Ya 7.2.6
Uppajjanavāra
Chưa có bản dịch tiếng Việt cho bài này.
Yassa kāmarāgānusayo uppajjati tassa paṭighānusayo uppajjatīti? Āmantā.
Yassa vā pana paṭighānusayo uppajjati tassa kāmarāgānusayo uppajjatīti? Āmantā.
Yassa kāmarāgānusayo uppajjati tassa mānānusayo uppajjatīti? Āmantā.
Yassa vā pana mānānusayo uppajjati tassa kāmarāgānusayo uppajjatīti?
Anāgāmissa mānānusayo uppajjati, no ca tassa kāmarāgānusayo uppajjati. Tiṇṇaṁ puggalānaṁ mānānusayo ca uppajjati kāmarāgānusayo ca uppajjati (vitthāretabbaṁ.)
Yassa kāmarāgānusayo nuppajjati tassa paṭighānusayo nuppajjatīti? Āmantā.
Yassa vā pana paṭighānusayo nuppajjati tassa kāmarāgānusayo nuppajjatīti? Āmantā.
Yassa kāmarāgānusayo nuppajjati tassa mānānusayo nuppajjatīti?
Anāgāmissa kāmarāgānusayo nuppajjati, no ca tassa mānānusayo nuppajjati. Arahato kāmarāgānusayo ca nuppajjati mānānusayo ca nuppajjati.
Yassa vā pana mānānusayo nuppajjati tassa kāmarāgānusayo nuppajjatīti? Āmantā. (Vitthāretabbaṁ.)
Uppajjanavāro.