somanassena upapajjantānaṁ pavatte somanassasampayuttasaddhāsampayuttacittassa uppādakkhaṇe tesaṁ somanassindriyañca uppajjati saddhindriyañca uppajjati.

Yassa vā pana saddhindriyaṁ uppajjati tassa somanassindriyaṁ uppajjatīti?

Sahetukānaṁ vinā somanassena upapajjantānaṁ pavatte saddhāsampayuttasomanassavippayuttacittassa uppādakkhaṇe tesaṁ saddhindriyaṁ uppajjati, no ca tesaṁ somanassindriyaṁ uppajjati. Somanassena upapajjantānaṁ pavatte saddhāsampayuttasomanassasampayuttacittassa uppādakkhaṇe tesaṁ saddhindriyañca uppajjati somanassindriyañca uppajjati.

Yassa somanassindriyaṁ uppajjati tassa paññindriyaṁ uppajjatīti?

Somanassena ñāṇavippayuttānaṁ upapajjantānaṁ pavatte somanassasampayuttañāṇavippayuttacittassa uppādakkhaṇe tesaṁ somanassindriyaṁ uppajjati, no ca tesaṁ paññindriyaṁ uppajjati. Somanassena ñāṇasampayuttānaṁ upapajjantānaṁ pavatte somanassasampayuttañāṇasampayuttacittassa uppādakkhaṇe tesaṁ somanassindriyañca uppajjati paññindriyañca uppajjati.

Yassa vā pana paññindriyaṁ uppajjati tassa somanassindriyaṁ uppajjatīti?

Ñāṇasampayuttānaṁ vinā somanassena upapajjantānaṁ pavatte ñāṇasampayuttasomanassavippayuttacittassa uppādakkhaṇe tesaṁ paññindriyaṁ uppajjati, no ca tesaṁ somanassindriyaṁ uppajjati. Ñāṇasampayuttānaṁ somanassena upapajjantānaṁ pavatte ñāṇasampayuttasomanassasampayuttacittassa uppādakkhaṇe tesaṁ paññindriyañca uppajjati somanassindriyañca uppajjati.

Yassa somanassindriyaṁ uppajjati tassa manindriyaṁ uppajjatīti? Āmantā.

Yassa vā pana manindriyaṁ uppajjati tassa somanassindriyaṁ uppajjatīti?

Sacittakānaṁ vinā somanassena upapajjantānaṁ pavatte somanassavippayuttacittassa uppādakkhaṇe tesaṁ manindriyaṁ uppajjati, no ca tesaṁ somanassindriyaṁ uppajjati. Somanassena upapajjantānaṁ pavatte somanassasampayuttacittassa uppādakkhaṇe tesaṁ manindriyañca uppajjati somanassindriyañca uppajjati. (Somanassindriyamūlakaṁ.)

Yassa upekkhindriyaṁ uppajjati tassa saddhindriyaṁ uppajjatīti?

Upekkhāya ahetukānaṁ upapajjantānaṁ pavatte upekkhāsampayuttasaddhāvippayuttacittassa uppādakkhaṇe tesaṁ upekkhindriyaṁ uppajjati, no ca tesaṁ saddhindriyaṁ uppajjati. Upekkhāya sahetukānaṁ upapajjantānaṁ pavatte upekkhāsampayuttasaddhāsampayuttacittassa uppādakkhaṇe tesaṁ upekkhindriyañca uppajjati saddhindriyañca uppajjati.

Yassa vā pana saddhindriyaṁ uppajjati tassa upekkhindriyaṁ uppajjatīti?

Sahetukānaṁ vinā upekkhāya upapajjantānaṁ pavatte saddhāsampayuttaupekkhāvippayuttacittassa uppādakkhaṇe tesaṁ saddhindriyaṁ uppajjati, no ca tesaṁ upekkhindriyaṁ uppajjati. Sahetukānaṁ upekkhāya upapajjantānaṁ pavatte saddhāsampayuttaupekkhāsampayuttacittassa uppādakkhaṇe tesaṁ saddhindriyañca uppajjati upekkhindriyañca uppajjati.

Yassa upekkhindriyaṁ uppajjati tassa paññindriyaṁ uppajjatīti?

Upekkhāya ñāṇavippayuttānaṁ upapajjantānaṁ pavatte upekkhāsampayuttañāṇavippayuttacittassa uppādakkhaṇe tesaṁ upekkhindriyaṁ uppajjati, no ca tesaṁ paññindriyaṁ uppajjati. Upekkhāya ñāṇasampayuttānaṁ upapajjantānaṁ pavatte upekkhāsampayuttañāṇasampayuttacittassa uppādakkhaṇe tesaṁ upekkhindriyañca uppajjati paññindriyañca uppajjati.

Yassa vā pana paññindriyaṁ uppajjati tassa upekkhindriyaṁ uppajjatīti?

Ñāṇasampayuttānaṁ vinā upekkhāya upapajjantānaṁ pavatte ñāṇasampayuttaupekkhāvippayuttacittassa uppādakkhaṇe tesaṁ paññindriyaṁ uppajjati, no ca tesaṁ upekkhindriyaṁ uppajjati. Ñāṇasampayuttānaṁ upekkhāya upapajjantānaṁ pavatte ñāṇasampayuttaupekkhāsampayuttacittassa uppādakkhaṇe tesaṁ paññindriyañca uppajjati upekkhindriyañca uppajjati.

Yassa upekkhindriyaṁ uppajjati tassa manindriyaṁ uppajjatīti? Āmantā.

Yassa vā pana manindriyaṁ uppajjati tassa upekkhindriyaṁ uppajjatīti?

Sacittakānaṁ vinā upekkhāya upapajjantānaṁ pavatte upekkhāvippayuttacittassa uppādakkhaṇe tesaṁ manindriyaṁ uppajjati, no ca tesaṁ upekkhindriyaṁ uppajjati. Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ manindriyañca uppajjati upekkhindriyañca uppajjati. (Upekkhindriyamūlakaṁ.)

Yassa saddhindriyaṁ uppajjati tassa paññindriyaṁ uppajjatīti?

Sahetukānaṁ ñāṇavippayuttānaṁ upapajjantānaṁ pavatte saddhāsampayuttañāṇavippayuttacittassa uppādakkhaṇe tesaṁ saddhindriyaṁ uppajjati, no ca tesaṁ paññindriyaṁ uppajjati. Sahetukānaṁ ñāṇasampayuttānaṁ upapajjantānaṁ pavatte saddhāsampayuttañāṇasampayuttacittassa uppādakkhaṇe tesaṁ saddhindriyañca uppajjati paññindriyañca uppajjati.

Yassa vā pana paññindriyaṁ uppajjati tassa saddhindriyaṁ uppajjatīti? Āmantā.

Yassa saddhindriyaṁ uppajjati tassa manindriyaṁ uppajjatīti? Āmantā.

Yassa vā pana manindriyaṁ uppajjati tassa saddhindriyaṁ uppajjatīti?

Sacittakānaṁ ahetukānaṁ upapajjantānaṁ pavatte saddhāvippayuttacittassa uppādakkhaṇe tesaṁ manindriyaṁ uppajjati, no ca tesaṁ saddhindriyaṁ uppajjati. Sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ manindriyañca uppajjati saddhindriyañca uppajjati. (Saddhindriyamūlakaṁ.)

Yassa paññindriyaṁ uppajjati tassa manindriyaṁ uppajjatīti? Āmantā.

Yassa vā pana manindriyaṁ uppajjati tassa paññindriyaṁ uppajjatīti?

Sacittakānaṁ ñāṇavippayuttānaṁ upapajjantānaṁ pavatte ñāṇavippayuttacittassa uppādakkhaṇe tesaṁ manindriyaṁ uppajjati, no ca tesaṁ paññindriyaṁ uppajjati. Ñāṇasampayuttānaṁ upapajjantānaṁ pavatte ñāṇasampayuttacittassa uppādakkhaṇe tesaṁ manindriyañca uppajjati paññindriyañca uppajjati. (Paññindriyamūlakaṁ.)

Yattha cakkhundriyaṁ uppajjati tattha sotindriyaṁ uppajjatīti? Āmantā.

Yattha vā pana sotindriyaṁ uppajjati tattha cakkhundriyaṁ uppajjatīti? Āmantā.

Yattha cakkhundriyaṁ uppajjati tattha ghānindriyaṁ uppajjatīti?

Rūpāvacare tattha cakkhundriyaṁ uppajjati, no ca tattha ghānindriyaṁ uppajjati. Kāmāvacare tattha cakkhundriyañca uppajjati ghānindriyañca uppajjati.

Yattha vā pana ghānindriyaṁ uppajjati tattha cakkhundriyaṁ uppajjatīti? Āmantā.

Yattha cakkhundriyaṁ uppajjati tattha itthindriyaṁ …pe… purisindriyaṁ uppajjatīti?

Rūpāvacare tattha cakkhundriyaṁ uppajjati, no ca tattha purisindriyaṁ uppajjati. Kāmāvacare tattha cakkhundriyañca uppajjati purisindriyañca uppajjati.

Yattha vā pana purisindriyaṁ uppajjati tattha cakkhundriyaṁ uppajjatīti? Āmantā.

Yattha cakkhundriyaṁ uppajjati tattha jīvitindriyaṁ uppajjatīti? Āmantā.

Yattha vā pana jīvitindriyaṁ uppajjati tattha cakkhundriyaṁ uppajjatīti?

Asaññasatte arūpe tattha jīvitindriyaṁ uppajjati, no ca tattha cakkhundriyaṁ uppajjati. Pañcavokāre tattha jīvitindriyañca uppajjati cakkhundriyañca uppajjati.

Yattha cakkhundriyaṁ uppajjati tattha somanassindriyaṁ uppajjatīti? Āmantā.

Yattha vā pana somanassindriyaṁ uppajjati tattha cakkhundriyaṁ uppajjatīti? Āmantā.

Yattha cakkhundriyaṁ uppajjati tattha upekkhindriyaṁ uppajjatīti? Āmantā.

Yattha vā pana upekkhindriyaṁ uppajjati tattha cakkhundriyaṁ uppajjatīti?

Arūpe tattha upekkhindriyaṁ uppajjati, no ca tattha cakkhundriyaṁ uppajjati. Pañcavokāre tattha upekkhindriyañca uppajjati cakkhundriyañca uppajjati.

Yattha cakkhundriyaṁ uppajjati tattha saddhindriyaṁ …pe… paññindriyaṁ …pe… manindriyaṁ uppajjatīti? Āmantā.

Yattha vā pana manindriyaṁ uppajjati tattha cakkhundriyaṁ uppajjatīti?

Arūpe tattha manindriyaṁ uppajjati, no ca tattha cakkhundriyaṁ uppajjati. Pañcavokāre tattha manindriyañca uppajjati cakkhundriyañca uppajjati. (Cakkhundriyamūlakaṁ.)

Yattha ghānindriyaṁ uppajjati tattha itthindriyaṁ …pe… purisindriyaṁ uppajjatīti? Āmantā.

Yattha vā pana purisindriyaṁ uppajjati tattha ghānindriyaṁ uppajjatīti? Āmantā.

Yattha ghānindriyaṁ uppajjati tattha jīvitindriyaṁ uppajjatīti? Āmantā.

Yattha vā pana jīvitindriyaṁ uppajjati tattha ghānindriyaṁ uppajjatīti?

Rūpāvacare arūpāvacare tattha jīvitindriyaṁ uppajjati, no ca tattha ghānindriyaṁ uppajjati. Kāmāvacare tattha jīvitindriyañca uppajjati ghānindriyañca uppajjati.

Yattha ghānindriyaṁ uppajjati tattha somanassindriyaṁ uppajjatīti? Āmantā.

Yattha vā pana somanassindriyaṁ uppajjati tattha ghānindriyaṁ uppajjatīti?

Rūpāvacare tattha somanassindriyaṁ uppajjati, no ca tattha ghānindriyaṁ uppajjati. Kāmāvacare tattha somanassindriyañca uppajjati ghānindriyañca uppajjati.

Yattha ghānindriyaṁ uppajjati tattha upekkhindriyaṁ uppajjatīti? Āmantā.

Yattha vā pana upekkhindriyaṁ uppajjati tattha ghānindriyaṁ uppajjatīti?

Rūpāvacare arūpāvacare tattha upekkhindriyaṁ uppajjati, no ca tattha ghānindriyaṁ uppajjati. Kāmāvacare tattha upekkhindriyañca uppajjati ghānindriyañca uppajjati.

Yattha ghānindriyaṁ uppajjati tattha saddhindriyaṁ …pe… paññindriyaṁ …pe… manindriyaṁ uppajjatīti? Āmantā.

Yattha vā pana manindriyaṁ uppajjati tattha ghānindriyaṁ uppajjatīti?

Rūpāvacare arūpāvacare tattha manindriyaṁ uppajjati, no ca tattha ghānindriyaṁ uppajjati. Kāmāvacare tattha manindriyañca uppajjati ghānindriyañca uppajjati. (Ghānindriyamūlakaṁ.)

Yattha itthindriyaṁ uppajjati tattha purisindriyaṁ uppajjatīti? Āmantā.

Yattha vā pana purisindriyaṁ uppajjati tattha itthindriyaṁ uppajjatīti? Āmantā …pe….

Yattha purisindriyaṁ uppajjati tattha jīvitindriyaṁ uppajjatīti? Āmantā.

Yattha vā pana jīvitindriyaṁ uppajjati tattha purisindriyaṁ uppajjatīti?

Rūpāvacare arūpāvacare tattha jīvitindriyaṁ uppajjati, no ca tattha purisindriyaṁ uppajjati. Kāmāvacare tattha jīvitindriyañca uppajjati purisindriyañca uppajjati.

Yattha purisindriyaṁ uppajjati tattha somanassindriyaṁ uppajjatīti? Āmantā.

Yattha vā pana somanassindriyaṁ uppajjati tattha purisindriyaṁ uppajjatīti?

Rūpāvacare tattha somanassindriyaṁ uppajjati, no ca tattha purisindriyaṁ uppajjati. Kāmāvacare tattha somanassindriyañca uppajjati purisindriyañca uppajjati.

Yattha purisindriyaṁ uppajjati tattha upekkhindriyaṁ uppajjatīti? Āmantā.

Yattha vā pana upekkhindriyaṁ uppajjati tattha purisindriyaṁ uppajjatīti?

Rūpāvacare arūpāvacare tattha upekkhindriyaṁ uppajjati, no ca tattha purisindriyaṁ uppajjati. Kāmāvacare tattha upekkhindriyañca uppajjati purisindriyañca uppajjati.

Yattha purisindriyaṁ uppajjati tattha saddhindriyaṁ …pe… paññindriyaṁ …pe… manindriyaṁ uppajjatīti? Āmantā.

Yattha vā pana manindriyaṁ uppajjati tattha purisindriyaṁ uppajjatīti?

Rūpāvacare arūpāvacare tattha manindriyaṁ uppajjati, no ca tattha purisindriyaṁ uppajjati. Kāmāvacare tattha manindriyañca uppajjati purisindriyañca uppajjati. (Purisindriyamūlakaṁ.)

Yattha jīvitindriyaṁ uppajjati tattha somanassindriyaṁ uppajjatīti?

Asaññasatte tattha jīvitindriyaṁ uppajjati, no ca tattha somanassindriyaṁ uppajjati. Catuvokāre pañcavokāre tattha jīvitindriyañca uppajjati somanassindriyañca uppajjati.

Yattha vā pana somanassindriyaṁ uppajjati tattha jīvitindriyaṁ uppajjatīti? Āmantā.

Yattha jīvitindriyaṁ uppajjati tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ uppajjatīti?

Asaññasatte tattha jīvitindriyaṁ uppajjati, no ca tattha manindriyaṁ uppajjati. Catuvokāre pañcavokāre tattha jīvitindriyañca uppajjati manindriyañca uppajjati.

Yattha vā pana manindriyaṁ uppajjati tattha jīvitindriyaṁ uppajjatīti? Āmantā. (Jīvitindriyamūlakaṁ.)

Yattha somanassindriyaṁ uppajjati tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ uppajjatīti? Āmantā.

Yattha vā pana manindriyaṁ uppajjati tattha somanassindriyaṁ uppajjatīti? Āmantā. (Somanassindriyamūlakaṁ.)

Yattha upekkhindriyaṁ uppajjati tattha saddhindriyaṁ …pe… paññindriyaṁ …pe… manindriyaṁ uppajjatīti? Āmantā.

Yattha vā pana manindriyaṁ uppajjati tattha upekkhindriyaṁ uppajjatīti? Āmantā. (Upekkhindriyamūlakaṁ.)

Yattha saddhindriyaṁ uppajjati tattha paññindriyaṁ uppajjatīti? Āmantā.

Yattha vā pana paññindriyaṁ uppajjati tattha saddhindriyaṁ uppajjatīti? Āmantā.

Yattha saddhindriyaṁ uppajjati tattha manindriyaṁ uppajjatīti? Āmantā.

Yattha vā pana manindriyaṁ uppajjati tattha saddhindriyaṁ uppajjatīti? Āmantā. (Saddhindriyamūlakaṁ.)

Yattha paññindriyaṁ uppajjati tattha manindriyaṁ uppajjatīti? Āmantā.

Yattha vā pana manindriyaṁ uppajjati tattha paññindriyaṁ uppajjatīti? Āmantā. (Paññindriyamūlakaṁ.)

Yassa yattha cakkhundriyaṁ uppajjati tassa tattha sotindriyaṁ uppajjatīti?

Sacakkhukānaṁ asotakānaṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha sotindriyaṁ uppajjati. Sacakkhukānaṁ sasotakānaṁ upapajjantānaṁ tesaṁ tattha cakkhundriyañca uppajjati sotindriyañca uppajjati.

Yassa vā pana yattha sotindriyaṁ uppajjati tassa tattha cakkhundriyaṁ uppajjatīti?

Sasotakānaṁ acakkhukānaṁ upapajjantānaṁ tesaṁ tattha sotindriyaṁ uppajjati, no ca tesaṁ tattha cakkhundriyaṁ uppajjati. Sasotakānaṁ sacakkhukānaṁ upapajjantānaṁ tesaṁ tattha sotindriyañca uppajjati cakkhundriyañca uppajjati.

Yassa yattha cakkhundriyaṁ uppajjati tassa tattha ghānindriyaṁ uppajjatīti?

Sacakkhukānaṁ aghānakānaṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha ghānindriyaṁ uppajjati. Sacakkhukānaṁ saghānakānaṁ upapajjantānaṁ tesaṁ tattha cakkhundriyañca uppajjati ghānindriyañca uppajjati.

Yassa vā pana yattha ghānindriyaṁ uppajjati tassa tattha cakkhundriyaṁ uppajjatīti?

Saghānakānaṁ acakkhukānaṁ upapajjantānaṁ tesaṁ tattha ghānindriyaṁ uppajjati, no ca tesaṁ tattha cakkhundriyaṁ uppajjati. Saghānakānaṁ sacakkhukānaṁ upapajjantānaṁ tesaṁ tattha ghānindriyañca uppajjati cakkhundriyañca uppajjati.

Yassa yattha cakkhundriyaṁ uppajjati tassa tattha itthindriyaṁ uppajjatīti?

Sacakkhukānaṁ na itthīnaṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha itthindriyaṁ uppajjati. Sacakkhukānaṁ itthīnaṁ upapajjantīnaṁ tāsaṁ tattha cakkhundriyañca uppajjati itthindriyañca uppajjati.

Yassa vā pana yattha itthindriyaṁ uppajjati tassa tattha cakkhundriyaṁ uppajjatīti?

Itthīnaṁ acakkhukānaṁ upapajjantīnaṁ tāsaṁ tattha itthindriyaṁ uppajjati, no ca tāsaṁ tattha cakkhundriyaṁ uppajjati. Itthīnaṁ sacakkhukānaṁ upapajjantīnaṁ tāsaṁ tattha itthindriyañca uppajjati cakkhundriyañca uppajjati.

Yassa yattha cakkhundriyaṁ uppajjati tassa tattha purisindriyaṁ uppajjatīti?

Sacakkhukānaṁ na purisānaṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha purisindriyaṁ uppajjati. Sacakkhukānaṁ purisānaṁ upapajjantānaṁ tesaṁ tattha cakkhundriyañca uppajjati purisindriyañca uppajjati.

Yassa vā pana yattha purisindriyaṁ uppajjati tassa tattha cakkhundriyaṁ uppajjatīti?

Purisānaṁ acakkhukānaṁ upapajjantānaṁ tesaṁ tattha purisindriyaṁ uppajjati, no ca tesaṁ tattha cakkhundriyaṁ uppajjati. Purisānaṁ sacakkhukānaṁ upapajjantānaṁ tesaṁ tattha purisindriyañca uppajjati cakkhundriyañca uppajjati.

Yassa yattha cakkhundriyaṁ uppajjati tassa tattha jīvitindriyaṁ uppajjatīti? Āmantā.

Yassa vā pana yattha jīvitindriyaṁ uppajjati tassa tattha cakkhundriyaṁ uppajjatīti?

Acakkhukānaṁ upapajjantānaṁ tesaṁ tattha jīvitindriyaṁ uppajjati, no ca tesaṁ tattha cakkhundriyaṁ uppajjati. Sacakkhukānaṁ upapajjantānaṁ tesaṁ tattha jīvitindriyañca uppajjati cakkhundriyañca uppajjati.

Yassa yattha cakkhundriyaṁ uppajjati tassa tattha somanassindriyaṁ uppajjatīti?

Sacakkhukānaṁ vinā somanassena upapajjantānaṁ tesaṁ tattha cakkhundriyaṁ uppajjati, no ca tesaṁ tattha somanassindriyaṁ uppajjati. Sacakkhukānaṁ somanassena upapajjantānaṁ tesaṁ tattha cakkhundriyañca uppajjati somanassindriyañca uppajjati.

Yassa vā pana yattha somanassindriyaṁ uppajjati tassa tattha cakkhundriyaṁ uppajjatīti? Āmantā.

Yassa yattha cakkhundriyaṁ uppajjati tassa tattha upekkhindriyaṁ uppajjatīti?

Sacakkhukānaṁ vinā upekkhāya upapajjantānaṁ tesaṁ tattha cakkhundriyaṁ uppajjati, no ca tesaṁ tattha upekkhindriyaṁ uppajjati. Sacakkhukānaṁ upekkhāya upapajjantānaṁ tesaṁ tattha cakkhundriyañca uppajjati upekkhindriyañca uppajjati.

Yassa vā pana yattha upekkhindriyaṁ uppajjati tassa tattha cakkhundriyaṁ uppajjatīti?

Upekkhāya acakkhukānaṁ upapajjantānaṁ tesaṁ tattha upekkhindriyaṁ uppajjati, no ca tesaṁ tattha cakkhundriyaṁ uppajjati. Upekkhāya sacakkhukānaṁ upapajjantānaṁ tesaṁ tattha upekkhindriyañca uppajjati cakkhundriyañca uppajjati.

Yassa yattha cakkhundriyaṁ uppajjati tassa tattha saddhindriyaṁ uppajjatīti?

Sacakkhukānaṁ ahetukānaṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha saddhindriyaṁ uppajjati. Sacakkhukānaṁ sahetukānaṁ upapajjantānaṁ tesaṁ tattha cakkhundriyañca uppajjati saddhindriyañca uppajjati.

Yassa vā pana yattha saddhindriyaṁ uppajjati tassa tattha cakkhundriyaṁ uppajjatīti?

Sahetukānaṁ acakkhukānaṁ upapajjantānaṁ tesaṁ tattha saddhindriyaṁ uppajjati, no ca tesaṁ tattha cakkhundriyaṁ uppajjati. Sahetukānaṁ sacakkhukānaṁ upapajjantānaṁ tesaṁ tattha saddhindriyañca uppajjati cakkhundriyañca uppajjati.

Yassa yattha cakkhundriyaṁ uppajjati tassa tattha paññindriyaṁ uppajjatīti?

Sacakkhukānaṁ ñāṇavippayuttānaṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha paññindriyaṁ uppajjati. Sacakkhukānaṁ ñāṇasampayuttānaṁ upapajjantānaṁ tesaṁ tattha cakkhundriyañca uppajjati paññindriyañca uppajjati.

Yassa vā pana yattha paññindriyaṁ uppajjati tassa tattha cakkhundriyaṁ uppajjatīti?

Ñāṇasampayuttānaṁ acakkhukānaṁ upapajjantānaṁ tesaṁ tattha paññindriyaṁ uppajjati, no ca tesaṁ tattha cakkhundriyaṁ uppajjati. Ñāṇasampayuttānaṁ sacakkhukānaṁ upapajjantānaṁ tesaṁ tattha paññindriyañca uppajjati cakkhundriyañca uppajjati.

Yassa yattha cakkhundriyaṁ uppajjati tassa tattha manindriyaṁ uppajjatīti? Āmantā.

Yassa vā pana yattha manindriyaṁ uppajjati tassa tattha cakkhundriyaṁ uppajjatīti?

Sacittakānaṁ acakkhukānaṁ upapajjantānaṁ tesaṁ tattha manindriyaṁ uppajjati, no ca tesaṁ tattha cakkhundriyaṁ uppajjati. Sacakkhukānaṁ upapajjantānaṁ tesaṁ tattha manindriyañca uppajjati cakkhundriyañca uppajjati. (Cakkhundriyamūlakaṁ.)

Yassa yattha ghānindriyaṁ uppajjati tassa tattha itthindriyaṁ uppajjatīti?

Saghānakānaṁ na itthīnaṁ upapajjantānaṁ tesaṁ tattha ghānindriyaṁ uppajjati, no ca tesaṁ tattha itthindriyaṁ uppajjati. Saghānakānaṁ itthīnaṁ upapajjantīnaṁ tāsaṁ tattha ghānindriyañca uppajjati itthindriyañca uppajjati.

Yassa vā pana yattha itthindriyaṁ uppajjati tassa tattha ghānindriyaṁ uppajjatīti?

Itthīnaṁ aghānakānaṁ upapajjantīnaṁ tāsaṁ tattha itthindriyaṁ uppajjati, no ca tāsaṁ tattha ghānindriyaṁ uppajjati. Itthīnaṁ saghānakānaṁ upapajjantīnaṁ tāsaṁ tattha itthindriyañca uppajjati ghānindriyañca uppajjati.

Yassa yattha ghānindriyaṁ uppajjati tassa tattha purisindriyaṁ uppajjatīti?

Saghānakānaṁ na purisānaṁ upapajjantānaṁ tesaṁ tattha ghānindriyaṁ uppajjati, no ca tesaṁ tattha purisindriyaṁ uppajjati. Saghānakānaṁ purisānaṁ upapajjantānaṁ tesaṁ tattha ghānindriyañca uppajjati purisindriyañca uppajjati.

Yassa vā pana yattha purisindriyaṁ uppajjati tassa tattha ghānindriyaṁ uppajjatīti?

Purisānaṁ aghānakānaṁ upapajjantānaṁ tesaṁ tattha purisindriyaṁ uppajjati, no ca tesaṁ tattha ghānindriyaṁ uppajjati. Purisānaṁ saghānakānaṁ upapajjantānaṁ tesaṁ tattha purisindriyañca uppajjati ghānindriyañca uppajjati.

Yassa yattha ghānindriyaṁ uppajjati tassa tattha jīvitindriyaṁ uppajjatīti? Āmantā.

Yassa vā pana yattha jīvitindriyaṁ uppajjati tassa tattha ghānindriyaṁ uppajjatīti?

Aghānakānaṁ upapajjantānaṁ tesaṁ tattha jīvitindriyaṁ uppajjati, no ca tesaṁ tattha ghānindriyaṁ uppajjati. Saghānakānaṁ upapajjantānaṁ tesaṁ tattha jīvitindriyañca uppajjati ghānindriyañca uppajjati.

Yassa yattha ghānindriyaṁ uppajjati tassa tattha somanassindriyaṁ uppajjatīti?

Saghānakānaṁ vinā somanassena upapajjantānaṁ tesaṁ tattha ghānindriyaṁ uppajjati, no ca tesaṁ tattha somanassindriyaṁ uppajjati. Saghānakānaṁ somanassena upapajjantānaṁ tesaṁ tattha ghānindriyañca uppajjati somanassindriyañca uppajjati.

Yassa vā pana yattha somanassindriyaṁ uppajjati tassa tattha ghānindriyaṁ uppajjatīti?

Somanassena aghānakānaṁ upapajjantānaṁ tesaṁ tattha somanassindriyaṁ uppajjati, no ca tesaṁ tattha ghānindriyaṁ uppajjati. Somanassena saghānakānaṁ upapajjantānaṁ tesaṁ tattha somanassindriyañca uppajjati ghānindriyañca uppajjati.

Yassa yattha ghānindriyaṁ uppajjati tassa tattha upekkhindriyaṁ uppajjatīti?

Saghānakānaṁ vinā upekkhāya upapajjantānaṁ tesaṁ tattha ghānindriyaṁ uppajjati, no ca tesaṁ tattha upekkhindriyaṁ uppajjati. Saghānakānaṁ upekkhāya upapajjantānaṁ tesaṁ tattha ghānindriyañca uppajjati upekkhindriyañca uppajjati.

Yassa vā pana yattha upekkhindriyaṁ uppajjati tassa tattha ghānindriyaṁ uppajjatīti?

Upekkhāya aghānakānaṁ upapajjantānaṁ tesaṁ tattha upekkhindriyaṁ uppajjati, no ca tesaṁ tattha ghānindriyaṁ uppajjati. Upekkhāya saghānakānaṁ upapajjantānaṁ tesaṁ tattha upekkhindriyañca uppajjati ghānindriyañca uppajjati.

Yassa yattha ghānindriyaṁ uppajjati tassa tattha saddhindriyaṁ uppajjatīti?

Saghānakānaṁ ahetukānaṁ upapajjantānaṁ tesaṁ tattha ghānindriyaṁ uppajjati, no ca tesaṁ tattha saddhindriyaṁ uppajjati. Saghānakānaṁ sahetukānaṁ upapajjantānaṁ tesaṁ tattha ghānindriyañca uppajjati saddhindriyañca uppajjati.

Yassa vā pana yattha saddhindriyaṁ uppajjati tassa tattha ghānindriyaṁ uppajjatīti?

Sahetukānaṁ aghānakānaṁ upapajjantānaṁ tesaṁ tattha saddhindriyaṁ uppajjati, no ca tesaṁ tattha ghānindriyaṁ uppajjati. Sahetukānaṁ saghānakānaṁ upapajjantānaṁ tesaṁ tattha saddhindriyañca uppajjati ghānindriyañca uppajjati.

Yassa yattha ghānindriyaṁ uppajjati tassa tattha paññindriyaṁ uppajjatīti?

Saghānakānaṁ ñāṇavippayuttānaṁ upapajjantānaṁ tesaṁ tattha ghānindriyaṁ uppajjati, no ca tesaṁ tattha paññindriyaṁ uppajjati. Saghānakānaṁ ñāṇasampayuttānaṁ upapajjantānaṁ tesaṁ tattha ghānindriyañca uppajjati paññindriyañca uppajjati.

Yassa vā pana yattha paññindriyaṁ uppajjati tassa tattha ghānindriyaṁ uppajjatīti?

Ñāṇasampayuttānaṁ aghānakānaṁ upapajjantānaṁ tesaṁ tattha paññindriyaṁ uppajjati, no ca tesaṁ tattha ghānindriyaṁ uppajjati. Ñāṇasampayuttānaṁ saghānakānaṁ upapajjantānaṁ tesaṁ tattha paññindriyañca uppajjati ghānindriyañca uppajjati.

Yassa yattha ghānindriyaṁ uppajjati tassa tattha manindriyaṁ uppajjatīti? Āmantā.

Yassa vā pana yattha manindriyaṁ uppajjati tassa tattha ghānindriyaṁ uppajjatīti?

Sacittakānaṁ aghānakānaṁ upapajjantānaṁ tesaṁ tattha manindriyaṁ uppajjati, no ca tesaṁ tattha ghānindriyaṁ uppajjati. Saghānakānaṁ upapajjantānaṁ tesaṁ tattha manindriyañca uppajjati ghānindriyañca uppajjati. (Ghānindriyamūlakaṁ.)

Yassa yattha itthindriyaṁ uppajjati tassa tattha purisindriyaṁ uppajjatīti? No.

Yassa vā pana yattha purisindriyaṁ uppajjati tassa tattha itthindriyaṁ uppajjatīti? No.

Yassa yattha itthindriyaṁ uppajjati tassa tattha jīvitindriyaṁ uppajjatīti? Āmantā.

Yassa vā pana yattha jīvitindriyaṁ uppajjati tassa tattha itthindriyaṁ uppajjatīti?

Na itthīnaṁ upapajjantānaṁ tesaṁ tattha jīvitindriyaṁ uppajjati, no ca tesaṁ tattha itthindriyaṁ uppajjati. Itthīnaṁ upapajjantīnaṁ tāsaṁ tattha jīvitindriyañca uppajjati itthindriyañca uppajjati.

Yassa yattha itthindriyaṁ uppajjati tassa tattha somanassindriyaṁ uppajjatīti?

Itthīnaṁ vinā somanassena upapajjantīnaṁ tāsaṁ tattha itthindriyaṁ uppajjati, no ca tāsaṁ tattha somanassindriyaṁ uppajjati. Itthīnaṁ somanassena upapajjantīnaṁ tāsaṁ tattha itthindriyañca uppajjati somanassindriyañca uppajjati.

Yassa vā pana yattha somanassindriyaṁ uppajjati tassa tattha itthindriyaṁ uppajjatīti?

Somanassena na itthīnaṁ upapajjantānaṁ tesaṁ tattha somanassindriyaṁ uppajjati, no ca tesaṁ tattha itthindriyaṁ uppajjati. Somanassena itthīnaṁ upapajjantīnaṁ tāsaṁ tattha somanassindriyañca uppajjati itthindriyañca uppajjati.

Yassa yattha itthindriyaṁ uppajjati tassa tattha upekkhindriyaṁ uppajjatīti?

Itthīnaṁ vinā upekkhāya upapajjantīnaṁ tāsaṁ tattha itthindriyaṁ uppajjati, no ca tāsaṁ tattha upekkhindriyaṁ uppajjati. Itthīnaṁ upekkhāya upapajjantīnaṁ tāsaṁ tattha itthindriyañca uppajjati upekkhindriyañca uppajjati.

Yassa vā pana yattha upekkhindriyaṁ uppajjati tassa tattha itthindriyaṁ uppajjatīti?

Upekkhāya na itthīnaṁ upapajjantānaṁ tesaṁ tattha upekkhindriyaṁ uppajjati, no ca tesaṁ tattha itthindriyaṁ uppajjati. Upekkhāya itthīnaṁ upapajjantīnaṁ tāsaṁ tattha upekkhindriyañca uppajjati itthindriyañca uppajjati.

Yassa yattha itthindriyaṁ uppajjati tassa tattha saddhindriyaṁ uppajjatīti?

Itthīnaṁ ahetukānaṁ upapajjantīnaṁ tāsaṁ tattha itthindriyaṁ uppajjati, no ca tāsaṁ tattha saddhindriyaṁ uppajjati. Itthīnaṁ sahetukānaṁ upapajjantīnaṁ tāsaṁ tattha itthindriyañca uppajjati saddhindriyañca uppajjati.

Yassa vā pana yattha saddhindriyaṁ uppajjati tassa tattha itthindriyaṁ uppajjatīti?

Sahetukānaṁ na itthīnaṁ upapajjantānaṁ tesaṁ tattha saddhindriyaṁ uppajjati, no ca tesaṁ tattha itthindriyaṁ uppajjati. Sahetukānaṁ itthīnaṁ upapajjantīnaṁ tāsaṁ tattha saddhindriyañca uppajjati itthindriyañca uppajjati.

Yassa yattha itthindriyaṁ uppajjati tassa tattha paññindriyaṁ uppajjatīti?

Itthīnaṁ ñāṇavippayuttānaṁ upapajjantīnaṁ tāsaṁ tattha itthindriyaṁ uppajjati, no ca tāsaṁ tattha paññindriyaṁ uppajjati. Itthīnaṁ ñāṇasampayuttānaṁ uppajjantīnaṁ tāsaṁ tattha itthindriyañca uppajjati paññindriyañca uppajjati.

Yassa vā pana yattha paññindriyaṁ uppajjati tassa tattha itthindriyaṁ uppajjatīti?

Ñāṇasampayuttānaṁ na itthīnaṁ upapajjantānaṁ tesaṁ tattha paññindriyaṁ uppajjati, no ca tesaṁ tattha itthindriyaṁ uppajjati. Ñāṇasampayuttānaṁ itthīnaṁ upapajjantīnaṁ tāsaṁ tattha paññindriyañca uppajjati itthindriyañca uppajjati.

Yassa yattha itthindriyaṁ uppajjati tassa tattha manindriyaṁ uppajjatīti? Āmantā.

Yassa vā pana yattha manindriyaṁ uppajjati tassa tattha itthindriyaṁ uppajjatīti?

Sacittakānaṁ na itthīnaṁ upapajjantānaṁ tesaṁ tattha manindriyaṁ uppajjati, no ca tesaṁ tattha itthindriyaṁ uppajjati. Itthīnaṁ upapajjantīnaṁ tāsaṁ tattha manindriyañca uppajjati itthindriyañca uppajjati. (Itthindriyamūlakaṁ.)

Yassa yattha purisindriyaṁ uppajjati tassa tattha jīvitindriyaṁ uppajjatīti? Āmantā.

Yassa vā pana yattha jīvitindriyaṁ uppajjati tassa tattha purisindriyaṁ uppajjatīti?

Na purisānaṁ upapajjantānaṁ tesaṁ tattha jīvitindriyaṁ uppajjati, no ca tesaṁ tattha purisindriyaṁ uppajjati. Purisānaṁ upapajjantānaṁ tesaṁ tattha jīvitindriyañca uppajjati purisindriyañca uppajjati.

Yassa yattha purisindriyaṁ uppajjati tassa tattha somanassindriyaṁ uppajjatīti?

Purisānaṁ vinā somanassena upapajjantānaṁ tesaṁ tattha purisindriyaṁ uppajjati, no ca tesaṁ tattha somanassindriyaṁ uppajjati. Purisānaṁ somanassena upapajjantānaṁ tesaṁ tattha purisindriyañca uppajjati somanassindriyañca uppajjati.

Yassa vā pana yattha somanassindriyaṁ uppajjati tassa tattha purisindriyaṁ uppajjatīti?

Somanassena na purisānaṁ upapajjantānaṁ tesaṁ tattha somanassindriyaṁ uppajjati, no ca tesaṁ tattha purisindriyaṁ uppajjati. Somanassena purisānaṁ upapajjantānaṁ tesaṁ tattha somanassindriyañca uppajjati purisindriyañca uppajjati.

Yassa yattha purisindriyaṁ uppajjati tassa tattha upekkhindriyaṁ uppajjatīti?

Purisānaṁ vinā upekkhāya upapajjantānaṁ tesaṁ tattha purisindriyaṁ uppajjati, no ca tesaṁ tattha upekkhindriyaṁ uppajjati. Purisānaṁ upekkhāya upapajjantānaṁ tesaṁ tattha purisindriyañca uppajjati upekkhindriyañca uppajjati.

Yassa vā pana yattha upekkhindriyaṁ uppajjati tassa tattha purisindriyaṁ uppajjatīti?

Upekkhāya na purisānaṁ upapajjantānaṁ tesaṁ tattha upekkhindriyaṁ uppajjati, no ca tesaṁ tattha purisindriyaṁ uppajjati. Upekkhāya purisānaṁ upapajjantānaṁ tesaṁ tattha upekkhindriyañca uppajjati purisindriyañca uppajjati.

Yassa yattha purisindriyaṁ uppajjati tassa tattha saddhindriyaṁ uppajjatīti?

Purisānaṁ ahetukānaṁ upapajjantānaṁ tesaṁ tattha purisindriyaṁ uppajjati, no ca tesaṁ tattha saddhindriyaṁ uppajjati. Purisānaṁ sahetukānaṁ upapajjantānaṁ tesaṁ tattha purisindriyañca uppajjati saddhindriyañca uppajjati.

Yassa vā pana yattha saddhindriyaṁ uppajjati tassa tattha purisindriyaṁ uppajjatīti?

Sahetukānaṁ na purisānaṁ upapajjantānaṁ tesaṁ tattha saddhindriyaṁ uppajjati, no ca tesaṁ tattha purisindriyaṁ uppajjati. Sahetukānaṁ purisānaṁ upapajjantānaṁ tesaṁ tattha saddhindriyañca uppajjati purisindriyañca uppajjati.

Yassa yattha purisindriyaṁ uppajjati tassa tattha paññindriyaṁ uppajjatīti?

Purisānaṁ ñāṇavippayuttānaṁ upapajjantānaṁ tesaṁ tattha purisindriyaṁ uppajjati, no ca tesaṁ tattha paññindriyaṁ uppajjati. Purisānaṁ ñāṇasampayuttānaṁ upapajjantānaṁ tesaṁ tattha purisindriyañca uppajjati paññindriyañca uppajjati.

Yassa vā pana yattha paññindriyaṁ uppajjati tassa tattha purisindriyaṁ uppajjatīti?

Ñāṇasampayuttānaṁ na purisānaṁ upapajjantānaṁ tesaṁ tattha paññindriyaṁ uppajjati, no ca tesaṁ tattha purisindriyaṁ uppajjati. Ñāṇasampayuttānaṁ purisānaṁ upapajjantānaṁ tesaṁ tattha paññindriyañca uppajjati purisindriyañca uppajjati.

Yassa yattha purisindriyaṁ uppajjati tassa tattha manindriyaṁ uppajjatīti? Āmantā.

Yassa vā pana yattha manindriyaṁ uppajjati tassa tattha purisindriyaṁ uppajjatīti?

Sacittakānaṁ na purisānaṁ upapajjantānaṁ tesaṁ tattha manindriyaṁ uppajjati, no ca tesaṁ tattha purisindriyaṁ uppajjati. Purisānaṁ upapajjantānaṁ tesaṁ tattha manindriyañca uppajjati purisindriyañca uppajjati. (Purisindriyamūlakaṁ.)

Yassa yattha jīvitindriyaṁ uppajjati tassa tattha somanassindriyaṁ uppajjatīti?

Vinā somanassena upapajjantānaṁ pavatte somanassavippayuttacittassa uppādakkhaṇe tesaṁ tattha jīvitindriyaṁ uppajjati, no ca tesaṁ tattha somanassindriyaṁ uppajjati. Somanassena upapajjantānaṁ pavatte somanassasampayuttacittassa uppādakkhaṇe tesaṁ tattha jīvitindriyañca uppajjati somanassindriyañca uppajjati.

Yassa vā pana yattha somanassindriyaṁ uppajjati tassa tattha jīvitindriyaṁ uppajjatīti? Āmantā.

Yassa yattha jīvitindriyaṁ uppajjati tassa tattha upekkhindriyaṁ uppajjatīti?

Vinā upekkhāya upapajjantānaṁ pavatte upekkhāvippayuttacittassa uppādakkhaṇe tesaṁ tattha jīvitindriyaṁ uppajjati, no ca tesaṁ tattha upekkhindriyaṁ uppajjati. Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ tattha jīvitindriyañca uppajjati upekkhindriyañca uppajjati.

Yassa vā pana yattha upekkhindriyaṁ uppajjati tassa tattha jīvitindriyaṁ uppajjatīti? Āmantā.

Yassa yattha jīvitindriyaṁ uppajjati tassa tattha saddhindriyaṁ uppajjatīti?

Ahetukānaṁ upapajjantānaṁ pavatte saddhāvippayuttacittassa uppādakkhaṇe tesaṁ tattha jīvitindriyaṁ uppajjati, no ca tesaṁ tattha saddhindriyaṁ uppajjati. Sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ tattha jīvitindriyañca uppajjati saddhindriyañca uppajjati.

Yassa vā pana yattha saddhindriyaṁ uppajjati tassa tattha jīvitindriyaṁ uppajjatīti? Āmantā.

Yassa yattha jīvitindriyaṁ uppajjati tassa tattha paññindriyaṁ uppajjatīti?

Ñāṇavippayuttānaṁ upapajjantānaṁ pavatte ñāṇavippayuttacittassa uppādakkhaṇe tesaṁ tattha jīvitindriyaṁ uppajjati, no ca tesaṁ tattha paññindriyaṁ uppajjati. Ñāṇasampayuttānaṁ upapajjantānaṁ pavatte ñāṇasampayuttacittassa uppādakkhaṇe tesaṁ tattha jīvitindriyañca uppajjati paññindriyañca uppajjati.

Yassa vā pana yattha paññindriyaṁ uppajjati tassa tattha jīvitindriyaṁ uppajjatīti? Āmantā.

Yassa yattha jīvitindriyaṁ uppajjati tassa tattha manindriyaṁ uppajjatīti?

Acittakānaṁ upapajjantānaṁ tesaṁ tattha jīvitindriyaṁ uppajjati, no ca tesaṁ tattha manindriyaṁ uppajjati. Sacittakānaṁ upapajjantānaṁ pavatte cittassa uppādakkhaṇe tesaṁ tattha jīvitindriyañca uppajjati manindriyañca uppajjati.

Yassa vā pana yattha manindriyaṁ uppajjati tassa tattha jīvitindriyaṁ uppajjatīti? Āmantā. (Jīvitindriyamūlakaṁ.)

Yassa yattha somanassindriyaṁ uppajjati tassa tattha upekkhindriyaṁ uppajjatīti? No.

Yassa vā pana yattha upekkhindriyaṁ uppajjati tassa tattha somanassindriyaṁ uppajjatīti? No.

Yassa yattha somanassindriyaṁ uppajjati tassa tattha saddhindriyaṁ uppajjatīti?

Pavatte somanassasampayuttasaddhāvippayuttacittassa uppādakkhaṇe tesaṁ tattha somanassindriyaṁ uppajjati, no ca tesaṁ tattha saddhindriyaṁ uppajjati. Somanassena upapajjantānaṁ pavatte somanassasampayuttasaddhāsampayuttacittassa uppādakkhaṇe tesaṁ tattha somanassindriyañca uppajjati saddhindriyañca uppajjati.

Yassa vā pana yattha saddhindriyaṁ uppajjati tassa tattha somanassindriyaṁ uppajjatīti?

Sahetukānaṁ vinā somanassena upapajjantānaṁ pavatte saddhāsampayuttasomanassavippayuttacittassa uppādakkhaṇe tesaṁ tattha saddhindriyaṁ uppajjati, no ca tesaṁ tattha somanassindriyaṁ uppajjati. Somanassena upapajjantānaṁ pavatte saddhāsampayuttasomanassasampayuttacittassa uppādakkhaṇe tesaṁ tattha saddhindriyañca uppajjati somanassindriyañca uppajjati.

Yassa yattha somanassindriyaṁ uppajjati tassa tattha paññindriyaṁ uppajjatīti?

Somanassena ñāṇavippayuttānaṁ upapajjantānaṁ pavatte somanassasampayuttañāṇavippayuttacittassa uppādakkhaṇe tesaṁ tattha somanassindriyaṁ uppajjati, no ca tesaṁ tattha paññindriyaṁ uppajjati. Somanassena ñāṇasampayuttānaṁ upapajjantānaṁ pavatte somanassasampayuttañāṇasampayuttacittassa uppādakkhaṇe tesaṁ tattha somanassindriyañca uppajjati paññindriyañca uppajjati.

Yassa vā pana yattha paññindriyaṁ uppajjati tassa tattha somanassindriyaṁ uppajjatīti?

