AN 1.71–81
Kalyāṇamittādivagga
Chưa có bản dịch tiếng Việt cho bài này. Bản dịch tiếng Anh của Tỳ-khưu Sujato được đặt cạnh để đối chiếu.
71
71
“Nāhaṁ, bhikkhave, aññaṁ ekadhammampi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaṁ, bhikkhave, kalyāṇamittatā. Kalyāṇamittassa, bhikkhave, anuppannā ceva kusalā dhammā uppajjanti uppannā ca akusalā dhammā parihāyantī”ti. Paṭhamaṁ.
“Mendicants, I do not see a single thing that gives rise to skillful qualities, or makes unskillful qualities decline like good friends. When you have good friends, skillful qualities arise and unskillful qualities decline.”
72
72
“Nāhaṁ, bhikkhave, aññaṁ ekadhammampi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaṁ, bhikkhave, anuyogo akusalānaṁ dhammānaṁ, ananuyogo kusalānaṁ dhammānaṁ. Anuyogā, bhikkhave, akusalānaṁ dhammānaṁ, ananuyogā kusalānaṁ dhammānaṁ anuppannā ceva akusalā dhammā uppajjanti uppannā ca kusalā dhammā parihāyantī”ti. Dutiyaṁ.
“Mendicants, I do not see a single thing that gives rise to unskillful qualities, or makes skillful qualities decline like pursuing bad habits and not good habits. When you pursue bad habits and not good habits, unskillful qualities arise and skillful qualities decline.”
73
73
“Nāhaṁ, bhikkhave, aññaṁ ekadhammampi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaṁ, bhikkhave, anuyogo kusalānaṁ dhammānaṁ, ananuyogo akusalānaṁ dhammānaṁ. Anuyogā, bhikkhave, kusalānaṁ dhammānaṁ, ananuyogā akusalānaṁ dhammānaṁ anuppannā ceva kusalā dhammā uppajjanti uppannā ca akusalā dhammā parihāyantī”ti. Tatiyaṁ.
“Mendicants, I do not see a single thing that gives rise to skillful qualities, or makes unskillful qualities decline like pursuing good habits and not bad habits. When you pursue good habits and not bad habits, skillful qualities arise and unskillful qualities decline.”
74
74
“Nāhaṁ, bhikkhave, aññaṁ ekadhammampi samanupassāmi yena anuppannā vā bojjhaṅgā nuppajjanti uppannā vā bojjhaṅgā na bhāvanāpāripūriṁ gacchanti yathayidaṁ, bhikkhave, ayonisomanasikāro. Ayoniso, bhikkhave, manasi karoto anuppannā ceva bojjhaṅgā nuppajjanti uppannā ca bojjhaṅgā na bhāvanāpāripūriṁ gacchantī”ti. Catutthaṁ.
“Mendicants, I do not see a single thing that prevents the awakening factors from arising, or, if they’ve already arisen, prevents them from being fully developed like irrational application of mind. When you apply the mind irrationally, the awakening factors don’t arise, or, if they’ve already arisen, they’re not fully developed.”
75
75
“Nāhaṁ, bhikkhave, aññaṁ ekadhammampi samanupassāmi yena anuppannā vā bojjhaṅgā uppajjanti uppannā vā bojjhaṅgā bhāvanāpāripūriṁ gacchanti yathayidaṁ, bhikkhave, yonisomanasikāro. Yoniso, bhikkhave, manasi karoto anuppannā ceva bojjhaṅgā uppajjanti uppannā ca bojjhaṅgā bhāvanāpāripūriṁ gacchantī”ti. Pañcamaṁ.
“Mendicants, I do not see a single thing that gives rise to the awakening factors, or, if they’ve already arisen, fully develops them like rational application of mind. When you apply the mind rationally, the awakening factors arise, or, if they’ve already arisen, they’re fully developed.”
76
76
“Appamattikā esā, bhikkhave, parihāni yadidaṁ ñātiparihāni. Etaṁ patikiṭṭhaṁ, bhikkhave, parihānīnaṁ yadidaṁ paññāparihānī”ti. Chaṭṭhaṁ.
“Loss of relatives, mendicants, is a small thing. Wisdom is the worst thing to lose.”
77
77
“Appamattikā esā, bhikkhave, vuddhi yadidaṁ ñātivuddhi. Etadaggaṁ, bhikkhave, vuddhīnaṁ yadidaṁ paññāvuddhi. Tasmātiha, bhikkhave, evaṁ sikkhitabbaṁ: ‘paññāvuddhiyā vaddhissāmā’ti. Evañhi vo, bhikkhave, sikkhitabban”ti. Sattamaṁ.
“Growth of relatives, mendicants, is a small thing. Wisdom is the best thing to grow. So you should train like this: ‘We will grow in wisdom.’ That’s how you should train.”
78
78
“Appamattikā esā, bhikkhave, parihāni yadidaṁ bhogaparihāni. Etaṁ patikiṭṭhaṁ, bhikkhave, parihānīnaṁ yadidaṁ paññāparihānī”ti. Aṭṭhamaṁ.
“Loss of wealth, mendicants, is a small thing. Wisdom is the worst thing to lose.”
79
79
“Appamattikā esā, bhikkhave, vuddhi yadidaṁ bhogavuddhi. Etadaggaṁ, bhikkhave, vuddhīnaṁ yadidaṁ paññāvuddhi. Tasmātiha, bhikkhave, evaṁ sikkhitabbaṁ: ‘paññāvuddhiyā vaddhissāmā’ti. Evañhi vo, bhikkhave, sikkhitabban”ti. Navamaṁ.
“Growth of wealth, mendicants, is a small thing. Wisdom is the best thing to grow. So you should train like this: ‘We will grow in wisdom.’ That’s how you should train.”
80
80
“Appamattikā esā, bhikkhave, parihāni yadidaṁ yasoparihāni. Etaṁ patikiṭṭhaṁ, bhikkhave, parihānīnaṁ yadidaṁ paññāparihānī”ti. Dasamaṁ.
“Loss of fame, mendicants, is a small thing. Wisdom is the worst thing to lose.”
81
81
“Appamattikā esā, bhikkhave, vuddhi yadidaṁ yasovuddhi. Etadaggaṁ, bhikkhave, vuddhīnaṁ yadidaṁ paññāvuddhi. Tasmātiha, bhikkhave, evaṁ sikkhitabbaṁ: ‘paññāvuddhiyā vaddhissāmā’ti. Evañhi vo, bhikkhave, sikkhitabban”ti. Ekādasamaṁ. Kalyāṇamittādivaggo aṭṭhamo.
“Growth of fame, mendicants, is a small thing. Wisdom is the best thing to grow. So you should train like this: ‘We will grow in wisdom.’ That’s how you should train.”