Ñāṇasampayuttānaṁ vinā somanassena upapajjantānaṁ pavatte ñāṇasampayuttasomanassavippayuttacittassa uppādakkhaṇe tesaṁ tattha paññindriyaṁ uppajjati, no ca tesaṁ tattha somanassindriyaṁ uppajjati. Ñāṇasampayuttānaṁ somanassena upapajjantānaṁ pavatte ñāṇasampayuttasomanassasampayuttacittassa uppādakkhaṇe tesaṁ tattha paññindriyañca uppajjati somanassindriyañca uppajjati.

Yassa yattha somanassindriyaṁ uppajjati tassa tattha manindriyaṁ uppajjatīti? Āmantā.

Yassa vā pana yattha manindriyaṁ uppajjati tassa tattha somanassindriyaṁ uppajjatīti?

Sacittakānaṁ vinā somanassena upapajjantānaṁ pavatte somanassavippayuttacittassa uppādakkhaṇe tesaṁ tattha manindriyaṁ uppajjati, no ca tesaṁ tattha somanassindriyaṁ uppajjati. Somanassena upapajjantānaṁ pavatte somanassasampayuttacittassa uppādakkhaṇe tesaṁ tattha manindriyañca uppajjati somanassindriyañca uppajjati. (Somanassindriyamūlakaṁ.)

Yassa yattha upekkhindriyaṁ uppajjati tassa tattha saddhindriyaṁ uppajjatīti?

Upekkhāya ahetukānaṁ upapajjantānaṁ pavatte upekkhāsampayuttasaddhāvippayuttacittassa uppādakkhaṇe tesaṁ tattha upekkhindriyaṁ uppajjati, no ca tesaṁ tattha saddhindriyaṁ uppajjati. Upekkhāya sahetukānaṁ upapajjantānaṁ pavatte upekkhāsampayuttasaddhāsampayuttacittassa uppādakkhaṇe tesaṁ tattha upekkhindriyañca uppajjati saddhindriyañca uppajjati.

Yassa vā pana yattha saddhindriyaṁ uppajjati tassa tattha upekkhindriyaṁ uppajjatīti?

Sahetukānaṁ vinā upekkhāya upapajjantānaṁ pavatte saddhāsampayuttaupekkhāvippayuttacittassa uppādakkhaṇe tesaṁ tattha saddhindriyaṁ uppajjati, no ca tesaṁ tattha upekkhindriyaṁ uppajjati. Sahetukānaṁ upekkhāya upapajjantānaṁ pavatte saddhāsampayuttaupekkhāsampayuttacittassa uppādakkhaṇe tesaṁ tattha saddhindriyañca uppajjati upekkhindriyañca uppajjati.

Yassa yattha upekkhindriyaṁ uppajjati tassa tattha paññindriyaṁ uppajjatīti?

Upekkhāya ñāṇavippayuttānaṁ upapajjantānaṁ pavatte upekkhāsampayuttañāṇavippayuttacittassa uppādakkhaṇe tesaṁ tattha upekkhindriyaṁ uppajjati, no ca tesaṁ tattha paññindriyaṁ uppajjati. Upekkhāya ñāṇasampayuttānaṁ upapajjantānaṁ pavatte upekkhāsampayuttañāṇasampayuttacittassa uppādakkhaṇe tesaṁ tattha upekkhindriyañca uppajjati paññindriyañca uppajjati.

Yassa vā pana yattha paññindriyaṁ uppajjati tassa tattha upekkhindriyaṁ uppajjatīti?

Ñāṇasampayuttānaṁ vinā upekkhāya upapajjantānaṁ pavatte ñāṇasampayuttaupekkhāvippayuttacittassa uppādakkhaṇe tesaṁ tattha paññindriyaṁ uppajjati, no ca tesaṁ tattha upekkhindriyaṁ uppajjati. Ñāṇasampayuttānaṁ upekkhāya upapajjantānaṁ pavatte ñāṇasampayuttaupekkhāsampayuttacittassa uppādakkhaṇe tesaṁ tattha paññindriyañca uppajjati upekkhindriyañca uppajjati.

Yassa yattha upekkhindriyaṁ uppajjati tassa tattha manindriyaṁ uppajjatīti? Āmantā.

Yassa vā pana yattha manindriyaṁ uppajjati tassa tattha upekkhindriyaṁ uppajjatīti?

Sacittakānaṁ vinā upekkhāya upapajjantānaṁ pavatte upekkhāvippayuttacittassa uppādakkhaṇe tesaṁ tattha manindriyaṁ uppajjati, no ca tesaṁ tattha upekkhindriyaṁ uppajjati. Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ tattha manindriyañca uppajjati upekkhindriyañca uppajjati. (Upekkhindriyamūlakaṁ.)

Yassa yattha saddhindriyaṁ uppajjati tassa tattha paññindriyaṁ uppajjatīti?

Sahetukānaṁ ñāṇavippayuttānaṁ upapajjantānaṁ pavatte saddhāsampayuttañāṇavippayuttacittassa uppādakkhaṇe tesaṁ tattha saddhindriyaṁ uppajjati, no ca tesaṁ tattha paññindriyaṁ uppajjati. Sahetukānaṁ ñāṇasampayuttānaṁ upapajjantānaṁ pavatte saddhāsampayuttañāṇasampayuttacittassa uppādakkhaṇe tesaṁ tattha saddhindriyañca uppajjati paññindriyañca uppajjati.

Yassa vā pana yattha paññindriyaṁ uppajjati tassa tattha saddhindriyaṁ uppajjatīti? Āmantā.

Yassa yattha saddhindriyaṁ uppajjati tassa tattha manindriyaṁ uppajjatīti? Āmantā.

Yassa vā pana yattha manindriyaṁ uppajjati tassa tattha saddhindriyaṁ uppajjatīti?

Sacittakānaṁ ahetukānaṁ upapajjantānaṁ pavatte saddhāvippayuttacittassa uppādakkhaṇe tesaṁ tattha manindriyaṁ uppajjati, no ca tesaṁ tattha saddhindriyaṁ uppajjati. Sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ tattha manindriyañca uppajjati saddhindriyañca uppajjati. (Saddhindriyamūlakaṁ.)

Yassa yattha paññindriyaṁ uppajjati tassa tattha manindriyaṁ uppajjatīti? Āmantā.

Yassa vā pana yattha manindriyaṁ uppajjati tassa tattha paññindriyaṁ uppajjatīti?

Sacittakānaṁ ñāṇavippayuttānaṁ upapajjantānaṁ pavatte ñāṇavippayuttacittassa uppādakkhaṇe tesaṁ tattha manindriyaṁ uppajjati, no ca tesaṁ tattha paññindriyaṁ uppajjati. Ñāṇasampayuttānaṁ upapajjantānaṁ pavatte ñāṇasampayuttacittassa uppādakkhaṇe tesaṁ tattha manindriyañca uppajjati paññindriyañca uppajjati. (Paññindriyamūlakaṁ.)

Yassa cakkhundriyaṁ na uppajjati tassa sotindriyaṁ na uppajjatīti?

Acakkhukānaṁ sasotakānaṁ upapajjantānaṁ tesaṁ cakkhundriyaṁ na uppajjati, no ca tesaṁ sotindriyaṁ na uppajjati. Sabbesaṁ cavantānaṁ acakkhukānaṁ asotakānaṁ upapajjantānaṁ tesaṁ cakkhundriyañca na uppajjati sotindriyañca na uppajjati.

Yassa vā pana sotindriyaṁ na uppajjati tassa cakkhundriyaṁ na uppajjatīti?

Asotakānaṁ sacakkhukānaṁ upapajjantānaṁ tesaṁ sotindriyaṁ na uppajjati, no ca tesaṁ cakkhundriyaṁ na uppajjati. Sabbesaṁ cavantānaṁ asotakānaṁ acakkhukānaṁ upapajjantānaṁ tesaṁ sotindriyañca na uppajjati cakkhundriyañca na uppajjati.

Yassa cakkhundriyaṁ na uppajjati tassa ghānindriyaṁ na uppajjatīti?

Acakkhukānaṁ saghānakānaṁ upapajjantānaṁ tesaṁ cakkhundriyaṁ na uppajjati, no ca tesaṁ ghānindriyaṁ na uppajjati. Sabbesaṁ cavantānaṁ acakkhukānaṁ aghānakānaṁ upapajjantānaṁ tesaṁ cakkhundriyañca na uppajjati ghānindriyañca na uppajjati.

Yassa vā pana ghānindriyaṁ na uppajjati tassa cakkhundriyaṁ na uppajjatīti?

Aghānakānaṁ sacakkhukānaṁ upapajjantānaṁ tesaṁ ghānindriyaṁ na uppajjati, no ca tesaṁ cakkhundriyaṁ na uppajjati. Sabbesaṁ cavantānaṁ aghānakānaṁ acakkhukānaṁ upapajjantānaṁ tesaṁ ghānindriyañca na uppajjati cakkhundriyañca na uppajjati.

Yassa cakkhundriyaṁ na uppajjati tassa itthindriyaṁ na uppajjatīti?

Acakkhukānaṁ itthīnaṁ upapajjantīnaṁ tāsaṁ cakkhundriyaṁ na uppajjati, no ca tāsaṁ itthindriyaṁ na uppajjati. Sabbesaṁ cavantānaṁ acakkhukānaṁ na itthīnaṁ upapajjantānaṁ tesaṁ cakkhundriyañca na uppajjati itthindriyañca na uppajjati.

Yassa vā pana itthindriyaṁ na uppajjati tassa cakkhundriyaṁ na uppajjatīti?

Na itthīnaṁ sacakkhukānaṁ upapajjantānaṁ tesaṁ itthindriyaṁ na uppajjati, no ca tesaṁ cakkhundriyaṁ na uppajjati. Sabbesaṁ cavantānaṁ na itthīnaṁ acakkhukānaṁ upapajjantānaṁ tesaṁ itthindriyañca na uppajjati cakkhundriyañca na uppajjati.

Yassa cakkhundriyaṁ na uppajjati tassa purisindriyaṁ na uppajjatīti?

Acakkhukānaṁ purisānaṁ upapajjantānaṁ tesaṁ cakkhundriyaṁ na uppajjati, no ca tesaṁ purisindriyaṁ na uppajjati. Sabbesaṁ cavantānaṁ acakkhukānaṁ na purisānaṁ upapajjantānaṁ tesaṁ cakkhundriyañca na uppajjati purisindriyañca na uppajjati.

Yassa vā pana purisindriyaṁ na uppajjati tassa cakkhundriyaṁ na uppajjatīti?

Na purisānaṁ sacakkhukānaṁ upapajjantānaṁ tesaṁ purisindriyaṁ na uppajjati, no ca tesaṁ cakkhundriyaṁ na uppajjati. Sabbesaṁ cavantānaṁ na purisānaṁ acakkhukānaṁ upapajjantānaṁ tesaṁ purisindriyañca na uppajjati cakkhundriyañca na uppajjati.

Yassa cakkhundriyaṁ na uppajjati tassa jīvitindriyaṁ na uppajjatīti?

Acakkhukānaṁ upapajjantānaṁ tesaṁ cakkhundriyaṁ na uppajjati, no ca tesaṁ jīvitindriyaṁ na uppajjati. Sabbesaṁ cavantānaṁ tesaṁ cakkhundriyañca na uppajjati jīvitindriyañca na uppajjati.

Yassa vā pana jīvitindriyaṁ na uppajjati tassa cakkhundriyaṁ na uppajjatīti? Āmantā.

Yassa cakkhundriyaṁ na uppajjati tassa somanassindriyaṁ na uppajjatīti? Āmantā.

Yassa vā pana somanassindriyaṁ na uppajjati tassa cakkhundriyaṁ na uppajjatīti?

Vinā somanassena sacakkhukānaṁ upapajjantānaṁ tesaṁ somanassindriyaṁ na uppajjati, no ca tesaṁ cakkhundriyaṁ na uppajjati. Sabbesaṁ cavantānaṁ vinā somanassena acakkhukānaṁ upapajjantānaṁ tesaṁ somanassindriyañca na uppajjati cakkhundriyañca na uppajjati.

Yassa cakkhundriyaṁ na uppajjati tassa upekkhindriyaṁ na uppajjatīti?

Acakkhukānaṁ upekkhāya upapajjantānaṁ tesaṁ cakkhundriyaṁ na uppajjati, no ca tesaṁ upekkhindriyaṁ na uppajjati. Sabbesaṁ cavantānaṁ acakkhukānaṁ vinā upekkhāya upapajjantānaṁ tesaṁ cakkhundriyañca na uppajjati upekkhindriyañca na uppajjati.

Yassa vā pana upekkhindriyaṁ na uppajjati tassa cakkhundriyaṁ na uppajjatīti?

Vinā upekkhāya sacakkhukānaṁ upapajjantānaṁ tesaṁ upekkhindriyaṁ na uppajjati, no ca tesaṁ cakkhundriyaṁ na uppajjati. Sabbesaṁ cavantānaṁ vinā upekkhāya acakkhukānaṁ upapajjantānaṁ tesaṁ upekkhindriyañca na uppajjati cakkhundriyañca na uppajjati.

Yassa cakkhundriyaṁ na uppajjati tassa saddhindriyaṁ na uppajjatīti?

Acakkhukānaṁ sahetukānaṁ upapajjantānaṁ tesaṁ cakkhundriyaṁ na uppajjati, no ca tesaṁ saddhindriyaṁ na uppajjati. Sabbesaṁ cavantānaṁ acakkhukānaṁ ahetukānaṁ upapajjantānaṁ tesaṁ cakkhundriyañca na uppajjati saddhindriyañca na uppajjati.

Yassa vā pana saddhindriyaṁ na uppajjati tassa cakkhundriyaṁ na uppajjatīti?

Ahetukānaṁ sacakkhukānaṁ upapajjantānaṁ tesaṁ saddhindriyaṁ na uppajjati, no ca tesaṁ cakkhundriyaṁ na uppajjati. Sabbesaṁ cavantānaṁ ahetukānaṁ acakkhukānaṁ upapajjantānaṁ tesaṁ saddhindriyañca na uppajjati cakkhundriyañca na uppajjati.

Yassa cakkhundriyaṁ na uppajjati tassa paññindriyaṁ na uppajjatīti?

Acakkhukānaṁ ñāṇasampayuttānaṁ upapajjantānaṁ tesaṁ cakkhundriyaṁ na uppajjati, no ca tesaṁ paññindriyaṁ na uppajjati. Sabbesaṁ cavantānaṁ acakkhukānaṁ ñāṇavippayuttānaṁ upapajjantānaṁ tesaṁ cakkhundriyañca na uppajjati paññindriyañca na uppajjati.

Yassa vā pana paññindriyaṁ na uppajjati tassa cakkhundriyaṁ na uppajjatīti?

Ñāṇavippayuttānaṁ sacakkhukānaṁ upapajjantānaṁ tesaṁ paññindriyaṁ na uppajjati, no ca tesaṁ cakkhundriyaṁ na uppajjati. Sabbesaṁ cavantānaṁ ñāṇavippayuttānaṁ acakkhukānaṁ upapajjantānaṁ tesaṁ paññindriyañca na uppajjati cakkhundriyañca na uppajjati.

Yassa cakkhundriyaṁ na uppajjati tassa manindriyaṁ na uppajjatīti?

Acakkhukānaṁ sacittakānaṁ upapajjantānaṁ tesaṁ cakkhundriyaṁ na uppajjati, no ca tesaṁ manindriyaṁ na uppajjati. Sabbesaṁ cavantānaṁ acittakānaṁ upapajjantānaṁ tesaṁ cakkhundriyañca na uppajjati manindriyañca na uppajjati.

Yassa vā pana manindriyaṁ na uppajjati tassa cakkhundriyaṁ na uppajjatīti? Āmantā. (Cakkhundriyamūlakaṁ.)

Yassa ghānindriyaṁ na uppajjati tassa itthindriyaṁ na uppajjatīti?

Aghānakānaṁ itthīnaṁ upapajjantīnaṁ tāsaṁ ghānindriyaṁ na uppajjati, no ca tāsaṁ itthindriyaṁ na uppajjati. Sabbesaṁ cavantānaṁ aghānakānaṁ na itthīnaṁ upapajjantānaṁ tesaṁ ghānindriyañca na uppajjati itthindriyañca na uppajjati.

Yassa vā pana itthindriyaṁ na uppajjati tassa ghānindriyaṁ na uppajjatīti?

Na itthīnaṁ saghānakānaṁ upapajjantānaṁ tesaṁ itthindriyaṁ na uppajjati, no ca tesaṁ ghānindriyaṁ na uppajjati. Sabbesaṁ cavantānaṁ na itthīnaṁ aghānakānaṁ upapajjantānaṁ tesaṁ itthindriyañca na uppajjati ghānindriyañca na uppajjati.

Yassa ghānindriyaṁ na uppajjati tassa purisindriyaṁ na uppajjatīti?

Aghānakānaṁ purisānaṁ upapajjantānaṁ tesaṁ ghānindriyaṁ na uppajjati, no ca tesaṁ purisindriyaṁ na uppajjati. Sabbesaṁ cavantānaṁ aghānakānaṁ na purisānaṁ upapajjantānaṁ tesaṁ ghānindriyañca na uppajjati purisindriyañca na uppajjati.

Yassa vā pana purisindriyaṁ na uppajjati tassa ghānindriyaṁ na uppajjatīti?

Na purisānaṁ saghānakānaṁ upapajjantānaṁ tesaṁ purisindriyaṁ na uppajjati, no ca tesaṁ ghānindriyaṁ na uppajjati. Sabbesaṁ cavantānaṁ na purisānaṁ aghānakānaṁ upapajjantānaṁ tesaṁ purisindriyañca na uppajjati ghānindriyañca na uppajjati.

Yassa ghānindriyaṁ na uppajjati tassa jīvitindriyaṁ na uppajjatīti?

Aghānakānaṁ upapajjantānaṁ tesaṁ ghānindriyaṁ na uppajjati, no ca tesaṁ jīvitindriyaṁ na uppajjati. Sabbesaṁ cavantānaṁ tesaṁ ghānindriyañca na uppajjati jīvitindriyañca na uppajjati.

Yassa vā pana jīvitindriyaṁ na uppajjati tassa ghānindriyaṁ na uppajjatīti? Āmantā.

Yassa ghānindriyaṁ na uppajjati tassa somanassindriyaṁ na uppajjatīti?

Aghānakānaṁ somanassena upapajjantānaṁ tesaṁ ghānindriyaṁ na uppajjati, no ca tesaṁ somanassindriyaṁ na uppajjati. Sabbesaṁ cavantānaṁ aghānakānaṁ vinā somanassena upapajjantānaṁ tesaṁ ghānindriyañca na uppajjati somanassindriyañca na uppajjati.

Yassa vā pana somanassindriyaṁ na uppajjati tassa ghānindriyaṁ na uppajjatīti?

Vinā somanassena saghānakānaṁ upapajjantānaṁ tesaṁ somanassindriyaṁ na uppajjati, no ca tesaṁ ghānindriyaṁ na uppajjati. Sabbesaṁ cavantānaṁ vinā somanassena aghānakānaṁ upapajjantānaṁ tesaṁ somanassindriyañca na uppajjati ghānindriyañca na uppajjati.

Yassa ghānindriyaṁ na uppajjati tassa upekkhindriyaṁ na uppajjatīti?

Aghānakānaṁ upekkhāya upapajjantānaṁ tesaṁ ghānindriyaṁ na uppajjati, no ca tesaṁ upekkhindriyaṁ na uppajjati. Sabbesaṁ cavantānaṁ aghānakānaṁ vinā upekkhāya upapajjantānaṁ tesaṁ ghānindriyañca na uppajjati upekkhindriyañca na uppajjati.

Yassa vā pana upekkhindriyaṁ na uppajjati tassa ghānindriyaṁ na uppajjatīti?

Vinā upekkhāya saghānakānaṁ upapajjantānaṁ tesaṁ upekkhindriyaṁ na uppajjati, no ca tesaṁ ghānindriyaṁ na uppajjati. Sabbesaṁ cavantānaṁ vinā upekkhāya aghānakānaṁ upapajjantānaṁ tesaṁ upekkhindriyañca na uppajjati ghānindriyañca na uppajjati.

Yassa ghānindriyaṁ na uppajjati tassa saddhindriyaṁ na uppajjatīti?

Aghānakānaṁ sahetukānaṁ upapajjantānaṁ tesaṁ ghānindriyaṁ na uppajjati, no ca tesaṁ saddhindriyaṁ na uppajjati. Sabbesaṁ cavantānaṁ aghānakānaṁ ahetukānaṁ upapajjantānaṁ tesaṁ ghānindriyañca na uppajjati saddhindriyañca na uppajjati.

Yassa vā pana saddhindriyaṁ na uppajjati tassa ghānindriyaṁ na uppajjatīti?

Ahetukānaṁ saghānakānaṁ upapajjantānaṁ tesaṁ saddhindriyaṁ na uppajjati, no ca tesaṁ ghānindriyaṁ na uppajjati. Sabbesaṁ cavantānaṁ ahetukānaṁ aghānakānaṁ upapajjantānaṁ tesaṁ saddhindriyañca na uppajjati ghānindriyañca na uppajjati.

Yassa ghānindriyaṁ na uppajjati tassa paññindriyaṁ na uppajjatīti?

Aghānakānaṁ ñāṇasampayuttānaṁ upapajjantānaṁ tesaṁ ghānindriyaṁ na uppajjati, no ca tesaṁ paññindriyaṁ na uppajjati. Sabbesaṁ cavantānaṁ aghānakānaṁ ñāṇavippayuttānaṁ upapajjantānaṁ tesaṁ ghānindriyañca na uppajjati paññindriyañca na uppajjati.

Yassa vā pana paññindriyaṁ na uppajjati tassa ghānindriyaṁ na uppajjatīti?

Ñāṇavippayuttānaṁ saghānakānaṁ upapajjantānaṁ tesaṁ paññindriyaṁ na uppajjati, no ca tesaṁ ghānindriyaṁ na uppajjati. Sabbesaṁ cavantānaṁ ñāṇavippayuttānaṁ aghānakānaṁ upapajjantānaṁ tesaṁ paññindriyañca na uppajjati ghānindriyañca na uppajjati.

Yassa ghānindriyaṁ na uppajjati tassa manindriyaṁ na uppajjatīti?

Aghānakānaṁ sacittakānaṁ upapajjantānaṁ tesaṁ ghānindriyaṁ na uppajjati, no ca tesaṁ manindriyaṁ na uppajjati. Sabbesaṁ cavantānaṁ acittakānaṁ upapajjantānaṁ tesaṁ ghānindriyañca na uppajjati manindriyañca na uppajjati.

Yassa vā pana manindriyaṁ na uppajjati tassa ghānindriyaṁ na uppajjatīti? Āmantā. (Ghānindriyamūlakaṁ.)

Yassa itthindriyaṁ na uppajjati tassa purisindriyaṁ na uppajjatīti?

Purisānaṁ upapajjantānaṁ tesaṁ itthindriyaṁ na uppajjati, no ca tesaṁ purisindriyaṁ na uppajjati. Sabbesaṁ cavantānaṁ na itthīnaṁ na purisānaṁ upapajjantānaṁ tesaṁ itthindriyañca na uppajjati purisindriyañca na uppajjati.

Yassa vā pana purisindriyaṁ na uppajjati tassa itthindriyaṁ na uppajjatīti?

Itthīnaṁ upapajjantīnaṁ tāsaṁ purisindriyaṁ na uppajjati, no ca tāsaṁ itthindriyaṁ na uppajjati. Sabbesaṁ cavantānaṁ na purisānaṁ na itthīnaṁ upapajjantānaṁ tesaṁ purisindriyañca na uppajjati itthindriyañca na uppajjati.

Yassa itthindriyaṁ na uppajjati tassa jīvitindriyaṁ na uppajjatīti?

Na itthīnaṁ upapajjantānaṁ tesaṁ itthindriyaṁ na uppajjati, no ca tesaṁ jīvitindriyaṁ na uppajjati. Sabbesaṁ cavantānaṁ tesaṁ itthindriyañca na uppajjati jīvitindriyañca na uppajjati.

Yassa vā pana jīvitindriyaṁ na uppajjati tassa itthindriyaṁ na uppajjatīti? Āmantā.

Yassa itthindriyaṁ na uppajjati tassa somanassindriyaṁ na uppajjatīti?

Na itthīnaṁ somanassena upapajjantānaṁ tesaṁ itthindriyaṁ na uppajjati, no ca tesaṁ somanassindriyaṁ na uppajjati. Sabbesaṁ cavantānaṁ na itthīnaṁ vinā somanassena upapajjantānaṁ tesaṁ itthindriyañca na uppajjati somanassindriyañca na uppajjati.

Yassa vā pana somanassindriyaṁ na uppajjati tassa itthindriyaṁ na uppajjatīti?

Vinā somanassena itthīnaṁ upapajjantīnaṁ tāsaṁ somanassindriyaṁ na uppajjati, no ca tāsaṁ itthindriyaṁ na uppajjati. Sabbesaṁ cavantānaṁ vinā somanassena na itthīnaṁ upapajjantānaṁ tesaṁ somanassindriyañca na uppajjati itthindriyañca na uppajjati.

Yassa itthindriyaṁ na uppajjati tassa upekkhindriyaṁ na uppajjatīti?

Na itthīnaṁ upekkhāya upapajjantānaṁ tesaṁ itthindriyaṁ na uppajjati, no ca tesaṁ upekkhindriyaṁ na uppajjati. Sabbesaṁ cavantānaṁ na itthīnaṁ vinā upekkhāya upapajjantānaṁ tesaṁ itthindriyañca na uppajjati upekkhindriyañca na uppajjati.

Yassa vā pana upekkhindriyaṁ na uppajjati tassa itthindriyaṁ na uppajjatīti?

Vinā upekkhāya itthīnaṁ upapajjantīnaṁ tāsaṁ upekkhindriyaṁ na uppajjati, no ca tāsaṁ itthindriyaṁ na uppajjati. Sabbesaṁ cavantānaṁ vinā upekkhāya na itthīnaṁ upapajjantānaṁ tesaṁ upekkhindriyañca na uppajjati itthindriyañca na uppajjati.

Yassa itthindriyaṁ na uppajjati tassa saddhindriyaṁ na uppajjatīti?

Na itthīnaṁ sahetukānaṁ upapajjantānaṁ tesaṁ itthindriyaṁ na uppajjati, no ca tesaṁ saddhindriyaṁ na uppajjati. Sabbesaṁ cavantānaṁ na itthīnaṁ ahetukānaṁ upapajjantānaṁ tesaṁ itthindriyañca na uppajjati saddhindriyañca na uppajjati.

Yassa vā pana saddhindriyaṁ na uppajjati tassa itthindriyaṁ na uppajjatīti?

Ahetukānaṁ itthīnaṁ upapajjantīnaṁ tāsaṁ saddhindriyaṁ na uppajjati, no ca tāsaṁ itthindriyaṁ na uppajjati. Sabbesaṁ cavantānaṁ ahetukānaṁ na itthīnaṁ upapajjantānaṁ tesaṁ saddhindriyañca na uppajjati itthindriyañca na uppajjati.

Yassa itthindriyaṁ na uppajjati tassa paññindriyaṁ na uppajjatīti?

Na itthīnaṁ ñāṇasampayuttānaṁ upapajjantānaṁ tesaṁ itthindriyaṁ na uppajjati, no ca tesaṁ paññindriyaṁ na uppajjati. Sabbesaṁ cavantānaṁ na itthīnaṁ ñāṇavippayuttānaṁ upapajjantānaṁ tesaṁ itthindriyañca na uppajjati paññindriyañca na uppajjati.

Yassa vā pana paññindriyaṁ na uppajjati tassa itthindriyaṁ na uppajjatīti?

Ñāṇavippayuttānaṁ itthīnaṁ upapajjantīnaṁ tāsaṁ paññindriyaṁ na uppajjati, no ca tāsaṁ itthindriyaṁ na uppajjati. Sabbesaṁ cavantānaṁ ñāṇavippayuttānaṁ na itthīnaṁ upapajjantānaṁ tesaṁ paññindriyañca na uppajjati itthindriyañca na uppajjati.

Yassa itthindriyaṁ na uppajjati tassa manindriyaṁ na uppajjatīti?

Na itthīnaṁ sacittakānaṁ upapajjantānaṁ tesaṁ itthindriyaṁ na uppajjati, no ca tesaṁ manindriyaṁ na uppajjati. Sabbesaṁ cavantānaṁ acittakānaṁ upapajjantānaṁ tesaṁ itthindriyañca na uppajjati manindriyañca na uppajjati.

Yassa vā pana manindriyaṁ na uppajjati tassa itthindriyaṁ na uppajjatīti? Āmantā. (Itthindriyamūlakaṁ.)

Yassa purisindriyaṁ na uppajjati tassa jīvitindriyaṁ na uppajjatīti?

Na purisānaṁ upapajjantānaṁ tesaṁ purisindriyaṁ na uppajjati, no ca tesaṁ jīvitindriyaṁ na uppajjati. Sabbesaṁ cavantānaṁ tesaṁ purisindriyañca na uppajjati jīvitindriyañca na uppajjati.

Yassa vā pana jīvitindriyaṁ na uppajjati tassa purisindriyaṁ na uppajjatīti? Āmantā.

Yassa purisindriyaṁ na uppajjati tassa somanassindriyaṁ na uppajjatīti?

Na purisānaṁ somanassena upapajjantānaṁ tesaṁ purisindriyaṁ na uppajjati, no ca tesaṁ somanassindriyaṁ na uppajjati. Sabbesaṁ cavantānaṁ na purisānaṁ vinā somanassena upapajjantānaṁ tesaṁ purisindriyañca na uppajjati somanassindriyañca na uppajjati.

Yassa vā pana somanassindriyaṁ na uppajjati tassa purisindriyaṁ na uppajjatīti?

Vinā somanassena purisānaṁ upapajjantānaṁ tesaṁ somanassindriyaṁ na uppajjati, no ca tesaṁ purisindriyaṁ na uppajjati. Sabbesaṁ cavantānaṁ vinā somanassena na purisānaṁ upapajjantānaṁ tesaṁ somanassindriyañca na uppajjati purisindriyañca na uppajjati.

Yassa purisindriyaṁ na uppajjati tassa upekkhindriyaṁ na uppajjatīti?

Na purisānaṁ upekkhāya upapajjantānaṁ tesaṁ purisindriyaṁ na uppajjati, no ca tesaṁ upekkhindriyaṁ na uppajjati. Sabbesaṁ cavantānaṁ na purisānaṁ vinā upekkhāya upapajjantānaṁ tesaṁ purisindriyañca na uppajjati upekkhindriyañca na uppajjati.

Yassa vā pana upekkhindriyaṁ na uppajjati tassa purisindriyaṁ na uppajjatīti?

Vinā upekkhāya purisānaṁ upapajjantānaṁ tesaṁ upekkhindriyaṁ na uppajjati, no ca tesaṁ purisindriyaṁ na uppajjati. Sabbesaṁ cavantānaṁ vinā upekkhāya na purisānaṁ upapajjantānaṁ tesaṁ upekkhindriyañca na uppajjati purisindriyañca na uppajjati.

Yassa purisindriyaṁ na uppajjati tassa saddhindriyaṁ na uppajjatīti?

Na purisānaṁ sahetukānaṁ upapajjantānaṁ tesaṁ purisindriyaṁ na uppajjati, no ca tesaṁ saddhindriyaṁ na uppajjati. Sabbesaṁ cavantānaṁ na purisānaṁ ahetukānaṁ upapajjantānaṁ tesaṁ purisindriyañca na uppajjati saddhindriyañca na uppajjati.

Yassa vā pana saddhindriyaṁ na uppajjati tassa purisindriyaṁ na uppajjatīti?

Ahetukānaṁ purisānaṁ upapajjantānaṁ tesaṁ saddhindriyaṁ na uppajjati, no ca tesaṁ purisindriyaṁ na uppajjati. Sabbesaṁ cavantānaṁ ahetukānaṁ na purisānaṁ upapajjantānaṁ tesaṁ saddhindriyañca na uppajjati purisindriyañca na uppajjati.

Yassa purisindriyaṁ na uppajjati tassa paññindriyaṁ na uppajjatīti?

Na purisānaṁ ñāṇasampayuttānaṁ upapajjantānaṁ tesaṁ purisindriyaṁ na uppajjati, no ca tesaṁ paññindriyaṁ na uppajjati. Sabbesaṁ cavantānaṁ na purisānaṁ ñāṇavippayuttānaṁ upapajjantānaṁ tesaṁ purisindriyañca na uppajjati paññindriyañca na uppajjati.

Yassa vā pana paññindriyaṁ na uppajjati tassa purisindriyaṁ na uppajjatīti?

Ñāṇavippayuttānaṁ purisānaṁ upapajjantānaṁ tesaṁ paññindriyaṁ na uppajjati, no ca tesaṁ purisindriyaṁ na uppajjati. Sabbesaṁ cavantānaṁ ñāṇavippayuttānaṁ na purisānaṁ upapajjantānaṁ tesaṁ paññindriyañca na uppajjati purisindriyañca na uppajjati.

Yassa purisindriyaṁ na uppajjati tassa manindriyaṁ na uppajjatīti?

Na purisānaṁ sacittakānaṁ upapajjantānaṁ tesaṁ purisindriyaṁ na uppajjati, no ca tesaṁ manindriyaṁ na uppajjati. Sabbesaṁ cavantānaṁ acittakānaṁ upapajjantānaṁ tesaṁ purisindriyañca na uppajjati manindriyañca na uppajjati.

Yassa vā pana manindriyaṁ na uppajjati tassa purisindriyaṁ na uppajjatīti? Āmantā. (Purisindriyamūlakaṁ.)

Yassa jīvitindriyaṁ na uppajjati tassa somanassindriyaṁ na uppajjatīti? Āmantā.

Yassa vā pana somanassindriyaṁ na uppajjati tassa jīvitindriyaṁ na uppajjatīti?

Vinā somanassena upapajjantānaṁ pavatte somanassavippayuttacittassa uppādakkhaṇe tesaṁ somanassindriyaṁ na uppajjati, no ca tesaṁ jīvitindriyaṁ na uppajjati. Sabbesaṁ cavantānaṁ pavatte cittassa bhaṅgakkhaṇe tesaṁ somanassindriyañca na uppajjati jīvitindriyañca na uppajjati.

Yassa jīvitindriyaṁ na uppajjati tassa upekkhindriyaṁ na uppajjatīti? Āmantā.

Yassa vā pana upekkhindriyaṁ na uppajjati tassa jīvitindriyaṁ na uppajjatīti?

Vinā upekkhāya upapajjantānaṁ pavatte upekkhāvippayuttacittassa uppādakkhaṇe tesaṁ upekkhindriyaṁ na uppajjati, no ca tesaṁ jīvitindriyaṁ na uppajjati. Sabbesaṁ cavantānaṁ pavatte cittassa bhaṅgakkhaṇe tesaṁ upekkhindriyañca na uppajjati jīvitindriyañca na uppajjati.

Yassa jīvitindriyaṁ na uppajjati tassa saddhindriyaṁ na uppajjatīti? Āmantā.

Yassa vā pana saddhindriyaṁ na uppajjati tassa jīvitindriyaṁ na uppajjatīti?

Ahetukānaṁ upapajjantānaṁ pavatte saddhāvippayuttacittassa uppādakkhaṇe tesaṁ saddhindriyaṁ na uppajjati, no ca tesaṁ jīvitindriyaṁ na uppajjati. Sabbesaṁ cavantānaṁ pavatte cittassa bhaṅgakkhaṇe tesaṁ saddhindriyañca na uppajjati jīvitindriyañca na uppajjati.

Yassa jīvitindriyaṁ na uppajjati tassa paññindriyaṁ na uppajjatīti? Āmantā.

Yassa vā pana paññindriyaṁ na uppajjati tassa jīvitindriyaṁ na uppajjatīti?

Ñāṇavippayuttānaṁ upapajjantānaṁ pavatte ñāṇavippayuttacittassa uppādakkhaṇe tesaṁ paññindriyaṁ na uppajjati, no ca tesaṁ jīvitindriyaṁ na uppajjati. Sabbesaṁ cavantānaṁ pavatte cittassa bhaṅgakkhaṇe tesaṁ paññindriyañca na uppajjati jīvitindriyañca na uppajjati.

Yassa jīvitindriyaṁ na uppajjati tassa manindriyaṁ na uppajjatīti? Āmantā.

Yassa vā pana manindriyaṁ na uppajjati tassa jīvitindriyaṁ na uppajjatīti?

Acittakānaṁ upapajjantānaṁ tesaṁ manindriyaṁ na uppajjati, no ca tesaṁ jīvitindriyaṁ na uppajjati. Sabbesaṁ cavantānaṁ pavatte cittassa bhaṅgakkhaṇe tesaṁ manindriyañca na uppajjati jīvitindriyañca na uppajjati. (Jīvitindriyamūlakaṁ.)

Yassa somanassindriyaṁ na uppajjati tassa upekkhindriyaṁ na uppajjatīti?

Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ somanassindriyaṁ na uppajjati, no ca tesaṁ upekkhindriyaṁ na uppajjati. Sabbesaṁ cittassa bhaṅgakkhaṇe somanassavippayuttaupekkhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ somanassindriyañca na uppajjati upekkhindriyañca na uppajjati.

Yassa vā pana upekkhindriyaṁ na uppajjati tassa somanassindriyaṁ na uppajjatīti?

Somanassena upapajjantānaṁ pavatte somanassasampayuttacittassa uppādakkhaṇe tesaṁ upekkhindriyaṁ na uppajjati, no ca tesaṁ somanassindriyaṁ na uppajjati. Sabbesaṁ cittassa bhaṅgakkhaṇe upekkhāvippayuttasomanassavippayuttacittassa uppādakkhaṇe nirodhasamāpannānaṁ asaññasattānaṁ tesaṁ upekkhindriyañca na uppajjati somanassindriyañca na uppajjati.

Yassa somanassindriyaṁ na uppajjati tassa saddhindriyaṁ na uppajjatīti?

Vinā somanassena sahetukānaṁ upapajjantānaṁ pavatte somanassavippayuttasaddhāsampayuttacittassa uppādakkhaṇe tesaṁ somanassindriyaṁ na uppajjati, no ca tesaṁ saddhindriyaṁ na uppajjati. Sabbesaṁ cittassa bhaṅgakkhaṇe somanassavippayuttasaddhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ somanassindriyañca na uppajjati saddhindriyañca na uppajjati.

Yassa vā pana saddhindriyaṁ na uppajjati tassa somanassindriyaṁ na uppajjatīti?

Pavatte saddhāvippayuttasomanassasampayuttacittassa uppādakkhaṇe tesaṁ saddhindriyaṁ na uppajjati, no ca tesaṁ somanassindriyaṁ na uppajjati. Sabbesaṁ cittassa bhaṅgakkhaṇe saddhāvippayuttasomanassavippayuttacittassa uppādakkhaṇe nirodhasamāpannānaṁ asaññasattānaṁ tesaṁ saddhindriyañca na uppajjati somanassindriyañca na uppajjati.

Yassa somanassindriyaṁ na uppajjati tassa paññindriyaṁ na uppajjatīti?

Vinā somanassena ñāṇasampayuttānaṁ upapajjantānaṁ pavatte somanassavippayuttañāṇasampayuttacittassa uppādakkhaṇe tesaṁ somanassindriyaṁ na uppajjati, no ca tesaṁ paññindriyaṁ na uppajjati. Sabbesaṁ cittassa bhaṅgakkhaṇe somanassavippayuttañāṇavippayuttacittassa uppādakkhaṇe nirodhasamāpannānaṁ asaññasattānaṁ tesaṁ somanassindriyañca na uppajjati paññindriyañca na uppajjati.

Yassa vā pana paññindriyaṁ na uppajjati tassa somanassindriyaṁ na uppajjatīti?

Ñāṇavippayuttānaṁ somanassena upapajjantānaṁ pavatte ñāṇavippayuttasomanassasampayuttacittassa uppādakkhaṇe tesaṁ paññindriyaṁ na uppajjati, no ca tesaṁ somanassindriyaṁ na uppajjati. Sabbesaṁ cittassa bhaṅgakkhaṇe ñāṇavippayuttasomanassavippayuttacittassa uppādakkhaṇe nirodhasamāpannānaṁ asaññasattānaṁ tesaṁ paññindriyañca na uppajjati somanassindriyañca na uppajjati.

Yassa somanassindriyaṁ na uppajjati tassa manindriyaṁ na uppajjatīti?

Vinā somanassena sacittakānaṁ upapajjantānaṁ pavatte somanassavippayuttacittassa uppādakkhaṇe tesaṁ somanassindriyaṁ na uppajjati, no ca tesaṁ manindriyaṁ na uppajjati. Sabbesaṁ cittassa bhaṅgakkhaṇe nirodhasamāpannānaṁ asaññasattānaṁ tesaṁ somanassindriyañca na uppajjati manindriyañca na uppajjati.

Yassa vā pana manindriyaṁ na uppajjati tassa somanassindriyaṁ na uppajjatīti? Āmantā. (Somanassindriyamūlakaṁ.)

Yassa upekkhindriyaṁ na uppajjati tassa saddhindriyaṁ na uppajjatīti?

Vinā upekkhāya sahetukānaṁ upapajjantānaṁ pavatte upekkhāvippayuttasaddhāsampayuttacittassa uppādakkhaṇe tesaṁ upekkhindriyaṁ na uppajjati, no ca tesaṁ saddhindriyaṁ na uppajjati. Sabbesaṁ cittassa bhaṅgakkhaṇe upekkhāvippayuttasaddhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ upekkhindriyañca na uppajjati saddhindriyañca na uppajjati.

Yassa vā pana saddhindriyaṁ na uppajjati tassa upekkhindriyaṁ na uppajjatīti?

Ahetukānaṁ upekkhāya upapajjantānaṁ pavatte saddhāvippayuttaupekkhāsampayuttacittassa uppādakkhaṇe tesaṁ saddhindriyaṁ na uppajjati, no ca tesaṁ upekkhindriyaṁ na uppajjati. Sabbesaṁ cittassa bhaṅgakkhaṇe saddhāvippayuttaupekkhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ saddhindriyañca na uppajjati upekkhindriyañca na uppajjati.

Yassa upekkhindriyaṁ na uppajjati tassa paññindriyaṁ na uppajjatīti?

Vinā upekkhāya ñāṇasampayuttānaṁ upapajjantānaṁ pavatte upekkhāvippayuttañāṇasampayuttacittassa uppādakkhaṇe tesaṁ upekkhindriyaṁ na uppajjati, no ca tesaṁ paññindriyaṁ na uppajjati. Sabbesaṁ cittassa bhaṅgakkhaṇe upekkhāvippayuttañāṇavippayuttacittassa uppādakkhaṇe nirodhasamāpannānaṁ asaññasattānaṁ tesaṁ upekkhindriyañca na uppajjati paññindriyañca na uppajjati.

Yassa vā pana paññindriyaṁ na uppajjati tassa upekkhindriyaṁ na uppajjatīti?

Ñāṇavippayuttānaṁ upekkhāya upapajjantānaṁ pavatte ñāṇavippayuttaupekkhāsampayuttacittassa uppādakkhaṇe tesaṁ paññindriyaṁ na uppajjati, no ca tesaṁ upekkhindriyaṁ na uppajjati. Sabbesaṁ cittassa bhaṅgakkhaṇe ñāṇavippayuttaupekkhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ paññindriyañca na uppajjati upekkhindriyañca na uppajjati.

Yassa upekkhindriyaṁ na uppajjati tassa manindriyaṁ na uppajjatīti?

Vinā upekkhāya sacittakānaṁ upapajjantānaṁ pavatte upekkhāvippayuttacittassa uppādakkhaṇe tesaṁ upekkhindriyaṁ na uppajjati, no ca tesaṁ manindriyaṁ na uppajjati. Sabbesaṁ cittassa bhaṅgakkhaṇe nirodhasamāpannānaṁ asaññasattānaṁ tesaṁ upekkhindriyañca na uppajjati manindriyañca na uppajjati.

Yassa vā pana manindriyaṁ na uppajjati tassa upekkhindriyaṁ na uppajjatīti? Āmantā. (Upekkhindriyamūlakaṁ.)

Yassa saddhindriyaṁ na uppajjati tassa paññindriyaṁ na uppajjatīti? Āmantā.

Yassa vā pana paññindriyaṁ na uppajjati tassa saddhindriyaṁ na uppajjatīti?

Ñāṇavippayuttānaṁ sahetukānaṁ upapajjantānaṁ pavatte ñāṇavippayuttasaddhāsampayuttacittassa uppādakkhaṇe tesaṁ paññindriyaṁ na uppajjati, no ca tesaṁ saddhindriyaṁ na uppajjati. Sabbesaṁ cittassa bhaṅgakkhaṇe ñāṇavippayuttasaddhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ paññindriyañca na uppajjati saddhindriyañca na uppajjati.

Yassa saddhindriyaṁ na uppajjati tassa manindriyaṁ na uppajjatīti?

Ahetukānaṁ sacittakānaṁ upapajjantānaṁ pavatte saddhāvippayuttacittassa uppādakkhaṇe tesaṁ saddhindriyaṁ na uppajjati, no ca tesaṁ manindriyaṁ na uppajjati. Sabbesaṁ cittassa bhaṅgakkhaṇe nirodhasamāpannānaṁ asaññasattānaṁ tesaṁ saddhindriyañca na uppajjati manindriyañca na uppajjati.

Yassa vā pana manindriyaṁ na uppajjati tassa saddhindriyaṁ na uppajjatīti? Āmantā. (Saddhindriyamūlakaṁ.)

Yassa paññindriyaṁ na uppajjati tassa manindriyaṁ na uppajjatīti?

Ñāṇavippayuttānaṁ sacittakānaṁ upapajjantānaṁ pavatte ñāṇavippayuttacittassa uppādakkhaṇe tesaṁ paññindriyaṁ na uppajjati, no ca tesaṁ manindriyaṁ na uppajjati. Sabbesaṁ cittassa bhaṅgakkhaṇe nirodhasamāpannānaṁ asaññasattānaṁ tesaṁ paññindriyañca na uppajjati manindriyañca na uppajjati.

Yassa vā pana manindriyaṁ na uppajjati tassa paññindriyaṁ na uppajjatīti? Āmantā. (Paññindriyamūlakaṁ.)

Yattha cakkhundriyaṁ na uppajjati tattha sotindriyaṁ na uppajjatīti? Āmantā.

Yattha vā pana sotindriyaṁ na uppajjati tattha cakkhundriyaṁ na uppajjatīti? Āmantā.

Yattha cakkhundriyaṁ na uppajjati tattha ghānindriyaṁ na uppajjatīti? Āmantā.

Yattha vā pana ghānindriyaṁ na uppajjati tattha cakkhundriyaṁ na uppajjatīti?

Rūpāvacare tattha ghānindriyaṁ na uppajjati, no ca tattha cakkhundriyaṁ na uppajjati. Asaññasatte arūpe tattha ghānindriyañca na uppajjati cakkhundriyañca na uppajjati.

Yattha cakkhundriyaṁ na uppajjati tattha itthindriyaṁ …pe… purisindriyaṁ na uppajjatīti? Āmantā.

Yattha vā pana purisindriyaṁ na uppajjati tattha cakkhundriyaṁ na uppajjatīti?

Rūpāvacare tattha purisindriyaṁ na uppajjati, no ca tattha cakkhundriyaṁ na uppajjati. Asaññasatte arūpe tattha purisindriyañca na uppajjati cakkhundriyañca na uppajjati.

Yattha cakkhundriyaṁ na uppajjati tattha jīvitindriyaṁ na uppajjatīti? Uppajjati.

Yattha vā pana jīvitindriyaṁ na uppajjati tattha cakkhundriyaṁ na uppajjatīti? Natthi.

Yattha cakkhundriyaṁ na uppajjati tattha somanassindriyaṁ na uppajjatīti? Āmantā.

Yattha vā pana somanassindriyaṁ na uppajjati tattha cakkhundriyaṁ na uppajjatīti? Āmantā.

Yattha cakkhundriyaṁ na uppajjati tattha upekkhindriyaṁ na uppajjatīti?

Arūpe tattha cakkhundriyaṁ na uppajjati, no ca tattha upekkhindriyaṁ na uppajjati. Asaññasatte tattha cakkhundriyañca na uppajjati upekkhindriyañca na uppajjati.

Yattha vā pana upekkhindriyaṁ na uppajjati tattha cakkhundriyaṁ na uppajjatīti? Āmantā.

Yattha cakkhundriyaṁ na uppajjati tattha saddhindriyaṁ …pe… paññindriyaṁ …pe… manindriyaṁ na uppajjatīti?

Arūpe tattha cakkhundriyaṁ na uppajjati, no ca tattha manindriyaṁ na uppajjati. Asaññasatte tattha cakkhundriyañca na uppajjati manindriyañca na uppajjati.

Yattha vā pana manindriyaṁ na uppajjati tattha cakkhundriyaṁ na uppajjatīti? Āmantā. (Cakkhundriyamūlakaṁ.)

Yattha ghānindriyaṁ na uppajjati tattha itthindriyaṁ …pe… purisindriyaṁ na uppajjatīti? Āmantā.

Yattha vā pana purisindriyaṁ na uppajjati tattha ghānindriyaṁ na uppajjatīti? Āmantā.

Yattha ghānindriyaṁ na uppajjati tattha jīvitindriyaṁ na uppajjatīti? Uppajjati.

Yattha vā pana jīvitindriyaṁ na uppajjati tattha ghānindriyaṁ na uppajjatīti? Natthi.

Yattha ghānindriyaṁ na uppajjati tattha somanassindriyaṁ na uppajjatīti?

Rūpāvacare tattha ghānindriyaṁ na uppajjati, no ca tattha somanassindriyaṁ na uppajjati. Asaññasatte arūpe tattha ghānindriyañca na uppajjati somanassindriyañca na uppajjati.

Yattha vā pana somanassindriyaṁ na uppajjati tattha ghānindriyaṁ na uppajjatīti? Āmantā.

Yattha ghānindriyaṁ na uppajjati tattha upekkhindriyaṁ na uppajjatīti?

Rūpāvacare arūpāvacare tattha ghānindriyaṁ na uppajjati, no ca tattha upekkhindriyaṁ na uppajjati. Asaññasatte tattha ghānindriyañca na uppajjati upekkhindriyañca na uppajjati.

Yattha vā pana upekkhindriyaṁ na uppajjati tattha ghānindriyaṁ na uppajjatīti? Āmantā.

Yattha ghānindriyaṁ na uppajjati tattha saddhindriyaṁ …pe… paññindriyaṁ …pe… manindriyaṁ na uppajjatīti?

Rūpāvacare arūpāvacare tattha ghānindriyaṁ na uppajjati, no ca tattha manindriyaṁ na uppajjati. Asaññasatte tattha ghānindriyañca na uppajjati manindriyañca na uppajjati.

Yattha vā pana manindriyaṁ na uppajjati tattha ghānindriyaṁ na uppajjatīti? Āmantā. (Ghānindriyamūlakaṁ.)

Yattha itthindriyaṁ na uppajjati tattha purisindriyaṁ na uppajjatīti? Āmantā.

Yattha vā pana purisindriyaṁ na uppajjati tattha itthindriyaṁ na uppajjatīti? Āmantā …pe….

Yattha purisindriyaṁ na uppajjati tattha jīvitindriyaṁ na uppajjatīti? Uppajjati.

Yattha vā pana jīvitindriyaṁ na uppajjati tattha purisindriyaṁ na uppajjatīti? Natthi.

Yattha purisindriyaṁ na uppajjati tattha somanassindriyaṁ na uppajjatīti?

Rūpāvacare tattha purisindriyaṁ na uppajjati, no ca tattha somanassindriyaṁ na uppajjati. Asaññasatte arūpe tattha purisindriyañca na uppajjati somanassindriyañca na uppajjati.

Yattha vā pana somanassindriyaṁ na uppajjati tattha purisindriyaṁ na uppajjatīti? Āmantā.

Yattha purisindriyaṁ na uppajjati tattha upekkhindriyaṁ na uppajjatīti?

Rūpāvacare arūpāvacare tattha purisindriyaṁ na uppajjati, no ca tattha upekkhindriyaṁ na uppajjati. Asaññasatte tattha purisindriyañca na uppajjati upekkhindriyañca na uppajjati.

Yattha vā pana upekkhindriyaṁ na uppajjati tattha purisindriyaṁ na uppajjatīti? Āmantā.

Yattha purisindriyaṁ na uppajjati tattha saddhindriyaṁ …pe… paññindriyaṁ …pe… manindriyaṁ na uppajjatīti?

Rūpāvacare arūpāvacare tattha purisindriyaṁ na uppajjati, no ca tattha manindriyaṁ na uppajjati. Asaññasatte tattha purisindriyañca na uppajjati manindriyañca na uppajjati.

Yattha vā pana manindriyaṁ na uppajjati tattha purisindriyaṁ na uppajjatīti? Āmantā. (Purisindriyamūlakaṁ.)

Yattha jīvitindriyaṁ na uppajjati tattha somanassindriyaṁ na uppajjatīti? Natthi.

Yattha vā pana somanassindriyaṁ na uppajjati tattha jīvitindriyaṁ na uppajjatīti? Uppajjati.

Yattha jīvitindriyaṁ na uppajjati tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjatīti? Natthi.

Yattha vā pana manindriyaṁ na uppajjati tattha jīvitindriyaṁ na uppajjatīti? Uppajjati. (Jīvitindriyamūlakaṁ.)

Yattha somanassindriyaṁ na uppajjati tattha upekkhindriyaṁ na uppajjatīti? Āmantā.

Yattha vā pana upekkhindriyaṁ na uppajjati tattha somanassindriyaṁ na uppajjatīti? Āmantā.

Yattha somanassindriyaṁ na uppajjati tattha saddhindriyaṁ …pe… paññindriyaṁ …pe… manindriyaṁ na uppajjatīti? Āmantā.

Yattha vā pana manindriyaṁ na uppajjati tattha somanassindriyaṁ na uppajjatīti? Āmantā. (Somanassindriyamūlakaṁ.)

Yattha upekkhindriyaṁ na uppajjati tattha saddhindriyaṁ …pe… paññindriyaṁ …pe… manindriyaṁ na uppajjatīti? Āmantā.

Yattha vā pana manindriyaṁ na uppajjati tattha upekkhindriyaṁ na uppajjatīti? Āmantā. (Upekkhindriyamūlakaṁ.)

Yattha saddhindriyaṁ na uppajjati tattha paññindriyaṁ …pe… manindriyaṁ na uppajjatīti? Āmantā.

Yattha vā pana manindriyaṁ na uppajjati tattha saddhindriyaṁ na uppajjatīti? Āmantā. (Saddhindriyamūlakaṁ.)

Yattha paññindriyaṁ na uppajjati tattha manindriyaṁ na uppajjatīti? Āmantā.

Yattha vā pana manindriyaṁ na uppajjati tattha paññindriyaṁ na uppajjatīti? Āmantā. (Paññindriyamūlakaṁ.)

Yassa yattha cakkhundriyaṁ na uppajjati tassa tattha sotindriyaṁ na uppajjatīti?

Acakkhukānaṁ sasotakānaṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha sotindriyaṁ na uppajjati. Sabbesaṁ cavantānaṁ acakkhukānaṁ asotakānaṁ upapajjantānaṁ tesaṁ tattha cakkhundriyañca na uppajjati sotindriyañca na uppajjati.

Yassa vā pana yattha sotindriyaṁ na uppajjati tassa tattha cakkhundriyaṁ na uppajjatīti?

Asotakānaṁ sacakkhukānaṁ upapajjantānaṁ tesaṁ tattha sotindriyaṁ na uppajjati, no ca tesaṁ tattha cakkhundriyaṁ na uppajjati. Sabbesaṁ cavantānaṁ asotakānaṁ acakkhukānaṁ upapajjantānaṁ tesaṁ tattha sotindriyañca na uppajjati cakkhundriyañca na uppajjati.

Yassa yattha cakkhundriyaṁ na uppajjati tassa tattha ghānindriyaṁ na uppajjatīti?

Acakkhukānaṁ saghānakānaṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha ghānindriyaṁ na uppajjati. Sabbesaṁ cavantānaṁ acakkhukānaṁ aghānakānaṁ upapajjantānaṁ tesaṁ tattha cakkhundriyañca na uppajjati ghānindriyañca na uppajjati.

Yassa vā pana yattha ghānindriyaṁ na uppajjati tassa tattha cakkhundriyaṁ na uppajjatīti?

Aghānakānaṁ sacakkhukānaṁ upapajjantānaṁ tesaṁ tattha ghānindriyaṁ na uppajjati, no ca tesaṁ tattha cakkhundriyaṁ na uppajjati. Sabbesaṁ cavantānaṁ aghānakānaṁ acakkhukānaṁ upapajjantānaṁ tesaṁ tattha ghānindriyañca na uppajjati cakkhundriyañca na uppajjati.

Yassa yattha cakkhundriyaṁ na uppajjati tassa tattha itthindriyaṁ na uppajjatīti?

Acakkhukānaṁ itthīnaṁ upapajjantīnaṁ tāsaṁ tattha cakkhundriyaṁ na uppajjati, no ca tāsaṁ tattha itthindriyaṁ na uppajjati. Sabbesaṁ cavantānaṁ acakkhukānaṁ na itthīnaṁ upapajjantānaṁ tesaṁ tattha cakkhundriyañca na uppajjati itthindriyañca na uppajjati.

Yassa vā pana yattha itthindriyaṁ na uppajjati tassa tattha cakkhundriyaṁ na uppajjatīti?

Na itthīnaṁ sacakkhukānaṁ upapajjantānaṁ tesaṁ tattha itthindriyaṁ na uppajjati, no ca tesaṁ tattha cakkhundriyaṁ na uppajjati. Sabbesaṁ cavantānaṁ na itthīnaṁ acakkhukānaṁ upapajjantānaṁ tesaṁ tattha itthindriyañca na uppajjati cakkhundriyañca na uppajjati.

Yassa yattha cakkhundriyaṁ na uppajjati tassa tattha purisindriyaṁ na uppajjatīti?

Acakkhukānaṁ purisānaṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha purisindriyaṁ na uppajjati. Sabbesaṁ cavantānaṁ acakkhukānaṁ na purisānaṁ upapajjantānaṁ tesaṁ tattha cakkhundriyañca na uppajjati purisindriyañca na uppajjati.

Yassa vā pana yattha purisindriyaṁ na uppajjati tassa tattha cakkhundriyaṁ na uppajjatīti?

Na purisānaṁ sacakkhukānaṁ upapajjantānaṁ tesaṁ tattha purisindriyaṁ na uppajjati, no ca tesaṁ tattha cakkhundriyaṁ na uppajjati. Sabbesaṁ cavantānaṁ na purisānaṁ acakkhukānaṁ upapajjantānaṁ tesaṁ tattha purisindriyañca na uppajjati cakkhundriyañca na uppajjati.

Yassa yattha cakkhundriyaṁ na uppajjati tassa tattha jīvitindriyaṁ na uppajjatīti?

Acakkhukānaṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha jīvitindriyaṁ na uppajjati. Sabbesaṁ cavantānaṁ tesaṁ tattha cakkhundriyañca na uppajjati jīvitindriyañca na uppajjati.

Yassa vā pana yattha jīvitindriyaṁ na uppajjati tassa tattha cakkhundriyaṁ na uppajjatīti? Āmantā.

Yassa yattha cakkhundriyaṁ na uppajjati tassa tattha somanassindriyaṁ na uppajjatīti? Āmantā.

Yassa vā pana yattha somanassindriyaṁ na uppajjati tassa tattha cakkhundriyaṁ na uppajjatīti?

Vinā somanassena sacakkhukānaṁ upapajjantānaṁ tesaṁ tattha somanassindriyaṁ na uppajjati, no ca tesaṁ tattha cakkhundriyaṁ na uppajjati. Sabbesaṁ cavantānaṁ vinā somanassena acakkhukānaṁ upapajjantānaṁ tesaṁ tattha somanassindriyañca na uppajjati cakkhundriyañca na uppajjati.

Yassa yattha cakkhundriyaṁ na uppajjati tassa tattha upekkhindriyaṁ na uppajjatīti?

Acakkhukānaṁ upekkhāya upapajjantānaṁ tesaṁ tattha cakkhundriyaṁ na uppajjati, no ca tesaṁ tattha upekkhindriyaṁ na uppajjati. Sabbesaṁ cavantānaṁ acakkhukānaṁ vinā upekkhāya upapajjantānaṁ tesaṁ tattha cakkhundriyañca na uppajjati upekkhindriyañca na uppajjati.

Yassa vā pana yattha upekkhindriyaṁ na uppajjati tassa tattha cakkhundriyaṁ na uppajjatīti?

Vinā upekkhāya sacakkhukānaṁ upapajjantānaṁ tesaṁ tattha upekkhindriyaṁ na uppajjati, no ca tesaṁ tattha cakkhundriyaṁ na uppajjati. Sabbesaṁ cavantānaṁ vinā upekkhāya acakkhukānaṁ upapajjantānaṁ tesaṁ tattha upekkhindriyañca na uppajjati cakkhundriyañca na uppajjati.

Yassa yattha cakkhundriyaṁ na uppajjati tassa tattha saddhindriyaṁ na uppajjatīti?

Acakkhukānaṁ sahetukānaṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha saddhindriyaṁ na uppajjati. Sabbesaṁ cavantānaṁ acakkhukānaṁ ahetukānaṁ upapajjantānaṁ tesaṁ tattha cakkhundriyañca na uppajjati saddhindriyañca na uppajjati.

Yassa vā pana yattha saddhindriyaṁ na uppajjati tassa tattha cakkhundriyaṁ na uppajjatīti?

Ahetukānaṁ sacakkhukānaṁ upapajjantānaṁ tesaṁ tattha saddhindriyaṁ na uppajjati, no ca tesaṁ tattha cakkhundriyaṁ na uppajjati. Sabbesaṁ cavantānaṁ ahetukānaṁ acakkhukānaṁ upapajjantānaṁ tesaṁ tattha saddhindriyañca na uppajjati cakkhundriyañca na uppajjati.

Yassa yattha cakkhundriyaṁ na uppajjati tassa tattha paññindriyaṁ na uppajjatīti?

Acakkhukānaṁ ñāṇasampayuttānaṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha paññindriyaṁ na uppajjati. Sabbesaṁ cavantānaṁ acakkhukānaṁ ñāṇavippayuttānaṁ upapajjantānaṁ tesaṁ tattha cakkhundriyañca na uppajjati paññindriyañca na uppajjati.

Yassa vā pana yattha paññindriyaṁ na uppajjati tassa tattha cakkhundriyaṁ na uppajjatīti?

Ñāṇavippayuttānaṁ sacakkhukānaṁ upapajjantānaṁ tesaṁ tattha paññindriyaṁ na uppajjati, no ca tesaṁ tattha cakkhundriyaṁ na uppajjati. Sabbesaṁ cavantānaṁ ñāṇavippayuttānaṁ acakkhukānaṁ upapajjantānaṁ tesaṁ tattha paññindriyañca na uppajjati cakkhundriyañca na uppajjati.

Yassa yattha cakkhundriyaṁ na uppajjati tassa tattha manindriyaṁ na uppajjatīti?

Acakkhukānaṁ sacittakānaṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha manindriyaṁ na uppajjati. Sabbesaṁ cavantānaṁ acittakānaṁ upapajjantānaṁ tesaṁ tattha cakkhundriyañca na uppajjati manindriyañca na uppajjati.

Yassa vā pana yattha manindriyaṁ na uppajjati tassa tattha cakkhundriyaṁ na uppajjatīti? Āmantā. (Cakkhundriyamūlakaṁ.)

Yassa yattha ghānindriyaṁ na uppajjati tassa tattha itthindriyaṁ na uppajjatīti?

Aghānakānaṁ itthīnaṁ upapajjantīnaṁ tāsaṁ tattha ghānindriyaṁ na uppajjati, no ca tāsaṁ tattha itthindriyaṁ na uppajjati. Sabbesaṁ cavantānaṁ aghānakānaṁ na itthīnaṁ upapajjantānaṁ tesaṁ tattha ghānindriyañca na uppajjati itthindriyañca na uppajjati.

Yassa vā pana yattha itthindriyaṁ na uppajjati tassa tattha ghānindriyaṁ na uppajjatīti?

Na itthīnaṁ saghānakānaṁ upapajjantānaṁ tesaṁ tattha itthindriyaṁ na uppajjati, no ca tesaṁ tattha ghānindriyaṁ na uppajjati. Sabbesaṁ cavantānaṁ na itthīnaṁ aghānakānaṁ upapajjantānaṁ tesaṁ tattha itthindriyañca na uppajjati ghānindriyañca na uppajjati.

Yassa yattha ghānindriyaṁ na uppajjati tassa tattha purisindriyaṁ na uppajjatīti?

Aghānakānaṁ purisānaṁ upapajjantānaṁ tesaṁ tattha ghānindriyaṁ na uppajjati, no ca tesaṁ tattha purisindriyaṁ na uppajjati. Sabbesaṁ cavantānaṁ aghānakānaṁ na purisānaṁ upapajjantānaṁ tesaṁ tattha ghānindriyañca na uppajjati purisindriyañca na uppajjati.

Yassa vā pana yattha purisindriyaṁ na uppajjati tassa tattha ghānindriyaṁ na uppajjatīti?

Na purisānaṁ saghānakānaṁ upapajjantānaṁ tesaṁ tattha purisindriyaṁ na uppajjati, no ca tesaṁ tattha ghānindriyaṁ na uppajjati. Sabbesaṁ cavantānaṁ na purisānaṁ aghānakānaṁ upapajjantānaṁ tesaṁ tattha purisindriyañca na uppajjati ghānindriyañca na uppajjati.

Yassa yattha ghānindriyaṁ na uppajjati tassa tattha jīvitindriyaṁ na uppajjatīti?

Aghānakānaṁ upapajjantānaṁ tesaṁ tattha ghānindriyaṁ na uppajjati, no ca tesaṁ tattha jīvitindriyaṁ na uppajjati. Sabbesaṁ cavantānaṁ tesaṁ tattha ghānindriyañca na uppajjati jīvitindriyañca na uppajjati.

Yassa vā pana yattha jīvitindriyaṁ na uppajjati tassa tattha ghānindriyaṁ na uppajjatīti? Āmantā.

Yassa yattha ghānindriyaṁ na uppajjati tassa tattha somanassindriyaṁ na uppajjatīti?

Aghānakānaṁ somanassena upapajjantānaṁ tesaṁ tattha ghānindriyaṁ na uppajjati, no ca tesaṁ tattha somanassindriyaṁ na uppajjati. Sabbesaṁ cavantānaṁ aghānakānaṁ vinā somanassena upapajjantānaṁ tesaṁ tattha ghānindriyañca na uppajjati somanassindriyañca na uppajjati.

Yassa vā pana yattha somanassindriyaṁ na uppajjati tassa tattha ghānindriyaṁ na uppajjatīti?

Vinā somanassena saghānakānaṁ upapajjantānaṁ tesaṁ tattha somanassindriyaṁ na uppajjati, no ca tesaṁ tattha ghānindriyaṁ na uppajjati. Sabbesaṁ cavantānaṁ vinā somanassena aghānakānaṁ upapajjantānaṁ tesaṁ tattha somanassindriyañca na uppajjati ghānindriyañca na uppajjati.

Yassa yattha ghānindriyaṁ na uppajjati tassa tattha upekkhindriyaṁ na uppajjatīti?

Aghānakānaṁ upekkhāya upapajjantānaṁ tesaṁ tattha ghānindriyaṁ na uppajjati, no ca tesaṁ tattha upekkhindriyaṁ na uppajjati. Sabbesaṁ cavantānaṁ aghānakānaṁ vinā upekkhāya upapajjantānaṁ tesaṁ tattha ghānindriyañca na uppajjati upekkhindriyañca na uppajjati.

Yassa vā pana yattha upekkhindriyaṁ na uppajjati tassa tattha ghānindriyaṁ na uppajjatīti?

Vinā upekkhāya saghānakānaṁ upapajjantānaṁ tesaṁ tattha upekkhindriyaṁ na uppajjati, no ca tesaṁ tattha ghānindriyaṁ na uppajjati. Sabbesaṁ cavantānaṁ vinā upekkhāya aghānakānaṁ upapajjantānaṁ tesaṁ tattha upekkhindriyañca na uppajjati ghānindriyañca na uppajjati.

Yassa yattha ghānindriyaṁ na uppajjati tassa tattha saddhindriyaṁ na uppajjatīti?

Aghānakānaṁ sahetukānaṁ upapajjantānaṁ tesaṁ tattha ghānindriyaṁ na uppajjati, no ca tesaṁ tattha saddhindriyaṁ na uppajjati. Sabbesaṁ cavantānaṁ aghānakānaṁ ahetukānaṁ upapajjantānaṁ tesaṁ tattha ghānindriyañca na uppajjati saddhindriyañca na uppajjati.

Yassa vā pana yattha saddhindriyaṁ na uppajjati tassa tattha ghānindriyaṁ na uppajjatīti?

Ahetukānaṁ saghānakānaṁ upapajjantānaṁ tesaṁ tattha saddhindriyaṁ na uppajjati, no ca tesaṁ tattha ghānindriyaṁ na uppajjati. Sabbesaṁ cavantānaṁ ahetukānaṁ aghānakānaṁ upapajjantānaṁ tesaṁ tattha saddhindriyañca na uppajjati ghānindriyañca na uppajjati.

Yassa yattha ghānindriyaṁ na uppajjati tassa tattha paññindriyaṁ na uppajjatīti?

Aghānakānaṁ ñāṇasampayuttānaṁ upapajjantānaṁ tesaṁ tattha ghānindriyaṁ na uppajjati, no ca tesaṁ tattha paññindriyaṁ na uppajjati. Sabbesaṁ cavantānaṁ aghānakānaṁ ñāṇavippayuttānaṁ upapajjantānaṁ tesaṁ tattha ghānindriyañca na uppajjati paññindriyañca na uppajjati.

Yassa vā pana yattha paññindriyaṁ na uppajjati tassa tattha ghānindriyaṁ na uppajjatīti?

Ñāṇavippayuttānaṁ saghānakānaṁ upapajjantānaṁ tesaṁ tattha paññindriyaṁ na uppajjati, no ca tesaṁ tattha ghānindriyaṁ na uppajjati. Sabbesaṁ cavantānaṁ ñāṇavippayuttānaṁ aghānakānaṁ upapajjantānaṁ tesaṁ tattha paññindriyañca na uppajjati ghānindriyañca na uppajjati.

Yassa yattha ghānindriyaṁ na uppajjati tassa tattha manindriyaṁ na uppajjatīti?

Aghānakānaṁ sacittakānaṁ upapajjantānaṁ tesaṁ tattha ghānindriyaṁ na uppajjati, no ca tesaṁ tattha manindriyaṁ na uppajjati. Sabbesaṁ cavantānaṁ acittakānaṁ upapajjantānaṁ tesaṁ tattha ghānindriyañca na uppajjati manindriyañca na uppajjati.

Yassa vā pana yattha manindriyaṁ na uppajjati tassa tattha ghānindriyaṁ na uppajjatīti? Āmantā. (Ghānindriyamūlakaṁ.)

Yassa yattha itthindriyaṁ na uppajjati tassa tattha purisindriyaṁ na uppajjatīti?

Purisānaṁ upapajjantānaṁ tesaṁ tattha itthindriyaṁ na uppajjati, no ca tesaṁ tattha purisindriyaṁ na uppajjati. Sabbesaṁ cavantānaṁ na itthīnaṁ na purisānaṁ upapajjantānaṁ tesaṁ tattha itthindriyañca na uppajjati purisindriyañca na uppajjati.

Yassa vā pana yattha purisindriyaṁ na uppajjati tassa tattha itthindriyaṁ na uppajjatīti?

Itthīnaṁ upapajjantīnaṁ tāsaṁ tattha purisindriyaṁ na uppajjati, no ca tāsaṁ tattha itthindriyaṁ na uppajjati. Sabbesaṁ cavantānaṁ na purisānaṁ na itthīnaṁ upapajjantānaṁ tesaṁ tattha purisindriyañca na uppajjati itthindriyañca na uppajjati.

Yassa yattha itthindriyaṁ na uppajjati tassa tattha jīvitindriyaṁ na uppajjatīti?

Na itthīnaṁ upapajjantānaṁ tesaṁ tattha itthindriyaṁ na uppajjati, no ca tesaṁ tattha jīvitindriyaṁ na uppajjati. Sabbesaṁ cavantānaṁ tesaṁ tattha itthindriyañca na uppajjati jīvitindriyañca na uppajjati.

Yassa vā pana yattha jīvitindriyaṁ na uppajjati tassa tattha itthindriyaṁ na uppajjatīti? Āmantā.

Yassa yattha itthindriyaṁ na uppajjati tassa tattha somanassindriyaṁ na uppajjatīti?

Na itthīnaṁ somanassena upapajjantānaṁ tesaṁ tattha itthindriyaṁ na uppajjati, no ca tesaṁ tattha somanassindriyaṁ na uppajjati. Sabbesaṁ cavantānaṁ na itthīnaṁ vinā somanassena upapajjantānaṁ tesaṁ tattha itthindriyañca na uppajjati somanassindriyañca na uppajjati.

Yassa vā pana yattha somanassindriyaṁ na uppajjati tassa tattha itthindriyaṁ na uppajjatīti?

Vinā somanassena itthīnaṁ upapajjantīnaṁ tāsaṁ tattha somanassindriyaṁ na uppajjati, no ca tāsaṁ tattha itthindriyaṁ na uppajjati. Sabbesaṁ cavantānaṁ vinā somanassena na itthīnaṁ upapajjantānaṁ tesaṁ tattha somanassindriyañca na uppajjati itthindriyañca na uppajjati.

Yassa yattha itthindriyaṁ na uppajjati tassa tattha upekkhindriyaṁ na uppajjatīti?

Na itthīnaṁ upekkhāya upapajjantānaṁ tesaṁ tattha itthindriyaṁ na uppajjati, no ca tesaṁ tattha upekkhindriyaṁ na uppajjati. Sabbesaṁ cavantānaṁ na itthīnaṁ vinā upekkhāya upapajjantānaṁ tesaṁ tattha itthindriyañca na uppajjati upekkhindriyañca na uppajjati.

Yassa vā pana yattha upekkhindriyaṁ na uppajjati tassa tattha itthindriyaṁ na uppajjatīti?

Vinā upekkhāya itthīnaṁ upapajjantīnaṁ tāsaṁ tattha upekkhindriyaṁ na uppajjati, no ca tāsaṁ tattha itthindriyaṁ na uppajjati. Sabbesaṁ cavantānaṁ vinā upekkhāya na itthīnaṁ upapajjantānaṁ tesaṁ tattha upekkhindriyañca na uppajjati itthindriyañca na uppajjati.

Yassa yattha itthindriyaṁ na uppajjati tassa tattha saddhindriyaṁ na uppajjatīti?

Na itthīnaṁ sahetukānaṁ upapajjantānaṁ tesaṁ tattha itthindriyaṁ na uppajjati, no ca tesaṁ tattha saddhindriyaṁ na uppajjati. Sabbesaṁ cavantānaṁ na itthīnaṁ ahetukānaṁ upapajjantānaṁ tesaṁ tattha itthindriyañca na uppajjati saddhindriyañca na uppajjati.

Yassa vā pana yattha saddhindriyaṁ na uppajjati tassa tattha itthindriyaṁ na uppajjatīti?

Ahetukānaṁ itthīnaṁ upapajjantīnaṁ tāsaṁ tattha saddhindriyaṁ na uppajjati, no ca tāsaṁ tattha itthindriyaṁ na uppajjati. Sabbesaṁ cavantānaṁ ahetukānaṁ na itthīnaṁ upapajjantānaṁ tesaṁ tattha saddhindriyañca na uppajjati itthindriyañca na uppajjati.

Yassa yattha itthindriyaṁ na uppajjati tassa tattha paññindriyaṁ na uppajjatīti?

Na itthīnaṁ ñāṇasampayuttānaṁ upapajjantānaṁ tesaṁ tattha itthindriyaṁ na uppajjati, no ca tesaṁ tattha paññindriyaṁ na uppajjati. Sabbesaṁ cavantānaṁ na itthīnaṁ ñāṇavippayuttānaṁ upapajjantānaṁ tesaṁ tattha itthindriyañca na uppajjati paññindriyañca na uppajjati.

Yassa vā pana yattha paññindriyaṁ na uppajjati tassa tattha itthindriyaṁ na uppajjatīti?

Ñāṇavippayuttānaṁ itthīnaṁ upapajjantīnaṁ tāsaṁ tattha paññindriyaṁ na uppajjati, no ca tāsaṁ tattha itthindriyaṁ na uppajjati. Sabbesaṁ cavantānaṁ ñāṇavippayuttānaṁ na itthīnaṁ upapajjantānaṁ tesaṁ tattha paññindriyañca na uppajjati itthindriyañca na uppajjati.

Yassa yattha itthindriyaṁ na uppajjati tassa tattha manindriyaṁ na uppajjatīti?

Na itthīnaṁ sacittakānaṁ upapajjantānaṁ tesaṁ tattha itthindriyaṁ na uppajjati, no ca tesaṁ tattha manindriyaṁ na uppajjati. Sabbesaṁ cavantānaṁ acittakānaṁ upapajjantānaṁ tesaṁ tattha itthindriyañca na uppajjati manindriyañca na uppajjati.

Yassa vā pana yattha manindriyaṁ na uppajjati tassa tattha itthindriyaṁ na uppajjatīti? Āmantā. (Itthindriyamūlakaṁ.)

Yassa yattha purisindriyaṁ na uppajjati tassa tattha jīvitindriyaṁ na uppajjatīti?

Na purisānaṁ upapajjantānaṁ tesaṁ tattha purisindriyaṁ na uppajjati, no ca tesaṁ tattha jīvitindriyaṁ na uppajjati. Sabbesaṁ cavantānaṁ tesaṁ tattha purisindriyañca na uppajjati jīvitindriyañca na uppajjati.

Yassa vā pana yattha jīvitindriyaṁ na uppajjati tassa tattha purisindriyaṁ na uppajjatīti? Āmantā.

Yassa yattha purisindriyaṁ na uppajjati tassa tattha somanassindriyaṁ na uppajjatīti?

Na purisānaṁ somanassena upapajjantānaṁ tesaṁ tattha purisindriyaṁ na uppajjati, no ca tesaṁ tattha somanassindriyaṁ na uppajjati. Sabbesaṁ cavantānaṁ na purisānaṁ vinā somanassena upapajjantānaṁ tesaṁ tattha purisindriyañca na uppajjati somanassindriyañca na uppajjati.

Yassa vā pana yattha somanassindriyaṁ na uppajjati tassa tattha purisindriyaṁ na uppajjatīti?

Vinā somanassena purisānaṁ upapajjantānaṁ tesaṁ tattha somanassindriyaṁ na uppajjati, no ca tesaṁ tattha purisindriyaṁ na uppajjati. Sabbesaṁ cavantānaṁ vinā somanassena na purisānaṁ upapajjantānaṁ tesaṁ tattha somanassindriyañca na uppajjati purisindriyañca na uppajjati.

Yassa yattha purisindriyaṁ na uppajjati tassa tattha upekkhindriyaṁ na uppajjatīti?

Na purisānaṁ upekkhāya upapajjantānaṁ tesaṁ tattha purisindriyaṁ na uppajjati, no ca tesaṁ tattha upekkhindriyaṁ na uppajjati. Sabbesaṁ cavantānaṁ na purisānaṁ vinā upekkhāya upapajjantānaṁ tesaṁ tattha purisindriyañca na uppajjati upekkhindriyañca na uppajjati.

Yassa vā pana yattha upekkhindriyaṁ na uppajjati tassa tattha purisindriyaṁ na uppajjatīti?

Vinā upekkhāya purisānaṁ upapajjantānaṁ tesaṁ tattha upekkhindriyaṁ na uppajjati, no ca tesaṁ tattha purisindriyaṁ na uppajjati. Sabbesaṁ cavantānaṁ vinā upekkhāya na purisānaṁ upapajjantānaṁ tesaṁ tattha upekkhindriyañca na uppajjati purisindriyañca na uppajjati.

Yassa yattha purisindriyaṁ na uppajjati tassa tattha saddhindriyaṁ na uppajjatīti?

Na purisānaṁ sahetukānaṁ upapajjantānaṁ tesaṁ tattha purisindriyaṁ na uppajjati, no ca tesaṁ tattha saddhindriyaṁ na uppajjati. Sabbesaṁ cavantānaṁ na purisānaṁ ahetukānaṁ upapajjantānaṁ tesaṁ tattha purisindriyañca na uppajjati saddhindriyañca na uppajjati.

Yassa vā pana yattha saddhindriyaṁ na uppajjati tassa tattha purisindriyaṁ na uppajjatīti?

Ahetukānaṁ purisānaṁ upapajjantānaṁ tesaṁ tattha saddhindriyaṁ na uppajjati, no ca tesaṁ tattha purisindriyaṁ na uppajjati. Sabbesaṁ cavantānaṁ ahetukānaṁ na purisānaṁ upapajjantānaṁ tesaṁ tattha saddhindriyañca na uppajjati purisindriyañca na uppajjati.

Yassa yattha purisindriyaṁ na uppajjati tassa tattha paññindriyaṁ na uppajjatīti?

Na purisānaṁ ñāṇasampayuttānaṁ upapajjantānaṁ tesaṁ tattha purisindriyaṁ na uppajjati, no ca tesaṁ tattha paññindriyaṁ na uppajjati. Sabbesaṁ cavantānaṁ na purisānaṁ ñāṇavippayuttānaṁ upapajjantānaṁ tesaṁ tattha purisindriyañca na uppajjati paññindriyañca na uppajjati.

Yassa vā pana yattha paññindriyaṁ na uppajjati tassa tattha purisindriyaṁ na uppajjatīti?

Ñāṇavippayuttānaṁ purisānaṁ upapajjantānaṁ tesaṁ tattha paññindriyaṁ na uppajjati, no ca tesaṁ tattha purisindriyaṁ na uppajjati. Sabbesaṁ cavantānaṁ ñāṇavippayuttānaṁ na purisānaṁ upapajjantānaṁ tesaṁ tattha paññindriyañca na uppajjati purisindriyañca na uppajjati.

Yassa yattha purisindriyaṁ na uppajjati tassa tattha manindriyaṁ na uppajjatīti?

Na purisānaṁ sacittakānaṁ upapajjantānaṁ tesaṁ tattha purisindriyaṁ na uppajjati, no ca tesaṁ tattha manindriyaṁ na uppajjati. Sabbesaṁ cavantānaṁ acittakānaṁ upapajjantānaṁ tesaṁ tattha purisindriyañca na uppajjati manindriyañca na uppajjati.

Yassa vā pana yattha manindriyaṁ na uppajjati tassa tattha purisindriyaṁ na uppajjatīti? Āmantā. (Purisindriyamūlakaṁ.)

Yassa yattha jīvitindriyaṁ na uppajjati tassa tattha somanassindriyaṁ na uppajjatīti? Āmantā.

Yassa vā pana yattha somanassindriyaṁ na uppajjati tassa tattha jīvitindriyaṁ na uppajjatīti?

Vinā somanassena upapajjantānaṁ pavatte somanassavippayuttacittassa uppādakkhaṇe tesaṁ tattha somanassindriyaṁ na uppajjati, no ca tesaṁ tattha jīvitindriyaṁ na uppajjati. Sabbesaṁ cavantānaṁ pavatte cittassa bhaṅgakkhaṇe tesaṁ tattha somanassindriyañca na uppajjati jīvitindriyañca na uppajjati.

Yassa yattha jīvitindriyaṁ na uppajjati tassa tattha upekkhindriyaṁ na uppajjatīti? Āmantā.

Yassa vā pana yattha upekkhindriyaṁ na uppajjati tassa tattha jīvitindriyaṁ na uppajjatīti?

Vinā upekkhāya upapajjantānaṁ pavatte upekkhāvippayuttacittassa uppādakkhaṇe tesaṁ tattha upekkhindriyaṁ na uppajjati, no ca tesaṁ tattha jīvitindriyaṁ na uppajjati. Sabbesaṁ cavantānaṁ pavatte cittassa bhaṅgakkhaṇe tesaṁ tattha upekkhindriyañca na uppajjati jīvitindriyañca na uppajjati.

Yassa yattha jīvitindriyaṁ na uppajjati tassa tattha saddhindriyaṁ na uppajjatīti? Āmantā.

Yassa vā pana yattha saddhindriyaṁ na uppajjati tassa tattha jīvitindriyaṁ na uppajjatīti?

Ahetukānaṁ upapajjantānaṁ pavatte saddhāvippayuttacittassa uppādakkhaṇe tesaṁ tattha saddhindriyaṁ na uppajjati, no ca tesaṁ tattha jīvitindriyaṁ na uppajjati. Sabbesaṁ cavantānaṁ pavatte cittassa bhaṅgakkhaṇe tesaṁ tattha saddhindriyañca na uppajjati jīvitindriyañca na uppajjati.

Yassa yattha jīvitindriyaṁ na uppajjati tassa tattha paññindriyaṁ na uppajjatīti? Āmantā.

Yassa vā pana yattha paññindriyaṁ na uppajjati tassa tattha jīvitindriyaṁ na uppajjatīti?

Ñāṇavippayuttānaṁ upapajjantānaṁ pavatte ñāṇavippayuttacittassa uppādakkhaṇe tesaṁ tattha paññindriyaṁ na uppajjati, no ca tesaṁ tattha jīvitindriyaṁ na uppajjati. Sabbesaṁ cavantānaṁ pavatte cittassa bhaṅgakkhaṇe tesaṁ tattha paññindriyañca na uppajjati jīvitindriyañca na uppajjati.

Yassa yattha jīvitindriyaṁ na uppajjati tassa tattha manindriyaṁ na uppajjatīti? Āmantā.

Yassa vā pana yattha manindriyaṁ na uppajjati tassa tattha jīvitindriyaṁ na uppajjatīti?

Acittakānaṁ upapajjantānaṁ tesaṁ tattha manindriyaṁ na uppajjati, no ca tesaṁ tattha jīvitindriyaṁ na uppajjati. Sabbesaṁ cavantānaṁ pavatte cittassa bhaṅgakkhaṇe tesaṁ tattha manindriyañca na uppajjati jīvitindriyañca na uppajjati. (Jīvitindriyamūlakaṁ.)

Yassa yattha somanassindriyaṁ na uppajjati tassa tattha upekkhindriyaṁ na uppajjatīti?

Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ tattha somanassindriyaṁ na uppajjati, no ca tesaṁ tattha upekkhindriyaṁ na uppajjati. Sabbesaṁ cittassa bhaṅgakkhaṇe somanassavippayuttaupekkhāvippayuttacittassa uppādakkhaṇe asaññasattānaṁ tesaṁ tattha somanassindriyañca na uppajjati upekkhindriyañca na uppajjati.

Yassa vā pana yattha upekkhindriyaṁ na uppajjati tassa tattha somanassindriyaṁ na uppajjatīti?

Somanassena upapajjantānaṁ pavatte somanassasampayuttacittassa uppādakkhaṇe tesaṁ tattha upekkhindriyaṁ na uppajjati, no ca tesaṁ tattha somanassindriyaṁ na uppajjati. Sabbesaṁ cittassa bhaṅgakkhaṇe upekkhāvippayuttasomanassavippayuttacittassa uppādakkhaṇe asaññasattānaṁ tesaṁ tattha upekkhindriyañca na uppajjati somanassindriyañca na uppajjati.

Yassa yattha somanassindriyaṁ na uppajjati tassa tattha saddhindriyaṁ na uppajjatīti?

Vinā somanassena sahetukānaṁ upapajjantānaṁ pavatte somanassavippayuttasaddhāsampayuttacittassa uppādakkhaṇe tesaṁ tattha somanassindriyaṁ na uppajjati, no ca tesaṁ tattha saddhindriyaṁ na uppajjati. Sabbesaṁ cittassa bhaṅgakkhaṇe somanassavippayuttasaddhāvippayuttacittassa uppādakkhaṇe asaññasattānaṁ tesaṁ tattha somanassindriyañca na uppajjati saddhindriyañca na uppajjati.

Yassa vā pana yattha saddhindriyaṁ na uppajjati tassa tattha somanassindriyaṁ na uppajjatīti?

Pavatte saddhāvippayuttasomanassasampayuttacittassa uppādakkhaṇe tesaṁ tattha saddhindriyaṁ na uppajjati, no ca tesaṁ tattha somanassindriyaṁ na uppajjati. Sabbesaṁ cittassa bhaṅgakkhaṇe saddhāvippayuttasomanassavippayuttacittassa uppādakkhaṇe asaññasattānaṁ tesaṁ tattha saddhindriyañca na uppajjati somanassindriyañca na uppajjati.

Yassa yattha somanassindriyaṁ na uppajjati tassa tattha paññindriyaṁ na uppajjatīti?

Vinā somanassena ñāṇasampayuttānaṁ upapajjantānaṁ pavatte somanassavippayuttañāṇasampayuttacittassa uppādakkhaṇe tesaṁ tattha somanassindriyaṁ na uppajjati, no ca tesaṁ tattha paññindriyaṁ na uppajjati. Sabbesaṁ cittassa bhaṅgakkhaṇe somanassavippayuttañāṇavippayuttacittassa uppādakkhaṇe asaññasattānaṁ tesaṁ tattha somanassindriyañca na uppajjati paññindriyañca na uppajjati.

Yassa vā pana yattha paññindriyaṁ na uppajjati tassa tattha somanassindriyaṁ na uppajjatīti?

Ñāṇavippayuttānaṁ somanassena upapajjantānaṁ pavatte ñāṇavippayuttasomanassasampayuttacittassa uppādakkhaṇe tesaṁ tattha paññindriyaṁ na uppajjati, no ca tesaṁ tattha somanassindriyaṁ na uppajjati. Sabbesaṁ cittassa bhaṅgakkhaṇe ñāṇavippayuttasomanassavippayuttacittassa uppādakkhaṇe asaññasattānaṁ tesaṁ tattha paññindriyañca na uppajjati somanassindriyañca na uppajjati.

Yassa yattha somanassindriyaṁ na uppajjati tassa tattha manindriyaṁ na uppajjatīti?

Vinā somanassena sacittakānaṁ upapajjantānaṁ pavatte somanassavippayuttacittassa uppādakkhaṇe tesaṁ tattha somanassindriyaṁ na uppajjati, no ca tesaṁ tattha manindriyaṁ na uppajjati. Sabbesaṁ cittassa bhaṅgakkhaṇe asaññasattānaṁ tesaṁ tattha somanassindriyañca na uppajjati manindriyañca na uppajjati.

Yassa vā pana yattha manindriyaṁ na uppajjati tassa tattha somanassindriyaṁ na uppajjatīti? Āmantā. (Somanassindriyamūlakaṁ.)

Yassa yattha upekkhindriyaṁ na uppajjati tassa tattha saddhindriyaṁ na uppajjatīti?

Vinā upekkhāya sahetukānaṁ upapajjantānaṁ pavatte upekkhāvippayuttasaddhāsampayuttacittassa uppādakkhaṇe tesaṁ tattha upekkhindriyaṁ na uppajjati, no ca tesaṁ tattha saddhindriyaṁ na uppajjati. Sabbesaṁ cittassa bhaṅgakkhaṇe upekkhāvippayuttasaddhāvippayuttacittassa uppādakkhaṇe asaññasattānaṁ tesaṁ tattha upekkhindriyañca na uppajjati saddhindriyañca na uppajjati.

Yassa vā pana yattha saddhindriyaṁ na uppajjati tassa tattha upekkhindriyaṁ na uppajjatīti?

Ahetukānaṁ upekkhāya upapajjantānaṁ pavatte saddhāvippayuttaupekkhāsampayuttacittassa uppādakkhaṇe tesaṁ tattha saddhindriyaṁ na uppajjati, no ca tesaṁ tattha upekkhindriyaṁ na uppajjati. Sabbesaṁ cittassa bhaṅgakkhaṇe saddhāvippayuttaupekkhāvippayuttacittassa uppādakkhaṇe asaññasattānaṁ tesaṁ tattha saddhindriyañca na uppajjati upekkhindriyañca na uppajjati.

Yassa yattha upekkhindriyaṁ na uppajjati tassa tattha paññindriyaṁ na uppajjatīti?

Vinā upekkhāya ñāṇasampayuttānaṁ upapajjantānaṁ pavatte upekkhāvippayuttañāṇasampayuttacittassa uppādakkhaṇe tesaṁ tattha upekkhindriyaṁ na uppajjati, no ca tesaṁ tattha paññindriyaṁ na uppajjati. Sabbesaṁ cittassa bhaṅgakkhaṇe upekkhāvippayuttañāṇavippayuttacittassa uppādakkhaṇe asaññasattānaṁ tesaṁ tattha upekkhindriyañca na uppajjati paññindriyañca na uppajjati.

Yassa vā pana yattha paññindriyaṁ na uppajjati tassa tattha upekkhindriyaṁ na uppajjatīti?

Ñāṇavippayuttānaṁ upekkhāya upapajjantānaṁ pavatte ñāṇavippayuttaupekkhāsampayuttacittassa uppādakkhaṇe tesaṁ tattha paññindriyaṁ na uppajjati, no ca tesaṁ tattha upekkhindriyaṁ na uppajjati. Sabbesaṁ cittassa bhaṅgakkhaṇe ñāṇavippayuttaupekkhāvippayuttacittassa uppādakkhaṇe asaññasattānaṁ tesaṁ tattha paññindriyañca na uppajjati upekkhindriyañca na uppajjati.

Yassa yattha upekkhindriyaṁ na uppajjati tassa tattha manindriyaṁ na uppajjatīti?

Vinā upekkhāya sacittakānaṁ upapajjantānaṁ pavatte upekkhāvippayuttacittassa uppādakkhaṇe tesaṁ tattha upekkhindriyaṁ na uppajjati, no ca tesaṁ tattha manindriyaṁ na uppajjati. Sabbesaṁ cittassa bhaṅgakkhaṇe asaññasattānaṁ tesaṁ tattha upekkhindriyañca na uppajjati manindriyañca na uppajjati.

Yassa vā pana yattha manindriyaṁ na uppajjati tassa tattha upekkhindriyaṁ na uppajjatīti? Āmantā. (Upekkhindriyamūlakaṁ.)

Yassa yattha saddhindriyaṁ na uppajjati tassa tattha paññindriyaṁ na uppajjatīti? Āmantā.

Yassa vā pana yattha paññindriyaṁ na uppajjati tassa tattha saddhindriyaṁ na uppajjatīti?

Ñāṇavippayuttānaṁ sahetukānaṁ upapajjantānaṁ pavatte ñāṇavippayuttasaddhāsampayuttacittassa uppādakkhaṇe tesaṁ tattha paññindriyaṁ na uppajjati, no ca tesaṁ tattha saddhindriyaṁ na uppajjati. Sabbesaṁ cittassa bhaṅgakkhaṇe ñāṇavippayuttasaddhāvippayuttacittassa uppādakkhaṇe asaññasattānaṁ tesaṁ tattha paññindriyañca na uppajjati saddhindriyañca na uppajjati.

Yassa yattha saddhindriyaṁ na uppajjati tassa tattha manindriyaṁ na uppajjatīti?

Ahetukānaṁ sacittakānaṁ upapajjantānaṁ pavatte saddhāvippayuttacittassa uppādakkhaṇe tesaṁ tattha saddhindriyaṁ na uppajjati, no ca tesaṁ tattha manindriyaṁ na uppajjati. Sabbesaṁ cittassa bhaṅgakkhaṇe asaññasattānaṁ tesaṁ tattha saddhindriyañca na uppajjati manindriyañca na uppajjati.

Yassa vā pana yattha manindriyaṁ na uppajjati tassa tattha saddhindriyaṁ na uppajjatīti? Āmantā. (Saddhindriyamūlakaṁ.)

Yassa yattha paññindriyaṁ na uppajjati tassa tattha manindriyaṁ na uppajjatīti?

Ñāṇavippayuttānaṁ sacittakānaṁ upapajjantānaṁ pavatte ñāṇavippayuttacittassa uppādakkhaṇe tesaṁ tattha paññindriyaṁ na uppajjati, no ca tesaṁ tattha manindriyaṁ na uppajjati. Sabbesaṁ cittassa bhaṅgakkhaṇe asaññasattānaṁ tesaṁ tattha paññindriyañca na uppajjati manindriyañca na uppajjati.

Yassa vā pana yattha manindriyaṁ na uppajjati tassa tattha paññindriyaṁ na uppajjatīti? Āmantā. (Paññindriyamūlakaṁ.)

Yassa cakkhundriyaṁ uppajjittha tassa sotindriyaṁ uppajjitthāti? Āmantā.

Yassa vā pana sotindriyaṁ uppajjittha tassa cakkhundriyaṁ uppajjitthāti? Āmantā.

Yassa cakkhundriyaṁ uppajjittha tassa ghānindriyaṁ uppajjitthāti? Āmantā.

Yassa vā pana ghānindriyaṁ uppajjittha tassa cakkhundriyaṁ uppajjitthāti? Āmantā.

Yassa cakkhundriyaṁ uppajjittha tassa itthindriyaṁ …pe… purisindriyaṁ uppajjitthāti? Āmantā.

Yassa vā pana purisindriyaṁ uppajjittha tattha cakkhundriyaṁ uppajjitthāti? Āmantā.

Yassa cakkhundriyaṁ uppajjittha tassa jīvitindriyaṁ uppajjitthāti? Āmantā.

Yassa vā pana jīvitindriyaṁ uppajjittha tassa cakkhundriyaṁ uppajjitthāti? Āmantā.

Yassa cakkhundriyaṁ uppajjittha tassa somanassindriyaṁ uppajjitthāti? Āmantā.

Yassa vā pana somanassindriyaṁ uppajjittha tassa cakkhundriyaṁ uppajjitthāti? Āmantā.

Yassa cakkhundriyaṁ uppajjittha tassa upekkhindriyaṁ uppajjitthāti? Āmantā.

Yassa vā pana upekkhindriyaṁ uppajjittha tassa cakkhundriyaṁ uppajjitthāti? Āmantā.

Yassa cakkhundriyaṁ uppajjittha tassa saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana manindriyaṁ uppajjittha tassa cakkhundriyaṁ uppajjitthāti? Āmantā. (Cakkhundriyamūlakaṁ.)

Yassa ghānindriyaṁ …pe… itthindriyaṁ … purisindriyaṁ … jīvitindriyaṁ … somanassindriyaṁ … upekkhindriyaṁ … saddhindriyaṁ … paññindriyaṁ uppajjittha tassa manindriyaṁ uppajjitthāti? Āmantā.

Yassa vā pana manindriyaṁ uppajjittha tassa paññindriyaṁ uppajjitthāti? Āmantā.

Yattha cakkhundriyaṁ uppajjittha tattha sotindriyaṁ uppajjitthāti? Āmantā.

Yattha vā pana sotindriyaṁ uppajjittha tattha cakkhundriyaṁ uppajjitthāti? Āmantā.

Yattha cakkhundriyaṁ uppajjittha tattha ghānindriyaṁ uppajjitthāti?

Rūpāvacare tattha cakkhundriyaṁ uppajjittha, no ca tattha ghānindriyaṁ uppajjittha. Kāmāvacare tattha cakkhundriyañca uppajjittha ghānindriyañca uppajjittha.

Yattha vā pana ghānindriyaṁ uppajjittha tattha cakkhundriyaṁ uppajjitthāti? Āmantā.

Yattha cakkhundriyaṁ uppajjittha tattha itthindriyaṁ …pe… purisindriyaṁ uppajjitthāti?

Rūpāvacare tattha cakkhundriyaṁ uppajjittha, no ca tattha purisindriyaṁ uppajjittha. Kāmāvacare tattha cakkhundriyañca uppajjittha purisindriyañca uppajjittha.

Yattha vā pana purisindriyaṁ uppajjittha tattha cakkhundriyaṁ uppajjitthāti? Āmantā.

Yattha cakkhundriyaṁ uppajjittha tattha jīvitindriyaṁ uppajjitthāti? Āmantā.

Yattha vā pana jīvitindriyaṁ uppajjittha tattha cakkhundriyaṁ uppajjitthāti?

Asaññasatte arūpe tattha jīvitindriyaṁ uppajjittha, no ca tattha cakkhundriyaṁ uppajjittha. Pañcavokāre tattha jīvitindriyañca uppajjittha cakkhundriyañca uppajjittha.

Yattha cakkhundriyaṁ uppajjittha tattha somanassindriyaṁ uppajjitthāti? Āmantā.

Yattha vā pana somanassindriyaṁ uppajjittha tattha cakkhundriyaṁ uppajjitthāti? Āmantā.

Yattha cakkhundriyaṁ uppajjittha tattha upekkhindriyaṁ uppajjitthāti? Āmantā.

Yattha vā pana upekkhindriyaṁ uppajjittha tattha cakkhundriyaṁ uppajjitthāti?

Arūpe tattha upekkhindriyaṁ uppajjittha, no ca tattha cakkhundriyaṁ uppajjittha. Pañcavokāre tattha upekkhindriyañca uppajjittha cakkhundriyañca uppajjittha.

Yattha cakkhundriyaṁ uppajjittha tattha saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yattha vā pana manindriyaṁ uppajjittha tattha cakkhundriyaṁ uppajjitthāti?

Arūpe tattha manindriyaṁ uppajjittha, no ca tattha cakkhundriyaṁ uppajjittha. Pañcavokāre tattha manindriyañca uppajjittha cakkhundriyañca uppajjittha. (Cakkhundriyamūlakaṁ.)

Yattha ghānindriyaṁ uppajjittha tattha itthindriyaṁ …pe… purisindriyaṁ uppajjitthāti? Āmantā.

Yattha vā pana purisindriyaṁ uppajjittha tattha ghānindriyaṁ uppajjitthāti? Āmantā.

Yattha ghānindriyaṁ uppajjittha tattha jīvitindriyaṁ uppajjitthāti? Āmantā.

Yattha vā pana jīvitindriyaṁ uppajjittha tattha ghānindriyaṁ uppajjitthāti?

Rūpāvacare arūpāvacare tattha jīvitindriyaṁ uppajjittha, no ca tattha ghānindriyaṁ uppajjittha. Kāmāvacare tattha jīvitindriyañca uppajjittha ghānindriyañca uppajjittha.

Yattha ghānindriyaṁ uppajjittha tattha somanassindriyaṁ uppajjitthāti? Āmantā.

Yattha vā pana somanassindriyaṁ uppajjittha tattha ghānindriyaṁ uppajjitthāti?

Rūpāvacare tattha somanassindriyaṁ uppajjittha, no ca tattha ghānindriyaṁ uppajjittha. Kāmāvacare tattha somanassindriyañca uppajjittha ghānindriyañca uppajjittha.

Yattha ghānindriyaṁ uppajjittha tattha upekkhindriyaṁ uppajjitthāti? Āmantā.

Yattha vā pana upekkhindriyaṁ uppajjittha tattha ghānindriyaṁ uppajjitthāti?

Rūpāvacare arūpāvacare tattha upekkhindriyaṁ uppajjittha, no ca tattha ghānindriyaṁ uppajjittha. Kāmāvacare tattha upekkhindriyañca uppajjittha ghānindriyañca uppajjittha.

Yattha ghānindriyaṁ uppajjittha tattha saddhindriyaṁ uppajjitthāti? Āmantā.

Yattha vā pana saddhindriyaṁ uppajjittha tattha ghānindriyaṁ uppajjitthāti?

Rūpāvacare arūpāvacare tattha saddhindriyaṁ uppajjittha, no ca tattha ghānindriyaṁ uppajjittha. Kāmāvacare tattha saddhindriyañca uppajjittha ghānindriyañca uppajjittha.

Yattha ghānindriyaṁ uppajjittha tattha paññindriyaṁ …pe… manindriyaṁ uppajjitthāti? Āmantā.

Yattha vā pana manindriyaṁ uppajjittha tattha ghānindriyaṁ uppajjitthāti?

Rūpāvacare arūpāvacare tattha manindriyaṁ uppajjittha, no ca tattha ghānindriyaṁ uppajjittha. Kāmāvacare tattha manindriyañca uppajjittha ghānindriyañca uppajjittha. (Ghānindriyamūlakaṁ.)

Yattha itthindriyaṁ uppajjittha tattha purisindriyaṁ uppajjitthāti? Āmantā.

Yattha vā pana purisindriyaṁ uppajjittha tattha itthindriyaṁ uppajjitthāti? Āmantā …pe….

Yattha purisindriyaṁ uppajjittha tattha jīvitindriyaṁ uppajjitthāti? Āmantā.

Yattha vā pana jīvitindriyaṁ uppajjittha tattha purisindriyaṁ uppajjitthāti?

Rūpāvacare arūpāvacare tattha jīvitindriyaṁ uppajjittha, no ca tattha purisindriyaṁ uppajjittha. Kāmāvacare tattha jīvitindriyañca uppajjittha purisindriyañca uppajjittha.

Yattha purisindriyaṁ uppajjittha tattha somanassindriyaṁ uppajjitthāti? Āmantā.

Yattha vā pana somanassindriyaṁ uppajjittha tattha purisindriyaṁ uppajjitthāti?

Rūpāvacare tattha somanassindriyaṁ uppajjittha, no ca tattha purisindriyaṁ uppajjittha. Kāmāvacare tattha somanassindriyañca uppajjittha purisindriyañca uppajjittha.

Yattha purisindriyaṁ uppajjittha tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yattha vā pana manindriyaṁ uppajjittha tattha purisindriyaṁ uppajjitthāti?

Rūpāvacare arūpāvacare tattha manindriyaṁ uppajjittha, no ca tattha purisindriyaṁ uppajjittha. Kāmāvacare tattha manindriyañca uppajjittha purisindriyañca uppajjittha. (Purisindriyamūlakaṁ.)

Yattha jīvitindriyaṁ uppajjittha tattha somanassindriyaṁ uppajjitthāti?

Asaññasatte tattha jīvitindriyaṁ uppajjittha, no ca tattha somanassindriyaṁ uppajjittha. Catuvokāre pañcavokāre tattha jīvitindriyañca uppajjittha somanassindriyañca uppajjittha.

Yattha vā pana somanassindriyaṁ uppajjittha tattha jīvitindriyaṁ uppajjitthāti? Āmantā.

Yattha jīvitindriyaṁ uppajjittha tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ uppajjitthāti?

Asaññasatte tattha jīvitindriyaṁ uppajjittha, no ca tattha manindriyaṁ uppajjittha. Catuvokāre pañcavokāre tattha jīvitindriyañca uppajjittha manindriyañca uppajjittha.

Yattha vā pana manindriyaṁ uppajjittha tattha jīvitindriyaṁ uppajjitthāti? Āmantā. (Jīvitindriyamūlakaṁ.)

Yattha somanassindriyaṁ uppajjittha tattha upekkhindriyaṁ uppajjitthāti? Āmantā.

Yattha vā pana upekkhindriyaṁ uppajjittha tattha somanassindriyaṁ uppajjitthāti? Āmantā.

Yattha somanassindriyaṁ uppajjittha tattha saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yattha vā pana manindriyaṁ uppajjittha tattha somanassindriyaṁ uppajjitthāti? Āmantā. (Somanassindriyamūlakaṁ.)

Yattha upekkhindriyaṁ uppajjittha tattha saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yattha vā pana manindriyaṁ uppajjittha tattha upekkhindriyaṁ uppajjitthāti? Āmantā. (Upekkhindriyamūlakaṁ.)

Yattha saddhindriyaṁ uppajjittha tattha paññindriyaṁ …pe… manindriyaṁ uppajjitthāti? Āmantā.

Yattha vā pana manindriyaṁ uppajjittha tattha saddhindriyaṁ uppajjitthāti? Āmantā. (Saddhindriyamūlakaṁ.)

Yattha paññindriyaṁ uppajjittha tattha manindriyaṁ uppajjitthāti? Āmantā.

Yattha vā pana manindriyaṁ uppajjittha tattha paññindriyaṁ uppajjitthāti? Āmantā. (Paññindriyamūlakaṁ.)

Yassa yattha cakkhundriyaṁ uppajjittha tassa tattha sotindriyaṁ uppajjitthāti? Āmantā.

Yassa vā pana yattha sotindriyaṁ uppajjittha tassa tattha cakkhundriyaṁ uppajjitthāti? Āmantā.

Yassa yattha cakkhundriyaṁ uppajjittha tassa tattha ghānindriyaṁ uppajjitthāti?

Rūpāvacarānaṁ tesaṁ tattha cakkhundriyaṁ uppajjittha, no ca tesaṁ tattha ghānindriyaṁ uppajjittha. Kāmāvacarānaṁ tesaṁ tattha cakkhundriyañca uppajjittha ghānindriyañca uppajjittha.

Yassa vā pana yattha ghānindriyaṁ uppajjittha tassa tattha cakkhundriyaṁ uppajjitthāti? Āmantā.

Yassa yattha cakkhundriyaṁ uppajjittha tassa tattha itthindriyaṁ …pe… purisindriyaṁ uppajjitthāti?

Rūpāvacarānaṁ tesaṁ tattha cakkhundriyaṁ uppajjittha, no ca tesaṁ tattha purisindriyaṁ uppajjittha. Kāmāvacarānaṁ tesaṁ tattha cakkhundriyañca uppajjittha purisindriyañca uppajjittha.

Yassa vā pana yattha purisindriyaṁ uppajjittha tassa tattha cakkhundriyaṁ uppajjitthāti? Āmantā.

Yassa yattha cakkhundriyaṁ uppajjittha tassa tattha jīvitindriyaṁ uppajjitthāti? Āmantā.

Yassa vā pana yattha jīvitindriyaṁ uppajjittha tassa tattha cakkhundriyaṁ uppajjitthāti?

Asaññasattānaṁ arūpānaṁ tesaṁ tattha jīvitindriyaṁ uppajjittha, no ca tesaṁ tattha cakkhundriyaṁ uppajjittha. Pañcavokārānaṁ tesaṁ tattha jīvitindriyañca uppajjittha cakkhundriyañca uppajjittha.

Yassa yattha cakkhundriyaṁ uppajjittha tassa tattha somanassindriyaṁ uppajjitthāti? Āmantā.

Yassa vā pana yattha somanassindriyaṁ uppajjittha tassa tattha cakkhundriyaṁ uppajjitthāti? Āmantā.

Yassa yattha cakkhundriyaṁ uppajjittha tassa tattha upekkhindriyaṁ uppajjitthāti? Āmantā.

Yassa vā pana yattha upekkhindriyaṁ uppajjittha tassa tattha cakkhundriyaṁ uppajjitthāti?

Arūpānaṁ tesaṁ tattha upekkhindriyaṁ uppajjittha, no ca tesaṁ tattha cakkhundriyaṁ uppajjittha. Pañcavokārānaṁ tesaṁ tattha upekkhindriyañca uppajjittha cakkhundriyañca uppajjittha.

Yassa yattha cakkhundriyaṁ uppajjittha tassa tattha saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana yattha manindriyaṁ uppajjittha tassa tattha cakkhundriyaṁ uppajjitthāti?

Arūpānaṁ tesaṁ tattha manindriyaṁ uppajjittha, no ca tesaṁ tattha cakkhundriyaṁ uppajjittha. Pañcavokārānaṁ tesaṁ tattha manindriyañca uppajjittha cakkhundriyañca uppajjittha. (Cakkhundriyamūlakaṁ.)

Yassa yattha ghānindriyaṁ uppajjittha tassa tattha itthindriyaṁ …pe… purisindriyaṁ uppajjitthāti? Āmantā.

Yassa vā pana yattha purisindriyaṁ uppajjittha tassa tattha ghānindriyaṁ uppajjitthāti? Āmantā.

Yassa yattha ghānindriyaṁ uppajjittha tassa tattha jīvitindriyaṁ uppajjitthāti? Āmantā.

Yassa vā pana yattha jīvitindriyaṁ uppajjittha tassa tattha ghānindriyaṁ uppajjitthāti?

Rūpāvacarānaṁ arūpāvacarānaṁ tesaṁ tattha jīvitindriyaṁ uppajjittha, no ca tesaṁ tattha ghānindriyaṁ uppajjittha. Kāmāvacarānaṁ tesaṁ tattha jīvitindriyañca uppajjittha ghānindriyañca uppajjittha.

Yassa yattha ghānindriyaṁ uppajjittha tassa tattha somanassindriyaṁ uppajjitthāti? Āmantā.

Yassa vā pana yattha somanassindriyaṁ uppajjittha tassa tattha ghānindriyaṁ uppajjitthāti?

Rūpāvacarānaṁ tesaṁ tattha somanassindriyaṁ uppajjittha, no ca tesaṁ tattha ghānindriyaṁ uppajjittha. Kāmāvacarānaṁ tesaṁ tattha somanassindriyañca uppajjittha ghānindriyañca uppajjittha.

Yassa yattha ghānindriyaṁ uppajjittha tassa tattha upekkhindriyaṁ uppajjitthāti? Āmantā.

Yassa vā pana yattha upekkhindriyaṁ uppajjittha tassa tattha ghānindriyaṁ uppajjitthāti?

Rūpāvacarānaṁ arūpāvacarānaṁ tesaṁ tattha upekkhindriyaṁ uppajjittha, no ca tesaṁ tattha ghānindriyaṁ uppajjittha. Kāmāvacarānaṁ tesaṁ tattha upekkhindriyañca uppajjittha ghānindriyañca uppajjittha.

Yassa yattha ghānindriyaṁ uppajjittha tassa tattha saddhindriyaṁ uppajjitthāti? Āmantā.

Yassa vā pana yattha saddhindriyaṁ uppajjittha tassa tattha ghānindriyaṁ uppajjitthāti?

Rūpāvacarānaṁ arūpāvacarānaṁ tesaṁ tattha saddhindriyaṁ uppajjittha, no ca tesaṁ tattha ghānindriyaṁ uppajjittha. Kāmāvacarānaṁ tesaṁ tattha saddhindriyañca uppajjittha ghānindriyañca uppajjittha.

Yassa yattha ghānindriyaṁ uppajjittha tassa tattha paññindriyaṁ …pe… manindriyaṁ uppajjitthāti? Āmantā.

Yassa vā pana yattha manindriyaṁ uppajjittha tassa tattha ghānindriyaṁ uppajjitthāti?

Rūpāvacarānaṁ arūpāvacarānaṁ tesaṁ tattha manindriyaṁ uppajjittha, no ca tesaṁ tattha ghānindriyaṁ uppajjittha. Kāmāvacarānaṁ tesaṁ tattha manindriyañca uppajjittha ghānindriyañca uppajjittha. (Ghānindriyamūlakaṁ.)

Yassa yattha itthindriyaṁ uppajjittha tassa tattha purisindriyaṁ uppajjitthāti? Āmantā.

Yassa vā pana yattha purisindriyaṁ uppajjittha tassa tattha itthindriyaṁ uppajjitthāti? Āmantā …pe….

Yassa yattha purisindriyaṁ uppajjittha tassa tattha jīvitindriyaṁ uppajjitthāti? Āmantā.

Yassa vā pana yattha jīvitindriyaṁ uppajjittha tassa tattha purisindriyaṁ uppajjitthāti?

Rūpāvacarānaṁ arūpāvacarānaṁ tesaṁ tattha jīvitindriyaṁ uppajjittha, no ca tesaṁ tattha purisindriyaṁ uppajjittha. Kāmāvacarānaṁ tesaṁ tattha jīvitindriyañca uppajjittha purisindriyañca uppajjittha.

Yassa yattha purisindriyaṁ uppajjittha tassa tattha somanassindriyaṁ uppajjitthāti? Āmantā.

Yassa vā pana yattha somanassindriyaṁ uppajjittha tassa tattha purisindriyaṁ uppajjitthāti?

Rūpāvacarānaṁ tesaṁ tattha somanassindriyaṁ uppajjittha, no ca tesaṁ tattha purisindriyaṁ uppajjittha. Kāmāvacarānaṁ tesaṁ tattha somanassindriyañca uppajjittha purisindriyañca uppajjittha.

Yassa yattha purisindriyaṁ uppajjittha tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana yattha manindriyaṁ uppajjittha tassa tattha purisindriyaṁ uppajjitthāti?

Rūpāvacarānaṁ arūpāvacarānaṁ tesaṁ tattha manindriyaṁ uppajjittha, no ca tesaṁ tattha purisindriyaṁ uppajjittha. Kāmāvacarānaṁ tesaṁ tattha manindriyañca uppajjittha purisindriyañca uppajjittha. (Purisindriyamūlakaṁ.)

Yassa yattha jīvitindriyaṁ uppajjittha tassa tattha somanassindriyaṁ uppajjitthāti?

Suddhāvāsānaṁ dutiye citte vattamāne asaññasattānaṁ tesaṁ tattha jīvitindriyaṁ uppajjittha, no ca tesaṁ tattha somanassindriyaṁ uppajjittha. Itaresaṁ catuvokārānaṁ pañcavokārānaṁ tesaṁ tattha jīvitindriyañca uppajjittha somanassindriyañca uppajjittha.

Yassa vā pana yattha somanassindriyaṁ uppajjittha tassa tattha jīvitindriyaṁ uppajjitthāti? Āmantā.

Yassa yattha jīvitindriyaṁ uppajjittha tassa tattha upekkhindriyaṁ uppajjitthāti?

Asaññasattānaṁ tesaṁ tattha jīvitindriyaṁ uppajjittha, no ca tesaṁ tattha upekkhindriyaṁ uppajjittha. Catuvokārānaṁ pañcavokārānaṁ tesaṁ tattha jīvitindriyañca uppajjittha upekkhindriyañca uppajjittha.

Yassa vā pana yattha upekkhindriyaṁ uppajjittha tassa tattha jīvitindriyaṁ uppajjitthāti? Āmantā.

Yassa yattha jīvitindriyaṁ uppajjittha tassa tattha saddhindriyaṁ …pe… paññindriyaṁ uppajjitthāti?

Asaññasattānaṁ tesaṁ tattha jīvitindriyaṁ uppajjittha, no ca tesaṁ tattha paññindriyaṁ uppajjittha. Catuvokārānaṁ pañcavokārānaṁ tesaṁ tattha jīvitindriyañca uppajjittha paññindriyañca uppajjittha.

Yassa vā pana yattha paññindriyaṁ uppajjittha tassa tattha jīvitindriyaṁ uppajjitthāti? Āmantā.

Yassa yattha jīvitindriyaṁ uppajjittha tassa tattha manindriyaṁ uppajjitthāti?

Asaññasattānaṁ tesaṁ tattha jīvitindriyaṁ uppajjittha, no ca tesaṁ tattha manindriyaṁ uppajjittha. Catuvokārānaṁ pañcavokārānaṁ tesaṁ tattha jīvitindriyañca uppajjittha manindriyañca uppajjittha.

Yassa vā pana yattha manindriyaṁ uppajjittha tassa tattha jīvitindriyaṁ uppajjitthāti? Āmantā. (Jīvitindriyamūlakaṁ.)

Yassa yattha somanassindriyaṁ uppajjittha tassa tattha upekkhindriyaṁ uppajjitthāti? Āmantā.

Yassa vā pana yattha upekkhindriyaṁ uppajjittha tassa tattha somanassindriyaṁ uppajjitthāti?

Suddhāvāsānaṁ dutiye citte vattamāne tesaṁ tattha upekkhindriyaṁ uppajjittha, no ca tesaṁ tattha somanassindriyaṁ uppajjittha. Itaresaṁ catuvokārānaṁ pañcavokārānaṁ tesaṁ tattha upekkhindriyañca uppajjittha somanassindriyañca uppajjittha.

Yassa yattha somanassindriyaṁ uppajjittha tassa tattha saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana yattha manindriyaṁ uppajjittha tassa tattha somanassindriyaṁ uppajjitthāti?

Suddhāvāsānaṁ dutiye citte vattamāne tesaṁ tattha manindriyaṁ uppajjittha, no ca tesaṁ tattha somanassindriyaṁ uppajjittha. Itaresaṁ catuvokārānaṁ pañcavokārānaṁ tesaṁ tattha manindriyaṁ ca uppajjittha somanassindriyañca uppajjittha. (Somanassindriyamūlakaṁ.)

Yassa yattha upekkhindriyaṁ uppajjittha tassa tattha saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana yattha manindriyaṁ uppajjittha tassa tattha upekkhindriyaṁ uppajjitthāti? Āmantā. (Upekkhindriyamūlakaṁ.)

Yassa yattha saddhindriyaṁ uppajjittha tassa tattha paññindriyaṁ …pe… manindriyaṁ uppajjitthāti? Āmantā.

Yassa vā pana yattha manindriyaṁ uppajjittha tassa tattha saddhindriyaṁ uppajjitthāti? Āmantā. (Saddhindriyamūlakaṁ.)

Yassa yattha paññindriyaṁ uppajjittha tassa tattha manindriyaṁ uppajjitthāti? Āmantā.

Yassa vā pana yattha manindriyaṁ uppajjittha tassa tattha paññindriyaṁ uppajjitthāti? Āmantā. (Paññindriyamūlakaṁ.)

Yassa cakkhundriyaṁ na uppajjittha tassa sotindriyaṁ na uppajjitthāti? Natthi.

Yassa vā pana sotindriyaṁ na uppajjittha tassa cakkhundriyaṁ na uppajjitthāti? Natthi.

Yassa cakkhundriyaṁ na uppajjittha tassa ghānindriyaṁ na uppajjitthāti? Natthi.

Yassa vā pana ghānindriyaṁ na uppajjittha tassa cakkhundriyaṁ na uppajjitthāti? Natthi.

Yassa cakkhundriyaṁ na uppajjittha tassa itthindriyaṁ …pe… purisindriyaṁ na uppajjitthāti? Natthi.

Yassa vā pana purisindriyaṁ na uppajjittha tassa cakkhundriyaṁ na uppajjitthāti? Natthi.

Yassa cakkhundriyaṁ na uppajjittha tassa jīvitindriyaṁ na uppajjitthāti? Natthi.

Yassa vā pana jīvitindriyaṁ na uppajjittha tassa cakkhundriyaṁ na uppajjitthāti? Natthi.

Yassa cakkhundriyaṁ na uppajjittha tassa somanassindriyaṁ na uppajjitthāti? Natthi.

Yassa vā pana somanassindriyaṁ na uppajjittha tassa cakkhundriyaṁ na uppajjitthāti? Natthi.

Yassa cakkhundriyaṁ na uppajjittha tassa upekkhindriyaṁ na uppajjitthāti? Natthi.

Yassa vā pana upekkhindriyaṁ na uppajjittha tassa cakkhundriyaṁ na uppajjitthāti? Natthi.

Yassa cakkhundriyaṁ na uppajjittha tassa saddhindriyaṁ …pe… paññindriyaṁ …pe… manindriyaṁ na uppajjitthāti? Natthi.

Yassa vā pana manindriyaṁ na uppajjittha tassa cakkhundriyaṁ na uppajjitthāti? Natthi. (Cakkhundriyamūlakaṁ.)

Yassa ghānindriyaṁ na uppajjittha tassa itthindriyaṁ …pe… purisindriyaṁ … jīvitindriyaṁ … somanassindriyaṁ … upekkhindriyaṁ … saddhindriyaṁ … paññindriyaṁ … manindriyaṁ na uppajjitthāti? Natthi.

Yassa vā pana manindriyaṁ na uppajjittha tassa ghānindriyaṁ na uppajjitthāti? Natthi …pe….

Yassa paññindriyaṁ na uppajjittha tassa manindriyaṁ na uppajjitthāti? Natthi.

Yassa vā pana manindriyaṁ na uppajjittha tassa paññindriyaṁ na uppajjitthāti? Natthi. (Paññindriyamūlakaṁ.)

Yattha cakkhundriyaṁ na uppajjittha tattha sotindriyaṁ na uppajjitthāti? Āmantā.

Yattha vā pana sotindriyaṁ na uppajjittha tattha cakkhundriyaṁ na uppajjitthāti? Āmantā.

Yattha cakkhundriyaṁ na uppajjittha tattha ghānindriyaṁ na uppajjitthāti? Āmantā.

Yattha vā pana ghānindriyaṁ na uppajjittha tattha cakkhundriyaṁ na uppajjitthāti?

Rūpāvacare tattha ghānindriyaṁ na uppajjittha, no ca tattha cakkhundriyaṁ na uppajjittha. Asaññasatte arūpe tattha ghānindriyañca na uppajjittha cakkhundriyañca na uppajjittha.

Yattha cakkhundriyaṁ na uppajjittha tattha itthindriyaṁ …pe… purisindriyaṁ na uppajjitthāti? Āmantā.

Yattha vā pana purisindriyaṁ na uppajjittha tattha cakkhundriyaṁ na uppajjitthāti?

Rūpāvacare tattha purisindriyaṁ na uppajjittha, no ca tattha cakkhundriyaṁ na uppajjittha. Asaññasatte arūpe tattha purisindriyañca na uppajjittha cakkhundriyañca na uppajjittha.

Yattha cakkhundriyaṁ na uppajjittha tattha jīvitindriyaṁ na uppajjitthāti? Uppajjittha.

Yattha vā pana jīvitindriyaṁ na uppajjittha tattha cakkhundriyaṁ na uppajjitthāti? Natthi.

Yattha cakkhundriyaṁ na uppajjittha tattha somanassindriyaṁ na uppajjitthāti? Āmantā.

Yattha vā pana somanassindriyaṁ na uppajjittha tattha cakkhundriyaṁ na uppajjitthāti? Āmantā.

Yattha cakkhundriyaṁ na uppajjittha tattha upekkhindriyaṁ na uppajjitthāti?

Arūpe tattha cakkhundriyaṁ na uppajjittha, no ca tattha upekkhindriyaṁ na uppajjittha. Asaññasatte tattha cakkhundriyañca na uppajjittha upekkhindriyañca na uppajjittha.

Yattha vā pana upekkhindriyaṁ na uppajjittha tattha cakkhundriyaṁ na uppajjitthāti? Āmantā.

Yattha cakkhundriyaṁ na uppajjittha tattha saddhindriyaṁ …pe… paññindriyaṁ …pe… manindriyaṁ na uppajjitthāti?

Arūpe tattha cakkhundriyaṁ na uppajjittha, no ca tattha manindriyaṁ na uppajjittha. Asaññasatte tattha cakkhundriyañca na uppajjittha manindriyañca na uppajjittha.

Yattha vā pana manindriyaṁ na uppajjittha tattha cakkhundriyaṁ na uppajjitthāti? Āmantā. (Cakkhundriyamūlakaṁ.)

Yattha ghānindriyaṁ na uppajjittha tattha itthindriyaṁ …pe… purisindriyaṁ na uppajjitthāti? Āmantā.

Yattha vā pana purisindriyaṁ na uppajjittha tattha ghānindriyaṁ na uppajjitthāti? Āmantā.

Yattha ghānindriyaṁ na uppajjittha tattha jīvitindriyaṁ na uppajjitthāti? Uppajjittha.

Yattha vā pana jīvitindriyaṁ na uppajjittha tattha ghānindriyaṁ na uppajjitthāti? Natthi.

Yattha ghānindriyaṁ na uppajjittha tattha somanassindriyaṁ na uppajjitthāti?

Rūpāvacare tattha ghānindriyaṁ na uppajjittha, no ca tattha somanassindriyaṁ na uppajjittha. Asaññasatte arūpe tattha ghānindriyañca na uppajjittha somanassindriyañca na uppajjittha.

Yattha vā pana somanassindriyaṁ na uppajjittha tattha ghānindriyaṁ na uppajjitthāti? Āmantā.

Yattha ghānindriyaṁ na uppajjittha tattha upekkhindriyaṁ na uppajjitthāti?

Rūpāvacare arūpāvacare tattha ghānindriyaṁ na uppajjittha, no ca tattha upekkhindriyaṁ na uppajjittha. Asaññasatte tattha ghānindriyañca na uppajjittha upekkhindriyañca na uppajjittha.

Yattha vā pana upekkhindriyaṁ na uppajjittha tattha ghānindriyaṁ na uppajjitthāti? Āmantā.

Yattha ghānindriyaṁ na uppajjittha tattha saddhindriyaṁ …pe… paññindriyaṁ …pe… manindriyaṁ na uppajjitthāti?

Rūpāvacare arūpāvacare tattha ghānindriyaṁ na uppajjittha, no ca tattha manindriyaṁ na uppajjittha. Asaññasatte tattha ghānindriyañca na uppajjittha manindriyañca na uppajjittha.

Yattha vā pana manindriyaṁ na uppajjittha tattha ghānindriyaṁ na uppajjitthāti? Āmantā. (Ghānindriyamūlakaṁ.)

Yattha itthindriyaṁ na uppajjittha tattha purisindriyaṁ na uppajjitthāti? Āmantā.

Yattha vā pana purisindriyaṁ na uppajjittha tattha itthindriyaṁ na uppajjitthāti? Āmantā …pe….

Yattha purisindriyaṁ na uppajjittha tattha jīvitindriyaṁ na uppajjitthāti? Uppajjittha.

Yattha vā pana jīvitindriyaṁ na uppajjittha tattha purisindriyaṁ na uppajjitthāti? Natthi.

Yattha purisindriyaṁ na uppajjittha tattha somanassindriyaṁ na uppajjitthāti?

Rūpāvacare tattha purisindriyaṁ na uppajjittha, no ca tattha somanassindriyaṁ na uppajjittha. Asaññasatte arūpe tattha purisindriyañca na uppajjittha somanassindriyañca na uppajjittha.

Yattha vā pana somanassindriyaṁ na uppajjittha tattha purisindriyaṁ na uppajjitthāti? Āmantā.

Yattha purisindriyaṁ na uppajjittha tattha upekkhindriyaṁ na uppajjitthāti?

Rūpāvacare arūpāvacare tattha purisindriyaṁ na uppajjittha, no ca tattha upekkhindriyaṁ na uppajjittha. Asaññasatte tattha purisindriyañca na uppajjittha upekkhindriyañca na uppajjittha.

Yattha vā pana upekkhindriyaṁ na uppajjittha tattha purisindriyaṁ na uppajjitthāti? Āmantā.

Yattha purisindriyaṁ na uppajjittha tattha saddhindriyaṁ …pe… paññindriyaṁ …pe… manindriyaṁ na uppajjitthāti?

Rūpāvacare arūpāvacare tattha purisindriyaṁ na uppajjittha, no ca tattha manindriyaṁ na uppajjittha. Asaññasatte tattha purisindriyañca na uppajjittha manindriyañca na uppajjittha.

Yattha vā pana manindriyaṁ na uppajjittha tattha purisindriyaṁ na uppajjitthāti? Āmantā. (Purisindriyamūlakaṁ.)

Yattha jīvitindriyaṁ na uppajjittha tattha somanassindriyaṁ na uppajjitthāti? Natthi.

Yattha vā pana somanassindriyaṁ na uppajjittha tattha jīvitindriyaṁ na uppajjitthāti? Uppajjittha.

Yattha jīvitindriyaṁ na uppajjittha tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjitthāti? Natthi.

Yattha vā pana manindriyaṁ na uppajjittha tattha jīvitindriyaṁ na uppajjitthāti? Uppajjittha. (Jīvitindriyamūlakaṁ.)

Yattha somanassindriyaṁ na uppajjittha tattha upekkhindriyaṁ na uppajjitthāti? Āmantā.

Yattha vā pana upekkhindriyaṁ na uppajjittha tattha somanassindriyaṁ na uppajjitthāti? Āmantā.

Yattha somanassindriyaṁ na uppajjittha tattha saddhindriyaṁ …pe… paññindriyaṁ …pe… manindriyaṁ na uppajjitthāti? Āmantā.

Yattha vā pana manindriyaṁ na uppajjittha tattha somanassindriyaṁ na uppajjitthāti? Āmantā. (Somanassindriyamūlakaṁ.)

Yattha upekkhindriyaṁ na uppajjittha tattha saddhindriyaṁ …pe… paññindriyaṁ …pe… manindriyaṁ na uppajjitthāti? Āmantā.

Yattha vā pana manindriyaṁ na uppajjittha tattha upekkhindriyaṁ na uppajjitthāti? Āmantā. (Upekkhindriyamūlakaṁ.)

Yattha saddhindriyaṁ na uppajjittha tattha paññindriyaṁ …pe… manindriyaṁ na uppajjitthāti? Āmantā.

Yattha vā pana manindriyaṁ na uppajjittha tattha saddhindriyaṁ na uppajjitthāti? Āmantā. (Saddhindriyamūlakaṁ.)

Yattha paññindriyaṁ na uppajjittha tattha manindriyaṁ na uppajjitthāti? Āmantā.

Yattha vā pana manindriyaṁ na uppajjittha tattha paññindriyaṁ na uppajjitthāti? Āmantā. (Paññindriyamūlakaṁ.)

Yassa yattha cakkhundriyaṁ na uppajjittha tassa tattha sotindriyaṁ na uppajjitthāti? Āmantā.

Yassa vā pana yattha sotindriyaṁ na uppajjittha tassa tattha cakkhundriyaṁ na uppajjitthāti? Āmantā.

Yassa yattha cakkhundriyaṁ na uppajjittha tassa tattha ghānindriyaṁ na uppajjitthāti? Āmantā.

Yassa vā pana yattha ghānindriyaṁ na uppajjittha tassa tattha cakkhundriyaṁ na uppajjitthāti?

Rūpāvacarānaṁ tesaṁ tattha ghānindriyaṁ na uppajjittha, no ca tesaṁ tattha cakkhundriyaṁ na uppajjittha. Suddhāvāsānaṁ asaññasattānaṁ arūpānaṁ tesaṁ tattha ghānindriyañca na uppajjittha cakkhundriyañca na uppajjittha.

Yassa yattha cakkhundriyaṁ na uppajjittha tassa tattha itthindriyaṁ …pe… purisindriyaṁ na uppajjitthāti? Āmantā.

Yassa vā pana yattha purisindriyaṁ na uppajjittha tassa tattha cakkhundriyaṁ na uppajjitthāti?

Rūpāvacarānaṁ tesaṁ tattha purisindriyaṁ na uppajjittha, no ca tesaṁ tattha cakkhundriyaṁ na uppajjittha. Suddhāvāsānaṁ asaññasattānaṁ arūpānaṁ tesaṁ tattha purisindriyañca na uppajjittha cakkhundriyañca na uppajjittha.

Yassa yattha cakkhundriyaṁ na uppajjittha tassa tattha jīvitindriyaṁ na uppajjitthāti?

Asaññasattānaṁ arūpānaṁ tesaṁ tattha cakkhundriyaṁ na uppajjittha, no ca tesaṁ tattha jīvitindriyaṁ na uppajjittha. Suddhāvāsānaṁ tesaṁ tattha cakkhundriyañca na uppajjittha jīvitindriyañca na uppajjittha.

Yassa vā pana yattha jīvitindriyaṁ na uppajjittha tassa tattha cakkhundriyaṁ na uppajjitthāti? Āmantā.

Yassa yattha cakkhundriyaṁ na uppajjittha tassa tattha somanassindriyaṁ na uppajjitthāti? Āmantā.

Yassa vā pana yattha somanassindriyaṁ na uppajjittha tassa tattha cakkhundriyaṁ na uppajjitthāti? Āmantā.

Yassa yattha cakkhundriyaṁ na uppajjittha tassa tattha upekkhindriyaṁ na uppajjitthāti?

Arūpānaṁ tesaṁ tattha cakkhundriyaṁ na uppajjittha, no ca tesaṁ tattha upekkhindriyaṁ na uppajjittha. Suddhāvāsānaṁ asaññasattānaṁ tesaṁ tattha cakkhundriyañca na uppajjittha upekkhindriyañca na uppajjittha.

Yassa vā pana yattha upekkhindriyaṁ na uppajjittha tassa tattha cakkhundriyaṁ na uppajjitthāti? Āmantā.

Yassa yattha cakkhundriyaṁ na uppajjittha tassa tattha saddhindriyaṁ …pe… paññindriyaṁ …pe… manindriyaṁ na uppajjitthāti?

Arūpānaṁ tesaṁ tattha cakkhundriyaṁ na uppajjittha, no ca tesaṁ tattha manindriyaṁ na uppajjittha. Suddhāvāsānaṁ asaññasattānaṁ tesaṁ tattha cakkhundriyañca na uppajjittha manindriyañca na uppajjittha.

Yassa vā pana yattha manindriyaṁ na uppajjittha tassa tattha cakkhundriyaṁ na uppajjitthāti? Āmantā. (Cakkhundriyamūlakaṁ.)

Yassa yattha ghānindriyaṁ na uppajjittha tassa tattha itthindriyaṁ …pe… purisindriyaṁ na uppajjitthāti? Āmantā.

Yassa vā pana yattha purisindriyaṁ na uppajjittha tassa tattha ghānindriyaṁ na uppajjitthāti? Āmantā.

Yassa yattha ghānindriyaṁ na uppajjittha tassa tattha jīvitindriyaṁ na uppajjitthāti?

Rūpāvacarānaṁ arūpāvacarānaṁ tesaṁ tattha ghānindriyaṁ na uppajjittha, no ca tesaṁ tattha jīvitindriyaṁ na uppajjittha. Suddhāvāsānaṁ tesaṁ tattha ghānindriyañca na uppajjittha jīvitindriyañca na uppajjittha.

Yassa vā pana yattha jīvitindriyaṁ na uppajjittha tassa tattha ghānindriyaṁ na uppajjitthāti? Āmantā.

Yassa yattha ghānindriyaṁ na uppajjittha tassa tattha somanassindriyaṁ na uppajjitthāti?

Rūpāvacarānaṁ tesaṁ tattha ghānindriyaṁ na uppajjittha, no ca tesaṁ tattha somanassindriyaṁ na uppajjittha. Suddhāvāsānaṁ asaññasattānaṁ arūpānaṁ tesaṁ tattha ghānindriyañca na uppajjittha somanassindriyañca na uppajjittha.

Yassa vā pana yattha somanassindriyaṁ na uppajjittha tassa tattha ghānindriyaṁ na uppajjitthāti? Āmantā.

Yassa yattha ghānindriyaṁ na uppajjittha tassa tattha upekkhindriyaṁ na uppajjitthāti?

Rūpāvacarānaṁ arūpāvacarānaṁ tesaṁ tattha ghānindriyaṁ na uppajjittha, no ca tesaṁ tattha upekkhindriyaṁ na uppajjittha. Suddhāvāsānaṁ asaññasattānaṁ tesaṁ tattha ghānindriyañca na uppajjittha upekkhindriyañca na uppajjittha.

Yassa vā pana yattha upekkhindriyaṁ na uppajjittha tassa tattha ghānindriyaṁ na uppajjitthāti? Āmantā.

Yassa yattha ghānindriyaṁ na uppajjittha tassa tattha saddhindriyaṁ …pe… paññindriyaṁ …pe… manindriyaṁ na uppajjitthāti?

Rūpāvacarānaṁ arūpāvacarānaṁ tesaṁ tattha ghānindriyaṁ na uppajjittha, no ca tesaṁ tattha manindriyaṁ na uppajjittha. Suddhāvāsānaṁ asaññasattānaṁ tesaṁ tattha ghānindriyañca na uppajjittha manindriyañca na uppajjittha.

Yassa vā pana yattha manindriyaṁ na uppajjittha tassa tattha ghānindriyaṁ na uppajjitthāti? Āmantā. (Ghānindriyamūlakaṁ.)

Yassa yattha itthindriyaṁ na uppajjittha tassa tattha purisindriyaṁ na uppajjitthāti? Āmantā.

Yassa vā pana yattha purisindriyaṁ na uppajjittha tassa tattha itthindriyaṁ na uppajjitthāti? Āmantā …pe….

Yassa yattha purisindriyaṁ na uppajjittha tassa tattha jīvitindriyaṁ na uppajjitthāti?

Rūpāvacarānaṁ arūpāvacarānaṁ tesaṁ tattha purisindriyaṁ na uppajjittha, no ca tesaṁ tattha jīvitindriyaṁ na uppajjittha. Suddhāvāsānaṁ tesaṁ tattha purisindriyañca na uppajjittha jīvitindriyañca na uppajjittha.

Yassa vā pana yattha jīvitindriyaṁ na uppajjittha tassa tattha purisindriyaṁ na uppajjitthāti? Āmantā.

Yassa yattha purisindriyaṁ na uppajjittha tassa tattha somanassindriyaṁ na uppajjitthāti?

Rūpāvacarānaṁ tesaṁ tattha purisindriyaṁ na uppajjittha, no ca tesaṁ tattha somanassindriyaṁ na uppajjittha. Suddhāvāsānaṁ asaññasattānaṁ arūpānaṁ tesaṁ tattha purisindriyañca na uppajjittha somanassindriyañca na uppajjittha.

Yassa vā pana yattha somanassindriyaṁ na uppajjittha tassa tattha purisindriyaṁ na uppajjitthāti? Āmantā.

Yassa yattha purisindriyaṁ na uppajjittha tassa tattha upekkhindriyaṁ na uppajjitthāti?

Rūpāvacarānaṁ arūpāvacarānaṁ tesaṁ tattha purisindriyaṁ na uppajjittha, no ca tesaṁ tattha upekkhindriyaṁ na uppajjittha. Suddhāvāsānaṁ asaññasattānaṁ tesaṁ tattha purisindriyañca na uppajjittha upekkhindriyañca na uppajjittha.

Yassa vā pana yattha upekkhindriyaṁ na uppajjittha tassa tattha purisindriyaṁ na uppajjitthāti? Āmantā.

Yassa yattha purisindriyaṁ na uppajjittha tassa tattha saddhindriyaṁ …pe… paññindriyaṁ …pe… manindriyaṁ na uppajjitthāti?

Rūpāvacarānaṁ arūpāvacarānaṁ tesaṁ tattha purisindriyaṁ na uppajjittha, no ca tesaṁ tattha manindriyaṁ na uppajjittha. Suddhāvāsānaṁ asaññasattānaṁ tesaṁ tattha purisindriyañca na uppajjittha manindriyañca na uppajjittha.

Yassa vā pana yattha manindriyaṁ na uppajjittha tassa tattha purisindriyaṁ na uppajjitthāti? Āmantā. (Purisindriyamūlakaṁ.)

Yassa yattha jīvitindriyaṁ na uppajjittha tassa tattha somanassindriyaṁ na uppajjitthāti? Āmantā.

Yassa vā pana yattha somanassindriyaṁ na uppajjittha tassa tattha jīvitindriyaṁ na uppajjitthāti?

Suddhāvāsānaṁ dutiye citte vattamāne asaññasattānaṁ tesaṁ tattha somanassindriyaṁ na uppajjittha, no ca tesaṁ tattha jīvitindriyaṁ na uppajjittha. Suddhāvāsānaṁ upapatticittassa uppādakkhaṇe tesaṁ tattha somanassindriyañca na uppajjittha jīvitindriyañca na uppajjittha.

Yassa yattha jīvitindriyaṁ na uppajjittha tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjitthāti? Āmantā.

Yassa vā pana yattha manindriyaṁ na uppajjittha tassa tattha jīvitindriyaṁ na uppajjitthāti?

Asaññasattānaṁ tesaṁ tattha manindriyaṁ na uppajjittha, no ca tesaṁ tattha jīvitindriyaṁ na uppajjittha. Suddhāvāsānaṁ upapatticittassa uppādakkhaṇe tesaṁ tattha manindriyañca na uppajjittha jīvitindriyañca na uppajjittha. (Jīvitindriyamūlakaṁ.)

Yassa yattha somanassindriyaṁ na uppajjittha tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjitthāti?

Suddhāvāsānaṁ dutiye citte vattamāne tesaṁ tattha somanassindriyaṁ na uppajjittha, no ca tesaṁ tattha manindriyaṁ na uppajjittha. Suddhāvāsaṁ upapajjantānaṁ asaññasattānaṁ tesaṁ tattha somanassindriyañca na uppajjittha manindriyañca na uppajjittha.

Yassa vā pana yattha manindriyaṁ na uppajjittha tassa tattha somanassindriyaṁ na uppajjitthāti? Āmantā. (Somanassindriyamūlakaṁ.)

Yassa yattha upekkhindriyaṁ na uppajjittha tassa tattha saddhindriyaṁ …pe… paññindriyaṁ …pe… manindriyaṁ na uppajjitthāti? Āmantā.

Yassa vā pana yattha manindriyaṁ na uppajjittha tassa tattha upekkhindriyaṁ na uppajjitthāti? Āmantā. (Upekkhindriyamūlakaṁ.)

Yassa yattha saddhindriyaṁ na uppajjittha tassa tattha paññindriyaṁ …pe… manindriyaṁ na uppajjitthāti? Āmantā.

Yassa vā pana yattha manindriyaṁ na uppajjittha tassa tattha saddhindriyaṁ na uppajjitthāti? Āmantā. (Saddhindriyamūlakaṁ.)

Yassa yattha paññindriyaṁ na uppajjittha tassa tattha manindriyaṁ na uppajjitthāti? Āmantā.

Yassa vā pana yattha manindriyaṁ na uppajjittha tassa tattha paññindriyaṁ na uppajjitthāti? Āmantā. (Paññindriyamūlakaṁ.)

Yassa cakkhundriyaṁ uppajjissati tassa sotindriyaṁ uppajjissatīti? Āmantā.

Yassa vā pana sotindriyaṁ uppajjissati tassa cakkhundriyaṁ uppajjissatīti? Āmantā.

Yassa cakkhundriyaṁ uppajjissati tassa ghānindriyaṁ uppajjissatīti?

Ye rūpāvacaraṁ upapajjitvā parinibbāyissanti tesaṁ cakkhundriyaṁ uppajjissati, no ca tesaṁ ghānindriyaṁ uppajjissati. Itaresaṁ tesaṁ cakkhundriyañca uppajjissati ghānindriyañca uppajjissati.

Yassa vā pana ghānindriyaṁ uppajjissati tassa cakkhundriyaṁ uppajjissatīti? Āmantā.

Yassa cakkhundriyaṁ uppajjissati tassa itthindriyaṁ uppajjissatīti?

Ye rūpāvacaraṁ upapajjitvā parinibbāyissanti ye ca purisā eteneva bhāvena katici bhave dassetvā parinibbāyissanti tesaṁ cakkhundriyaṁ uppajjissati, no ca tesaṁ itthindriyaṁ uppajjissati. Itaresaṁ tesaṁ cakkhundriyañca uppajjissati itthindriyañca uppajjissati.

Yassa vā pana itthindriyaṁ uppajjissati tassa cakkhundriyaṁ uppajjissatīti? Āmantā.

Yassa cakkhundriyaṁ uppajjissati tassa purisindriyaṁ uppajjissatīti?

Ye rūpāvacaraṁ upapajjitvā parinibbāyissanti yā ca itthiyo eteneva bhāvena katici bhave dassetvā parinibbāyissanti tesaṁ cakkhundriyaṁ uppajjissati, no ca tesaṁ purisindriyaṁ uppajjissati. Itaresaṁ tesaṁ cakkhundriyañca uppajjissati purisindriyañca uppajjissati.

Yassa vā pana purisindriyaṁ uppajjissati tassa cakkhundriyaṁ uppajjissatīti? Āmantā.

Yassa cakkhundriyaṁ uppajjissati tassa jīvitindriyaṁ uppajjissatīti? Āmantā.

Yassa vā pana jīvitindriyaṁ uppajjissati tassa cakkhundriyaṁ uppajjissatīti?

Ye arūpaṁ upapajjitvā parinibbāyissanti tesaṁ jīvitindriyaṁ uppajjissati, no ca tesaṁ cakkhundriyaṁ uppajjissati. Itaresaṁ tesaṁ jīvitindriyañca uppajjissati cakkhundriyañca uppajjissati.

Yassa cakkhundriyaṁ uppajjissati tassa somanassindriyaṁ uppajjissatīti?

Ye sacakkhukā upekkhāya upapajjitvā parinibbāyissanti tesaṁ cakkhundriyaṁ uppajjissati, no ca tesaṁ somanassindriyaṁ uppajjissati. Itaresaṁ tesaṁ cakkhundriyañca uppajjissati somanassindriyañca uppajjissati.

Yassa vā pana somanassindriyaṁ uppajjissati tassa cakkhundriyaṁ uppajjissatīti? Āmantā.

Yassa cakkhundriyaṁ uppajjissati tassa upekkhindriyaṁ uppajjissatīti?

Ye sacakkhukā somanassena upapajjitvā parinibbāyissanti tesaṁ cakkhundriyaṁ uppajjissati, no ca tesaṁ upekkhindriyaṁ uppajjissati. Itaresaṁ tesaṁ cakkhundriyañca uppajjissati upekkhindriyañca uppajjissati.

Yassa vā pana upekkhindriyaṁ uppajjissati tassa cakkhundriyaṁ uppajjissatīti?

Ye arūpaṁ upapajjitvā parinibbāyissanti tesaṁ upekkhindriyaṁ uppajjissati, no ca tesaṁ cakkhundriyaṁ uppajjissati. Itaresaṁ tesaṁ upekkhindriyañca uppajjissati cakkhundriyañca uppajjissati.

Yassa cakkhundriyaṁ uppajjissati tassa saddhindriyaṁ …pe… paññindriyaṁ …pe… manindriyaṁ uppajjissatīti? Āmantā.

Yassa vā pana manindriyaṁ uppajjissati tassa cakkhundriyaṁ uppajjissatīti?

Ye arūpaṁ upapajjitvā parinibbāyissanti tesaṁ manindriyaṁ uppajjissati, no ca tesaṁ cakkhundriyaṁ uppajjissati. Itaresaṁ tesaṁ manindriyañca uppajjissati cakkhundriyañca uppajjissati. (Cakkhundriyamūlakaṁ.)

Yassa ghānindriyaṁ uppajjissati tassa itthindriyaṁ uppajjissatīti?

Ye purisā eteneva bhāvena katici bhave dassetvā parinibbāyissanti tesaṁ ghānindriyaṁ uppajjissati, no ca tesaṁ itthindriyaṁ uppajjissati. Itaresaṁ tesaṁ ghānindriyañca uppajjissati itthindriyañca uppajjissati.

Yassa vā pana itthindriyaṁ uppajjissati tassa ghānindriyaṁ uppajjissatīti? Āmantā.

Yassa ghānindriyaṁ uppajjissati tassa purisindriyaṁ uppajjissatīti?

Yā itthiyo eteneva bhāvena katici bhave dassetvā parinibbāyissanti tāsaṁ ghānindriyaṁ uppajjissati, no ca tāsaṁ purisindriyaṁ uppajjissati. Itaresaṁ tesaṁ ghānindriyañca uppajjissati purisindriyañca uppajjissati.

Yassa vā pana purisindriyaṁ uppajjissati tassa ghānindriyaṁ uppajjissatīti? Āmantā.

Yassa ghānindriyaṁ uppajjissati tassa jīvitindriyaṁ uppajjissatīti? Āmantā.

Yassa vā pana jīvitindriyaṁ uppajjissati tassa ghānindriyaṁ uppajjissatīti?

Ye rūpāvacaraṁ arūpāvacaraṁ upapajjitvā parinibbāyissanti tesaṁ jīvitindriyaṁ uppajjissati, no ca tesaṁ ghānindriyaṁ uppajjissati. Itaresaṁ tesaṁ jīvitindriyañca uppajjissati ghānindriyañca uppajjissati.

Yassa ghānindriyaṁ uppajjissati tassa somanassindriyaṁ uppajjissatīti?

Ye saghānakā upekkhāya upapajjitvā parinibbāyissanti tesaṁ ghānindriyaṁ uppajjissati, no ca tesaṁ somanassindriyaṁ uppajjissati. Itaresaṁ tesaṁ ghānindriyañca uppajjissati somanassindriyañca uppajjissati.

Yassa vā pana somanassindriyaṁ uppajjissati tassa ghānindriyaṁ uppajjissatīti?

Ye rūpāvacaraṁ upapajjitvā parinibbāyissanti tesaṁ somanassindriyaṁ uppajjissati, no ca tesaṁ ghānindriyaṁ uppajjissati. Itaresaṁ tesaṁ somanassindriyañca uppajjissati ghānindriyañca uppajjissati.

Yassa ghānindriyaṁ uppajjissati tassa upekkhindriyaṁ uppajjissatīti?

Ye saghānakā somanassena upapajjitvā parinibbāyissanti tesaṁ ghānindriyaṁ uppajjissati, no ca tesaṁ upekkhindriyaṁ uppajjissati. Itaresaṁ tesaṁ ghānindriyañca uppajjissati upekkhindriyañca uppajjissati.

Yassa vā pana upekkhindriyaṁ uppajjissati tassa ghānindriyaṁ uppajjissatīti?

Ye rūpāvacaraṁ arūpāvacaraṁ upapajjitvā parinibbāyissanti tesaṁ upekkhindriyaṁ uppajjissati, no ca tesaṁ ghānindriyaṁ uppajjissati. Itaresaṁ tesaṁ upekkhindriyañca uppajjissati ghānindriyañca uppajjissati.

Yassa ghānindriyaṁ uppajjissati tassa saddhindriyaṁ …pe… paññindriyaṁ …pe… manindriyaṁ uppajjissatīti? Āmantā.

Yassa vā pana manindriyaṁ uppajjissati tassa ghānindriyaṁ uppajjissatīti?

Ye rūpāvacaraṁ arūpāvacaraṁ upapajjitvā parinibbāyissanti tesaṁ manindriyaṁ uppajjissati, no ca tesaṁ ghānindriyaṁ uppajjissati. Itaresaṁ tesaṁ manindriyañca uppajjissati ghānindriyañca uppajjissati. (Ghānindriyamūlakaṁ.)

Yassa itthindriyaṁ uppajjissati tassa purisindriyaṁ uppajjissatīti?

Yā itthiyo eteneva bhāvena katici bhave dassetvā parinibbāyissanti tāsaṁ itthindriyaṁ uppajjissati, no ca tāsaṁ purisindriyaṁ uppajjissati. Itaresaṁ tesaṁ itthindriyañca uppajjissati purisindriyañca uppajjissati.

Yassa vā pana purisindriyaṁ uppajjissati tassa itthindriyaṁ uppajjissatīti?

Ye purisā eteneva bhāvena katici bhave dassetvā parinibbāyissanti tesaṁ purisindriyaṁ uppajjissati, no ca tesaṁ itthindriyaṁ uppajjissati. Itaresaṁ tesaṁ purisindriyañca uppajjissati itthindriyañca uppajjissati.

Yassa itthindriyaṁ uppajjissati tassa jīvitindriyaṁ uppajjissatīti? Āmantā.

Yassa vā pana jīvitindriyaṁ uppajjissati tassa itthindriyaṁ uppajjissatīti?

Ye rūpāvacaraṁ arūpāvacaraṁ upapajjitvā parinibbāyissanti ye ca purisā eteneva bhāvena katici bhave dassetvā parinibbāyissanti tesaṁ jīvitindriyaṁ uppajjissati, no ca tesaṁ itthindriyaṁ uppajjissati. Itaresaṁ tesaṁ jīvitindriyañca uppajjissati itthindriyañca uppajjissati.

Yassa itthindriyaṁ uppajjissati tassa somanassindriyaṁ uppajjissatīti?

Yā itthiyo eteneva bhāvena katici bhave dassetvā upekkhāya upapajjitvā parinibbāyissanti tāsaṁ itthindriyaṁ uppajjissati, no ca tāsaṁ somanassindriyaṁ uppajjissati. Itaresaṁ tesaṁ itthindriyañca uppajjissati somanassindriyañca uppajjissati.

Yassa vā pana somanassindriyaṁ uppajjissati tassa itthindriyaṁ uppajjissatīti?

Ye rūpāvacaraṁ upapajjitvā parinibbāyissanti ye ca purisā eteneva bhāvena katici bhave dassetvā somanassena upapajjitvā parinibbāyissanti tesaṁ somanassindriyaṁ uppajjissati, no ca tesaṁ itthindriyaṁ uppajjissati. Itaresaṁ tesaṁ somanassindriyañca uppajjissati itthindriyañca uppajjissati.

Yassa itthindriyaṁ uppajjissati tassa upekkhindriyaṁ uppajjissatīti?

Yā itthiyo eteneva bhāvena katici bhave dassetvā somanassena upapajjitvā parinibbāyissanti tāsaṁ itthindriyaṁ uppajjissati, no ca tāsaṁ upekkhindriyaṁ uppajjissati. Itaresaṁ tesaṁ itthindriyañca uppajjissati upekkhindriyañca uppajjissati.

Yassa vā pana upekkhindriyaṁ uppajjissati tassa itthindriyaṁ uppajjissatīti?

Ye rūpāvacaraṁ arūpāvacaraṁ upapajjitvā parinibbāyissanti ye ca purisā eteneva bhāvena katici bhave dassetvā upekkhāya upapajjitvā parinibbāyissanti tesaṁ upekkhindriyaṁ uppajjissati, no ca tesaṁ itthindriyaṁ uppajjissati. Itaresaṁ tesaṁ upekkhindriyañca uppajjissati itthindriyañca uppajjissati.

Yassa itthindriyaṁ uppajjissati tassa saddhindriyaṁ …pe… paññindriyaṁ …pe… manindriyaṁ uppajjissatīti? Āmantā.

Yassa vā pana manindriyaṁ uppajjissati tassa itthindriyaṁ uppajjissatīti?

Ye rūpāvacaraṁ arūpāvacaraṁ upapajjitvā parinibbāyissanti ye ca purisā eteneva bhāvena katici bhave dassetvā parinibbāyissanti tesaṁ manindriyaṁ uppajjissati, no ca tesaṁ itthindriyaṁ uppajjissati. Itaresaṁ tesaṁ manindriyañca uppajjissati itthindriyañca uppajjissati. (Itthindriyamūlakaṁ.)

Yassa purisindriyaṁ uppajjissati tassa jīvitindriyaṁ uppajjissatīti? Āmantā.

Yassa vā pana jīvitindriyaṁ uppajjissati tassa purisindriyaṁ uppajjissatīti?

Ye rūpāvacaraṁ arūpāvacaraṁ upapajjitvā parinibbāyissanti yā ca itthiyo eteneva bhāvena katici bhave dassetvā parinibbāyissanti tesaṁ jīvitindriyaṁ uppajjissati, no ca tesaṁ purisindriyaṁ uppajjissati. Itaresaṁ tesaṁ jīvitindriyañca uppajjissati purisindriyañca uppajjissati.

Yassa purisindriyaṁ uppajjissati tassa somanassindriyaṁ uppajjissatīti?

Ye purisā eteneva bhāvena katici bhave dassetvā upekkhāya upapajjitvā parinibbāyissanti tesaṁ purisindriyaṁ uppajjissati, no ca tesaṁ somanassindriyaṁ uppajjissati. Itaresaṁ tesaṁ purisindriyañca uppajjissati somanassindriyañca uppajjissati.

Yassa vā pana somanassindriyaṁ uppajjissati tassa purisindriyaṁ uppajjissatīti?

Ye rūpāvacaraṁ upapajjitvā parinibbāyissanti yā ca itthiyo eteneva bhāvena katici bhave dassetvā somanassena upapajjitvā parinibbāyissanti tesaṁ somanassindriyaṁ uppajjissati, no ca tesaṁ purisindriyaṁ uppajjissati. Itaresaṁ tesaṁ somanassindriyañca uppajjissati purisindriyañca uppajjissati.

Yassa purisindriyaṁ uppajjissati tassa upekkhindriyaṁ uppajjissatīti?

Ye purisā eteneva bhāvena katici bhave dassetvā somanassena upapajjitvā parinibbāyissanti tesaṁ purisindriyaṁ uppajjissati, no ca tesaṁ upekkhindriyaṁ uppajjissati. Itaresaṁ tesaṁ purisindriyañca uppajjissati upekkhindriyañca uppajjissati.

Yassa vā pana upekkhindriyaṁ uppajjissati tassa purisindriyaṁ uppajjissatīti?

Ye rūpāvacaraṁ arūpāvacaraṁ upapajjitvā parinibbāyissanti yā ca itthiyo eteneva bhāvena katici bhave dassetvā upekkhāya upapajjitvā parinibbāyissanti tesaṁ upekkhindriyaṁ uppajjissati, no ca tesaṁ purisindriyaṁ uppajjissati. Itaresaṁ tesaṁ upekkhindriyañca uppajjissati purisindriyañca uppajjissati.

Yassa purisindriyaṁ uppajjissati tassa saddhindriyaṁ …pe… paññindriyaṁ …pe… manindriyaṁ uppajjissatīti? Āmantā.

Yassa vā pana manindriyaṁ uppajjissati tassa purisindriyaṁ uppajjissatīti?

Ye rūpāvacaraṁ arūpāvacaraṁ upapajjitvā parinibbāyissanti yā ca itthiyo eteneva bhāvena katici bhave dassetvā parinibbāyissanti tesaṁ manindriyaṁ uppajjissati, no ca tesaṁ purisindriyaṁ uppajjissati. Itaresaṁ tesaṁ manindriyañca uppajjissati purisindriyañca uppajjissati. (Purisindriyamūlakaṁ.)

Yassa jīvitindriyaṁ uppajjissati tassa somanassindriyaṁ uppajjissatīti?

Yassa cittassa anantarā upekkhāsampayuttapacchimacittaṁ uppajjissati tesaṁ jīvitindriyaṁ uppajjissati, no ca tesaṁ somanassindriyaṁ uppajjissati. Itaresaṁ tesaṁ jīvitindriyañca uppajjissati somanassindriyañca uppajjissati.

Yassa vā pana somanassindriyaṁ uppajjissati tassa jīvitindriyaṁ uppajjissatīti? Āmantā.

Yassa jīvitindriyaṁ uppajjissati tassa upekkhindriyaṁ uppajjissatīti?

Yassa cittassa anantarā somanassasampayuttapacchimacittaṁ uppajjissati tesaṁ jīvitindriyaṁ uppajjissati, no ca tesaṁ upekkhindriyaṁ uppajjissati. Itaresaṁ tesaṁ jīvitindriyañca uppajjissati upekkhindriyañca uppajjissati.

Yassa vā pana upekkhindriyaṁ uppajjissati tassa jīvitindriyaṁ uppajjissatīti? Āmantā.

Yassa jīvitindriyaṁ uppajjissati tassa saddhindriyaṁ …pe… paññindriyaṁ …pe… manindriyaṁ uppajjissatīti? Āmantā.

Yassa vā pana manindriyaṁ uppajjissati tassa jīvitindriyaṁ uppajjissatīti? Āmantā. (Jīvitindriyamūlakaṁ.)

Yassa somanassindriyaṁ uppajjissati tassa upekkhindriyaṁ uppajjissatīti?

Yassa cittassa anantarā somanassasampayuttapacchimacittaṁ uppajjissati tesaṁ somanassindriyaṁ uppajjissati, no ca tesaṁ upekkhindriyaṁ uppajjissati. Itaresaṁ tesaṁ somanassindriyañca uppajjissati upekkhindriyañca uppajjissati.

Yassa vā pana upekkhindriyaṁ uppajjissati tassa somanassindriyaṁ uppajjissatīti?

Yassa cittassa anantarā upekkhāsampayuttapacchimacittaṁ uppajjissati tesaṁ upekkhindriyaṁ uppajjissati, no ca tesaṁ somanassindriyaṁ uppajjissati. Itaresaṁ tesaṁ upekkhindriyañca uppajjissati somanassindriyañca uppajjissati.

Yassa somanassindriyaṁ uppajjissati tassa saddhindriyaṁ …pe… paññindriyaṁ …pe… manindriyaṁ uppajjissatīti? Āmantā.

Yassa vā pana manindriyaṁ uppajjissati tassa somanassindriyaṁ uppajjissatīti?

Yassa cittassa anantarā upekkhāsampayuttapacchimacittaṁ uppajjissati tesaṁ manindriyaṁ uppajjissati, no ca tesaṁ somanassindriyaṁ uppajjissati. Itaresaṁ tesaṁ manindriyañca uppajjissati somanassindriyañca uppajjissati. (Somanassindriyamūlakaṁ.)

Yassa upekkhindriyaṁ uppajjissati tassa saddhindriyaṁ …pe… paññindriyaṁ …pe… manindriyaṁ uppajjissatīti? Āmantā.

Yassa vā pana manindriyaṁ uppajjissati tassa upekkhindriyaṁ uppajjissatīti?

Yassa cittassa anantarā somanassasampayuttapacchimacittaṁ uppajjissati tesaṁ manindriyaṁ uppajjissati, no ca tesaṁ upekkhindriyaṁ uppajjissati. Itaresaṁ tesaṁ manindriyañca uppajjissati upekkhindriyañca uppajjissati. (Upekkhindriyamūlakaṁ.)

Yassa saddhindriyaṁ uppajjissati tassa paññindriyaṁ …pe… manindriyaṁ uppajjissatīti? Āmantā.

Yassa vā pana manindriyaṁ uppajjissati tassa saddhindriyaṁ uppajjissatīti? Āmantā. (Saddhindriyamūlakaṁ.)

Yassa paññindriyaṁ uppajjissati tassa manindriyaṁ uppajjissatīti? Āmantā.

Yassa vā pana manindriyaṁ uppajjissati tassa paññindriyaṁ uppajjissatīti? Āmantā. (Paññindriyamūlakaṁ.)

Yattha cakkhundriyaṁ uppajjissati tattha sotindriyaṁ uppajjissatīti? Āmantā.

Yattha vā pana sotindriyaṁ uppajjissati tattha cakkhundriyaṁ uppajjissatīti? Āmantā.

Yattha cakkhundriyaṁ uppajjissati tattha ghānindriyaṁ uppajjissatīti?

Rūpāvacare tattha cakkhundriyaṁ uppajjissati, no ca tattha ghānindriyaṁ uppajjissati. Kāmāvacare tattha cakkhundriyañca uppajjissati ghānindriyañca uppajjissati.

Yattha vā pana ghānindriyaṁ uppajjissati tattha cakkhundriyaṁ uppajjissatīti? Āmantā.

Yattha cakkhundriyaṁ uppajjissati tattha itthindriyaṁ …pe… purisindriyaṁ uppajjissatīti?

Rūpāvacare tattha cakkhundriyaṁ uppajjissati, no ca tattha purisindriyaṁ uppajjissati. Kāmāvacare tattha cakkhundriyañca uppajjissati purisindriyañca uppajjissati.

Yattha vā pana purisindriyaṁ uppajjissati tattha cakkhundriyaṁ uppajjissatīti? Āmantā.

Yattha cakkhundriyaṁ uppajjissati tattha jīvitindriyaṁ uppajjissatīti? Āmantā.

Yattha vā pana jīvitindriyaṁ uppajjissati tattha cakkhundriyaṁ uppajjissatīti?

Asaññasatte arūpe tattha jīvitindriyaṁ uppajjissati, no ca tattha cakkhundriyaṁ uppajjissati. Pañcavokāre tattha jīvitindriyañca uppajjissati cakkhundriyañca uppajjissati.

Yattha cakkhundriyaṁ uppajjissati tattha somanassindriyaṁ uppajjissatīti? Āmantā.

Yattha vā pana somanassindriyaṁ uppajjissati tattha cakkhundriyaṁ uppajjissatīti? Āmantā.

Yattha cakkhundriyaṁ uppajjissati tattha upekkhindriyaṁ uppajjissatīti? Āmantā.

Yattha vā pana upekkhindriyaṁ uppajjissati tattha cakkhundriyaṁ uppajjissatīti?

Arūpe tattha upekkhindriyaṁ uppajjissati, no ca tattha cakkhundriyaṁ uppajjissati. Pañcavokāre tattha upekkhindriyañca uppajjissati cakkhundriyañca uppajjissati.

Yattha cakkhundriyaṁ uppajjissati tattha saddhindriyaṁ …pe… paññindriyaṁ …pe… manindriyaṁ uppajjissatīti? Āmantā.

Yattha vā pana manindriyaṁ uppajjissati tattha cakkhundriyaṁ uppajjissatīti?

Arūpe tattha manindriyaṁ uppajjissati, no ca tattha cakkhundriyaṁ uppajjissati. Pañcavokāre tattha manindriyañca uppajjissati cakkhundriyañca uppajjissati. (Cakkhundriyamūlakaṁ.)

Yattha ghānindriyaṁ uppajjissati tattha itthindriyaṁ …pe… purisindriyaṁ uppajjissatīti? Āmantā.

Yattha vā pana purisindriyaṁ uppajjissati tattha ghānindriyaṁ uppajjissatīti? Āmantā.

Yattha ghānindriyaṁ uppajjissati tattha jīvitindriyaṁ uppajjissatīti? Āmantā.

Yattha vā pana jīvitindriyaṁ uppajjissati tattha ghānindriyaṁ uppajjissatīti?

Rūpāvacare arūpāvacare tattha jīvitindriyaṁ uppajjissati, no ca tattha ghānindriyaṁ uppajjissati. Kāmāvacare tattha jīvitindriyañca uppajjissati ghānindriyañca uppajjissati.

Yattha ghānindriyaṁ uppajjissati tattha somanassindriyaṁ uppajjissatīti? Āmantā.

Yattha vā pana somanassindriyaṁ uppajjissati tattha ghānindriyaṁ uppajjissatīti?

Rūpāvacare tattha somanassindriyaṁ uppajjissati, no ca tattha ghānindriyaṁ uppajjissati. Kāmāvacare tattha somanassindriyañca uppajjissati ghānindriyañca uppajjissati.

Yattha ghānindriyaṁ uppajjissati tattha upekkhindriyaṁ uppajjissatīti? Āmantā.

Yattha vā pana upekkhindriyaṁ uppajjissati tattha ghānindriyaṁ uppajjissatīti?

Rūpāvacare arūpāvacare tattha upekkhindriyaṁ uppajjissati, no ca tattha ghānindriyaṁ uppajjissati. Kāmāvacare tattha upekkhindriyañca uppajjissati ghānindriyañca uppajjissati.

Yattha ghānindriyaṁ uppajjissati tattha saddhindriyaṁ …pe… paññindriyaṁ …pe… manindriyaṁ uppajjissatīti? Āmantā.

Yattha vā pana manindriyaṁ uppajjissati tattha ghānindriyaṁ uppajjissatīti?

Rūpāvacare arūpāvacare tattha manindriyaṁ uppajjissati, no ca tattha ghānindriyaṁ uppajjissati. Kāmāvacare tattha manindriyañca uppajjissati ghānindriyañca uppajjissati. (Ghānindriyamūlakaṁ.)

Yattha itthindriyaṁ uppajjissati tattha purisindriyaṁ uppajjissatīti? Āmantā.

Yattha vā pana purisindriyaṁ uppajjissati tattha itthindriyaṁ uppajjissatīti? Āmantā …pe….

Yattha purisindriyaṁ uppajjissati tattha jīvitindriyaṁ uppajjissatīti? Āmantā.

Yattha vā pana jīvitindriyaṁ uppajjissati tattha purisindriyaṁ uppajjissatīti?

Rūpāvacare arūpāvacare tattha jīvitindriyaṁ uppajjissati, no ca tattha purisindriyaṁ uppajjissati. Kāmāvacare tattha jīvitindriyañca uppajjissati purisindriyañca uppajjissati.

Yattha purisindriyaṁ uppajjissati tattha somanassindriyaṁ uppajjissatīti? Āmantā.

Yattha vā pana somanassindriyaṁ uppajjissati tattha purisindriyaṁ uppajjissatīti?

Rūpāvacare tattha somanassindriyaṁ uppajjissati, no ca tattha purisindriyaṁ uppajjissati. Kāmāvacare tattha somanassindriyañca uppajjissati purisindriyañca uppajjissati.

Yattha purisindriyaṁ uppajjissati tattha upekkhindriyaṁ uppajjissatīti? Āmantā.

Yattha vā pana upekkhindriyaṁ uppajjissati tattha purisindriyaṁ uppajjissatīti?

Rūpāvacare arūpāvacare tattha upekkhindriyaṁ uppajjissati, no ca tattha purisindriyaṁ uppajjissati. Kāmāvacare tattha upekkhindriyañca uppajjissati purisindriyañca uppajjissati.

Yattha purisindriyaṁ uppajjissati tattha saddhindriyaṁ …pe… paññindriyaṁ …pe… manindriyaṁ uppajjissatīti? Āmantā.

Yattha vā pana manindriyaṁ uppajjissati tattha purisindriyaṁ uppajjissatīti?

Rūpāvacare arūpāvacare tattha manindriyaṁ uppajjissati, no ca tattha purisindriyaṁ uppajjissati. Kāmāvacare tattha manindriyañca uppajjissati purisindriyañca uppajjissati. (Purisindriyamūlakaṁ.)

Yattha jīvitindriyaṁ uppajjissati tattha somanassindriyaṁ uppajjissatīti?

Asaññasatte tattha jīvitindriyaṁ uppajjissati, no ca tattha somanassindriyaṁ uppajjissati. Catuvokāre pañcavokāre tattha jīvitindriyañca uppajjissati somanassindriyañca uppajjissati.

Yattha vā pana somanassindriyaṁ uppajjissati tattha jīvitindriyaṁ uppajjissatīti? Āmantā.

Yattha jīvitindriyaṁ uppajjissati tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ uppajjissatīti?

Asaññasatte tattha jīvitindriyaṁ uppajjissati, no ca tattha manindriyaṁ uppajjissati. Catuvokāre pañcavokāre tattha jīvitindriyañca uppajjissati manindriyañca uppajjissati.

Yattha vā pana manindriyaṁ uppajjissati tattha jīvitindriyaṁ uppajjissatīti? Āmantā. (Jīvitindriyamūlakaṁ.)

Yattha somanassindriyaṁ uppajjissati tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ uppajjissatīti? Āmantā.

Yattha vā pana manindriyaṁ uppajjissati tattha somanassindriyaṁ uppajjissatīti? Āmantā. (Somanassindriyamūlakaṁ.)

Yattha upekkhindriyaṁ uppajjissati tattha saddhindriyaṁ …pe… paññindriyaṁ …pe… manindriyaṁ uppajjissatīti? Āmantā.

Yattha vā pana manindriyaṁ uppajjissati tattha upekkhindriyaṁ uppajjissatīti? Āmantā. (Upekkhindriyamūlakaṁ.)

Yattha saddhindriyaṁ uppajjissati tattha paññindriyaṁ …pe… manindriyaṁ uppajjissatīti? Āmantā.

Yattha vā pana manindriyaṁ uppajjissati tattha saddhindriyaṁ uppajjissatīti? Āmantā. (Saddhindriyamūlakaṁ.)

Yattha paññindriyaṁ uppajjissati tattha manindriyaṁ uppajjissatīti? Āmantā.

Yattha vā pana manindriyaṁ uppajjissati tattha paññindriyaṁ uppajjissatīti? Āmantā. (Paññindriyamūlakaṁ.)

Yassa yattha cakkhundriyaṁ uppajjissati tassa tattha sotindriyaṁ uppajjissatīti? Āmantā.

Yassa vā pana yattha sotindriyaṁ uppajjissati tassa tattha cakkhundriyaṁ uppajjissatīti? Āmantā.

Yassa yattha cakkhundriyaṁ uppajjissati tassa tattha ghānindriyaṁ uppajjissatīti?

Rūpāvacarānaṁ tesaṁ tattha cakkhundriyaṁ uppajjissati, no ca tesaṁ tattha ghānindriyaṁ uppajjissati. Kāmāvacarānaṁ tesaṁ tattha cakkhundriyañca uppajjissati ghānindriyañca uppajjissati.

Yassa vā pana yattha ghānindriyaṁ uppajjissati tassa tattha cakkhundriyaṁ uppajjissatīti? Āmantā.

Yassa yattha cakkhundriyaṁ uppajjissati tassa tattha itthindriyaṁ uppajjissatīti?

Rūpāvacarānaṁ ye ca purisā eteneva bhāvena katici bhave dassetvā parinibbāyissanti tesaṁ tattha cakkhundriyaṁ uppajjissati, no ca tesaṁ tattha itthindriyaṁ uppajjissati. Itaresaṁ kāmāvacarānaṁ tesaṁ tattha cakkhundriyañca uppajjissati itthindriyañca uppajjissati.

Yassa vā pana yattha itthindriyaṁ uppajjissati tassa tattha cakkhundriyaṁ uppajjissatīti? Āmantā.

Yassa yattha cakkhundriyaṁ uppajjissati tassa tattha purisindriyaṁ uppajjissatīti?

Rūpāvacarānaṁ yā ca itthiyo eteneva bhāvena katici bhave dassetvā parinibbāyissanti tesaṁ tattha cakkhundriyaṁ uppajjissati, no ca tesaṁ tattha purisindriyaṁ uppajjissati. Itaresaṁ kāmāvacarānaṁ tesaṁ tattha cakkhundriyañca uppajjissati purisindriyañca uppajjissati.

Yassa vā pana yattha purisindriyaṁ uppajjissati tassa tattha cakkhundriyaṁ uppajjissatīti? Āmantā.

Yassa yattha cakkhundriyaṁ uppajjissati tassa tattha jīvitindriyaṁ uppajjissatīti? Āmantā.

Yassa vā pana yattha jīvitindriyaṁ uppajjissati tassa tattha cakkhundriyaṁ uppajjissatīti?

Asaññasattānaṁ arūpānaṁ tesaṁ tattha jīvitindriyaṁ uppajjissati, no ca tesaṁ tattha cakkhundriyaṁ uppajjissati. Pañcavokārānaṁ tesaṁ tattha jīvitindriyañca uppajjissati cakkhundriyañca uppajjissati.

Yassa yattha cakkhundriyaṁ uppajjissati tassa tattha somanassindriyaṁ uppajjissatīti?

Ye sacakkhukā upekkhāya upapajjitvā parinibbāyissanti tesaṁ tattha cakkhundriyaṁ uppajjissati, no ca tesaṁ tattha somanassindriyaṁ uppajjissati. Itaresaṁ pañcavokārānaṁ tesaṁ tattha cakkhundriyañca uppajjissati somanassindriyañca uppajjissati.

Yassa vā pana yattha somanassindriyaṁ uppajjissati tassa tattha cakkhundriyaṁ uppajjissatīti? Āmantā.

Yassa yattha cakkhundriyaṁ uppajjissati tassa tattha upekkhindriyaṁ uppajjissatīti?

Ye sacakkhukā somanassena upapajjitvā parinibbāyissanti tesaṁ tattha cakkhundriyaṁ uppajjissati, no ca tesaṁ tattha upekkhindriyaṁ uppajjissati. Itaresaṁ pañcavokārānaṁ tesaṁ tattha cakkhundriyañca uppajjissati upekkhindriyañca uppajjissati.

Yassa vā pana yattha upekkhindriyaṁ uppajjissati tassa tattha cakkhundriyaṁ uppajjissatīti?

Arūpānaṁ tesaṁ tattha upekkhindriyaṁ uppajjissati, no ca tesaṁ tattha cakkhundriyaṁ uppajjissati. Pañcavokārānaṁ tesaṁ tattha upekkhindriyañca uppajjissati cakkhundriyañca uppajjissati.

Yassa yattha cakkhundriyaṁ uppajjissati tassa tattha saddhindriyaṁ …pe… paññindriyaṁ …pe… manindriyaṁ uppajjissatīti? Āmantā.

Yassa vā pana yattha manindriyaṁ uppajjissati tassa tattha cakkhundriyaṁ uppajjissatīti?

Arūpānaṁ tesaṁ tattha manindriyaṁ uppajjissati, no ca tesaṁ tattha cakkhundriyaṁ uppajjissati. Pañcavokārānaṁ tesaṁ tattha manindriyañca uppajjissati cakkhundriyañca uppajjissati. (Cakkhundriyamūlakaṁ.)

Yassa yattha ghānindriyaṁ uppajjissati tassa tattha itthindriyaṁ uppajjissatīti?

Ye purisā eteneva bhāvena katici bhave dassetvā parinibbāyissanti tesaṁ tattha ghānindriyaṁ uppajjissati, no ca tesaṁ tattha itthindriyaṁ uppajjissati. Itaresaṁ kāmāvacarānaṁ tesaṁ tattha ghānindriyañca uppajjissati itthindriyañca uppajjissati.

Yassa vā pana yattha itthindriyaṁ uppajjissati tassa tattha ghānindriyaṁ uppajjissatīti? Āmantā.

Yassa yattha ghānindriyaṁ uppajjissati tassa tattha purisindriyaṁ uppajjissatīti?

Yā itthiyo eteneva bhāvena katici bhave dassetvā parinibbāyissanti tāsaṁ tattha ghānindriyaṁ uppajjissati, no ca tāsaṁ tattha purisindriyaṁ uppajjissati. Itaresaṁ kāmāvacarānaṁ tesaṁ tattha ghānindriyañca uppajjissati purisindriyañca uppajjissati.

Yassa vā pana yattha purisindriyaṁ uppajjissati tassa tattha ghānindriyaṁ uppajjissatīti? Āmantā.

Yassa yattha ghānindriyaṁ uppajjissati tassa tattha jīvitindriyaṁ uppajjissatīti? Āmantā.

Yassa vā pana yattha jīvitindriyaṁ uppajjissati tassa tattha ghānindriyaṁ uppajjissatīti?

Rūpāvacarānaṁ arūpāvacarānaṁ tesaṁ tattha jīvitindriyaṁ uppajjissati, no ca tesaṁ tattha ghānindriyaṁ uppajjissati. Kāmāvacarānaṁ tesaṁ tattha jīvitindriyañca uppajjissati ghānindriyañca uppajjissati.

Yassa yattha ghānindriyaṁ uppajjissati tassa tattha somanassindriyaṁ uppajjissatīti?

Ye saghānakā upekkhāya upapajjitvā parinibbāyissanti tesaṁ tattha ghānindriyaṁ uppajjissati, no ca tesaṁ tattha somanassindriyaṁ uppajjissati. Itaresaṁ kāmāvacarānaṁ tesaṁ tattha ghānindriyañca uppajjissati somanassindriyañca uppajjissati.

Yassa vā pana yattha somanassindriyaṁ uppajjissati tassa tattha ghānindriyaṁ uppajjissatīti?

Rūpāvacarānaṁ tesaṁ tattha somanassindriyaṁ uppajjissati, no ca tesaṁ tattha ghānindriyaṁ uppajjissati. Kāmāvacarānaṁ tesaṁ tattha somanassindriyañca uppajjissati ghānindriyañca uppajjissati.

Yassa yattha ghānindriyaṁ uppajjissati tassa tattha upekkhindriyaṁ uppajjissatīti?

Ye saghānakā somanassena upapajjitvā parinibbāyissanti tesaṁ tattha ghānindriyaṁ uppajjissati, no ca tesaṁ tattha upekkhindriyaṁ uppajjissati. Itaresaṁ kāmāvacarānaṁ tesaṁ tattha ghānindriyañca uppajjissati upekkhindriyañca uppajjissati.

Yassa vā pana yattha upekkhindriyaṁ uppajjissati tassa tattha ghānindriyaṁ uppajjissatīti?

Rūpāvacarānaṁ arūpāvacarānaṁ tesaṁ tattha upekkhindriyaṁ uppajjissati, no ca tesaṁ tattha ghānindriyaṁ uppajjissati. Kāmāvacarānaṁ tesaṁ tattha upekkhindriyañca uppajjissati ghānindriyañca uppajjissati.

Yassa yattha ghānindriyaṁ uppajjissati tassa tattha saddhindriyaṁ …pe… paññindriyaṁ …pe… manindriyaṁ uppajjissatīti? Āmantā.

Yassa vā pana yattha manindriyaṁ uppajjissati tassa tattha ghānindriyaṁ uppajjissatīti?

Rūpāvacarānaṁ arūpāvacarānaṁ tesaṁ tattha manindriyaṁ uppajjissati, no ca tesaṁ tattha ghānindriyaṁ uppajjissati. Kāmāvacarānaṁ tesaṁ tattha manindriyañca uppajjissati ghānindriyañca uppajjissati. (Ghānindriyamūlakaṁ.)

Yassa yattha itthindriyaṁ uppajjissati tassa tattha purisindriyaṁ uppajjissatīti?

Yā itthiyo eteneva bhāvena katici bhave dassetvā parinibbāyissanti tāsaṁ tattha itthindriyaṁ uppajjissati, no ca tāsaṁ tattha purisindriyaṁ uppajjissati. Itaresaṁ kāmāvacarānaṁ tesaṁ tattha itthindriyañca uppajjissati purisindriyañca uppajjissati.

Yassa vā pana yattha purisindriyaṁ uppajjissati tassa tattha itthindriyaṁ uppajjissatīti?

Ye purisā eteneva bhāvena katici bhave dassetvā parinibbāyissanti tesaṁ tattha purisindriyaṁ uppajjissati, no ca tesaṁ tattha itthindriyaṁ uppajjissati. Itaresaṁ kāmāvacarānaṁ tesaṁ tattha purisindriyañca uppajjissati itthindriyañca uppajjissati.

Yassa yattha itthindriyaṁ uppajjissati tassa tattha jīvitindriyaṁ uppajjissatīti? Āmantā.

Yassa vā pana yattha jīvitindriyaṁ uppajjissati tassa tattha itthindriyaṁ uppajjissatīti?

Rūpāvacarānaṁ arūpāvacarānaṁ ye ca purisā eteneva bhāvena katici bhave dassetvā parinibbāyissanti tesaṁ tattha jīvitindriyaṁ uppajjissati, no ca tesaṁ tattha itthindriyaṁ uppajjissati. Itaresaṁ kāmāvacarānaṁ tesaṁ tattha jīvitindriyañca uppajjissati itthindriyañca uppajjissati.

Yassa yattha itthindriyaṁ uppajjissati tassa tattha somanassindriyaṁ uppajjissatīti?

Yā itthiyo eteneva bhāvena katici bhave dassetvā upekkhāya upapajjitvā parinibbāyissanti tāsaṁ tattha itthindriyaṁ uppajjissati, no ca tāsaṁ tattha somanassindriyaṁ uppajjissati. Itaresaṁ kāmāvacarānaṁ tesaṁ tattha itthindriyañca uppajjissati. Somanassindriyañca uppajjissati.

Yassa vā pana yattha somanassindriyaṁ uppajjissati tassa tattha itthindriyaṁ uppajjissatīti?

Rūpāvacarānaṁ ye ca purisā eteneva bhāvena katici bhave dassetvā somanassena upapajjitvā parinibbāyissanti tesaṁ tattha somanassindriyaṁ uppajjissati, no ca tesaṁ tattha itthindriyaṁ uppajjissati. Itaresaṁ kāmāvacarānaṁ tesaṁ tattha somanassindriyañca uppajjissati itthindriyañca uppajjissati.

Yassa yattha itthindriyaṁ uppajjissati tassa tattha upekkhindriyaṁ uppajjissatīti?

Yā itthiyo eteneva bhāvena katici bhave dassetvā somanassena upapajjitvā parinibbāyissanti tāsaṁ tattha itthindriyaṁ uppajjissati, no ca tāsaṁ tattha upekkhindriyaṁ uppajjissati. Itaresaṁ kāmāvacarānaṁ tesaṁ tattha itthindriyañca uppajjissati upekkhindriyañca uppajjissati.

Yassa vā pana yattha upekkhindriyaṁ uppajjissati tassa tattha itthindriyaṁ uppajjissatīti?

Rūpāvacarānaṁ arūpāvacarānaṁ ye ca purisā eteneva bhāvena katici bhave dassetvā upekkhāya upapajjitvā parinibbāyissanti tesaṁ tattha upekkhindriyaṁ uppajjissati, no ca tesaṁ tattha itthindriyaṁ uppajjissati. Itaresaṁ kāmāvacarānaṁ tesaṁ tattha upekkhindriyañca uppajjissati itthindriyañca uppajjissati.

Yassa yattha itthindriyaṁ uppajjissati tassa tattha saddhindriyaṁ …pe… paññindriyaṁ …pe… manindriyaṁ uppajjissatīti? Āmantā.

Yassa vā pana yattha manindriyaṁ uppajjissati tassa tattha itthindriyaṁ uppajjissatīti?

Rūpāvacarānaṁ arūpāvacarānaṁ ye ca purisā eteneva bhāvena katici bhave dassetvā parinibbāyissanti tesaṁ tattha manindriyaṁ uppajjissati, no ca tesaṁ tattha itthindriyaṁ uppajjissati. Itaresaṁ kāmāvacarānaṁ tesaṁ tattha manindriyañca uppajjissati itthindriyañca uppajjissati. (Itthindriyamūlakaṁ.)

Yassa yattha purisindriyaṁ uppajjissati tassa tattha jīvitindriyaṁ uppajjissatīti? Āmantā.

Yassa vā pana yattha jīvitindriyaṁ uppajjissati tassa tattha purisindriyaṁ uppajjissatīti?

Rūpāvacarānaṁ arūpāvacarānaṁ yā ca itthiyo eteneva bhāvena katici bhave dassetvā parinibbāyissanti tesaṁ tattha jīvitindriyaṁ uppajjissati, no ca tesaṁ tattha purisindriyaṁ uppajjissati. Itaresaṁ kāmāvacarānaṁ tesaṁ tattha jīvitindriyañca uppajjissati purisindriyañca uppajjissati.

Yassa yattha purisindriyaṁ uppajjissati tassa tattha somanassindriyaṁ uppajjissatīti?

Ye purisā eteneva bhāvena katici bhave dassetvā upekkhāya upapajjitvā parinibbāyissanti tesaṁ tattha purisindriyaṁ uppajjissati, no ca tesaṁ tattha somanassindriyaṁ uppajjissati. Itaresaṁ kāmāvacarānaṁ tesaṁ tattha purisindriyañca uppajjissati somanassindriyañca uppajjissati.

Yassa vā pana yattha somanassindriyaṁ uppajjissati tassa tattha purisindriyaṁ uppajjissatīti?

Rūpāvacarānaṁ yā ca itthiyo eteneva bhāvena katici bhave dassetvā somanassena upapajjitvā parinibbāyissanti tesaṁ tattha somanassindriyaṁ uppajjissati, no ca tesaṁ tattha purisindriyaṁ uppajjissati. Itaresaṁ kāmāvacarānaṁ tesaṁ tattha somanassindriyañca uppajjissati purisindriyañca uppajjissati.

Yassa yattha purisindriyaṁ uppajjissati tassa tattha upekkhindriyaṁ uppajjissatīti?

Ye purisā eteneva bhāvena katici bhave dassetvā somanassena upapajjitvā parinibbāyissanti tesaṁ tattha purisindriyaṁ uppajjissati, no ca tesaṁ tattha upekkhindriyaṁ uppajjissati. Itaresaṁ kāmāvacarānaṁ tesaṁ tattha purisindriyañca uppajjissati upekkhindriyañca uppajjissati.

Yassa vā pana yattha upekkhindriyaṁ uppajjissati tassa tattha purisindriyaṁ uppajjissatīti?

Rūpāvacarānaṁ arūpāvacarānaṁ yā ca itthiyo eteneva bhāvena katici bhave dassetvā upekkhāya upapajjitvā parinibbāyissanti tesaṁ tattha upekkhindriyaṁ uppajjissati, no ca tesaṁ tattha purisindriyaṁ uppajjissati. Itaresaṁ kāmāvacarānaṁ tesaṁ tattha upekkhindriyañca uppajjissati purisindriyañca uppajjissati.

Yassa yattha purisindriyaṁ uppajjissati tassa tattha saddhindriyaṁ …pe… paññindriyaṁ …pe… manindriyaṁ uppajjissatīti? Āmantā.

Yassa vā pana yattha manindriyaṁ uppajjissati tassa tattha purisindriyaṁ uppajjissatīti?

Rūpāvacarānaṁ arūpāvacarānaṁ yā ca itthiyo eteneva bhāvena katici bhave dassetvā parinibbāyissanti tesaṁ tattha manindriyaṁ uppajjissati, no ca tesaṁ tattha purisindriyaṁ uppajjissati. Itaresaṁ kāmāvacarānaṁ tesaṁ tattha manindriyañca uppajjissati purisindriyañca uppajjissati. (Purisindriyamūlakaṁ.)

Yassa yattha jīvitindriyaṁ uppajjissati tassa tattha somanassindriyaṁ uppajjissatīti?

Yassa cittassa anantarā upekkhāsampayuttapacchimacittaṁ uppajjissati asaññasattānaṁ tesaṁ tattha jīvitindriyaṁ uppajjissati, no ca tesaṁ tattha somanassindriyaṁ uppajjissati. Itaresaṁ catuvokārānaṁ pañcavokārānaṁ tesaṁ tattha jīvitindriyañca uppajjissati somanassindriyañca uppajjissati.

Yassa vā pana yattha somanassindriyaṁ uppajjissati tassa tattha jīvitindriyaṁ uppajjissatīti? Āmantā.

Yassa yattha jīvitindriyaṁ uppajjissati tassa tattha upekkhindriyaṁ uppajjissatīti?

Yassa cittassa anantarā somanassasampayuttapacchimacittaṁ uppajjissati asaññasattānaṁ tesaṁ tattha jīvitindriyaṁ uppajjissati, no ca tesaṁ tattha upekkhindriyaṁ uppajjissati. Itaresaṁ catuvokārānaṁ pañcavokārānaṁ tesaṁ tattha jīvitindriyañca uppajjissati upekkhindriyañca uppajjissati.

Yassa vā pana yattha upekkhindriyaṁ uppajjissati tassa tattha jīvitindriyaṁ uppajjissatīti? Āmantā.

Yassa yattha jīvitindriyaṁ uppajjissati tassa tattha saddhindriyaṁ …pe… paññindriyaṁ …pe… manindriyaṁ uppajjissatīti?

Asaññasattānaṁ tesaṁ tattha jīvitindriyaṁ uppajjissati, no ca tesaṁ tattha manindriyaṁ uppajjissati. Catuvokārānaṁ pañcavokārānaṁ tesaṁ tattha jīvitindriyañca uppajjissati manindriyañca uppajjissati.

Yassa vā pana yattha manindriyaṁ uppajjissati tassa tattha jīvitindriyaṁ uppajjissatīti? Āmantā. (Jīvitindriyamūlakaṁ.)

Yassa yattha somanassindriyaṁ uppajjissati tassa tattha upekkhindriyaṁ uppajjissatīti?

Yassa cittassa anantarā somanassasampayuttapacchimacittaṁ uppajjissati tesaṁ tattha somanassindriyaṁ uppajjissati, no ca tesaṁ tattha upekkhindriyaṁ uppajjissati. Itaresaṁ catuvokārānaṁ pañcavokārānaṁ tesaṁ tattha somanassindriyañca uppajjissati upekkhindriyañca uppajjissati.

Yassa vā pana yattha upekkhindriyaṁ uppajjissati tassa tattha somanassindriyaṁ uppajjissatīti?

Yassa cittassa anantarā upekkhāsampayuttapacchimacittaṁ uppajjissati tesaṁ tattha upekkhindriyaṁ uppajjissati, no ca tesaṁ tattha somanassindriyaṁ uppajjissati. Itaresaṁ catuvokārānaṁ pañcavokārānaṁ tesaṁ tattha upekkhindriyañca uppajjissati somanassindriyañca uppajjissati.

Yassa yattha somanassindriyaṁ uppajjissati tassa tattha saddhindriyaṁ …pe… paññindriyaṁ …pe… manindriyaṁ uppajjissatīti? Āmantā.

Yassa vā pana yattha manindriyaṁ uppajjissati tassa tattha somanassindriyaṁ uppajjissatīti?

Yassa cittassa anantarā upekkhāsampayuttapacchimacittaṁ uppajjissati tesaṁ tattha manindriyaṁ uppajjissati, no ca tesaṁ tattha somanassindriyaṁ uppajjissati. Itaresaṁ catuvokārānaṁ pañcavokārānaṁ tesaṁ tattha manindriyañca uppajjissati somanassindriyañca uppajjissati. (Somanassindriyamūlakaṁ.)

Yassa yattha upekkhindriyaṁ uppajjissati tassa tattha saddhindriyaṁ …pe… paññindriyaṁ …pe… manindriyaṁ uppajjissatīti? Āmantā.

Yassa vā pana yattha manindriyaṁ uppajjissati tassa tattha upekkhindriyaṁ uppajjissatīti?

Yassa cittassa anantarā somanassasampayuttapacchimacittaṁ uppajjissati tesaṁ tattha manindriyaṁ uppajjissati, no ca tesaṁ tattha upekkhindriyaṁ uppajjissati. Itaresaṁ catuvokārānaṁ pañcavokārānaṁ tesaṁ tattha manindriyañca uppajjissati upekkhindriyañca uppajjissati. (Upekkhindriyamūlakaṁ.)

Yassa yattha saddhindriyaṁ uppajjissati tassa tattha paññindriyaṁ …pe… manindriyaṁ uppajjissatīti? Āmantā.

Yassa vā pana yattha manindriyaṁ uppajjissati tassa tattha saddhindriyaṁ uppajjissatīti? Āmantā. (Saddhindriyamūlakaṁ.)

Yassa yattha paññindriyaṁ uppajjissati tassa tattha manindriyaṁ uppajjissatīti? Āmantā.

Yassa vā pana yattha manindriyaṁ uppajjissati tassa tattha paññindriyaṁ uppajjissatīti? Āmantā. (Paññindriyamūlakaṁ.)

Yassa cakkhundriyaṁ na uppajjissati tassa sotindriyaṁ na uppajjissatīti? Āmantā.

Yassa vā pana sotindriyaṁ na uppajjissati tassa cakkhundriyaṁ na uppajjissatīti? Āmantā.

Yassa cakkhundriyaṁ na uppajjissati tassa ghānindriyaṁ na uppajjissatīti? Āmantā.

Yassa vā pana ghānindriyaṁ na uppajjissati tassa cakkhundriyaṁ na uppajjissatīti?

Ye rūpāvacaraṁ upapajjitvā parinibbāyissanti tesaṁ ghānindriyaṁ na uppajjissati, no ca tesaṁ cakkhundriyaṁ na uppajjissati. Pacchimabhavikānaṁ ye ca arūpaṁ upapajjitvā parinibbāyissanti tesaṁ ghānindriyañca na uppajjissati cakkhundriyañca na uppajjissati.

Yassa cakkhundriyaṁ na uppajjissati tassa itthindriyaṁ na uppajjissatīti? Āmantā.

Yassa vā pana itthindriyaṁ na uppajjissati tassa cakkhundriyaṁ na uppajjissatīti?

Ye rūpāvacaraṁ upapajjitvā parinibbāyissanti ye ca purisā eteneva bhāvena katici bhave dassetvā parinibbāyissanti tesaṁ itthindriyaṁ na uppajjissati, no ca tesaṁ cakkhundriyaṁ na uppajjissati. Pacchimabhavikānaṁ ye ca arūpaṁ upapajjitvā parinibbāyissanti tesaṁ itthindriyañca na uppajjissati cakkhundriyañca na uppajjissati.

Yassa cakkhundriyaṁ na uppajjissati tassa purisindriyaṁ na uppajjissatīti? Āmantā.

Yassa vā pana purisindriyaṁ na uppajjissati tassa cakkhundriyaṁ na uppajjissatīti?

Ye rūpāvacaraṁ upapajjitvā parinibbāyissanti yā ca itthiyo eteneva bhāvena katici bhave dassetvā parinibbāyissanti tesaṁ purisindriyaṁ na uppajjissati, no ca tesaṁ cakkhundriyaṁ na uppajjissati. Pacchimabhavikānaṁ ye ca arūpaṁ upapajjitvā parinibbāyissanti tesaṁ purisindriyañca na uppajjissati cakkhundriyañca na uppajjissati.

Yassa cakkhundriyaṁ na uppajjissati tassa jīvitindriyaṁ na uppajjissatīti?

Ye arūpaṁ upapajjitvā parinibbāyissanti tesaṁ cakkhundriyaṁ na uppajjissati, no ca tesaṁ jīvitindriyaṁ na uppajjissati. Pacchimabhavikānaṁ tesaṁ cakkhundriyañca na uppajjissati jīvitindriyañca na uppajjissati.

Yassa vā pana jīvitindriyaṁ na uppajjissati tassa cakkhundriyaṁ na uppajjissatīti? Āmantā.

Yassa cakkhundriyaṁ na uppajjissati tassa somanassindriyaṁ na uppajjissatīti? Āmantā.

Yassa vā pana somanassindriyaṁ na uppajjissati tassa cakkhundriyaṁ na uppajjissatīti?

Ye sacakkhukā upekkhāya upapajjitvā parinibbāyissanti tesaṁ somanassindriyaṁ na uppajjissati, no ca tesaṁ cakkhundriyaṁ na uppajjissati. Pacchimabhavikānaṁ ye ca arūpaṁ upapajjitvā parinibbāyissanti tesaṁ somanassindriyañca na uppajjissati cakkhundriyañca na uppajjissati.

Yassa cakkhundriyaṁ na uppajjissati tassa upekkhindriyaṁ na uppajjissatīti?

Ye arūpaṁ upapajjitvā parinibbāyissanti tesaṁ cakkhundriyaṁ na uppajjissati, no ca tesaṁ upekkhindriyaṁ na uppajjissati. Pacchimabhavikānaṁ tesaṁ cakkhundriyañca na uppajjissati upekkhindriyañca na uppajjissati.

Yassa vā pana upekkhindriyaṁ na uppajjissati tassa cakkhundriyaṁ na uppajjissatīti?

Ye sacakkhukā somanassena upapajjitvā parinibbāyissanti tesaṁ upekkhindriyaṁ na uppajjissati, no ca tesaṁ cakkhundriyaṁ na uppajjissati. Pacchimabhavikānaṁ tesaṁ upekkhindriyañca na uppajjissati cakkhundriyañca na uppajjissati.

Yassa cakkhundriyaṁ na uppajjissati tassa saddhindriyaṁ …pe… paññindriyaṁ …pe… manindriyaṁ na uppajjissatīti?

Ye arūpaṁ upapajjitvā parinibbāyissanti tesaṁ cakkhundriyaṁ na uppajjissati, no ca tesaṁ manindriyaṁ na uppajjissati. Pacchimabhavikānaṁ tesaṁ cakkhundriyañca na uppajjissati manindriyañca na uppajjissati.

Yassa vā pana manindriyaṁ na uppajjissati tassa cakkhundriyaṁ na uppajjissatīti? Āmantā. (Cakkhundriyamūlakaṁ.)

Yassa ghānindriyaṁ na uppajjissati tassa itthindriyaṁ na uppajjissatīti? Āmantā.

Yassa vā pana itthindriyaṁ na uppajjissati tassa ghānindriyaṁ na uppajjissatīti?

Ye purisā eteneva bhāvena katici bhave dassetvā parinibbāyissanti tesaṁ itthindriyaṁ na uppajjissati, no ca tesaṁ ghānindriyaṁ na uppajjissati. Pacchimabhavikānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ itthindriyañca na uppajjissati ghānindriyañca na uppajjissati.

Yassa ghānindriyaṁ na uppajjissati tassa purisindriyaṁ na uppajjissatīti? Āmantā.

Yassa vā pana purisindriyaṁ na uppajjissati tassa ghānindriyaṁ na uppajjissatīti?

Yā itthiyo eteneva bhāvena katici bhave dassetvā parinibbāyissanti tāsaṁ purisindriyaṁ na uppajjissati, no ca tāsaṁ ghānindriyaṁ na uppajjissati. Pacchimabhavikānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ purisindriyañca na uppajjissati ghānindriyañca na uppajjissati.

Yassa ghānindriyaṁ na uppajjissati tassa jīvitindriyaṁ na uppajjissatīti?

Ye rūpāvacaraṁ arūpāvacaraṁ upapajjitvā parinibbāyissanti tesaṁ ghānindriyaṁ na uppajjissati, no ca tesaṁ jīvitindriyaṁ na uppajjissati. Pacchimabhavikānaṁ tesaṁ ghānindriyañca na uppajjissati jīvitindriyañca na uppajjissati.

Yassa vā pana jīvitindriyaṁ na uppajjissati tassa ghānindriyaṁ na uppajjissatīti? Āmantā.

Yassa ghānindriyaṁ na uppajjissati tassa somanassindriyaṁ na uppajjissatīti?

Ye rūpāvacaraṁ upapajjitvā parinibbāyissanti tesaṁ ghānindriyaṁ na uppajjissati, no ca tesaṁ somanassindriyaṁ na upapajjissati. Pacchimabhavikānaṁ ye ca arūpaṁ upapajjitvā parinibbāyissanti tesaṁ ghānindriyañca na uppajjissati somanassindriyañca na uppajjissati.

Yassa vā pana somanassindriyaṁ na uppajjissati tassa ghānindriyaṁ na uppajjissatīti?

Ye saghānakā upekkhāya upapajjitvā parinibbāyissanti tesaṁ somanassindriyaṁ na uppajjissati, no ca tesaṁ ghānindriyaṁ na uppajjissati. Pacchimabhavikānaṁ ye ca arūpaṁ upapajjitvā parinibbāyissanti tesaṁ somanassindriyañca na uppajjissati ghānindriyañca na uppajjissati.

Yassa ghānindriyaṁ na uppajjissati tassa upekkhindriyaṁ na uppajjissatīti?

Ye rūpāvacaraṁ arūpāvacaraṁ upapajjitvā parinibbāyissanti tesaṁ ghānindriyaṁ na uppajjissati, no ca tesaṁ upekkhindriyaṁ na uppajjissati. Pacchimabhavikānaṁ ye ca somanassena rūpāvacaraṁ upapajjitvā parinibbāyissanti tesaṁ ghānindriyañca na uppajjissati upekkhindriyañca na uppajjissati.

Yassa vā pana upekkhindriyaṁ na uppajjissati tassa ghānindriyaṁ na uppajjissatīti?

Ye saghānakā somanassena upapajjitvā parinibbāyissanti tesaṁ upekkhindriyaṁ na uppajjissati, no ca tesaṁ ghānindriyaṁ na uppajjissati. Pacchimabhavikānaṁ ye ca somanassena rūpāvacaraṁ upapajjitvā parinibbāyissanti tesaṁ upekkhindriyañca na uppajjissati ghānindriyañca na uppajjissati.

Yassa ghānindriyaṁ na uppajjissati tassa saddhindriyaṁ …pe… paññindriyaṁ …pe… manindriyaṁ na uppajjissatīti?

Ye rūpāvacaraṁ arūpāvacaraṁ upapajjitvā parinibbāyissanti tesaṁ ghānindriyaṁ na uppajjissati, no ca tesaṁ manindriyaṁ na uppajjissati. Pacchimabhavikānaṁ tesaṁ ghānindriyañca na uppajjissati manindriyañca na uppajjissati.

Yassa vā pana manindriyaṁ na uppajjissati tassa ghānindriyaṁ na uppajjissatīti? Āmantā. (Ghānindriyamūlakaṁ.)

Yassa itthindriyaṁ na uppajjissati tassa purisindriyaṁ na uppajjissatīti?

Ye purisā eteneva bhāvena katici bhave dassetvā parinibbāyissanti tesaṁ itthindriyaṁ na uppajjissati, no ca tesaṁ purisindriyaṁ na uppajjissati. Pacchimabhavikānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ itthindriyañca na uppajjissati purisindriyañca na uppajjissati.

Yassa vā pana purisindriyaṁ na uppajjissati tassa itthindriyaṁ na uppajjissatīti?

Yā itthiyo eteneva bhāvena katici bhave dassetvā parinibbāyissanti tāsaṁ purisindriyaṁ na uppajjissati, no ca tāsaṁ itthindriyaṁ na uppajjissati. Pacchimabhavikānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ purisindriyañca na uppajjissati itthindriyañca na uppajjissati.

Yassa itthindriyaṁ na uppajjissati tassa jīvitindriyaṁ na uppajjissatīti?

Ye rūpāvacaraṁ arūpāvacaraṁ upapajjitvā parinibbāyissanti ye ca purisā eteneva bhāvena katici bhave dassetvā parinibbāyissanti tesaṁ itthindriyaṁ na uppajjissati, no ca tesaṁ jīvitindriyaṁ na uppajjissati. Pacchimabhavikānaṁ tesaṁ itthindriyañca na uppajjissati jīvitindriyañca na uppajjissati.

Yassa vā pana jīvitindriyaṁ na uppajjissati tassa itthindriyaṁ na uppajjissatīti? Āmantā.

Yassa itthindriyaṁ na uppajjissati tassa somanassindriyaṁ na uppajjissatīti?

Ye rūpāvacaraṁ upapajjitvā parinibbāyissanti ye ca purisā eteneva bhāvena katici bhave dassetvā somanassena upapajjitvā parinibbāyissanti tesaṁ itthindriyaṁ na uppajjissati, no ca tesaṁ somanassindriyaṁ na uppajjissati. Pacchimabhavikānaṁ ye ca arūpaṁ upapajjitvā parinibbāyissanti ye ca purisā eteneva bhāvena katici bhave dassetvā upekkhāya upapajjitvā parinibbāyissanti tesaṁ itthindriyañca na uppajjissati somanassindriyañca na uppajjissati.

Yassa vā pana somanassindriyaṁ na uppajjissati tassa itthindriyaṁ na uppajjissatīti?

Yā itthiyo eteneva bhāvena katici bhave dassetvā upekkhāya upapajjitvā parinibbāyissanti tāsaṁ somanassindriyaṁ na uppajjissati, no ca tāsaṁ itthindriyaṁ na uppajjissati. Pacchimabhavikānaṁ ye ca arūpaṁ upapajjitvā parinibbāyissanti ye ca purisā eteneva bhāvena katici bhave dassetvā upekkhāya upapajjitvā parinibbāyissanti tesaṁ somanassindriyañca na uppajjissati itthindriyañca na uppajjissati.

Yassa itthindriyaṁ na uppajjissati tassa upekkhindriyaṁ na uppajjissatīti?

Ye rūpāvacaraṁ arūpāvacaraṁ upapajjitvā parinibbāyissanti ye ca purisā eteneva bhāvena katici bhave dassetvā upekkhāya upapajjitvā parinibbāyissanti tesaṁ itthindriyaṁ na uppajjissati, no ca tesaṁ upekkhindriyaṁ na uppajjissati. Pacchimabhavikānaṁ ye ca purisā eteneva bhāvena katici bhave dassetvā somanassena upapajjitvā parinibbāyissanti tesaṁ itthindriyañca na uppajjissati upekkhindriyañca na uppajjissati.

Yassa vā pana upekkhindriyaṁ na uppajjissati tassa itthindriyaṁ na uppajjissatīti?

Yā itthiyo eteneva bhāvena katici bhave dassetvā somanassena upapajjitvā parinibbāyissanti tāsaṁ upekkhindriyaṁ na uppajjissati, no ca tāsaṁ itthindriyaṁ na uppajjissati. Pacchimabhavikānaṁ ye ca purisā eteneva bhāvena katici bhave dassetvā somanassena upapajjitvā parinibbāyissanti tesaṁ upekkhindriyañca na uppajjissati itthindriyañca na uppajjissati.

Yassa itthindriyaṁ na uppajjissati tassa saddhindriyaṁ …pe… paññindriyaṁ …pe… manindriyaṁ na uppajjissatīti?

Ye rūpāvacaraṁ arūpāvacaraṁ upapajjitvā parinibbāyissanti ye ca purisā eteneva bhāvena katici bhave dassetvā parinibbāyissanti tesaṁ itthindriyaṁ na uppajjissati, no ca tesaṁ manindriyaṁ na uppajjissati. Pacchimabhavikānaṁ tesaṁ itthindriyañca na uppajjissati manindriyañca na uppajjissati.

Yassa vā pana manindriyaṁ na uppajjissati tassa itthindriyaṁ na uppajjissatīti? Āmantā. (Itthindriyamūlakaṁ.)

Yassa purisindriyaṁ na uppajjissati tassa jīvitindriyaṁ na uppajjissatīti?

Ye rūpāvacaraṁ arūpāvacaraṁ upapajjitvā parinibbāyissanti yā ca itthiyo eteneva bhāvena katici bhave dassetvā parinibbāyissanti tesaṁ purisindriyaṁ na uppajjissati, no ca tesaṁ jīvitindriyaṁ na uppajjissati. Pacchimabhavikānaṁ tesaṁ purisindriyañca na uppajjissati jīvitindriyañca na uppajjissati.

Yassa vā pana jīvitindriyaṁ na uppajjissati tassa purisindriyaṁ na uppajjissatīti? Āmantā.

Yassa purisindriyaṁ na uppajjissati tassa somanassindriyaṁ na uppajjissatīti?

Ye rūpāvacaraṁ upapajjitvā parinibbāyissanti yā ca itthiyo eteneva bhāvena katici bhave dassetvā somanassena upapajjitvā parinibbāyissanti tesaṁ purisindriyaṁ na uppajjissati, no ca tesaṁ somanassindriyaṁ na uppajjissati. Pacchimabhavikānaṁ ye ca arūpaṁ upapajjitvā parinibbāyissanti yā ca itthiyo eteneva bhāvena katici bhave dassetvā upekkhāya upapajjitvā parinibbāyissanti tesaṁ purisindriyañca na uppajjissati somanassindriyañca na uppajjissati.

Yassa vā pana somanassindriyaṁ na uppajjissati tassa purisindriyaṁ na uppajjissatīti?

Ye purisā eteneva bhāvena katici bhave dassetvā upekkhāya upapajjitvā parinibbāyissanti tesaṁ somanassindriyaṁ na uppajjissati, no ca tesaṁ purisindriyaṁ na uppajjissati. Pacchimabhavikānaṁ ye ca arūpaṁ upapajjitvā parinibbāyissanti yā ca itthiyo eteneva bhāvena katici bhave dassetvā upekkhāya upapajjitvā parinibbāyissanti tesaṁ somanassindriyañca na uppajjissati purisindriyañca na uppajjissati.

Yassa purisindriyaṁ na uppajjissati tassa upekkhindriyaṁ na uppajjissatīti?

Ye rūpāvacaraṁ arūpāvacaraṁ upapajjitvā parinibbāyissanti yā ca itthiyo eteneva bhāvena katici bhave dassetvā upekkhāya upapajjitvā parinibbāyissanti tesaṁ purisindriyaṁ na uppajjissati, no ca tesaṁ upekkhindriyaṁ na uppajjissati. Pacchimabhavikānaṁ yā ca itthiyo eteneva bhāvena katici bhave dassetvā somanassena upapajjitvā parinibbāyissanti tesaṁ purisindriyañca na uppajjissati upekkhindriyañca na uppajjissati.

Yassa vā pana upekkhindriyaṁ na uppajjissati tassa purisindriyaṁ na uppajjissatīti?

Ye purisā eteneva bhāvena katici bhave dassetvā somanassena upapajjitvā parinibbāyissanti tesaṁ upekkhindriyaṁ na uppajjissati, no ca tesaṁ purisindriyaṁ na uppajjissati. Pacchimabhavikānaṁ yā ca itthiyo eteneva bhāvena katici bhave dassetvā somanassena upapajjitvā parinibbāyissanti tesaṁ upekkhindriyañca na uppajjissati purisindriyañca na uppajjissati.

Yassa purisindriyaṁ na uppajjissati tassa saddhindriyaṁ …pe… paññindriyaṁ …pe… manindriyaṁ na uppajjissatīti?

Ye rūpāvacaraṁ arūpāvacaraṁ upapajjitvā parinibbāyissanti yā ca itthiyo eteneva bhāvena katici bhave dassetvā parinibbāyissanti tesaṁ purisindriyaṁ na uppajjissati, no ca tesaṁ manindriyaṁ na uppajjissati. Pacchimabhavikānaṁ tesaṁ purisindriyañca na uppajjissati manindriyañca na uppajjissati.

Yassa vā pana manindriyaṁ na uppajjissati tassa purisindriyaṁ na uppajjissatīti? Āmantā. (Purisindriyamūlakaṁ.)

Yassa jīvitindriyaṁ na uppajjissati tassa somanassindriyaṁ na uppajjissatīti? Āmantā.

Yassa vā pana somanassindriyaṁ na uppajjissati tassa jīvitindriyaṁ na uppajjissatīti?

Yassa cittassa anantarā upekkhāsampayuttapacchimacittaṁ uppajjissati tesaṁ somanassindriyaṁ na uppajjissati, no ca tesaṁ jīvitindriyaṁ na uppajjissati. Pacchimacittasamaṅgīnaṁ tesaṁ somanassindriyañca na uppajjissati jīvitindriyañca na uppajjissati.

Yassa jīvitindriyaṁ na uppajjissati tassa upekkhindriyaṁ na uppajjissatīti? Āmantā.

Yassa vā pana upekkhindriyaṁ na uppajjissati tassa jīvitindriyaṁ na uppajjissatīti?

Yassa cittassa anantarā somanassasampayuttapacchimacittaṁ uppajjissati tesaṁ upekkhindriyaṁ na uppajjissati, no ca tesaṁ jīvitindriyaṁ na uppajjissati. Pacchimacittasamaṅgīnaṁ tesaṁ upekkhindriyañca na uppajjissati jīvitindriyañca na uppajjissati.

Yassa jīvitindriyaṁ na uppajjissati tassa saddhindriyaṁ …pe… paññindriyaṁ …pe… manindriyaṁ na uppajjissatīti? Āmantā.

Yassa vā pana manindriyaṁ na uppajjissati tassa jīvitindriyaṁ na uppajjissatīti? Āmantā. (Jīvitindriyamūlakaṁ.)

Yassa somanassindriyaṁ na uppajjissati tassa upekkhindriyaṁ na uppajjissatīti?

Yassa cittassa anantarā upekkhāsampayuttapacchimacittaṁ uppajjissati tesaṁ somanassindriyaṁ na uppajjissati, no ca tesaṁ upekkhindriyaṁ na uppajjissati. Pacchimacittasamaṅgīnaṁ tesaṁ somanassindriyañca na uppajjissati upekkhindriyañca na uppajjissati.

Yassa vā pana upekkhindriyaṁ na uppajjissati tassa somanassindriyaṁ na uppajjissatīti?

Yassa cittassa anantarā somanassasampayuttapacchimacittaṁ uppajjissati tesaṁ upekkhindriyaṁ na uppajjissati, no ca tesaṁ somanassindriyaṁ na uppajjissati. Pacchimacittasamaṅgīnaṁ tesaṁ upekkhindriyañca na uppajjissati somanassindriyañca na uppajjissati.

Yassa somanassindriyaṁ na uppajjissati tassa saddhindriyaṁ …pe… paññindriyaṁ …pe… manindriyaṁ na uppajjissatīti?

Yassa cittassa anantarā upekkhāsampayuttapacchimacittaṁ uppajjissati tesaṁ somanassindriyaṁ na uppajjissati, no ca tesaṁ manindriyaṁ na uppajjissati. Pacchimacittasamaṅgīnaṁ tesaṁ somanassindriyañca na uppajjissati manindriyañca na uppajjissati.

Yassa vā pana manindriyaṁ na uppajjissati tassa somanassindriyaṁ na uppajjissatīti? Āmantā. (Somanassindriyamūlakaṁ.)

Yassa upekkhindriyaṁ na uppajjissati tassa saddhindriyaṁ …pe… paññindriyaṁ …pe… manindriyaṁ na uppajjissatīti?

Yassa cittassa anantarā somanassasampayuttapacchimacittaṁ uppajjissati tesaṁ upekkhindriyaṁ na uppajjissati, no ca tesaṁ manindriyaṁ na uppajjissati. Pacchimacittasamaṅgīnaṁ tesaṁ upekkhindriyañca na uppajjissati manindriyañca na uppajjissati.

Yassa vā pana manindriyaṁ na uppajjissati tassa upekkhindriyaṁ na uppajjissatīti? Āmantā. (Upekkhindriyamūlakaṁ.)

Yassa saddhindriyaṁ na uppajjissati tassa paññindriyaṁ …pe… manindriyaṁ na uppajjissatīti? Āmantā.

Yassa vā pana manindriyaṁ na uppajjissati tassa saddhindriyaṁ na uppajjissatīti? Āmantā. (Saddhindriyamūlakaṁ.)

Yassa paññindriyaṁ na uppajjissati tassa manindriyaṁ na uppajjissatīti? Āmantā.

Yassa vā pana manindriyaṁ na uppajjissati tassa paññindriyaṁ na uppajjissatīti? Āmantā. (Paññindriyamūlakaṁ.)

Yattha cakkhundriyaṁ na uppajjissati tattha sotindriyaṁ na uppajjissatīti? Āmantā.

Yattha vā pana sotindriyaṁ na uppajjissati tattha cakkhundriyaṁ na uppajjissatīti? Āmantā.

Yattha cakkhundriyaṁ na uppajjissati tattha ghānindriyaṁ na uppajjissatīti? Āmantā.

Yattha vā pana ghānindriyaṁ na uppajjissati tattha cakkhundriyaṁ na uppajjissatīti?

Rūpāvacare tattha ghānindriyaṁ na uppajjissati, no ca tattha cakkhundriyaṁ na uppajjissati. Asaññasatte arūpe tattha ghānindriyañca na uppajjissati cakkhundriyañca na uppajjissati.

Yattha cakkhundriyaṁ na uppajjissati tattha itthindriyaṁ …pe… purisindriyaṁ na uppajjissatīti? Āmantā.

Yattha vā pana purisindriyaṁ na uppajjissati tattha cakkhundriyaṁ na uppajjissatīti?

Rūpāvacare tattha purisindriyaṁ na uppajjissati, no ca tattha cakkhundriyaṁ na uppajjissati. Asaññasatte arūpe tattha purisindriyañca na uppajjissati cakkhundriyañca na uppajjissati.

Yattha cakkhundriyaṁ na uppajjissati tattha jīvitindriyaṁ na uppajjissatīti? Uppajjissati.

Yattha vā pana jīvitindriyaṁ na uppajjissati tattha cakkhundriyaṁ na uppajjissatīti? Natthi.

Yattha cakkhundriyaṁ na uppajjissati tattha somanassindriyaṁ na uppajjissatīti? Āmantā.

Yattha vā pana somanassindriyaṁ na uppajjissati tattha cakkhundriyaṁ na uppajjissatīti? Āmantā.

Yattha cakkhundriyaṁ na uppajjissati tattha upekkhindriyaṁ na uppajjissatīti?

Arūpe tattha cakkhundriyaṁ na uppajjissati, no ca tattha upekkhindriyaṁ na uppajjissati. Asaññasatte tattha cakkhundriyañca na uppajjissati upekkhindriyañca na uppajjissati.

Yattha vā pana upekkhindriyaṁ na uppajjissati tattha cakkhundriyaṁ na uppajjissatīti? Āmantā.

Yattha cakkhundriyaṁ na uppajjissati tattha saddhindriyaṁ …pe… paññindriyaṁ …pe… manindriyaṁ na uppajjissatīti?

Arūpe tattha cakkhundriyaṁ na uppajjissati, no ca tattha manindriyaṁ na uppajjissati. Asaññasatte tattha cakkhundriyañca na uppajjissati manindriyañca na uppajjissati.

Yattha vā pana manindriyaṁ na uppajjissati tattha cakkhundriyaṁ na uppajjissatīti? Āmantā. (Cakkhundriyamūlakaṁ.)

Yattha ghānindriyaṁ na uppajjissati tattha itthindriyaṁ …pe… purisindriyaṁ na uppajjissatīti? Āmantā.

Yattha vā pana purisindriyaṁ na uppajjissati tattha ghānindriyaṁ na uppajjissatīti? Āmantā.

Yattha ghānindriyaṁ na uppajjissati tattha jīvitindriyaṁ na uppajjissatīti? Uppajjissati.

Yattha vā pana jīvitindriyaṁ na uppajjissati tattha ghānindriyaṁ na uppajjissatīti? Natthi.

Yattha ghānindriyaṁ na uppajjissati tattha somanassindriyaṁ na uppajjissatīti?

Rūpāvacare tattha ghānindriyaṁ na uppajjissati, no ca tattha somanassindriyaṁ na uppajjissati. Asaññasatte arūpe tattha ghānindriyañca na uppajjissati somanassindriyañca na uppajjissati.

Yattha vā pana somanassindriyaṁ na uppajjissati tattha ghānindriyaṁ na uppajjissatīti? Āmantā.

Yattha ghānindriyaṁ na uppajjissati tattha upekkhindriyaṁ na uppajjissatīti?

Rūpāvacare arūpāvacare tattha ghānindriyaṁ na uppajjissati no ca tattha upekkhindriyaṁ na uppajjissati. Asaññasatte tattha ghānindriyañca na uppajjissati upekkhindriyañca na uppajjissati.

Yattha vā pana upekkhindriyaṁ na uppajjissati tattha ghānindriyaṁ na uppajjissatīti? Āmantā.

Yattha ghānindriyaṁ na uppajjissati tattha saddhindriyaṁ …pe… paññindriyaṁ …pe… manindriyaṁ na uppajjissatīti?

Rūpāvacare arūpāvacare tattha ghānindriyaṁ na uppajjissati, no ca tattha manindriyaṁ na uppajjissati. Asaññasatte tattha ghānindriyañca na uppajjissati manindriyañca na uppajjissati.

Yattha vā pana manindriyaṁ na uppajjissati tattha ghānindriyaṁ na uppajjissatīti? Āmantā. (Ghānindriyamūlakaṁ.)

Yattha itthindriyaṁ na uppajjissati tattha purisindriyaṁ na uppajjissatīti? Āmantā.

Yattha vā pana purisindriyaṁ na uppajjissati tattha itthindriyaṁ na uppajjissatīti? Āmantā …pe….

Yattha purisindriyaṁ na uppajjissati tattha jīvitindriyaṁ na uppajjissatīti? Uppajjissati.

Yattha vā pana jīvitindriyaṁ na uppajjissati tattha purisindriyaṁ na uppajjissatīti? Natthi.

Yattha purisindriyaṁ na uppajjissati tattha somanassindriyaṁ na uppajjissatīti?

Rūpāvacare tattha purisindriyaṁ na uppajjissati, no ca tattha somanassindriyaṁ na uppajjissati. Asaññasatte arūpe tattha purisindriyañca na uppajjissati somanassindriyañca na uppajjissati.

Yattha vā pana somanassindriyaṁ na uppajjissati tattha purisindriyaṁ na uppajjissatīti? Āmantā.

Yattha purisindriyaṁ na uppajjissati tattha upekkhindriyaṁ na uppajjissatīti?

Rūpāvacare arūpāvacare tattha purisindriyaṁ na uppajjissati, no ca tattha upekkhindriyaṁ na uppajjissati. Asaññasatte tattha purisindriyañca na uppajjissati upekkhindriyañca na uppajjissati.

Yattha vā pana upekkhindriyaṁ na uppajjissati tattha purisindriyaṁ na uppajjissatīti? Āmantā.

Yattha purisindriyaṁ na uppajjissati tattha saddhindriyaṁ …pe… paññindriyaṁ …pe… manindriyaṁ na uppajjissatīti?

Rūpāvacare arūpāvacare tattha purisindriyaṁ na uppajjissati, no ca tattha manindriyaṁ na uppajjissati. Asaññasatte tattha purisindriyañca na uppajjissati manindriyañca na uppajjissati.

Yattha vā pana manindriyaṁ na uppajjissati tattha purisindriyaṁ na uppajjissatīti? Āmantā. (Purisindriyamūlakaṁ.)

Yattha jīvitindriyaṁ na uppajjissati tattha somanassindriyaṁ na uppajjissatīti? Natthi.

Yattha vā pana somanassindriyaṁ na uppajjissati tattha jīvitindriyaṁ na uppajjissatīti? Uppajjissati.

Yattha jīvitindriyaṁ na uppajjissati tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjissatīti? Natthi.

Yattha vā pana manindriyaṁ na uppajjissati tattha jīvitindriyaṁ na uppajjissatīti? Uppajjissati. (Jīvitindriyamūlakaṁ.)

Yattha somanassindriyaṁ na uppajjissati tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjissatīti? Āmantā.

Yattha vā pana manindriyaṁ na uppajjissati tattha somanassindriyaṁ na uppajjissatīti? Āmantā. (Somanassindriyamūlakaṁ.)

Yattha upekkhindriyaṁ na uppajjissati tattha saddhindriyaṁ …pe… paññindriyaṁ …pe… manindriyaṁ na uppajjissatīti? Āmantā.

Yattha vā pana manindriyaṁ na uppajjissati tattha upekkhindriyaṁ na uppajjissatīti? Āmantā. (Upekkhindriyamūlakaṁ.)

Yattha saddhindriyaṁ na uppajjissati tattha paññindriyaṁ …pe… manindriyaṁ na uppajjissatīti? Āmantā.

Yattha vā pana manindriyaṁ na uppajjissati tattha saddhindriyaṁ na uppajjissatīti? Āmantā. (Saddhindriyamūlakaṁ.)

Yattha paññindriyaṁ na uppajjissati tattha manindriyaṁ na uppajjissatīti? Āmantā.

Yattha vā pana manindriyaṁ na uppajjissati tattha paññindriyaṁ na uppajjissatīti? Āmantā. (Paññindriyamūlakaṁ.)

Yassa yattha cakkhundriyaṁ na uppajjissati tassa tattha sotindriyaṁ na uppajjissatīti? Āmantā.

Yassa vā pana yattha sotindriyaṁ na uppajjissati tassa tattha cakkhundriyaṁ na uppajjissatīti? Āmantā.

Yassa yattha cakkhundriyaṁ na uppajjissati tassa tattha ghānindriyaṁ na uppajjissatīti? Āmantā.

Yassa vā pana yattha ghānindriyaṁ na uppajjissati tassa tattha cakkhundriyaṁ na uppajjissatīti?

Rūpāvacarānaṁ tesaṁ tattha ghānindriyaṁ na uppajjissati, no ca tesaṁ tattha cakkhundriyaṁ na uppajjissati. Pañcavokāre pacchimabhavikānaṁ asaññasattānaṁ arūpānaṁ tesaṁ tattha ghānindriyañca na uppajjissati cakkhundriyañca na uppajjissati.

Yassa yattha cakkhundriyaṁ na uppajjissati tassa tattha itthindriyaṁ na uppajjissatīti? Āmantā.

Yassa vā pana yattha itthindriyaṁ na uppajjissati tassa tattha cakkhundriyaṁ na uppajjissatīti?

Rūpāvacarānaṁ ye ca purisā eteneva bhāvena katici bhave dassetvā parinibbāyissanti tesaṁ tattha itthindriyaṁ na uppajjissati, no ca tesaṁ tattha cakkhundriyaṁ na uppajjissati. Pañcavokāre pacchimabhavikānaṁ asaññasattānaṁ arūpānaṁ tesaṁ tattha itthindriyañca na uppajjissati cakkhundriyañca na uppajjissati.

Yassa yattha cakkhundriyaṁ na uppajjissati tassa tattha purisindriyaṁ na uppajjissatīti? Āmantā.

Yassa vā pana yattha purisindriyaṁ na uppajjissati tassa tattha cakkhundriyaṁ na uppajjissatīti?

Rūpāvacarānaṁ yā ca itthiyo eteneva bhāvena katici bhave dassetvā parinibbāyissanti tesaṁ tattha purisindriyaṁ na uppajjissati, no ca tesaṁ tattha cakkhundriyaṁ na uppajjissati. Pañcavokāre pacchimabhavikānaṁ asaññasattānaṁ arūpānaṁ tesaṁ tattha purisindriyañca na uppajjissati cakkhundriyañca na uppajjissati.

Yassa yattha cakkhundriyaṁ na uppajjissati tassa tattha jīvitindriyaṁ na uppajjissatīti?

Asaññasattānaṁ arūpānaṁ tesaṁ tattha cakkhundriyaṁ na uppajjissati, no ca tesaṁ tattha jīvitindriyaṁ na uppajjissati. Pacchimabhavikānaṁ tesaṁ tattha cakkhundriyañca na uppajjissati jīvitindriyañca na uppajjissati.

Yassa vā pana yattha jīvitindriyaṁ na uppajjissati tassa tattha cakkhundriyaṁ na uppajjissatīti? Āmantā.

Yassa yattha cakkhundriyaṁ na uppajjissati tassa tattha somanassindriyaṁ na uppajjissatīti? Āmantā.

Yassa vā pana yattha somanassindriyaṁ na uppajjissati tassa tattha cakkhundriyaṁ na uppajjissatīti?

Ye sacakkhukā upekkhāya upapajjitvā parinibbāyissanti tesaṁ tattha somanassindriyaṁ na uppajjissati, no ca tesaṁ tattha cakkhundriyaṁ na uppajjissati. Pañcavokāre pacchimabhavikānaṁ asaññasattānaṁ arūpānaṁ tesaṁ tattha somanassindriyañca na uppajjissati cakkhundriyañca na uppajjissati.

Yassa yattha cakkhundriyaṁ na uppajjissati tassa tattha upekkhindriyaṁ na uppajjissatīti?

Arūpānaṁ tesaṁ tattha cakkhundriyaṁ na uppajjissati, no ca tesaṁ tattha upekkhindriyaṁ na uppajjissati. Pacchimabhavikānaṁ asaññasattānaṁ tesaṁ tattha cakkhundriyañca na uppajjissati upekkhindriyañca na uppajjissati.

Yassa vā pana yattha upekkhindriyaṁ na uppajjissati tassa tattha cakkhundriyaṁ na uppajjissatīti?

Ye sacakkhukā somanassena upapajjitvā parinibbāyissanti tesaṁ tattha upekkhindriyaṁ na uppajjissati, no ca tesaṁ tattha cakkhundriyaṁ na uppajjissati. Pacchimabhavikānaṁ asaññasattānaṁ tesaṁ tattha upekkhindriyañca na uppajjissati cakkhundriyañca na uppajjissati.

Yassa yattha cakkhundriyaṁ na uppajjissati tassa tattha saddhindriyaṁ …pe… paññindriyaṁ …pe… manindriyaṁ na uppajjissatīti?

Arūpānaṁ tesaṁ tattha cakkhundriyaṁ na uppajjissati, no ca tesaṁ tattha manindriyaṁ na uppajjissati. Pacchimabhavikānaṁ asaññasattānaṁ tesaṁ tattha cakkhundriyañca na uppajjissati manindriyañca na uppajjissati.

Yassa vā pana yattha manindriyaṁ na uppajjissati tassa tattha cakkhundriyaṁ na uppajjissatīti? Āmantā. (Cakkhundriyamūlakaṁ.)

Yassa yattha ghānindriyaṁ na uppajjissati tassa tattha itthindriyaṁ na uppajjissatīti? Āmantā.

Yassa vā pana yattha itthindriyaṁ na uppajjissati tassa tattha ghānindriyaṁ na uppajjissatīti?

Ye purisā eteneva bhāvena katici bhave dassetvā parinibbāyissanti tesaṁ tattha itthindriyaṁ na uppajjissati, no ca tesaṁ tattha ghānindriyaṁ na uppajjissati. Kāmāvacare pacchimabhavikānaṁ rūpāvacarānaṁ arūpāvacarānaṁ tesaṁ tattha itthindriyañca na uppajjissati ghānindriyañca na uppajjissati.

Yassa yattha ghānindriyaṁ na uppajjissati tassa tattha purisindriyaṁ na uppajjissatīti? Āmantā.

Yassa vā pana yattha purisindriyaṁ na uppajjissati tassa tattha ghānindriyaṁ na uppajjissatīti?

Yā itthiyo eteneva bhāvena katici bhave dassetvā parinibbāyissanti tāsaṁ tattha purisindriyaṁ na uppajjissati, no ca tāsaṁ tattha ghānindriyaṁ na uppajjissati. Kāmāvacare pacchimabhavikānaṁ rūpāvacarānaṁ arūpāvacarānaṁ tesaṁ tattha purisindriyañca na uppajjissati ghānindriyañca na uppajjissati.

Yassa yattha ghānindriyaṁ na uppajjissati tassa tattha jīvitindriyaṁ na uppajjissatīti?

Rūpāvacarānaṁ arūpāvacarānaṁ tesaṁ tattha ghānindriyaṁ na uppajjissati, no ca tesaṁ tattha jīvitindriyaṁ na uppajjissati. Pacchimabhavikānaṁ tesaṁ tattha ghānindriyañca na uppajjissati jīvitindriyañca na uppajjissati.

Yassa vā pana yattha jīvitindriyaṁ na uppajjissati tassa tattha ghānindriyaṁ na uppajjissatīti? Āmantā.

Yassa yattha ghānindriyaṁ na uppajjissati tassa tattha somanassindriyaṁ na uppajjissatīti?

Rūpāvacarānaṁ tesaṁ tattha ghānindriyaṁ na uppajjissati, no ca tesaṁ tattha somanassindriyaṁ na uppajjissati. Pañcavokāre pacchimabhavikānaṁ asaññasattānaṁ arūpānaṁ tesaṁ tattha ghānindriyañca na uppajjissati somanassindriyañca na uppajjissati.

Yassa vā pana yattha somanassindriyaṁ na uppajjissati tassa tattha ghānindriyaṁ na uppajjissatīti?

Ye saghānakā upekkhāya upapajjitvā parinibbāyissanti tesaṁ tattha somanassindriyaṁ na uppajjissati, no ca tesaṁ tattha ghānindriyaṁ na uppajjissati. Pañcavokāre pacchimabhavikānaṁ asaññasattānaṁ arūpānaṁ tesaṁ tattha somanassindriyañca na uppajjissati ghānindriyañca na uppajjissati.

Yassa yattha ghānindriyaṁ na uppajjissati tassa tattha upekkhindriyaṁ na uppajjissatīti?

Rūpāvacarānaṁ arūpāvacarānaṁ tesaṁ tattha ghānindriyaṁ na uppajjissati, no ca tesaṁ tattha upekkhindriyaṁ na uppajjissati. Pacchimabhavikānaṁ asaññasattānaṁ tesaṁ tattha ghānindriyañca na uppajjissati upekkhindriyañca na uppajjissati.

Yassa vā pana yattha upekkhindriyaṁ na uppajjissati tassa tattha ghānindriyaṁ na uppajjissatīti?

Ye saghānakā somanassena upapajjitvā parinibbāyissanti tesaṁ tattha upekkhindriyaṁ na uppajjissati, no ca tesaṁ tattha ghānindriyaṁ na uppajjissati. Pacchimabhavikānaṁ asaññasattānaṁ tesaṁ tattha upekkhindriyañca na uppajjissati ghānindriyañca na uppajjissati.

Yassa yattha ghānindriyaṁ na uppajjissati tassa tattha saddhindriyaṁ …pe… paññindriyaṁ …pe… manindriyaṁ na uppajjissatīti?

Rūpāvacarānaṁ arūpāvacarānaṁ tesaṁ tattha ghānindriyaṁ na uppajjissati, no ca tesaṁ tattha manindriyaṁ na uppajjissati. Pacchimabhavikānaṁ asaññasattānaṁ tesaṁ tattha ghānindriyañca na uppajjissati manindriyañca na uppajjissati.

Yassa vā pana yattha manindriyaṁ na uppajjissati tassa tattha ghānindriyaṁ na uppajjissatīti? Āmantā. (Ghānindriyamūlakaṁ.)

Yassa yattha itthindriyaṁ na uppajjissati tassa tattha purisindriyaṁ na uppajjissatīti?

Ye purisā eteneva bhāvena katici bhave dassetvā parinibbāyissanti tesaṁ tattha itthindriyaṁ na uppajjissati, no ca tesaṁ tattha purisindriyaṁ na uppajjissati. Kāmāvacare pacchimabhavikānaṁ rūpāvacarānaṁ arūpāvacarānaṁ tesaṁ tattha itthindriyañca na uppajjissati purisindriyañca na uppajjissati.

Yassa vā pana yattha purisindriyaṁ na uppajjissati tassa tattha itthindriyaṁ na uppajjissatīti?

Yā itthiyo eteneva bhāvena katici bhave dassetvā parinibbāyissanti tāsaṁ tattha purisindriyaṁ na uppajjissati, no ca tāsaṁ tattha itthindriyaṁ na uppajjissati. Kāmāvacare pacchimabhavikānaṁ rūpāvacarānaṁ arūpāvacarānaṁ tesaṁ tattha purisindriyañca na uppajjissati itthindriyañca na uppajjissati.

Yassa yattha itthindriyaṁ na uppajjissati tassa tattha jīvitindriyaṁ na uppajjissatīti?

Rūpāvacarānaṁ arūpāvacarānaṁ ye ca purisā eteneva bhāvena katici bhave dassetvā parinibbāyissanti tesaṁ tattha itthindriyaṁ na uppajjissati, no ca tesaṁ tattha jīvitindriyaṁ na uppajjissati. Pacchimabhavikānaṁ tesaṁ tattha itthindriyañca na uppajjissati jīvitindriyañca na uppajjissati.

Yassa vā pana yattha jīvitindriyaṁ na uppajjissati tassa tattha itthindriyaṁ na uppajjissatīti? Āmantā.

Yassa yattha itthindriyaṁ na uppajjissati tassa tattha somanassindriyaṁ na uppajjissatīti?

Rūpāvacarānaṁ ye ca purisā eteneva bhāvena katici bhave dassetvā somanassena upapajjitvā parinibbāyissanti tesaṁ tattha itthindriyaṁ na uppajjissati, no ca tesaṁ tattha somanassindriyaṁ na uppajjissati. Pañcavokāre pacchimabhavikānaṁ asaññasattānaṁ arūpānaṁ ye ca purisā eteneva bhāvena katici bhave dassetvā upekkhāya upapajjitvā parinibbāyissanti tesaṁ tattha itthindriyañca na uppajjissati somanassindriyañca na uppajjissati.

Yassa vā pana yattha somanassindriyaṁ na uppajjissati tassa tattha itthindriyaṁ na uppajjissatīti?

Yā itthiyo eteneva bhāvena katici bhave dassetvā upekkhāya upapajjitvā parinibbāyissanti tāsaṁ tattha somanassindriyaṁ na uppajjissati, no ca tāsaṁ tattha itthindriyaṁ na uppajjissati. Pañcavokāre pacchimabhavikānaṁ asaññasattānaṁ arūpānaṁ ye ca purisā eteneva bhāvena katici bhave dassetvā upekkhāya upapajjitvā parinibbāyissanti tesaṁ tattha somanassindriyañca na uppajjissati itthindriyañca na uppajjissati.

Yassa yattha itthindriyaṁ na uppajjissati tassa tattha upekkhindriyaṁ na uppajjissatīti?

Rūpāvacarānaṁ arūpāvacarānaṁ ye ca purisā eteneva bhāvena katici bhave dassetvā upekkhāya upapajjitvā parinibbāyissanti tesaṁ tattha itthindriyaṁ na uppajjissati, no ca tesaṁ tattha upekkhindriyaṁ na uppajjissati. Pacchimabhavikānaṁ asaññasattānaṁ ye ca purisā eteneva bhāvena katici bhave dassetvā somanassena upapajjitvā parinibbāyissanti tesaṁ tattha itthindriyañca na uppajjissati upekkhindriyañca na uppajjissati.

Yassa vā pana yattha upekkhindriyaṁ na uppajjissati tassa tattha itthindriyaṁ na uppajjissatīti?

Yā itthiyo eteneva bhāvena katici bhave dassetvā somanassena upapajjitvā parinibbāyissanti tāsaṁ tattha upekkhindriyaṁ na uppajjissati, no ca tāsaṁ tattha itthindriyaṁ na uppajjissati. Pacchimabhavikānaṁ asaññasattānaṁ ye ca purisā eteneva bhāvena katici bhave dassetvā somanassena upapajjitvā parinibbāyissanti tesaṁ tattha upekkhindriyañca na uppajjissati itthindriyañca na uppajjissati.

Yassa yattha itthindriyaṁ na uppajjissati tassa tattha saddhindriyaṁ …pe… paññindriyaṁ …pe… manindriyaṁ na uppajjissatīti?

Rūpāvacarānaṁ arūpāvacarānaṁ ye ca purisā eteneva bhāvena katici bhave dassetvā parinibbāyissanti tesaṁ tattha itthindriyaṁ na uppajjissati, no ca tesaṁ tattha manindriyaṁ na uppajjissati. Pacchimabhavikānaṁ asaññasattānaṁ tesaṁ tattha itthindriyañca na uppajjissati manindriyañca na uppajjissati.

Yassa vā pana yattha manindriyaṁ na uppajjissati tassa tattha itthindriyaṁ na uppajjissatīti? Āmantā. (Itthindriyamūlakaṁ.)

Yassa yattha purisindriyaṁ na uppajjissati tassa tattha jīvitindriyaṁ na uppajjissatīti?

Rūpāvacarānaṁ arūpāvacarānaṁ yā ca itthiyo eteneva bhāvena katici bhave dassetvā parinibbāyissanti tesaṁ tattha purisindriyaṁ na uppajjissati, no ca tesaṁ tattha jīvitindriyaṁ na uppajjissati. Pacchimabhavikānaṁ tesaṁ tattha purisindriyañca na uppajjissati jīvitindriyañca na uppajjissati.

Yassa vā pana yattha jīvitindriyaṁ na uppajjissati tassa tattha purisindriyaṁ na uppajjissatīti? Āmantā.

Yassa yattha purisindriyaṁ na uppajjissati tassa tattha somanassindriyaṁ na uppajjissatīti?

Rūpāvacarānaṁ yā ca itthiyo eteneva bhāvena katici bhave dassetvā somanassena upapajjitvā parinibbāyissanti tesaṁ tattha purisindriyaṁ na uppajjissati, no ca tesaṁ tattha somanassindriyaṁ na uppajjissati. Pañcavokāre pacchimabhavikānaṁ asaññasattānaṁ arūpānaṁ yā ca itthiyo eteneva bhāvena katici bhave dassetvā upekkhāya upapajjitvā parinibbāyissanti tesaṁ tattha purisindriyañca na uppajjissati somanassindriyañca na uppajjissati.

Yassa vā pana yattha somanassindriyaṁ na uppajjissati tassa tattha purisindriyaṁ na uppajjissatīti?

Ye purisā eteneva bhāvena katici bhave dassetvā upekkhāya upapajjitvā parinibbāyissanti tesaṁ tattha somanassindriyaṁ na uppajjissati, no ca tesaṁ tattha purisindriyaṁ na uppajjissati. Pañcavokāre pacchimabhavikānaṁ asaññasattānaṁ arūpānaṁ yā ca itthiyo eteneva bhāvena katici bhave dassetvā upekkhāya upapajjitvā parinibbāyissanti tesaṁ tattha somanassindriyañca na uppajjissati purisindriyañca na uppajjissati.

Yassa yattha purisindriyaṁ na uppajjissati tassa tattha upekkhindriyaṁ na uppajjissatīti?

Rūpāvacarānaṁ arūpāvacarānaṁ yā ca itthiyo eteneva bhāvena katici bhave dassetvā upekkhāya upapajjitvā parinibbāyissanti tesaṁ tattha purisindriyaṁ na uppajjissati, no ca tesaṁ tattha upekkhindriyaṁ na uppajjissati. Pacchimabhavikānaṁ asaññasattānaṁ yā ca itthiyo eteneva bhāvena katici bhave dassetvā somanassena upapajjitvā parinibbāyissanti tesaṁ tattha purisindriyañca na uppajjissati upekkhindriyañca na uppajjissati.

Yassa vā pana yattha upekkhindriyaṁ na uppajjissati tassa tattha purisindriyaṁ na uppajjissatīti?

Ye purisā eteneva bhāvena katici bhave dassetvā somanassena upapajjitvā parinibbāyissanti tesaṁ tattha upekkhindriyaṁ na uppajjissati, no ca tesaṁ tattha purisindriyaṁ na uppajjissati. Pacchimabhavikānaṁ asaññasattānaṁ yā ca itthiyo eteneva bhāvena katici bhave dassetvā somanassena upapajjitvā parinibbāyissanti tesaṁ tattha upekkhindriyañca na uppajjissati purisindriyañca na uppajjissati.

Yassa yattha purisindriyaṁ na uppajjissati tassa tattha saddhindriyaṁ …pe… paññindriyaṁ …pe… manindriyaṁ na uppajjissatīti?

Rūpāvacarānaṁ arūpāvacarānaṁ yā ca itthiyo eteneva bhāvena katici bhave dassetvā parinibbāyissanti tesaṁ tattha purisindriyaṁ na uppajjissati, no ca tesaṁ tattha manindriyaṁ na uppajjissati. Pacchimabhavikānaṁ asaññasattānaṁ tesaṁ tattha purisindriyañca na uppajjissati manindriyañca na uppajjissati.

Yassa vā pana yattha manindriyaṁ na uppajjissati tassa tattha purisindriyaṁ na uppajjissatīti? Āmantā. (Purisindriyamūlakaṁ.)

Yassa yattha jīvitindriyaṁ na uppajjissati tassa tattha somanassindriyaṁ na uppajjissatīti? Āmantā.

Yassa vā pana yattha somanassindriyaṁ na uppajjissati tassa tattha jīvitindriyaṁ na uppajjissatīti?

Yassa cittassa anantarā upekkhāsampayuttapacchimacittaṁ uppajjissati asaññasattānaṁ tesaṁ tattha somanassindriyaṁ na uppajjissati, no ca tesaṁ tattha jīvitindriyaṁ na uppajjissati. Pacchimacittasamaṅgīnaṁ tesaṁ tattha somanassindriyañca na uppajjissati jīvitindriyañca na uppajjissati.

Yassa yattha jīvitindriyaṁ na uppajjissati tassa tattha upekkhindriyaṁ na uppajjissatīti? Āmantā.

Yassa vā pana yattha upekkhindriyaṁ na uppajjissati tassa tattha jīvitindriyaṁ na uppajjissatīti?

Yassa cittassa anantarā somanassasampayuttapacchimacittaṁ uppajjissati asaññasattānaṁ tesaṁ tattha upekkhindriyaṁ na uppajjissati, no ca tesaṁ tattha jīvitindriyaṁ na uppajjissati. Pacchimacittasamaṅgīnaṁ tesaṁ tattha upekkhindriyañca na uppajjissati jīvitindriyañca na uppajjissati.

Yassa yattha jīvitindriyaṁ na uppajjissati tassa tattha saddhindriyaṁ …pe… paññindriyaṁ …pe… manindriyaṁ na uppajjissatīti? Āmantā.

Yassa vā pana yattha manindriyaṁ na uppajjissati tassa tattha jīvitindriyaṁ na uppajjissatīti?

Asaññasattānaṁ tesaṁ tattha manindriyaṁ na uppajjissati, no ca tesaṁ tattha jīvitindriyaṁ na uppajjissati. Pacchimacittasamaṅgīnaṁ tesaṁ tattha manindriyañca na uppajjissati jīvitindriyañca na uppajjissati. (Jīvitindriyamūlakaṁ.)

Yassa yattha somanassindriyaṁ na uppajjissati tassa tattha upekkhindriyaṁ na uppajjissatīti?

Yassa cittassa anantarā upekkhāsampayuttapacchimacittaṁ uppajjissati tesaṁ tattha somanassindriyaṁ na uppajjissati, no ca tesaṁ tattha upekkhindriyaṁ na uppajjissati. Pacchimacittasamaṅgīnaṁ asaññasattānaṁ tesaṁ tattha somanassindriyañca na uppajjissati upekkhindriyañca na uppajjissati.

Yassa vā pana yattha upekkhindriyaṁ na uppajjissati tassa tattha somanassindriyaṁ na uppajjissatīti?

Yassa cittassa anantarā somanassasampayuttapacchimacittaṁ uppajjissati tesaṁ tattha upekkhindriyaṁ na uppajjissati, no ca tesaṁ tattha somanassindriyaṁ na uppajjissati. Pacchimacittasamaṅgīnaṁ asaññasattānaṁ tesaṁ tattha upekkhindriyañca na uppajjissati somanassindriyañca na uppajjissati.

Yassa yattha somanassindriyaṁ na uppajjissati tassa tattha saddhindriyaṁ …pe… paññindriyaṁ …pe… manindriyaṁ na uppajjissatīti?

Yassa cittassa anantarā upekkhāsampayuttapacchimacittaṁ uppajjissati tesaṁ tattha somanassindriyaṁ na uppajjissati, no ca tesaṁ tattha manindriyaṁ na uppajjissati. Pacchimacittasamaṅgīnaṁ asaññasattānaṁ tesaṁ tattha somanassindriyañca na uppajjissati manindriyañca na uppajjissati.

Yassa vā pana yattha manindriyaṁ na uppajjissati tassa tattha somanassindriyaṁ na uppajjissatīti? Āmantā. (Somanassindriyamūlakaṁ.)

Yassa yattha upekkhindriyaṁ na uppajjissati tassa tattha saddhindriyaṁ …pe… paññindriyaṁ …pe… manindriyaṁ na uppajjissatīti?

Yassa cittassa anantarā somanassasampayuttapacchimacittaṁ uppajjissati tesaṁ tattha upekkhindriyaṁ na uppajjissati, no ca tesaṁ tattha manindriyaṁ na uppajjissati. Pacchimacittasamaṅgīnaṁ asaññasattānaṁ tesaṁ tattha upekkhindriyañca na uppajjissati manindriyañca na uppajjissati.

Yassa vā pana yattha manindriyaṁ na uppajjissati tassa tattha upekkhindriyaṁ na uppajjissatīti? Āmantā. (Upekkhindriyamūlakaṁ.)

Yassa yattha saddhindriyaṁ na uppajjissati tassa tattha paññindriyaṁ …pe… manindriyaṁ na uppajjissatīti? Āmantā.

Yassa vā pana yattha manindriyaṁ na uppajjissati tassa tattha saddhindriyaṁ na uppajjissatīti? Āmantā. (Saddhindriyamūlakaṁ.)

Yassa yattha paññindriyaṁ na uppajjissati tassa tattha manindriyaṁ na uppajjissatīti? Āmantā.

Yassa vā pana yattha manindriyaṁ na uppajjissati tassa tattha paññindriyaṁ na uppajjissatīti? Āmantā. (Paññindriyamūlakaṁ.)

Yassa cakkhundriyaṁ uppajjati tassa sotindriyaṁ uppajjitthāti? Āmantā.

Yassa vā pana sotindriyaṁ uppajjittha tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ sotindriyaṁ uppajjittha, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ sotindriyañca uppajjittha cakkhundriyañca uppajjati.

Yassa cakkhundriyaṁ uppajjati tassa ghānindriyaṁ uppajjitthāti? Āmantā.

Yassa vā pana ghānindriyaṁ uppajjittha tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ ghānindriyaṁ uppajjittha, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ ghānindriyañca uppajjittha cakkhundriyañca uppajjati.

Yassa cakkhundriyaṁ uppajjati tassa itthindriyaṁ …pe… purisindriyaṁ uppajjitthāti? Āmantā.

Yassa vā pana purisindriyaṁ uppajjittha tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ purisindriyaṁ uppajjittha, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ purisindriyañca uppajjittha cakkhundriyañca uppajjati.

Yassa cakkhundriyaṁ uppajjati tassa jīvitindriyaṁ uppajjitthāti? Āmantā.

Yassa vā pana jīvitindriyaṁ uppajjittha tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ jīvitindriyaṁ uppajjittha, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ jīvitindriyañca uppajjittha cakkhundriyañca uppajjati.

Yassa cakkhundriyaṁ uppajjati tassa somanassindriyaṁ …pe… upekkhindriyaṁ uppajjitthāti? Āmantā.

Yassa vā pana upekkhindriyaṁ uppajjittha tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ upekkhindriyaṁ uppajjittha, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ upekkhindriyañca uppajjittha cakkhundriyañca uppajjati.

Yassa cakkhundriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana manindriyaṁ uppajjittha tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ manindriyaṁ uppajjittha, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ manindriyañca uppajjittha cakkhundriyañca uppajjati. (Cakkhundriyamūlakaṁ.)

Yassa ghānindriyaṁ uppajjati tassa itthindriyaṁ …pe… purisindriyaṁ uppajjitthāti? Āmantā.

Yassa vā pana purisindriyaṁ uppajjittha tassa ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ purisindriyaṁ uppajjittha, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ purisindriyañca uppajjittha ghānindriyañca uppajjati.

Yassa ghānindriyaṁ uppajjati tassa jīvitindriyaṁ uppajjitthāti? Āmantā.

Yassa vā pana jīvitindriyaṁ uppajjittha tassa ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ jīvitindriyaṁ uppajjittha, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ jīvitindriyañca uppajjittha ghānindriyañca uppajjati.

Yassa ghānindriyaṁ uppajjati tassa somanassindriyaṁ …pe… upekkhindriyaṁ uppajjitthāti? Āmantā.

Yassa vā pana upekkhindriyaṁ uppajjittha tassa ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ upekkhindriyaṁ uppajjittha, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ upekkhindriyañca uppajjittha ghānindriyañca uppajjati.

Yassa ghānindriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana manindriyaṁ uppajjittha tassa ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ manindriyaṁ uppajjittha, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ manindriyañca uppajjittha ghānindriyañca uppajjati. (Ghānindriyamūlakaṁ.)

Yassa itthindriyaṁ uppajjati tassa purisindriyaṁ uppajjitthāti? Āmantā.

Yassa vā pana purisindriyaṁ uppajjittha tassa itthindriyaṁ uppajjatīti?

Sabbesaṁ cavantānaṁ na itthīnaṁ upapajjantānaṁ tesaṁ purisindriyaṁ uppajjittha, no ca tesaṁ itthindriyaṁ uppajjati. Itthīnaṁ upapajjantīnaṁ tāsaṁ purisindriyañca uppajjittha itthindriyañca uppajjati.

Yassa itthindriyaṁ uppajjati tassa jīvitindriyaṁ uppajjitthāti? Āmantā.

Yassa vā pana jīvitindriyaṁ uppajjittha tassa itthindriyaṁ uppajjatīti?

Sabbesaṁ cavantānaṁ na itthīnaṁ upapajjantānaṁ tesaṁ jīvitindriyaṁ uppajjittha, no ca tesaṁ itthindriyaṁ uppajjati. Itthīnaṁ upapajjantīnaṁ tāsaṁ jīvitindriyañca uppajjittha itthindriyañca uppajjati.

Yassa itthindriyaṁ uppajjati tassa somanassindriyaṁ …pe… upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana manindriyaṁ uppajjittha tassa itthindriyaṁ uppajjatīti?

Sabbesaṁ cavantānaṁ na itthīnaṁ upapajjantānaṁ tesaṁ manindriyaṁ uppajjittha, no ca tesaṁ itthindriyaṁ uppajjati. Itthīnaṁ upapajjantīnaṁ tāsaṁ manindriyañca uppajjittha itthindriyañca uppajjati. (Itthindriyamūlakaṁ.)

Yassa purisindriyaṁ uppajjati tassa jīvitindriyaṁ uppajjitthāti? Āmantā.

Yassa vā pana jīvitindriyaṁ uppajjittha tassa purisindriyaṁ uppajjatīti?

Sabbesaṁ cavantānaṁ na purisānaṁ upapajjantānaṁ tesaṁ jīvitindriyaṁ uppajjittha, no ca tesaṁ purisindriyaṁ uppajjati. Purisānaṁ upapajjantānaṁ tesaṁ jīvitindriyañca uppajjittha purisindriyañca uppajjati.

Yassa purisindriyaṁ uppajjati tassa somanassindriyaṁ …pe… upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana manindriyaṁ uppajjittha tassa purisindriyaṁ uppajjatīti?

Sabbesaṁ cavantānaṁ na purisānaṁ upapajjantānaṁ tesaṁ manindriyaṁ uppajjittha, no ca tesaṁ purisindriyaṁ uppajjati. Purisānaṁ upapajjantānaṁ tesaṁ manindriyañca uppajjittha purisindriyañca uppajjati. (Purisindriyamūlakaṁ.)

Yassa jīvitindriyaṁ uppajjati tassa somanassindriyaṁ uppajjitthāti? Āmantā.

Yassa vā pana somanassindriyaṁ uppajjittha tassa jīvitindriyaṁ uppajjatīti?

Sabbesaṁ cavantānaṁ pavatte cittassa bhaṅgakkhaṇe tesaṁ somanassindriyaṁ uppajjittha, no ca tesaṁ jīvitindriyaṁ uppajjati. Sabbesaṁ upapajjantānaṁ pavatte cittassa uppādakkhaṇe tesaṁ somanassindriyañca uppajjittha jīvitindriyañca uppajjati.

Yassa jīvitindriyaṁ uppajjati tassa upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana manindriyaṁ uppajjittha tassa jīvitindriyaṁ uppajjatīti?

Sabbesaṁ cavantānaṁ pavatte cittassa bhaṅgakkhaṇe tesaṁ manindriyaṁ uppajjittha, no ca tesaṁ jīvitindriyaṁ uppajjati. Sabbesaṁ upapajjantānaṁ pavatte cittassa uppādakkhaṇe tesaṁ manindriyañca uppajjittha jīvitindriyañca uppajjati. (Jīvitindriyamūlakaṁ.)

Yassa somanassindriyaṁ uppajjati tassa upekkhindriyaṁ uppajjitthāti? Āmantā.

Yassa vā pana upekkhindriyaṁ uppajjittha tassa somanassindriyaṁ uppajjatīti?

Sabbesaṁ cittassa bhaṅgakkhaṇe somanassavippayuttacittassa uppādakkhaṇe nirodhasamāpannānaṁ asaññasattānaṁ tesaṁ upekkhindriyaṁ uppajjittha, no ca tesaṁ somanassindriyaṁ uppajjati. Somanassena upapajjantānaṁ pavatte somanassasampayuttacittassa uppādakkhaṇe tesaṁ upekkhindriyañca uppajjittha somanassindriyañca uppajjati.

Yassa somanassindriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana manindriyaṁ uppajjittha tassa somanassindriyaṁ uppajjatīti?

Sabbesaṁ cittassa bhaṅgakkhaṇe somanassavippayuttacittassa uppādakkhaṇe nirodhasamāpannānaṁ asaññasattānaṁ tesaṁ manindriyaṁ uppajjittha, no ca tesaṁ somanassindriyaṁ uppajjati. Somanassena upapajjantānaṁ pavatte somanassasampayuttacittassa uppādakkhaṇe tesaṁ manindriyañca uppajjittha somanassindriyañca uppajjati. (Somanassindriyamūlakaṁ.)

Yassa upekkhindriyaṁ uppajjati tassa saddhindriyaṁ uppajjitthāti? Āmantā.

Yassa vā pana saddhindriyaṁ uppajjittha tassa upekkhindriyaṁ uppajjatīti?

Sabbesaṁ cittassa bhaṅgakkhaṇe upekkhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ saddhindriyaṁ uppajjittha, no ca tesaṁ upekkhindriyaṁ uppajjati. Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ saddhindriyañca uppajjittha upekkhindriyañca uppajjati.

Yassa upekkhindriyaṁ uppajjati tassa paññindriyaṁ …pe… manindriyaṁ uppajjitthāti? Āmantā.

Yassa vā pana manindriyaṁ uppajjittha tassa upekkhindriyaṁ uppajjatīti?

Sabbesaṁ cittassa bhaṅgakkhaṇe upekkhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ manindriyaṁ uppajjittha, no ca tesaṁ upekkhindriyaṁ uppajjati. Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ manindriyañca uppajjittha upekkhindriyañca uppajjati. (Upekkhindriyamūlakaṁ.)

Yassa saddhindriyaṁ uppajjati tassa paññindriyaṁ uppajjitthāti? Āmantā.

Yassa vā pana paññindriyaṁ uppajjittha tassa saddhindriyaṁ uppajjatīti?

Sabbesaṁ cittassa bhaṅgakkhaṇe saddhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ paññindriyaṁ uppajjittha, no ca tesaṁ saddhindriyaṁ uppajjati. Sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ paññindriyañca uppajjittha saddhindriyañca uppajjati.

Yassa saddhindriyaṁ uppajjati tassa manindriyaṁ uppajjitthāti? Āmantā.

Yassa vā pana manindriyaṁ uppajjittha tassa saddhindriyaṁ uppajjatīti?

Sabbesaṁ cittassa bhaṅgakkhaṇe saddhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ manindriyaṁ uppajjittha, no ca tesaṁ saddhindriyaṁ uppajjati. Sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ manindriyañca uppajjittha saddhindriyañca uppajjati. (Saddhindriyamūlakaṁ.)

Yassa paññindriyaṁ uppajjati tassa manindriyaṁ uppajjitthāti? Āmantā.

Yassa vā pana manindriyaṁ uppajjittha tassa paññindriyaṁ uppajjatīti?

Sabbesaṁ cittassa bhaṅgakkhaṇe ñāṇavippayuttacittassa uppādakkhaṇe nirodhasamāpannānaṁ asaññasattānaṁ tesaṁ manindriyaṁ uppajjittha, no ca tesaṁ paññindriyaṁ uppajjati. Ñāṇasampayuttānaṁ upapajjantānaṁ pavatte ñāṇasampayuttacittassa uppādakkhaṇe tesaṁ manindriyañca uppajjittha paññindriyañca uppajjati. (Paññindriyamūlakaṁ.)

Yattha cakkhundriyaṁ uppajjati tattha sotindriyaṁ uppajjitthāti? …pe….

Yassa yattha cakkhundriyaṁ uppajjati tassa tattha sotindriyaṁ uppajjitthāti?

Suddhāvāsaṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha sotindriyaṁ uppajjittha. Itaresaṁ sacakkhukānaṁ upapajjantānaṁ tesaṁ tattha cakkhundriyañca uppajjati sotindriyañca uppajjittha.

Yassa vā pana yattha sotindriyaṁ uppajjittha tassa tattha cakkhundriyaṁ uppajjatīti?

Pañcavokārā cavantānaṁ acakkhukānaṁ kāmāvacaraṁ upapajjantānaṁ tesaṁ tattha sotindriyaṁ uppajjittha, no ca tesaṁ tattha cakkhundriyaṁ uppajjati. Sacakkhukānaṁ upapajjantānaṁ tesaṁ tattha sotindriyañca uppajjittha cakkhundriyañca uppajjati.

Yassa yattha cakkhundriyaṁ uppajjati tassa tattha ghānindriyaṁ uppajjitthāti?

Rūpāvacaraṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha ghānindriyaṁ uppajjittha. Sacakkhukānaṁ kāmāvacaraṁ upapajjantānaṁ tesaṁ tattha cakkhundriyañca uppajjati ghānindriyañca uppajjittha.

Yassa vā pana yattha ghānindriyaṁ uppajjittha tassa tattha cakkhundriyaṁ uppajjatīti?

Kāmāvacarā cavantānaṁ acakkhukānaṁ kāmāvacaraṁ upapajjantānaṁ tesaṁ tattha ghānindriyaṁ uppajjittha, no ca tesaṁ tattha cakkhundriyaṁ uppajjati. Sacakkhukānaṁ kāmāvacaraṁ upapajjantānaṁ tesaṁ tattha ghānindriyañca uppajjittha cakkhundriyañca uppajjati.

Yassa yattha cakkhundriyaṁ uppajjati tassa tattha itthindriyaṁ …pe… purisindriyaṁ uppajjitthāti?

Rūpāvacaraṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha purisindriyaṁ uppajjittha. Sacakkhukānaṁ kāmāvacaraṁ upapajjantānaṁ tesaṁ tattha cakkhundriyañca uppajjati purisindriyañca uppajjittha.

Yassa vā pana yattha purisindriyaṁ uppajjittha tassa tattha cakkhundriyaṁ uppajjatīti?

Kāmāvacarā cavantānaṁ acakkhukānaṁ kāmāvacaraṁ upapajjantānaṁ tesaṁ tattha purisindriyaṁ uppajjittha, no ca tesaṁ tattha cakkhundriyaṁ uppajjati. Sacakkhukānaṁ kāmāvacaraṁ upapajjantānaṁ tesaṁ tattha purisindriyañca uppajjittha cakkhundriyañca uppajjati.

Yassa yattha cakkhundriyaṁ uppajjati tassa tattha jīvitindriyaṁ uppajjitthāti?

Suddhāvāsaṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha jīvitindriyaṁ uppajjittha. Itaresaṁ sacakkhukānaṁ upapajjantānaṁ tesaṁ tattha cakkhundriyañca uppajjati jīvitindriyañca uppajjittha.

Yassa vā pana yattha jīvitindriyaṁ uppajjittha tassa tattha cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ tattha jīvitindriyaṁ uppajjittha, no ca tesaṁ tattha cakkhundriyaṁ uppajjati. Sacakkhukānaṁ upapajjantānaṁ tesaṁ tattha jīvitindriyañca uppajjittha cakkhundriyañca uppajjati.

Yassa yattha cakkhundriyaṁ uppajjati tassa tattha somanassindriyaṁ uppajjitthāti?

Suddhāvāsaṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha somanassindriyaṁ uppajjittha. Itaresaṁ sacakkhukānaṁ upapajjantānaṁ tesaṁ tattha cakkhundriyañca uppajjati somanassindriyañca uppajjittha.

Yassa vā pana yattha somanassindriyaṁ uppajjittha tassa tattha cakkhundriyaṁ uppajjatīti?

Pañcavokārā cavantānaṁ acakkhukānaṁ kāmāvacaraṁ upapajjantānaṁ tesaṁ tattha somanassindriyaṁ uppajjittha, no ca tesaṁ tattha cakkhundriyaṁ uppajjati. Sacakkhukānaṁ upapajjantānaṁ tesaṁ tattha somanassindriyañca uppajjittha cakkhundriyañca uppajjati.

Yassa yattha cakkhundriyaṁ uppajjati tassa tattha upekkhindriyaṁ uppajjitthāti?

Suddhāvāsaṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha upekkhindriyaṁ uppajjittha. Itaresaṁ sacakkhukānaṁ upapajjantānaṁ tesaṁ tattha cakkhundriyañca uppajjati upekkhindriyañca uppajjittha.

Yassa vā pana yattha upekkhindriyaṁ uppajjittha tassa tattha cakkhundriyaṁ uppajjatīti?

Pañcavokārā cavantānaṁ acakkhukānaṁ kāmāvacaraṁ upapajjantānaṁ arūpānaṁ tesaṁ tattha upekkhindriyaṁ uppajjittha, no ca tesaṁ tattha cakkhundriyaṁ uppajjati. Sacakkhukānaṁ upapajjantānaṁ tesaṁ tattha upekkhindriyañca uppajjittha cakkhundriyañca uppajjati.

Yassa yattha cakkhundriyaṁ uppajjati tassa tattha saddhindriyaṁ uppajjitthāti?

Suddhāvāsaṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha saddhindriyaṁ uppajjittha. Itaresaṁ sacakkhukānaṁ upapajjantānaṁ tesaṁ tattha cakkhundriyañca uppajjati saddhindriyañca uppajjittha.

Yassa vā pana yattha saddhindriyaṁ uppajjittha tassa tattha cakkhundriyaṁ uppajjatīti?

Pañcavokārā cavantānaṁ acakkhukānaṁ kāmāvacaraṁ upapajjantānaṁ arūpānaṁ tesaṁ tattha saddhindriyaṁ uppajjittha, no ca tesaṁ tattha cakkhundriyaṁ uppajjati. Sacakkhukānaṁ upapajjantānaṁ tesaṁ tattha saddhindriyañca uppajjittha cakkhundriyañca uppajjati.

Yassa yattha cakkhundriyaṁ uppajjati tassa tattha paññindriyaṁ …pe… manindriyaṁ uppajjitthāti?

Suddhāvāsaṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha manindriyaṁ uppajjittha. Itaresaṁ sacakkhukānaṁ upapajjantānaṁ tesaṁ tattha cakkhundriyañca uppajjati manindriyañca uppajjittha.

Yassa vā pana yattha manindriyaṁ uppajjittha tassa tattha cakkhundriyaṁ uppajjatīti?

Pañcavokārā cavantānaṁ acakkhukānaṁ kāmāvacaraṁ upapajjantānaṁ arūpānaṁ tesaṁ tattha manindriyaṁ uppajjittha, no ca tesaṁ tattha cakkhundriyaṁ uppajjati. Sacakkhukānaṁ upapajjantānaṁ tesaṁ tattha manindriyañca uppajjittha cakkhundriyañca uppajjati. (Cakkhundriyamūlakaṁ.)

Yassa yattha ghānindriyaṁ uppajjati tassa tattha itthindriyaṁ …pe… purisindriyaṁ uppajjitthāti? Āmantā.

Yassa vā pana yattha purisindriyaṁ uppajjittha tassa tattha ghānindriyaṁ uppajjatīti?

Kāmāvacarā cavantānaṁ aghānakānaṁ kāmāvacaraṁ upapajjantānaṁ tesaṁ tattha purisindriyaṁ uppajjittha, no ca tesaṁ tattha ghānindriyaṁ uppajjati. Saghānakānaṁ upapajjantānaṁ tesaṁ tattha purisindriyañca uppajjittha ghānindriyañca uppajjati.

Yassa yattha ghānindriyaṁ uppajjati tassa tattha jīvitindriyaṁ uppajjitthāti? Āmantā.

Yassa vā pana yattha jīvitindriyaṁ uppajjittha tassa tattha ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ tattha jīvitindriyaṁ uppajjittha, no ca tesaṁ tattha ghānindriyaṁ uppajjati. Saghānakānaṁ upapajjantānaṁ tesaṁ tattha jīvitindriyañca uppajjittha ghānindriyañca uppajjati.

Yassa yattha ghānindriyaṁ uppajjati tassa tattha somanassindriyaṁ uppajjitthāti? Āmantā.

Yassa vā pana yattha somanassindriyaṁ uppajjittha tassa tattha ghānindriyaṁ uppajjatīti?

Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ tesaṁ tattha somanassindriyaṁ uppajjittha, no ca tesaṁ tattha ghānindriyaṁ uppajjati. Saghānakānaṁ upapajjantānaṁ tesaṁ tattha somanassindriyañca uppajjittha ghānindriyañca uppajjati.

Yassa yattha ghānindriyaṁ uppajjati tassa tattha upekkhindriyaṁ uppajjitthāti? Āmantā.

Yassa vā pana yattha upekkhindriyaṁ uppajjittha tassa tattha ghānindriyaṁ uppajjatīti?

Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha upekkhindriyaṁ uppajjittha, no ca tesaṁ tattha ghānindriyaṁ uppajjati. Saghānakānaṁ upapajjantānaṁ tesaṁ tattha upekkhindriyañca uppajjittha ghānindriyañca uppajjati.

Yassa yattha ghānindriyaṁ uppajjati tassa tattha saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana yattha manindriyaṁ uppajjittha tassa tattha ghānindriyaṁ uppajjatīti?

Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha manindriyaṁ uppajjittha, no ca tesaṁ tattha ghānindriyaṁ uppajjati. Saghānakānaṁ upapajjantānaṁ tesaṁ tattha manindriyañca uppajjittha ghānindriyañca uppajjati. (Ghānindriyamūlakaṁ.)

Yassa yattha itthindriyaṁ uppajjati tassa tattha purisindriyaṁ uppajjitthāti? Āmantā.

Yassa vā pana yattha purisindriyaṁ uppajjittha tassa tattha itthindriyaṁ uppajjatīti?

Kāmāvacarā cavantānaṁ na itthīnaṁ kāmāvacaraṁ upapajjantānaṁ tesaṁ tattha purisindriyaṁ uppajjittha, no ca tesaṁ tattha itthindriyaṁ uppajjati. Itthīnaṁ upapajjantīnaṁ tāsaṁ tattha purisindriyañca uppajjittha itthindriyañca uppajjati.

Yassa yattha itthindriyaṁ uppajjati tassa tattha jīvitindriyaṁ uppajjitthāti? Āmantā.

Yassa vā pana yattha jīvitindriyaṁ uppajjittha tassa tattha itthindriyaṁ uppajjatīti?

Kāmāvacarā cavantānaṁ na itthīnaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha jīvitindriyaṁ uppajjittha, no ca tesaṁ tattha itthindriyaṁ uppajjati. Itthīnaṁ upapajjantīnaṁ tāsaṁ tattha jīvitindriyañca uppajjittha itthindriyañca uppajjati.

Yassa yattha itthindriyaṁ uppajjati tassa tattha somanassindriyaṁ uppajjitthāti? Āmantā.

Yassa vā pana yattha somanassindriyaṁ uppajjittha tassa tattha itthindriyaṁ uppajjatīti?

Kāmāvacarā cavantānaṁ na itthīnaṁ kāmāvacaraṁ upapajjantānaṁ rūpāvacarānaṁ tesaṁ tattha somanassindriyaṁ uppajjittha, no ca tesaṁ tattha itthindriyaṁ uppajjati. Itthīnaṁ upapajjantīnaṁ tāsaṁ tattha somanassindriyañca uppajjittha itthindriyañca uppajjati.

Yassa yattha itthindriyaṁ uppajjati tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana yattha manindriyaṁ uppajjittha tassa tattha itthindriyaṁ uppajjatīti?

Kāmāvacarā cavantānaṁ na itthīnaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha manindriyaṁ uppajjittha, no ca tesaṁ tattha itthindriyaṁ uppajjati. Itthīnaṁ upapajjantīnaṁ tāsaṁ tattha manindriyañca uppajjittha itthindriyañca uppajjati. (Itthindriyamūlakaṁ.)

Yassa yattha purisindriyaṁ uppajjati tassa tattha jīvitindriyaṁ uppajjitthāti? Āmantā.

Yassa vā pana yattha jīvitindriyaṁ uppajjittha tassa tattha purisindriyaṁ uppajjatīti?

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha jīvitindriyaṁ uppajjittha, no ca tesaṁ tattha purisindriyaṁ uppajjati. Purisānaṁ upapajjantānaṁ tesaṁ tattha jīvitindriyañca uppajjittha purisindriyañca uppajjati.

Yassa yattha purisindriyaṁ uppajjati tassa tattha somanassindriyaṁ uppajjitthāti? Āmantā.

Yassa vā pana yattha somanassindriyaṁ uppajjittha tassa tattha purisindriyaṁ uppajjatīti?

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ tesaṁ tattha somanassindriyaṁ uppajjittha, no ca tesaṁ tattha purisindriyaṁ uppajjati. Purisānaṁ upapajjantānaṁ tesaṁ tattha somanassindriyañca uppajjittha purisindriyañca uppajjati.

Yassa yattha purisindriyaṁ uppajjati tassa tattha upekkhindriyaṁ uppajjitthāti? Āmantā.

Yassa vā pana yattha upekkhindriyaṁ uppajjittha tassa tattha purisindriyaṁ uppajjatīti?

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha upekkhindriyaṁ uppajjittha, no ca tesaṁ tattha purisindriyaṁ uppajjati. Purisānaṁ upapajjantānaṁ tesaṁ tattha upekkhindriyañca uppajjittha purisindriyañca uppajjati.

Yassa yattha purisindriyaṁ uppajjati tassa tattha saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana yattha manindriyaṁ uppajjittha tassa tattha purisindriyaṁ uppajjatīti?

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha manindriyaṁ uppajjittha, no ca tesaṁ tattha purisindriyaṁ uppajjati. Purisānaṁ upapajjantānaṁ tesaṁ tattha manindriyañca uppajjittha purisindriyañca uppajjati. (Purisindriyamūlakaṁ.)

Yassa yattha jīvitindriyaṁ uppajjati tassa tattha somanassindriyaṁ uppajjitthāti?

Suddhāvāsānaṁ upapatticittassa uppādakkhaṇe asaññasattaṁ upapajjantānaṁ tesaṁ tattha jīvitindriyaṁ uppajjati, no ca tesaṁ tattha somanassindriyaṁ uppajjittha. Itaresaṁ catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha jīvitindriyañca uppajjati somanassindriyañca uppajjittha.

Yassa vā pana yattha somanassindriyaṁ uppajjittha tassa tattha jīvitindriyaṁ uppajjatīti?

Catuvokārā pañcavokārā cavantānaṁ pavatte cittassa bhaṅgakkhaṇe tesaṁ tattha somanassindriyaṁ uppajjittha, no ca tesaṁ tattha jīvitindriyaṁ uppajjati. Catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha somanassindriyañca uppajjittha jīvitindriyañca uppajjati.

Yassa yattha jīvitindriyaṁ uppajjati tassa tattha upekkhindriyaṁ uppajjitthāti?

Suddhāvāsaṁ upapajjantānaṁ asaññasattaṁ upapajjantānaṁ tesaṁ tattha jīvitindriyaṁ uppajjati, no ca tesaṁ tattha upekkhindriyaṁ uppajjittha. Itaresaṁ catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha jīvitindriyañca uppajjati upekkhindriyañca uppajjittha.

Yassa vā pana yattha upekkhindriyaṁ uppajjittha tassa tattha jīvitindriyaṁ uppajjatīti?

Catuvokārā pañcavokārā cavantānaṁ pavatte cittassa bhaṅgakkhaṇe tesaṁ tattha upekkhindriyaṁ uppajjittha, no ca tesaṁ tattha jīvitindriyaṁ uppajjati. Catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha upekkhindriyañca uppajjittha jīvitindriyañca uppajjati.

Yassa yattha jīvitindriyaṁ uppajjati tassa tattha saddhindriyaṁ …pe… paññindriyaṁ …pe… manindriyaṁ uppajjitthāti?

Suddhāvāsaṁ upapajjantānaṁ asaññasattaṁ upapajjantānaṁ tesaṁ tattha jīvitindriyaṁ uppajjati, no ca tesaṁ tattha manindriyaṁ uppajjittha. Itaresaṁ catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha jīvitindriyañca uppajjati manindriyañca uppajjittha.

Yassa vā pana yattha manindriyaṁ uppajjittha tassa tattha jīvitindriyaṁ uppajjatīti?

Catuvokārā pañcavokārā cavantānaṁ pavatte cittassa bhaṅgakkhaṇe tesaṁ tattha manindriyaṁ uppajjittha, no ca tesaṁ tattha jīvitindriyaṁ uppajjati. Catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha manindriyañca uppajjittha jīvitindriyañca uppajjati. (Jīvitindriyamūlakaṁ.)

Yassa yattha somanassindriyaṁ uppajjati tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana yattha manindriyaṁ uppajjittha tassa tattha somanassindriyaṁ uppajjatīti?

Sabbesaṁ cittassa bhaṅgakkhaṇe somanassavippayuttacittassa uppādakkhaṇe tesaṁ tattha manindriyaṁ uppajjittha, no ca tesaṁ tattha somanassindriyaṁ uppajjati. Somanassena upapajjantānaṁ pavatte somanassasampayuttacittassa uppādakkhaṇe tesaṁ tattha manindriyañca uppajjittha somanassindriyañca uppajjati. (Somanassindriyamūlakaṁ.)

Yassa yattha upekkhindriyaṁ uppajjati tassa tattha saddhindriyaṁ uppajjitthāti?

Suddhāvāsaṁ upapajjantānaṁ tesaṁ tattha upekkhindriyaṁ uppajjati, no ca tesaṁ tattha saddhindriyaṁ uppajjittha. Itaresaṁ upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ tattha upekkhindriyañca uppajjati saddhindriyañca uppajjittha.

Yassa vā pana yattha saddhindriyaṁ uppajjittha tassa tattha upekkhindriyaṁ uppajjatīti?

Sabbesaṁ cittassa bhaṅgakkhaṇe upekkhāvippayuttacittassa uppādakkhaṇe tesaṁ tattha saddhindriyaṁ uppajjittha, no ca tesaṁ tattha upekkhindriyaṁ uppajjati. Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ tattha saddhindriyañca uppajjittha upekkhindriyañca uppajjati.

Yassa yattha upekkhindriyaṁ uppajjati tassa tattha paññindriyaṁ …pe… manindriyaṁ uppajjitthāti?

Suddhāvāsaṁ upapajjantānaṁ tesaṁ tattha upekkhindriyaṁ uppajjati, no ca tesaṁ tattha manindriyaṁ uppajjittha. Itaresaṁ upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ tattha upekkhindriyañca uppajjati manindriyañca uppajjittha.

Yassa vā pana yattha manindriyaṁ uppajjittha tassa tattha upekkhindriyaṁ uppajjatīti?

Sabbesaṁ cittassa bhaṅgakkhaṇe upekkhāvippayuttacittassa uppādakkhaṇe tesaṁ tattha manindriyaṁ uppajjittha, no ca tesaṁ tattha upekkhindriyaṁ uppajjati. Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ tattha manindriyañca uppajjittha upekkhindriyañca uppajjati. (Upekkhindriyamūlakaṁ.)

Yassa yattha saddhindriyaṁ uppajjati tassa tattha paññindriyaṁ uppajjitthāti?

Suddhāvāsaṁ upapajjantānaṁ tesaṁ tattha saddhindriyaṁ uppajjati, no ca tesaṁ tattha paññindriyaṁ uppajjittha. Itaresaṁ sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ tattha saddhindriyañca uppajjati paññindriyañca uppajjittha.

Yassa vā pana yattha paññindriyaṁ uppajjittha tassa tattha saddhindriyaṁ uppajjatīti?

Sabbesaṁ cittassa bhaṅgakkhaṇe saddhāvippayuttacittassa uppādakkhaṇe tesaṁ tattha paññindriyaṁ uppajjittha, no ca tesaṁ tattha saddhindriyaṁ uppajjati. Sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ tattha paññindriyañca uppajjittha saddhindriyañca uppajjati.

Yassa yattha saddhindriyaṁ uppajjati tassa tattha manindriyaṁ uppajjitthāti?

Suddhāvāsaṁ upapajjantānaṁ tesaṁ tattha saddhindriyaṁ uppajjati, no ca tesaṁ tattha manindriyaṁ uppajjittha. Itaresaṁ sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ tattha saddhindriyañca uppajjati manindriyañca uppajjittha.

Yassa vā pana yattha manindriyaṁ uppajjittha tassa tattha saddhindriyaṁ uppajjatīti?

Sabbesaṁ cittassa bhaṅgakkhaṇe saddhāvippayuttacittassa uppādakkhaṇe tesaṁ tattha manindriyaṁ uppajjittha, no ca tesaṁ tattha saddhindriyaṁ uppajjati. Sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ tattha manindriyañca uppajjittha saddhindriyañca uppajjati. (Saddhindriyamūlakaṁ.)

Yassa yattha paññindriyaṁ uppajjati tassa tattha manindriyaṁ uppajjitthāti?

Suddhāvāsaṁ upapajjantānaṁ tesaṁ tattha paññindriyaṁ uppajjati, no ca tesaṁ tattha manindriyaṁ uppajjittha. Itaresaṁ ñāṇasampayuttānaṁ upapajjantānaṁ pavatte ñāṇasampayuttacittassa uppādakkhaṇe tesaṁ tattha paññindriyañca uppajjati manindriyañca uppajjittha.

Yassa vā pana yattha manindriyaṁ uppajjittha tassa tattha paññindriyaṁ uppajjatīti?

Sabbesaṁ cittassa bhaṅgakkhaṇe ñāṇavippayuttacittassa uppādakkhaṇe tesaṁ tattha manindriyaṁ uppajjittha, no ca tesaṁ tattha paññindriyaṁ uppajjati. Ñāṇasampayuttānaṁ upapajjantānaṁ pavatte ñāṇasampayuttacittassa uppādakkhaṇe tesaṁ tattha manindriyañca uppajjittha paññindriyañca uppajjati. (Paññindriyamūlakaṁ.)

Yassa cakkhundriyaṁ na uppajjati tassa sotindriyaṁ na uppajjitthāti? Uppajjittha.

Yassa vā pana sotindriyaṁ na uppajjittha tassa cakkhundriyaṁ na uppajjatīti? Natthi.

Yassa cakkhundriyaṁ na uppajjati tassa ghānindriyaṁ na uppajjitthāti? Uppajjittha.

Yassa vā pana ghānindriyaṁ na uppajjittha tassa cakkhundriyaṁ na uppajjatīti? Natthi.

Yassa cakkhundriyaṁ na uppajjati tassa itthindriyaṁ …pe… purisindriyaṁ na uppajjitthāti? Uppajjittha.

Yassa vā pana purisindriyaṁ na uppajjittha tassa cakkhundriyaṁ na uppajjatīti? Natthi.

Yassa cakkhundriyaṁ na uppajjati tassa jīvitindriyaṁ na uppajjitthāti? Uppajjittha.

Yassa vā pana jīvitindriyaṁ na uppajjittha tassa cakkhundriyaṁ na uppajjatīti? Natthi.

Yassa cakkhundriyaṁ na uppajjati tassa somanassindriyaṁ …pe… upekkhindriyaṁ na uppajjitthāti? Uppajjittha.

Yassa vā pana upekkhindriyaṁ na uppajjittha tassa cakkhundriyaṁ na uppajjatīti? Natthi.

Yassa cakkhundriyaṁ na uppajjati tassa saddhindriyaṁ …pe… paññindriyaṁ …pe… manindriyaṁ na uppajjitthāti? Uppajjittha.

Yassa vā pana manindriyaṁ na uppajjittha tassa cakkhundriyaṁ na uppajjatīti? Natthi …pe….

Yassa paññindriyaṁ na uppajjati tassa manindriyaṁ na uppajjitthāti? Uppajjittha.

Yassa vā pana manindriyaṁ na uppajjittha tassa paññindriyaṁ na uppajjatīti? Natthi.

Yattha cakkhundriyaṁ na uppajjati tattha sotindriyaṁ na uppajjitthāti? …pe….

Yassa yattha cakkhundriyaṁ na uppajjati tassa tattha sotindriyaṁ na uppajjitthāti?

Pañcavokārā cavantānaṁ acakkhukānaṁ kāmāvacaraṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha sotindriyaṁ na uppajjittha. Suddhāvāse parinibbantānaṁ asaññasattānaṁ arūpānaṁ tesaṁ tattha cakkhundriyañca na uppajjati sotindriyañca na uppajjittha.

Yassa vā pana yattha sotindriyaṁ na uppajjittha tassa tattha cakkhundriyaṁ na uppajjatīti?

Suddhāvāsaṁ upapajjantānaṁ tesaṁ tattha sotindriyaṁ na uppajjittha, no ca tesaṁ tattha cakkhundriyaṁ na uppajjati. Suddhāvāse parinibbantānaṁ asaññasattānaṁ arūpānaṁ tesaṁ tattha sotindriyañca na uppajjittha cakkhundriyañca na uppajjati.

Yassa yattha cakkhundriyaṁ na uppajjati tassa tattha ghānindriyaṁ na uppajjitthāti?

Kāmāvacarā cavantānaṁ acakkhukānaṁ kāmāvacaraṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha ghānindriyaṁ na uppajjittha. Rūpāvacarā cavantānaṁ asaññasattānaṁ arūpānaṁ tesaṁ tattha cakkhundriyañca na uppajjati ghānindriyañca na uppajjittha.

Yassa vā pana yattha ghānindriyaṁ na uppajjittha tassa tattha cakkhundriyaṁ na uppajjatīti?

Rūpāvacaraṁ upapajjantānaṁ tesaṁ tattha ghānindriyaṁ na uppajjittha, no ca tesaṁ tattha cakkhundriyaṁ na uppajjati. Rūpāvacarā cavantānaṁ asaññasattānaṁ arūpānaṁ tesaṁ tattha ghānindriyañca na uppajjittha cakkhundriyañca na uppajjati.

Yassa yattha cakkhundriyaṁ na uppajjati tassa tattha itthindriyaṁ …pe… purisindriyaṁ na uppajjitthāti?

Kāmāvacarā cavantānaṁ acakkhukānaṁ kāmāvacaraṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha purisindriyaṁ na uppajjittha. Rūpāvacarā cavantānaṁ asaññasattānaṁ arūpānaṁ tesaṁ tattha cakkhundriyañca na uppajjati purisindriyañca na uppajjittha.

Yassa vā pana yattha purisindriyaṁ na uppajjittha tassa tattha cakkhundriyaṁ na uppajjatīti?

Rūpāvacaraṁ upapajjantānaṁ tesaṁ tattha purisindriyaṁ na uppajjittha, no ca tesaṁ tattha cakkhundriyaṁ na uppajjati. Rūpāvacarā cavantānaṁ asaññasattānaṁ arūpānaṁ tesaṁ tattha purisindriyañca na uppajjittha cakkhundriyañca na uppajjati.

Yassa yattha cakkhundriyaṁ na uppajjati tassa tattha jīvitindriyaṁ na uppajjitthāti?

Sabbesaṁ cavantānaṁ acakkhukānaṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha jīvitindriyaṁ na uppajjittha. Suddhāvāse parinibbantānaṁ tesaṁ tattha cakkhundriyañca na uppajjati jīvitindriyañca na uppajjittha.

Yassa vā pana yattha jīvitindriyaṁ na uppajjittha tassa tattha cakkhundriyaṁ na uppajjatīti?

Suddhāvāsaṁ upapajjantānaṁ tesaṁ tattha jīvitindriyaṁ na uppajjittha, no ca tesaṁ tattha cakkhundriyaṁ na uppajjati. Suddhāvāse parinibbantānaṁ tesaṁ tattha jīvitindriyañca na uppajjittha cakkhundriyañca na uppajjati.

Yassa yattha cakkhundriyaṁ na uppajjati tassa tattha somanassindriyaṁ na uppajjitthāti?

Pañcavokārā cavantānaṁ acakkhukānaṁ kāmāvacaraṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha somanassindriyaṁ na uppajjittha. Suddhāvāse parinibbantānaṁ asaññasattānaṁ arūpānaṁ tesaṁ tattha cakkhundriyañca na uppajjati sotindriyañca na uppajjittha.

Yassa vā pana yattha somanassindriyaṁ na uppajjittha tassa tattha cakkhundriyaṁ na uppajjatīti?

Suddhāvāsaṁ upapajjantānaṁ tesaṁ tattha somanassindriyaṁ na uppajjittha, no ca tesaṁ tattha cakkhundriyaṁ na uppajjati. Suddhāvāse parinibbantānaṁ asaññasattānaṁ arūpānaṁ tesaṁ tattha somanassindriyañca na uppajjittha cakkhundriyañca na uppajjati.

Yassa yattha cakkhundriyaṁ na uppajjati tassa tattha upekkhindriyaṁ na uppajjitthāti?

Pañcavokārā cavantānaṁ acakkhukānaṁ kāmāvacaraṁ upapajjantānaṁ arūpānaṁ tesaṁ tattha cakkhundriyaṁ na uppajjati, no ca tesaṁ tattha upekkhindriyaṁ na uppajjittha. Suddhāvāse parinibbantānaṁ asaññasattānaṁ tesaṁ tattha cakkhundriyañca na uppajjati upekkhindriyañca na uppajjittha.

Yassa vā pana yattha upekkhindriyaṁ na uppajjittha tassa tattha cakkhundriyaṁ na uppajjatīti?

Suddhāvāsaṁ upapajjantānaṁ tesaṁ tattha upekkhindriyaṁ na uppajjittha, no ca tesaṁ tattha cakkhundriyaṁ na uppajjati. Suddhāvāse parinibbantānaṁ asaññasattānaṁ tesaṁ tattha upekkhindriyañca na uppajjittha cakkhundriyañca na uppajjati.

Yassa yattha cakkhundriyaṁ na uppajjati tassa tattha saddhindriyaṁ …pe… paññindriyaṁ …pe… manindriyaṁ na uppajjitthāti?

Pañcavokārā cavantānaṁ acakkhukānaṁ kāmāvacaraṁ upapajjantānaṁ arūpānaṁ tesaṁ tattha cakkhundriyaṁ na uppajjati, no ca tesaṁ tattha manindriyaṁ na uppajjittha. Suddhāvāse parinibbantānaṁ asaññasattānaṁ tesaṁ tattha cakkhundriyañca na uppajjati manindriyañca na uppajjittha.

Yassa vā pana yattha manindriyaṁ na uppajjittha tassa tattha cakkhundriyaṁ na uppajjatīti?

Suddhāvāsaṁ upapajjantānaṁ tesaṁ tattha manindriyaṁ na uppajjittha, no ca tesaṁ tattha cakkhundriyaṁ na uppajjati. Suddhāvāse parinibbantānaṁ asaññasattānaṁ tesaṁ tattha manindriyañca na uppajjittha cakkhundriyañca na uppajjati. (Cakkhundriyamūlakaṁ.)

Yassa yattha ghānindriyaṁ na uppajjati tassa tattha itthindriyaṁ …pe… purisindriyaṁ na uppajjitthāti?

Kāmāvacarā cavantānaṁ aghānakānaṁ kāmāvacaraṁ upapajjantānaṁ tesaṁ tattha ghānindriyaṁ na uppajjati, no ca tesaṁ tattha purisindriyaṁ na uppajjittha. Rūpāvacarānaṁ arūpāvacarānaṁ tesaṁ tattha ghānindriyañca na uppajjati purisindriyañca na uppajjittha.

Yassa vā pana yattha purisindriyaṁ na uppajjittha tassa tattha ghānindriyaṁ na uppajjatīti? Āmantā.

Yassa yattha ghānindriyaṁ na uppajjati tassa tattha jīvitindriyaṁ na uppajjitthāti?

Sabbesaṁ cavantānaṁ aghānakānaṁ upapajjantānaṁ tesaṁ tattha ghānindriyaṁ na uppajjati, no ca tesaṁ tattha jīvitindriyaṁ na uppajjittha. Suddhāvāsānaṁ tesaṁ tattha ghānindriyañca na uppajjati jīvitindriyañca na uppajjittha.

Yassa vā pana yattha jīvitindriyaṁ na uppajjittha tassa tattha ghānindriyaṁ na uppajjatīti? Āmantā.

Yassa yattha ghānindriyaṁ na uppajjati tassa tattha somanassindriyaṁ na uppajjitthāti?

Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ tesaṁ tattha ghānindriyaṁ na uppajjati, no ca tesaṁ tattha somanassindriyaṁ na uppajjittha. Suddhāvāsānaṁ asaññasattānaṁ arūpānaṁ tesaṁ tattha ghānindriyañca na uppajjati somanassindriyañca na uppajjittha.

Yassa vā pana yattha somanassindriyaṁ na uppajjittha tassa tattha ghānindriyaṁ na uppajjatīti? Āmantā.

Yassa yattha ghānindriyaṁ na uppajjati tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjitthāti?

Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha ghānindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ asaññasattānaṁ tesaṁ tattha ghānindriyañca na uppajjati manindriyañca na uppajjittha.

Yassa vā pana yattha manindriyaṁ na uppajjittha tassa tattha ghānindriyaṁ na uppajjatīti? Āmantā. (Ghānindriyamūlakaṁ.)

Yassa yattha itthindriyaṁ na uppajjati tassa tattha purisindriyaṁ na uppajjitthāti?

Kāmāvacarā cavantānaṁ na itthīnaṁ kāmāvacaraṁ upapajjantānaṁ tesaṁ tattha itthindriyaṁ na uppajjati, no ca tesaṁ tattha purisindriyaṁ na uppajjittha. Rūpāvacarānaṁ arūpāvacarānaṁ tesaṁ tattha itthindriyañca na uppajjati purisindriyañca na uppajjittha.

Yassa vā pana yattha purisindriyaṁ na uppajjittha tassa tattha itthindriyaṁ na uppajjatīti? Āmantā.

Yassa yattha itthindriyaṁ na uppajjati tassa tattha jīvitindriyaṁ na uppajjitthāti?

Kāmāvacarā cavantānaṁ na itthīnaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha itthindriyaṁ na uppajjati, no ca tesaṁ tattha jīvitindriyaṁ na uppajjittha. Suddhāvāsānaṁ tesaṁ tattha itthindriyañca na uppajjati jīvitindriyañca na uppajjittha.

Yassa vā pana yattha jīvitindriyaṁ na uppajjittha tassa tattha itthindriyaṁ na uppajjatīti? Āmantā.

Yassa yattha itthindriyaṁ na uppajjati tassa tattha somanassindriyaṁ na uppajjitthāti?

Kāmāvacarā cavantānaṁ na itthīnaṁ kāmāvacaraṁ upapajjantānaṁ rūpāvacarānaṁ tesaṁ tattha itthindriyaṁ na uppajjati, no ca tesaṁ tattha somanassindriyaṁ na uppajjittha. Suddhāvāsānaṁ asaññasattānaṁ arūpānaṁ tesaṁ tattha itthindriyañca na uppajjati somanassindriyañca na uppajjittha.

Yassa vā pana yattha somanassindriyaṁ na uppajjittha tassa tattha itthindriyaṁ na uppajjatīti? Āmantā.

Yassa yattha itthindriyaṁ na uppajjati tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjitthāti?

Kāmāvacarā cavantānaṁ na itthīnaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha itthindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ asaññasattānaṁ tesaṁ tattha itthindriyañca na uppajjati manindriyañca na uppajjittha.

Yassa vā pana yattha manindriyaṁ na uppajjittha tassa tattha itthindriyaṁ na uppajjatīti? Āmantā. (Itthindriyamūlakaṁ.)

Yassa yattha purisindriyaṁ na uppajjati tassa tattha jīvitindriyaṁ na uppajjitthāti?

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha purisindriyaṁ na uppajjati, no ca tesaṁ tattha jīvitindriyaṁ na uppajjittha. Suddhāvāsānaṁ tesaṁ tattha purisindriyañca na uppajjati jīvitindriyañca na uppajjittha.

Yassa vā pana yattha jīvitindriyaṁ na uppajjittha tassa tattha purisindriyaṁ na uppajjatīti? Āmantā.

Yassa yattha purisindriyaṁ na uppajjati tassa tattha somanassindriyaṁ na uppajjitthāti?

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ tesaṁ tattha purisindriyaṁ na uppajjati, no ca tesaṁ tattha somanassindriyaṁ na uppajjittha. Suddhāvāsānaṁ asaññasattānaṁ arūpānaṁ tesaṁ tattha purisindriyañca na uppajjati somanassindriyañca na uppajjittha.

Yassa vā pana yattha somanassindriyaṁ na uppajjittha tassa tattha purisindriyaṁ na uppajjatīti? Āmantā.

Yassa yattha purisindriyaṁ na uppajjati tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjitthāti?

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha purisindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ asaññasattānaṁ tesaṁ tattha purisindriyañca na uppajjati manindriyañca na uppajjittha.

Yassa vā pana yattha manindriyaṁ na uppajjittha tassa tattha purisindriyaṁ na uppajjatīti? Āmantā. (Purisindriyamūlakaṁ.)

Yassa yattha jīvitindriyaṁ na uppajjati tassa tattha somanassindriyaṁ na uppajjitthāti?

Catuvokārā pañcavokārā cavantānaṁ pavatte cittassa bhaṅgakkhaṇe tesaṁ tattha jīvitindriyaṁ na uppajjati, no ca tesaṁ tattha somanassindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattā cavantānaṁ tesaṁ tattha jīvitindriyañca na uppajjati somanassindriyañca na uppajjittha.

Yassa vā pana yattha somanassindriyaṁ na uppajjittha tassa tattha jīvitindriyaṁ na uppajjatīti?

Suddhāvāsānaṁ upapatticittassa uppādakkhaṇe asaññasattaṁ upapajjantānaṁ tesaṁ tattha somanassindriyaṁ na uppajjati, no ca tesaṁ tattha jīvitindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattā cavantānaṁ tesaṁ tattha somanassindriyañca na uppajjittha jīvitindriyañca na uppajjati.

Yassa yattha jīvitindriyaṁ na uppajjati tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjitthāti?

Catuvokārā pañcavokārā cavantānaṁ pavatte cittassa bhaṅgakkhaṇe tesaṁ tattha jīvitindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattā cavantānaṁ tesaṁ tattha jīvitindriyañca na uppajjati manindriyañca na uppajjittha.

Yassa vā pana yattha manindriyaṁ na uppajjittha tassa tattha jīvitindriyaṁ na uppajjatīti?

Suddhāvāsaṁ upapajjantānaṁ asaññasattaṁ upapajjantānaṁ tesaṁ tattha manindriyaṁ na uppajjittha, no ca tesaṁ tattha jīvitindriyaṁ na uppajjati. Suddhāvāsānaṁ upapatticittassa bhaṅgakkhaṇe asaññasattā cavantānaṁ tesaṁ tattha manindriyañca na uppajjittha jīvitindriyañca na uppajjati. (Jīvitindriyamūlakaṁ.)

Yassa yattha somanassindriyaṁ na uppajjati tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjitthāti?

Sabbesaṁ cittassa bhaṅgakkhaṇe somanassavippayuttacittassa uppādakkhaṇe tesaṁ tattha somanassindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsaṁ upapajjantānaṁ asaññasattānaṁ tesaṁ tattha somanassindriyañca na uppajjati manindriyañca na uppajjittha.

Yassa vā pana yattha manindriyaṁ na uppajjittha tassa tattha somanassindriyaṁ na uppajjatīti? Āmantā. (Somanassindriyamūlakaṁ.)

Yassa yattha upekkhindriyaṁ na uppajjati tassa tattha saddhindriyaṁ na uppajjitthāti?

Sabbesaṁ cittassa bhaṅgakkhaṇe upekkhāvippayuttacittassa uppādakkhaṇe tesaṁ tattha upekkhindriyaṁ na uppajjati, no ca tesaṁ tattha saddhindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha upekkhindriyañca na uppajjati saddhindriyañca na uppajjittha.

Yassa vā pana yattha saddhindriyaṁ na uppajjittha tassa tattha upekkhindriyaṁ na uppajjatīti?

Suddhāvāsaṁ upapajjantānaṁ tesaṁ tattha saddhindriyaṁ na uppajjittha, no ca tesaṁ tattha upekkhindriyaṁ na uppajjati. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha saddhindriyañca na uppajjittha upekkhindriyañca na uppajjati.

Yassa yattha upekkhindriyaṁ na uppajjati tassa tattha paññindriyaṁ …pe… manindriyaṁ na uppajjitthāti?

Sabbesaṁ cittassa bhaṅgakkhaṇe upekkhāvippayuttacittassa uppādakkhaṇe tesaṁ tattha upekkhindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha upekkhindriyañca na uppajjati manindriyañca na uppajjittha.

Yassa vā pana yattha manindriyaṁ na uppajjittha tassa tattha upekkhindriyaṁ na uppajjatīti?

Suddhāvāsaṁ upapajjantānaṁ tesaṁ tattha manindriyaṁ na uppajjittha, no ca tesaṁ tattha upekkhindriyaṁ na uppajjati. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha manindriyañca na uppajjittha upekkhindriyañca na uppajjati. (Upekkhindriyamūlakaṁ.)

Yassa yattha saddhindriyaṁ na uppajjati tassa tattha paññindriyaṁ …pe… manindriyaṁ na uppajjitthāti?

Sabbesaṁ cittassa bhaṅgakkhaṇe saddhāvippayuttacittassa uppādakkhaṇe tesaṁ tattha saddhindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha saddhindriyañca na uppajjati manindriyañca na uppajjittha.

Yassa vā pana yattha manindriyaṁ na uppajjittha tassa tattha saddhindriyaṁ na uppajjatīti?

Suddhāvāsaṁ upapajjantānaṁ tesaṁ tattha manindriyaṁ na uppajjittha, no ca tesaṁ tattha saddhindriyaṁ na uppajjati. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha manindriyañca na uppajjittha saddhindriyañca na uppajjati. (Saddhindriyamūlakaṁ.)

Yassa yattha paññindriyaṁ na uppajjati tassa tattha manindriyaṁ na uppajjitthāti?

Sabbesaṁ cittassa bhaṅgakkhaṇe ñāṇavippayuttacittassa uppādakkhaṇe tesaṁ tattha paññindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha paññindriyañca na uppajjati manindriyañca na uppajjittha.

Yassa vā pana yattha manindriyaṁ na uppajjittha tassa tattha paññindriyaṁ na uppajjatīti?

Suddhāvāsaṁ upapajjantānaṁ tesaṁ tattha manindriyaṁ na uppajjittha, no ca tesaṁ tattha paññindriyaṁ na uppajjati. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha manindriyañca na uppajjittha paññindriyañca na uppajjati. (Paññindriyamūlakaṁ.)

Yassa cakkhundriyaṁ uppajjati tassa sotindriyaṁ uppajjissatīti?

Pacchimabhavikānaṁ pañcavokāraṁ upapajjantānaṁ ye ca arūpaṁ upapajjitvā parinibbāyissanti tesaṁ upapajjantānaṁ tesaṁ cakkhundriyaṁ uppajjati, no ca tesaṁ sotindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati sotindriyañca uppajjissati.

Yassa vā pana sotindriyaṁ uppajjissati tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ sotindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ sotindriyañca uppajjissati cakkhundriyañca uppajjati.

Yassa cakkhundriyaṁ uppajjati tassa ghānindriyaṁ uppajjissatīti?

Pacchimabhavikānaṁ pañcavokāraṁ upapajjantānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ upapajjantānaṁ tesaṁ cakkhundriyaṁ uppajjati, no ca tesaṁ ghānindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati ghānindriyañca uppajjissati.

Yassa vā pana ghānindriyaṁ uppajjissati tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ ghānindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ ghānindriyañca uppajjissati cakkhundriyañca uppajjati.

Yassa cakkhundriyaṁ uppajjati tassa itthindriyaṁ uppajjissatīti?

Pacchimabhavikānaṁ pañcavokāraṁ upapajjantānaṁ ye ca rūpāvacaraṁ arūpāvacaraṁ upapajjitvā parinibbāyissanti ye ca purisā eteneva bhāvena katici bhave dassetvā parinibbāyissanti tesaṁ upapajjantānaṁ tesaṁ cakkhundriyaṁ uppajjati, no ca tesaṁ itthindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati itthindriyañca uppajjissati.

Yassa vā pana itthindriyaṁ uppajjissati tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ itthindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ itthindriyañca uppajjissati cakkhundriyañca uppajjati.

Yassa cakkhundriyaṁ uppajjati tassa purisindriyaṁ uppajjissatīti? (Sadisaṁ)

Yassa cakkhundriyaṁ uppajjati tassa jīvitindriyaṁ uppajjissatīti?

Pacchimabhavikānaṁ pañcavokāraṁ upapajjantānaṁ tesaṁ cakkhundriyaṁ uppajjati, no ca tesaṁ jīvitindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati jīvitindriyañca uppajjissati.

Yassa vā pana jīvitindriyaṁ uppajjissati tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ jīvitindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ jīvitindriyañca uppajjissati cakkhundriyañca uppajjati.

Yassa cakkhundriyaṁ uppajjati tassa somanassindriyaṁ uppajjissatīti?

Pacchimabhavikānaṁ pañcavokāraṁ upapajjantānaṁ ye ca sacakkhukā upekkhāya upapajjitvā parinibbāyissanti tesaṁ upapajjantānaṁ tesaṁ cakkhundriyaṁ uppajjati, no ca tesaṁ somanassindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati somanassindriyañca uppajjissati.

Yassa vā pana somanassindriyaṁ uppajjissati tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ somanassindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ somanassindriyañca uppajjissati cakkhundriyañca uppajjati.

Yassa cakkhundriyaṁ uppajjati tassa upekkhindriyaṁ uppajjissatīti?

Pacchimabhavikānaṁ pañcavokāraṁ upapajjantānaṁ ye ca sacakkhukā somanassena upapajjitvā parinibbāyissanti tesaṁ upapajjantānaṁ tesaṁ cakkhundriyaṁ uppajjati, no ca tesaṁ upekkhindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati upekkhindriyañca uppajjissati.

Yassa vā pana upekkhindriyaṁ uppajjissati tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ upekkhindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ upekkhindriyañca uppajjissati cakkhundriyañca uppajjati.

Yassa cakkhundriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjissatīti?

Pacchimabhavikānaṁ pañcavokāraṁ upapajjantānaṁ tesaṁ cakkhundriyaṁ uppajjati, no ca tesaṁ manindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati manindriyañca uppajjissati.

Yassa vā pana manindriyaṁ uppajjissati tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ manindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ manindriyañca uppajjissati cakkhundriyañca uppajjati. (Cakkhundriyamūlakaṁ.)

Yassa ghānindriyaṁ uppajjati tassa itthindriyaṁ uppajjissatīti?

Pacchimabhavikānaṁ kāmāvacaraṁ upapajjantānaṁ ye ca rūpāvacaraṁ arūpāvacaraṁ upapajjitvā parinibbāyissanti ye ca purisā eteneva bhāvena katici bhave dassetvā parinibbāyissanti tesaṁ upapajjantānaṁ tesaṁ ghānindriyaṁ uppajjati, no ca tesaṁ itthindriyaṁ uppajjissati. Itaresaṁ saghānakānaṁ upapajjantānaṁ tesaṁ ghānindriyañca uppajjati itthindriyañca uppajjissati.

Yassa vā pana itthindriyaṁ uppajjissati tassa ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ itthindriyaṁ uppajjissati, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ itthindriyañca uppajjissati ghānindriyañca uppajjati.

Yassa ghānindriyaṁ uppajjati tassa purisindriyaṁ uppajjissatīti?

Pacchimabhavikānaṁ kāmāvacaraṁ upapajjantānaṁ ye ca rūpāvacaraṁ arūpāvacaraṁ upapajjitvā parinibbāyissanti yā ca itthiyo eteneva bhāvena katici bhave dassetvā parinibbāyissanti tesaṁ upapajjantānaṁ tesaṁ ghānindriyaṁ uppajjati, no ca tesaṁ purisindriyaṁ uppajjissati. Itaresaṁ saghānakānaṁ upapajjantānaṁ tesaṁ ghānindriyañca uppajjati purisindriyañca uppajjissati.

Yassa vā pana purisindriyaṁ uppajjissati tassa ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ purisindriyaṁ uppajjissati, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ purisindriyañca uppajjissati ghānindriyañca uppajjati.

Yassa ghānindriyaṁ uppajjati tassa jīvitindriyaṁ uppajjissatīti?

Pacchimabhavikānaṁ kāmāvacaraṁ upapajjantānaṁ tesaṁ ghānindriyaṁ uppajjati, no ca tesaṁ jīvitindriyaṁ uppajjissati. Itaresaṁ saghānakānaṁ upapajjantānaṁ tesaṁ ghānindriyañca uppajjati jīvitindriyañca uppajjissati.

Yassa vā pana jīvitindriyaṁ uppajjissati tassa ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ jīvitindriyaṁ uppajjissati, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ jīvitindriyañca uppajjissati ghānindriyañca uppajjati.

Yassa ghānindriyaṁ uppajjati tassa somanassindriyaṁ uppajjissatīti?

Pacchimabhavikānaṁ kāmāvacaraṁ upapajjantānaṁ ye ca saghānakā upekkhāya upapajjitvā parinibbāyissanti tesaṁ upapajjantānaṁ tesaṁ ghānindriyaṁ uppajjati, no ca tesaṁ somanassindriyaṁ uppajjissati. Itaresaṁ saghānakānaṁ upapajjantānaṁ tesaṁ ghānindriyañca uppajjati somanassindriyañca uppajjissati.

Yassa vā pana somanassindriyaṁ uppajjissati tassa ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ somanassindriyaṁ uppajjissati, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ somanassindriyañca uppajjissati ghānindriyañca uppajjati.

Yassa ghānindriyaṁ uppajjati tassa upekkhindriyaṁ uppajjissatīti?

Pacchimabhavikānaṁ kāmāvacaraṁ upapajjantānaṁ ye ca saghānakā somanassena upapajjitvā parinibbāyissanti tesaṁ upapajjantānaṁ tesaṁ ghānindriyaṁ uppajjati, no ca tesaṁ upekkhindriyaṁ uppajjissati. Itaresaṁ saghānakānaṁ upapajjantānaṁ tesaṁ ghānindriyañca uppajjati upekkhindriyañca uppajjissati.

Yassa vā pana upekkhindriyaṁ uppajjissati tassa ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ upekkhindriyaṁ uppajjissati, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ upekkhindriyañca uppajjissati ghānindriyañca uppajjati.

Yassa ghānindriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjissatīti?

Pacchimabhavikānaṁ kāmāvacaraṁ upapajjantānaṁ tesaṁ ghānindriyaṁ uppajjati, no ca tesaṁ manindriyaṁ uppajjissati. Itaresaṁ saghānakānaṁ upapajjantānaṁ tesaṁ ghānindriyañca uppajjati manindriyañca uppajjissati.

Yassa vā pana manindriyaṁ uppajjissati tassa ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ manindriyaṁ uppajjissati, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ manindriyañca uppajjissati ghānindriyañca uppajjati. (Ghānindriyamūlakaṁ.)

Yassa itthindriyaṁ uppajjati tassa purisindriyaṁ uppajjissatīti?

Pacchimabhavikānaṁ itthīnaṁ upapajjantīnaṁ yā ca itthiyo rūpāvacaraṁ arūpāvacaraṁ upapajjitvā parinibbāyissanti yā ca itthiyo eteneva bhāvena katici bhave dassetvā parinibbāyissanti tāsaṁ upapajjantīnaṁ tāsaṁ itthindriyaṁ uppajjati, no ca tāsaṁ purisindriyaṁ uppajjissati. Itarāsaṁ itthīnaṁ upapajjantīnaṁ tāsaṁ itthindriyañca uppajjati purisindriyañca uppajjissati.

Yassa vā pana purisindriyaṁ uppajjissati tassa itthindriyaṁ uppajjatīti?

Sabbesaṁ cavantānaṁ na itthīnaṁ upapajjantānaṁ tesaṁ purisindriyaṁ uppajjissati, no ca tesaṁ itthindriyaṁ uppajjati. Itthīnaṁ upapajjantīnaṁ tāsaṁ purisindriyañca uppajjissati itthindriyañca uppajjati.

Yassa itthindriyaṁ uppajjati tassa jīvitindriyaṁ uppajjissatīti?

Pacchimabhavikānaṁ itthīnaṁ upapajjantīnaṁ tāsaṁ itthindriyaṁ uppajjati, no ca tāsaṁ jīvitindriyaṁ uppajjissati. Itarāsaṁ itthīnaṁ upapajjantīnaṁ tāsaṁ itthindriyañca uppajjati jīvitindriyañca uppajjissati.

Yassa vā pana jīvitindriyaṁ uppajjissati tassa itthindriyaṁ uppajjatīti?

Sabbesaṁ cavantānaṁ na itthīnaṁ upapajjantānaṁ tesaṁ jīvitindriyaṁ uppajjissati, no ca tesaṁ itthindriyaṁ uppajjati. Itthīnaṁ upapajjantīnaṁ tāsaṁ jīvitindriyañca uppajjissati itthindriyañca uppajjati.

Yassa itthindriyaṁ uppajjati tassa somanassindriyaṁ uppajjissatīti?

Pacchimabhavikānaṁ itthīnaṁ upapajjantīnaṁ yā ca itthiyo upekkhāya upapajjitvā parinibbāyissanti tāsaṁ upapajjantīnaṁ tāsaṁ itthindriyaṁ uppajjati, no ca tāsaṁ somanassindriyaṁ uppajjissati. Itarāsaṁ itthīnaṁ upapajjantīnaṁ tāsaṁ itthindriyañca uppajjati somanassindriyañca uppajjissati.

Yassa vā pana somanassindriyaṁ uppajjissati tassa itthindriyaṁ uppajjatīti?

Sabbesaṁ cavantānaṁ na itthīnaṁ upapajjantānaṁ tesaṁ somanassindriyaṁ uppajjissati, no ca tesaṁ itthindriyaṁ uppajjati. Itthīnaṁ upapajjantīnaṁ tāsaṁ somanassindriyañca uppajjissati itthindriyañca uppajjati.

Yassa itthindriyaṁ uppajjati tassa upekkhindriyaṁ uppajjissatīti?

Pacchimabhavikānaṁ itthīnaṁ upapajjantīnaṁ yā ca itthiyo somanassena upapajjitvā parinibbāyissanti tāsaṁ upapajjantīnaṁ tāsaṁ itthindriyaṁ uppajjati, no ca tāsaṁ upekkhindriyaṁ uppajjissati. Itarāsaṁ itthīnaṁ upapajjantīnaṁ tāsaṁ itthindriyañca uppajjati upekkhindriyañca uppajjissati.

Yassa vā pana upekkhindriyaṁ uppajjissati tassa itthindriyaṁ uppajjatīti?

Sabbesaṁ cavantānaṁ na itthīnaṁ upapajjantānaṁ tesaṁ upekkhindriyaṁ uppajjissati, no ca tesaṁ itthindriyaṁ uppajjati. Itthīnaṁ upapajjantīnaṁ tāsaṁ upekkhindriyañca uppajjissati itthindriyañca uppajjati.

Yassa itthindriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjissatīti?

Pacchimabhavikānaṁ itthīnaṁ upapajjantīnaṁ tāsaṁ itthindriyaṁ uppajjati, no ca tāsaṁ manindriyaṁ uppajjissati. Itarāsaṁ itthīnaṁ upapajjantīnaṁ tāsaṁ itthindriyañca uppajjati manindriyañca uppajjissati.

Yassa vā pana manindriyaṁ uppajjissati tassa itthindriyaṁ uppajjatīti?

Sabbesaṁ cavantānaṁ na itthīnaṁ upapajjantānaṁ tesaṁ manindriyaṁ uppajjissati, no ca tesaṁ itthindriyaṁ uppajjati. Itthīnaṁ upapajjantīnaṁ tāsaṁ manindriyañca uppajjissati itthindriyañca uppajjati. (Itthindriyamūlakaṁ.)

Yassa purisindriyaṁ uppajjati tassa jīvitindriyaṁ uppajjissatīti?

Pacchimabhavikānaṁ purisānaṁ upapajjantānaṁ tesaṁ purisindriyaṁ uppajjati, no ca tesaṁ jīvitindriyaṁ uppajjissati. Itaresaṁ purisānaṁ upapajjantānaṁ tesaṁ purisindriyañca uppajjati jīvitindriyañca uppajjissati.

Yassa vā pana jīvitindriyaṁ uppajjissati tassa purisindriyaṁ uppajjatīti?

Sabbesaṁ cavantānaṁ na purisānaṁ upapajjantānaṁ tesaṁ jīvitindriyaṁ uppajjissati, no ca tesaṁ purisindriyaṁ uppajjati. Purisānaṁ upapajjantānaṁ tesaṁ jīvitindriyañca uppajjissati purisindriyañca uppajjati.

Yassa purisindriyaṁ uppajjati tassa somanassindriyaṁ uppajjissatīti?

Pacchimabhavikānaṁ purisānaṁ upapajjantānaṁ ye ca purisā upekkhāya upapajjitvā parinibbāyissanti tesaṁ upapajjantānaṁ tesaṁ purisindriyaṁ uppajjati, no ca tesaṁ somanassindriyaṁ uppajjissati. Itaresaṁ purisānaṁ upapajjantānaṁ tesaṁ purisindriyañca uppajjati somanassindriyañca uppajjissati.

Yassa vā pana somanassindriyaṁ uppajjissati, tassa purisindriyaṁ uppajjatīti?

Sabbesaṁ cavantānaṁ na purisānaṁ upapajjantānaṁ tesaṁ somanassindriyaṁ uppajjissati, no ca tesaṁ purisindriyaṁ uppajjati. Purisānaṁ upapajjantānaṁ tesaṁ somanassindriyañca uppajjissati purisindriyañca uppajjati.

Yassa purisindriyaṁ uppajjati tassa upekkhindriyaṁ uppajjissatīti?

Pacchimabhavikānaṁ purisānaṁ upapajjantānaṁ ye ca purisā somanassena upapajjitvā parinibbāyissanti tesaṁ upapajjantānaṁ tesaṁ purisindriyaṁ uppajjati, no ca tesaṁ upekkhindriyaṁ uppajjissati. Itaresaṁ purisānaṁ upapajjantānaṁ tesaṁ purisindriyañca uppajjati upekkhindriyañca uppajjissati.

Yassa vā pana upekkhindriyaṁ uppajjissati tassa purisindriyaṁ uppajjatīti?

Sabbesaṁ cavantānaṁ na purisānaṁ upapajjantānaṁ tesaṁ upekkhindriyaṁ uppajjissati, no ca tesaṁ purisindriyaṁ uppajjati. Purisānaṁ upapajjantānaṁ tesaṁ upekkhindriyañca uppajjissati purisindriyañca uppajjati.

Yassa purisindriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjissatīti?

Pacchimabhavikānaṁ purisānaṁ upapajjantānaṁ tesaṁ purisindriyaṁ uppajjati, no ca tesaṁ manindriyaṁ uppajjissati. Itaresaṁ purisānaṁ upapajjantānaṁ tesaṁ purisindriyañca uppajjati manindriyañca uppajjissati.

Yassa vā pana manindriyaṁ uppajjissati tassa purisindriyaṁ uppajjatīti?

Sabbesaṁ cavantānaṁ na purisānaṁ upapajjantānaṁ tesaṁ manindriyaṁ uppajjissati, no ca tesaṁ purisindriyaṁ uppajjati. Purisānaṁ upapajjantānaṁ tesaṁ manindriyañca uppajjissati purisindriyañca uppajjati. (Purisindriyamūlakaṁ.)

Yassa jīvitindriyaṁ uppajjati tassa somanassindriyaṁ uppajjissatīti?

Pacchimacittassa uppādakkhaṇe yassa cittassa anantarā upekkhāsampayuttapacchimacittaṁ uppajjissati tassa cittassa uppādakkhaṇe tesaṁ jīvitindriyaṁ uppajjati, no ca tesaṁ somanassindriyaṁ uppajjissati. Itaresaṁ upapajjantānaṁ pavatte cittassa uppādakkhaṇe tesaṁ jīvitindriyañca uppajjati somanassindriyañca uppajjissati.

Yassa vā pana somanassindriyaṁ uppajjissati tassa jīvitindriyaṁ uppajjatīti?

Sabbesaṁ cavantānaṁ pavatte cittassa bhaṅgakkhaṇe tesaṁ somanassindriyaṁ uppajjissati, no ca tesaṁ jīvitindriyaṁ uppajjati. Sabbesaṁ upapajjantānaṁ pavatte cittassa uppādakkhaṇe tesaṁ somanassindriyañca uppajjissati jīvitindriyañca uppajjati.

Yassa jīvitindriyaṁ uppajjati tassa upekkhindriyaṁ uppajjissatīti?

Pacchimacittassa uppādakkhaṇe yassa cittassa anantarā somanassasampayuttapacchimacittaṁ uppajjissati tassa cittassa uppādakkhaṇe tesaṁ jīvitindriyaṁ uppajjati, no ca tesaṁ upekkhindriyaṁ uppajjissati. Itaresaṁ upapajjantānaṁ pavatte cittassa uppādakkhaṇe tesaṁ jīvitindriyañca uppajjati upekkhindriyañca uppajjissati.

Yassa vā pana upekkhindriyaṁ uppajjissati tassa jīvitindriyaṁ uppajjatīti?

Sabbesaṁ cavantānaṁ pavatte cittassa bhaṅgakkhaṇe tesaṁ upekkhindriyaṁ uppajjissati, no ca tesaṁ jīvitindriyaṁ uppajjati. Sabbesaṁ upapajjantānaṁ pavatte cittassa uppādakkhaṇe tesaṁ upekkhindriyañca uppajjissati jīvitindriyañca uppajjati.

Yassa jīvitindriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjissatīti?

Pacchimacittassa uppādakkhaṇe tesaṁ jīvitindriyaṁ uppajjati, no ca tesaṁ manindriyaṁ uppajjissati. Itaresaṁ upapajjantānaṁ pavatte cittassa uppādakkhaṇe tesaṁ jīvitindriyañca uppajjati manindriyañca uppajjissati.

Yassa vā pana manindriyaṁ uppajjissati tassa jīvitindriyaṁ uppajjatīti?

Sabbesaṁ cavantānaṁ pavatte cittassa bhaṅgakkhaṇe tesaṁ manindriyaṁ uppajjissati, no ca tesaṁ jīvitindriyaṁ uppajjati. Sabbesaṁ upapajjantānaṁ pavatte cittassa uppādakkhaṇe tesaṁ manindriyañca uppajjissati jīvitindriyañca uppajjati. (Jīvitindriyamūlakaṁ.)

Yassa somanassindriyaṁ uppajjati tassa upekkhindriyaṁ uppajjissatīti?

Somanassasampayuttapacchimacittassa uppādakkhaṇe yassa cittassa anantarā somanassasampayuttapacchimacittaṁ uppajjissati tassa cittassa uppādakkhaṇe tesaṁ somanassindriyaṁ uppajjati, no ca tesaṁ upekkhindriyaṁ uppajjissati. Itaresaṁ somanassena upapajjantānaṁ pavatte somanassasampayuttacittassa uppādakkhaṇe tesaṁ somanassindriyañca uppajjati upekkhindriyañca uppajjissati.

Yassa vā pana upekkhindriyaṁ uppajjissati tassa somanassindriyaṁ uppajjatīti?

Sabbesaṁ cittassa bhaṅgakkhaṇe somanassavippayuttacittassa uppādakkhaṇe nirodhasamāpannānaṁ asaññasattānaṁ tesaṁ upekkhindriyaṁ uppajjissati, no ca tesaṁ somanassindriyaṁ uppajjati. Somanassena upapajjantānaṁ pavatte somanassasampayuttacittassa uppādakkhaṇe tesaṁ upekkhindriyañca uppajjissati somanassindriyañca uppajjati.

Yassa somanassindriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjissatīti?

Somanassasampayuttapacchimacittassa uppādakkhaṇe tesaṁ somanassindriyaṁ uppajjati, no ca tesaṁ manindriyaṁ uppajjissati. Itaresaṁ somanassena upapajjantānaṁ pavatte somanassasampayuttacittassa uppādakkhaṇe tesaṁ somanassindriyañca uppajjati manindriyañca uppajjissati.

Yassa vā pana manindriyaṁ uppajjissati tassa somanassindriyaṁ uppajjatīti?

Sabbesaṁ cittassa bhaṅgakkhaṇe somanassavippayuttacittassa uppādakkhaṇe nirodhasamāpannānaṁ asaññasattānaṁ tesaṁ manindriyaṁ uppajjissati, no ca tesaṁ somanassindriyaṁ uppajjati. Somanassena upapajjantānaṁ pavatte somanassasampayuttacittassa uppādakkhaṇe tesaṁ manindriyañca uppajjissati somanassindriyañca uppajjati. (Somanassindriyamūlakaṁ.)

Yassa upekkhindriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjissatīti?

Upekkhāsampayuttapacchimacittassa uppādakkhaṇe tesaṁ upekkhindriyaṁ uppajjati, no ca tesaṁ manindriyaṁ uppajjissati. Itaresaṁ upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ upekkhindriyañca uppajjati manindriyañca uppajjissati.

Yassa vā pana manindriyaṁ uppajjissati tassa upekkhindriyaṁ uppajjatīti?

Sabbesaṁ cittassa bhaṅgakkhaṇe upekkhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ manindriyaṁ uppajjissati, no ca tesaṁ upekkhindriyaṁ uppajjati. Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ manindriyañca uppajjissati upekkhindriyañca uppajjati. (Upekkhindriyamūlakaṁ.)

Yassa saddhindriyaṁ uppajjati tassa paññindriyaṁ …pe… manindriyaṁ uppajjissatīti?

Pacchimacittassa uppādakkhaṇe tesaṁ saddhindriyaṁ uppajjati, no ca tesaṁ manindriyaṁ uppajjissati. Itaresaṁ sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ saddhindriyañca uppajjati manindriyañca uppajjissati.

Yassa vā pana manindriyaṁ uppajjissati tassa saddhindriyaṁ uppajjatīti?

Sabbesaṁ cittassa bhaṅgakkhaṇe saddhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ manindriyaṁ uppajjissati, no ca tesaṁ saddhindriyaṁ uppajjati. Sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ manindriyañca uppajjissati saddhindriyañca uppajjati. (Saddhindriyamūlakaṁ.)

Yassa paññindriyaṁ uppajjati tassa manindriyaṁ uppajjissatīti?

Pacchimacittassa uppādakkhaṇe tesaṁ paññindriyaṁ uppajjati, no ca tesaṁ manindriyaṁ uppajjissati. Itaresaṁ ñāṇasampayuttānaṁ upapajjantānaṁ pavatte ñāṇasampayuttacittassa uppādakkhaṇe tesaṁ paññindriyañca uppajjati manindriyañca uppajjissati.

Yassa vā pana manindriyaṁ uppajjissati tassa paññindriyaṁ uppajjatīti?

Sabbesaṁ cittassa bhaṅgakkhaṇe ñāṇavippayuttacittassa uppādakkhaṇe nirodhasamāpannānaṁ asaññasattānaṁ tesaṁ manindriyaṁ uppajjissati, no ca tesaṁ paññindriyaṁ uppajjati. Ñāṇasampayuttānaṁ upapajjantānaṁ pavatte ñāṇasampayuttacittassa uppādakkhaṇe tesaṁ manindriyañca uppajjissati paññindriyañca uppajjati. (Paññindriyamūlakaṁ.)

Yattha cakkhundriyaṁ uppajjati tattha sotindriyaṁ uppajjissatīti? …pe….